九月入讀蘇淅幼稚園

qiyangmum

昨天在sean書包發現英文考卷,他粗心大意,沒發現自己沒有做完,錯的可惜!
anyway,想請問在香港,這些評估是否用做排名?或純粹考學生學到多少?

wongnysw

前兩日好凍, 原本亞女係著裙仔, 我就要佢著運動衫. 返到學校, 我比老師"鵝"左兩句, 佢話唔好唔跟規矩著衫, 小朋友零零舍舍一個著唔同o既衫, 會令佢唔開心.
你地有無試過係咁呀?
我同奶奶及我亞媽講, 佢地話, 如果再有咁凍, 大不了唔返學, 好過凍親. 你地又會唔會因為天氣而唔返學, eg 好凍、大雨......, 話時話, 學校後門斜路都幾大風.

connie04

wongnysw,

我冇買校褸比囝囝, 只係買了件紅色的泠外套, 就算平時唔係咁凍, 佢著件褸都同其他人唔同, 我有問囝囝係咪個個同學都著學校件褸, 佢一時話係, 一時唔係, 跟住話唔知, 不過我覺得都要買番件校褸, 雖然佢現在唔覺有咩唔妥, 但始終係同別人唔同.  如果女仔, 好凍時著條厚身灰襪褲, 外套著件down, 應該都好夠暖.
我冇唸過好凍、大雨時, 唔返學.... 唔好意思, 不過如果咁唔返學, 好似太保護.  

See

sorry!因我出年都會報蘇浙，請問各位是幾月交表的？

JC

qiyangmum,
我諗果唔係考卷,可能係老師同佢地覆習紙,今日至考英文筆試.我都唔知會唔會做排名,但學期完時,有d成績好會有獎.

JC

wongnysw,
我都係照返學,唔會因為太凍,大雨,而唔返學,驚佢會自己搵藉口同我講唔返學,k1都可以唔返學,k2時就唔可以咁,佢會學少左好多野.

wongnysw

如果唔返學, 我當然唔會同佢講係因為太凍or大雨, 怕佢會學左成為藉口, 或者會話因為學校放假或其他事故.
我有買校褸, 不過覺得又重又唔暖, 羽絨褸都有, 不過係黃色的. 我想問如果買冷外套, 應該買咩色? 紅色? 藍色? 白色?
我見到個個小朋友都唔同, 咩色都有人著.

JC

wongnysw,
我買左藍色冷衫比呀仔,白色就係夏天著,如果好凍都唔著校褸.

connie04

wongnysw,

我買左紅色, 和一件簿的白色, 真係個個都唔同色,

康媽

hi,

我囝囝係著黃色冷外套，我有無問佢老師有無話唔著得呀，佢話老師無出聲，我諗呢方面應該唔太嚴。

wongnysw

由各位家長o既回應, 可見真係個個都唔同色. 我就有兩件, 一件白色薄, 另一件藍色厚少少o既外套.
天文台話下星期又開始轉涼, 星期四五約只有10度, 各位寶寶記住著多件衫呀!!!!!!

connie04

我明天同囝囝出門 lu, 想提早同各位媽咪講聲 "merry christmas & happy new year" 今年冇得參加學校的christmas party 真係可惜!  今晚開始轉涼, 大家著多件衫呀!  下年再傾計  

JC

connie04,
玩得開心D啦,Merry Christmas & Happy New Year.
來年再傾.

evalauwm

致各位蘇淅幼兒園幼稚園家長,

係12月22日

wongnysw

今早帶女女返學, 老師說有一本假期作業會派給小朋友. 由於時間太匆忙, 未有詳細看過內容. 但無論如何, 有本作業比佢做, 個假期都唔使咁無所事事. 由於自己要返工, 個女放假都唔可以陪佢去玩下, 諗起都有少少內疚. 只好在25-27號三日假期, 盡情d去玩.  

JC

wongnysw,
係呀,呀仔都有本假期作業,我未比佢做住,每個要返工既媽咪都係咁架啦,唔好內疚啦,我都唔可以陪佢整個假期.咪在放假時同佢玩多d law.
22號你會唔會睇佢地表演呀,呀仔果班係第一場.你地會在邊場呀.

wongnysw

JC,
明日22號我會請假返學校睇表演, 女女係K1A, 第一班出場呀. 我都有叫個女在家中跳比我睇下, 佢又唔肯, 明日佢會穿紫色珠片紗裙, 好勁呀.
過去兩日個女都發燒, 所以無返學, 今早老師仲打電話比我問我女女會唔會返學, 我話會呀, 不過個女賴床唔肯起身, 最終要成9點先回到學校, 係最遲一個, 平時佢係頭二個入課室的.
這幾天天氣反覆, 一時凍一時又暖d, 一不留神就兩姐弟都病左, 又發燒又嘔, 唔知係冷親定焗親, 兩個小朋友病, 成家人都無覺好訓.
各位媽媽, 留神d照顧你地o既寶寶呀, 自己都要小心身體喎, 祝各位聖誕快樂, 身體健康.

JC

wongnysw,
無錯,小朋友病,就成家人都無覺好訓.而家好返就好啦,可以表演.我會留意下穿紫色珠片紗裙既小妹妹.我個仔k2A,表演聯誦,佢要著西裝扮老師,但明天好凍,可能會著件褸係面.我個仔都會讀比我聽,因為佢地只係朗誦唔駛跳舞,如果跳舞佢都唔肯跳比我睇架.怕羞呀.

康媽

JC,

我囝囝係10:30個場，我想問下學校既安排係點架?我係咪可以一早同阿仔返到學校，然後一齊入班房慶祝架?定話等到表演時自己去禮堂。

康媽

wongnysw,

近排真係好多人病，無論大人細路都係，我公司都有好多人放病假，所以大家都要保重身體。明日仲會凍d呀，記緊同小朋友著多件衫。