番禺會所華仁小學

麟媽媽

我仔話兩個班長，
一個10個A，一個9個A喎！
唔知幾時開始D細路識得比較了。
以前佢小一咩都唔知的，
而家返黎說邊個邊個唔乖，
邊個操行咭有"D"吖咁。
有時小朋友自己同人比較都好的，
自己有點進取心嘛。
但我唔同人地比的，
如果唔係佢有壓力唔好囉。
早兩日先有個10歲既就咁跳左落黎，
真係....       

easiness

wanleung,

係今年小一迎新日, 校長話往年都有7成上番華仁中學, 但是打後華仁中學會預留多些位收出面既學生, 可能到我地既小朋友個年就衹會收番5成到!

麟媽媽

ms99,

手冊後面藍色既係優點咭，
操行咭個個月派的，
黃色分左10個項目。
好似唔知幾多個A便有優點。
我都唔知，因亞仔無攞過喇，哈哈！
無評語的，我諗無最低要求啩？！
如果唔係舊年亞仔唔達標喇！
如果好差老師會打比家長要求見個面的，
好在亞仔都未試過，
但亞仔過已有幾個同學要見家長了。

唔使咁緊張，小一返左咁少時間，
學校都會比allowance喇！
佢地仲細要慢慢適應小學生活架嘛！
放心喇！

ms99

easiness:

絕對同意! 平時只花時間在默書上。

加上近排晚晚加班，尋晚成11點先返婆婆到接仔返屋企，但正確描述係"搬"佢返屋企，因為仔仔已於熟睡狀態，我要踩住對高跟鞋，左一個公事包，右一個仔仔玩具袋，再熊抱佢上身，坐的士搬佢番去。  其實自己去完晚宴再開會已經力竭筋疲，平時casual wear，尋晚就要武裝界備，隻腳已經痛到死。 辛苦唔緊要，但最傷心係我爸爸話我無陰公，話睇住仔仔病梗又要中眼瞓等我返，仲話第時...... (刪減一大篇肺腑之言) 我又何妨想夜返呢?  我都想朝九晚五，高薪厚職架。 我爸爸尋晚邊鬧邊cut我線，今朝見面仲鬧埋老公，我都無言以對，費事大家傷和氣，事關我爸爸平時唔多出聲，點知為咗個孫...     

麟媽媽

ms99,

老人家都係鍚D孫既。
有時佢地唔明白，
好似我daddy一直都自己揹起成頭家，
我媽咪都未做過野既。
但我地呢代點同呢？
好多人都係公一份婆一份，
都想生活質素好一點啫。
仲有成日哦我只生一個….
我媽咪好鬼虔誠架，
孩子是天主既恩賜，
所以我媽咪生左6個架！
我daddy成日話我地自私，
令亞仔寂寞，話我地唔承擔….
我都係唔出聲的….  :cry:   :cry:

ms99

麟媽媽：

多謝你的分享。我的心情稍為平靜了些。  :

對於教養一個小朋友的辛勞，呢度所有媽咪都各有故事，各有煩惱。 我都有唸過小朋友長大了，如果有兄弟姊姊相伴，凡事有商有量的，確實是件好事。但現實暫不容許呢! 唯有安於現在，精英培訓，教導小朋友有正確價值觀為最重要。

你家的姊妹們有小孩嗎? 係咪全部都受到父母壓力呢?  

麟媽媽

ms99,

我家姐嫁了個英國人，
一早講到明唔生的，
最後都生了個可愛混血小男孩。
我爸最疼我呢個大家姐，
佢肯生一個我老爹都拍晒手喇，
仲點會哦我家姐喎。
有另一個妹留學之後嫁左係加拿大，
嗰個妹勁吖！生左3個仔！
仲要5年抱3喎！最大5歲，最細1歲咋！
其實應該4年抱3先真！
我Daddy都有哦架！
反而是話佢生得密，其實怕佢辛苦囉…
父母都係愛子女的，
我老爸肉赤我妹一個睇三個，
你知喇，加拿大唔興工人架嘛。
我daddy同mammy而家係加拿大，
年尾先返香港，我仔勁痂婆婆的，
日日傾電話，早前成日喊tim呀，
而家好D囉。

easiness

ms99,

唔好唔開心啦! 可能你爸爸見到個孫唔舒服, 唔想佢咁辛苦呢!


麟媽媽：

請問大概幾時會更換冬季校服, 因為我要假期才有時間去約瑟帶阿仔去買校服!

