05-06年升讀小三的家長, 請進入>>

mansonwai

fion414

可能妳要個小朋友傾下啦 !
第一: 會唔會係深左. 佢唔習慣
第二: 會唔會佢唔鐘意果科既老師
第三: 佢係米想睇電視/玩...
[我個仔都係咁. 跟住大家傾好左錄比佢睇 & 攪點比番時間佢玩]
就有 d 改變啦 !!

希望幫到妳啦  !!!


mandy

fion414 寫道:
Mimi_Ma,
其實亞仔識串, 不過放完個暑假成個人懶散晒, 佢P1 已經串50個生字連past tens, 都唔洗我勞氣已經串熟晒, 但佢越大越多借口, 做野又慢吞吞......

必必

阿女都係轉了用longman express, 今個星期二已經派了書. 以前都係用longman.

大家覺得買書貴, 可以購買大陸版英文書, 因為真係平好多.

mimi_ma,

我都係同阿女講, 老師考過試, 合格才可以教普通話. 無理由講得差....

mansonma,

你朋友在油天讀幾年級呀?

joanneka,

我都覺得學校好照顧家長....所以我一直都覺得阿女間學校係好學校. 我仲讀了二年普通話, 阿女一年級時, 我讀初級班學拼音, 到佢二年級時讀高級班, 不過我學完之後都好似無學過一樣....   

Mimi_Ma

必必  :

老師考試是合格,  但口音太港式,  冇 '捲利' 音.  唔及國內人講得好聽.

我囡囡都跟過國內北京老師學國語,  佢都話學校老師的普通話講得唔好聽及音唔夠準.

mansonwai

必必

都係讀 P.3

MANDY

必必 寫道:
mansonma,

你朋友在油天讀幾年級呀?

必必

mansonma,

佢會唔會係我呀女的同學仔呀!

fion414

mansonwai,

第一: 會唔會係深左. 佢唔習慣 (今天連最簡單they寫成thr, 數學10題只做8題......中文字寫到似鬼晝符, 我都冇眼睇!)
第二: 會唔會佢唔鐘意果科既老師 (今次老師已經係最nice, 隔離班同學仔都羨慕.)
第三: 佢係米想睇電視/玩...(佢平日只睇cartoon network, 我都有比佢睇, 而且佢唔追劇集睇)
其實因為佢暑假玩上網game"尼奧寵物" & "三國誌" 所以成日心掛掛. 我在開學前一早講明開學後星期一至五唔準玩, 只可以星期六,日玩, 佢都話OK! 但佢現在成個心都掛住部電腦, 個靈魂仲未番歸......  

wwyee

fion414
你個仔仔定囡囡呀？咁似我個仔，佢成個暑假都係玩上網game"尼奧寵物" & "三國誌"  都係成日心掛掛 我都係一樣咁話，開學後星期一至五唔準玩, 只可以星期日玩, 星期六要黎溫習，如果星期五溫好同做晒功課星期六都可以玩，不過唔可以超過１小時。

功課量一開學真係比小二多左，中文要求仔仔備課之餘，還要自設問題，在課堂上提問，英文默書再唔係好似以前咁，有個範圍默邊幾句，而係比個幾頁你自己溫，數學有工作紙差唔多每日都要做５０�６０條數，加埋文字題做落簿度，佢就話    駛唔駛咁多呀！

alicetong

我個仔漏帶回條返0黎不但只,第2日帶佢返學係出面同d媽咪傾計先知道要帶10蚊影學生相,於是上寫字樓交低10蚊,直至幾日後老師話欠相我先知老師交帶佢影相錢,佢落食物部買野食,....激到我死？ 打電話比班主任先知佢買左2包魚仔餅仲送左1包比同學仔...
班主任仲話佢上堂鍾意傾計唔專心...唉！正式返左學4日咋..??記得舊年2年級班主任都係話如果高班d唔專心聽書就好蝕底架0拿...   
成日話差一個集名就留堂,好彩0者？(班長集3個名班主任就要佢地留堂)   
同佢講就話最多上堂唔傾計囉！做唔做又另一回事？真無計呀？     

wwyee

我仔仔都係咁話，好彩唔駛留堂喎！ 留堂的話就唔好叫我去學校接你！

佢話而家一罰就係成班一同罰，班主任會罰佢地背英詩，第一次就罰一段，第二次就兩段，第三次要背晒。

fion414

wwyee,

我個係仔仔呀! 我覺得都係女仔聽話d,仔就真係激鬼死人   .
今早亞仔6:30起身(平時番學要叫先肯起身), 因為佢知道星期六可以上網, 所以佢就立即起身, 平時就話自己冇記性, 但上網d遊戲就全部都記得晒.......
妳個仔間學校要每日做５０�６０條數???嘩咁鬼多!!!   

raccoon_dog

alicetong,
如果換轉係我,我都會發火!肯定丟晒他D玩具兼罰抄.
你有沒有俾小食給他?
咁你會點處理?有沒有罰他?

wwyee,
咁多功課,是不是精英班?一次做咁多數有沒有用.
罰留堂背英詩,是不是預備參加英詩集誦比賽呀?