麟媽媽

easiness,

換季….？！好似無咁快bor。
學校應該會出通告，講邊日開始可以換，
之後幾時全部人要換晒。
基本上約瑟隨時都有現貨，
而track suit同fleece Jacket係送去學校的。

kookooloo

麟媽媽 寫道:
琴日派左上個月既操行咭了，
各位家長滿意嗎？
我就非常開心了！！
亞仔一向專注差，舊年成日欠野，
上堂傾計「專注上課」成日”C”，
成個學期「專注上課」得3次”B”咋！
但琴日派番來「專注上課」攞個”B”，
成張咭6A、4B，真的有進步呢！
雖然我知好多同學都有10個8個”A”的，
但對亞仔來說真的大有進步呢！

*****************************************
麟媽媽好嘛?

昨天溫英默溫死我啦。。。幾乎七恐流血而死。。。

呀仔同樣係昨天派左操行咭﹐結果出人意表﹐居然有9個A﹐其中一個B係我累佢的﹐因為我忘記了簽默書。。。

我同佢都勁開心﹗﹗

今日,我一定要的起心乾叫亞仔溫測驗﹐希望仲可以趕得切啦。。。 一個不盡責任媽媽的願望。。。

:  :  :  :  :  :  :  :  :  :

麟媽媽

koolooloo,

你亞仔好叻喎！真要好好獎勵吓！
我都唔係好明佢地點計既呢？
好似依時交功課嗰項亞仔攞"B"，
但實情亞仔好大進步，
開學咁耐無欠過功課(舊年欠到暈！！)，
唔知點解得個"B".....
另外什麼交通告，呢呢路路我仔都無欠，
都又係"B"喎？！
之但係亞仔比人寫過好多次手冊，
上堂傾計、排隊傾計、仲有上課發出怪聲音呢！
但呢樣守規則又有"B"喎？！
我以為佢會"C"tim！哈哈！

ms99

嘩! 麟媽媽：

我好羨慕你個妹呀! 可以無拘無朿生三個，仲要Do,Re,Mi咁上，你話呢，生活環境唔同，連肚皮都可以開放啲。 Good!

啊! 原來連家長烏龍無簽名都要入落亞仔數架，咁koolooloo你又知因為你小小錯誤就影響個grade?
我覺得好緊張呀!  日日都要好檢點喎。

ms99

easiness:

多謝你關心呀!

係自己唔開心時，有你哋嘅支持，無事啦!  

我好幸福呀! 每日都能夠同你哋分享，連雞毛蕀皮嘅事都能互相問候。  接住嘞! 一人一個 kiss  

東京mewmew

麟媽媽 寫道:

東京mewmew,
你意思是你個仔有個姊姊，
所以是細仔沒了大仔分，是嗎？
我記得姐姐好似讀聖心...？
如果係咁15分係首輛真的沒機會，
因為20分都要抽籤的。
你是否住12網？
如果係第二輪都仲有機會的。

係呀!麟媽媽, 你真係聰明呀, 我個女係讀聖心, 所以亞仔無左大仔分囉   
唉! 我都知15分好"文水"架啦, 我住中西區架, 係唔係即係12網 因為我呢D師奶真係幾幪架, 我想知道, 大抽獎機會(即係中西區跨區去灣仔)大唔大呢?

唔好意思, 咁多問題   

麟媽媽

係吖！我妹三個我mammy話嘈到呢….！！
但大家庭有大家庭的樂趣。
我家六姊妹，感情好好，由小到大都好開心。
有時我都覺得亞仔會好悶的，
但生養一個孩子責任咁大，
呢個年代總不能天生天養！
加上香港呢個咁既教育制度，
孩子同父母都身心疲累。
如果幾個細路一齊考試…..
我屎得喇 ))))))))))
點解我媽咪當年咁好野架呢？！


東京mewmew,
中西區跨網得三幾個位架咋！
真係超級"文水"架！
中西區你有無心水學校呢？

東京mewmew

麟媽媽 寫道:

東京mewmew,
中西區跨網得三幾個位架咋！
真係超級"文水"架！
中西區你有無心水學校呢？

唉!無呀, 一係聖彼得, 一係基恩, 一係般咸道官小, 但係真係好想揀華仁, 麟媽媽, 你有無其他好介紹?

ms99

麟媽媽：

你媽媽肯生，好嘢!
但爸爸仲好嘢! 因為有本事揹起頭家，供書教學喎。叻仔!

東京mewmew：

我雖然唔係好熟中西區，但我有朋友係呢個區揀 "般小"，以佢咁識揀，應該不錯喎。  再唔係就寫信啦! 要表現誠意，當然一封唔夠啦。

ms99

麟媽媽:  

Pls. check PM!

睡公主

一到年尾就忙到差點連氣都呌唔倒，所以都唔可以好似以前咁成日走上嚟，好在間中都可以望梅止渴，睇吓你哋傾緊乜。

我好羡慕人哋生多件（因為我基本上好想生個女架，但奈何心力唔容許）。我教一個有時都想死，再多幾件就連死都唔得閒。

噚日個仔中文默書順利過關，佢好開心攞到100分呀！一返到婆婆度就打俾我報喜仲話有張操行咭有好多個A同B，其實我對各樣評分都好滿意，雖然唔知佢哋評分的準則（我以為佢 "動心大意" 嗰幾項一定C或者D，但居然係B，真係估唔到），但起碼知道學校會留意啲乜，好同意麟媽媽話小朋友要有進步的空間（好阿Q精神）。

ms99

睡公主：

如果你有咁嘅唸法，可能會夢熊有兆架。不過隨遇而安啦，第時可能你突然有筆橫財，然後唔駛做，想生女、女、女、仔、仔....都得啦。

我都收到將操行咭，不過同老公睇完後，大家一笑置之，唔係特別差，但又可以點要求呢?!