alicetong

wwyee,raccoon_dog
雖然係咁講..但係點會唔去接佢放學呀？可能男仔頭真係坐唔定活潑好動0個隻...??今次我罰佢一個月無零食...(但又怕佢餓親)預備左塊花生醬麵包比佢,點知放學仲係書包度,再問下...原來唔知幾多同學接濟佢？請佢食野...真吹脹？哈哈哈！ :tongue:  
raccoon_dog
罰小朋友真係好講技巧,有時火傘眼又怕講大左,收唔番？我真係未試過叫佢罰抄喎？平時叫佢寫熟d生字都瓜瓜嘈,不過個衰仔又好記性...通常要佢地罰抄抄幾多次呀？

通知左老師先搞清楚0個10蚊食左d乜？但係班主任都無罰佢,剩係話佢曳喎...咁就死啦！比壞印象老師...唉！


尋晚佢第一次做毛筆字簿,以為學緊會寫得好d...無睇住佢做？點知寫完除左開頭3隻似樣d之外...一係太多墨化晒...寫錯筆劃咩都有？跟本無心機寫...浪費晒阿媽d錢...       

alicetong

wwyee,
妳仔仔間學校真係好高檔喎？要罰背英詩....成班罰就話
0者？係未精英班呀？又要做咁多條數..學校成績一定好好
0拿？

fion414

alicetong,

我估...妳個仔覺得買野食及送比同學仔食, 重要過交影相錢比老師, 冇法啦...妳要好聲好氣同佢解釋, 如果唔交錢比老師會比老師罰, 又或者下次應該這樣做......等佢知道妳同佢講道理唔係鬧佢.
好似我叫個仔買定幾本校簿做後備, 驚佢到時唔見

alicetong

fion,
最搞笑佢話無回條比相錢都無用？所以大條道理去左買野食？最嬲就係..當日放學已經話比佢知媽咪交低左10蚊比寫字樓等佢有相影,佢都唔老實話我知？直至幾日後老師追相先古靈精怪咁講？..又唔話買左咩食...開始古惑0拿！做阿媽真係要同佢鬥智鬥力...



多謝大家媽咪0既意見呀？我諗我會從頭講多次佢做得唔
0岩0既地方？除罰一個月無零食外...一個月無得上網打機同罰抄20句,〝我下次要聽從老師吩咐〞先得？嬲得我呀..真係？       

wwyee

raccoon_dog
佢係Ｂ班炸，做多Ｄ都好，都有用起碼熟能生巧，答啱命中率都高Ｄ。好似像評估咁，要回來簽名呀！

唔係罰留堂背英詩，係兩種罰法，１）罰留，２）背英詩，３）罰全班掩口或罰企，因為佢班主任教英文＆常識，所以先罰背英詩。

alicetong
學校成績好？我唔知呀！無你地Ｄ小學咁出名先 :wink:

alicetong

wwyee,
明白..真係唔同0既學校、老師罰人方法都唔同？做多d一定無話唔好0既？要係呢種教育制度之下...就要咁生存？我地做媽咪0既方式已經同上一輩好唔同0拿？希望大家多d交流下可以做得好d。   

所謂0既出名都係見人見智...每個人0既感受都唔同0既？就好似我問班主任點解派晒書都唔見本中文評估,佢話佢唔係教中文科,如果其他同學有就有...無就無？妳話0拿..咁都得？剩係可以講普遍學生家長都好緊張仔女就真？自己都唔敢做少d...不過真係吃力？依家我睇開左0拿...盡左做父母能力教佢地,結果如何？就要睇佢地自己做化0拿...

fion414

alicetong,

我都覺得越大越古惑, 咁妳罰佢服唔服先? 我最驚佢唔服之後唔講野妳知, 所以我鬧完個仔後, 等大家平心靜氣時, 我又同佢傾下邊d佢做得唔好, 又讚下佢有d做得好, 有時又要買雪糕零食獎勵下, 做阿媽真係要同佢鬥智鬥力...鬥口才

raccoon_dog

alicetong,
我平常罰仔仔就罰抄要留心上堂呀,聽老師話等了我冇數幾多次,大約二十句左右(一版).
但今學期開始改了罰吃菜(不喜歡吃那種),很見效.
講真罰得重,邊個捨得啊!
間中俾D細包的卡樂X的小食小息吃,小孩會很開心.

hhma

wwyee

"數學有工作紙差唔多每日都要做５０�６０條數"-->真係幾多woo.  不過好處就係你可以慳返d $$, 唔洗自己買exercise.....嘿嘿嘿
我地d老師就無甘勤力啦....

alicetong
唔好罰抄20句,〝我下次要聽從老師吩咐"啦.  梗係叩佢抄書呀, 抄英文呀, 好似wwyee間學校甘, 做數呀!!!  重好啦....

fion414
"鬥智鬥力...鬥口才"真係勁痛苦呀
我大仔就比較好小小, 你叫佢做乜, 惡小小佢就做
細仔就大件樹lor.  你鬧多佢兩鬧, 佢唔鬼同你做, 扮唔識, 唔屎呀!!!