旺角基督教服務處雋匯幼兒學校

ckk

大家好！

其實一直有留意您們的留言，但最衰自己唔太識中文打字，所以’鬥’一編message要好耐，不過現在練習叫有D成績．
希望不要見怪．

講翻我囡囡都係讀D班o嫁!上o左兩堂，都未太適應同投入，
真擔心唔知到要上全日會o點!

kk

Twins

zimba,

你囝囝5月出世咪同我地D小朋友一樣讀D班lor,
咁幾時可以一齊上堂呀? 而家你囝囝暫託幾$一個月架?

至於係學校午睡我估最快要星期四掛, 因果日要拎埋d
被返學.

係哩....咁A,B班d同學仔會去邊樹參觀架?

ckk,
好開心係樹認識你, 如你打中文覺得慢可以打返英文
架, 我地冇咩所謂既.
e.....咁你囡囡叫咩名呀? 不如我地又相認下, 唔介意的
話你可以pm你囡囡個名比我地喎.

fionkwok,
今日你同囡囡返學返成點呀?

waiwaichu2003,
你今日係咪要返工呀? 是否婆婆幫你湊囝囝返學?

fionkwok

Twins,

返咗3日都已經攰到死啦! 仲有果5日唔知點算呢? 尋晚我自己都攰到10點幾就訓啦! 自己都頂唔順, 唔好話d小朋友啦! 所以諗住今朝俾阿女訓女幾個字, 點知閙鐘一响佢就醒, 但叫佢洗面刷牙又唔肯, 冇辦法!
又點會怪小朋友冇禮貌呢? 個個小朋友都唔同性格嗎! 我女就去到邊都唔係好驚, 但就冇時停, 見到你個女咁詩文真係恨到口水流呀! 希望遲d可以同你個女玩多d, 同化吓我果個啦! 你個女冇俾人蝦, 因為成日跟住婆婆, 今日都有玩滑梯, 但係就其他小朋友已經玩完佢至去玩囖! 可能都係怕羞d啦! 俾d時間佢warm up 吓啦!

另外, all mami,
今朝老師話係明天已經要係學校食飯啦! 係試食喎! 連續3日! 又要試吓同院分離! 應該會係佢地玩大小肌肉時, 主任會同家長講吓學校既政策咁上下既野, 約4-5個字, 記住要同小朋友做心理準備呀!  

fionkwok

ckk,
係咪你自己揍返學架? 希望遲d可以見到你啦! 我地d班得6個女孩子, 已經有4個係度啦! 真開心!

10396,
我今日見到你個女張相啦! 但就見唔到佢, 可能佢係隔離上堂啦!

waiwaichu2003,
你去咗邊呀? 仲未上來既? 今日你先生揍仔仔返學喎! 我估你個仔都係蝦daddy, 成日要daddy抱, 連聽故事都要抱呀!

waiwaichu2003

各位媽咪早晨呀,我又返黎la!
嘩!冇上兩日啫, 匯雋好熱鬧喎!
陪囝囝返左兩日學,我覺得好似打左兩日仗咁,由朝早叫佢起身食奶,食早餐,換校服,撘車....等等,一連串既step令我深深感受到"bunbun"實在唔易做ga!

fionkwok,

今日你囡囡進展成點呀? 不過,我諗都唔駛擔心,環看咁多個小朋友,你囡囡係比較穩定同唔怕陌生人,又唔"痴"身,非常掂呀!
今日我老公陪阿囝返學,你見到佢嗎?

Twins,

嘩!你囡囡好靜,佢平時上pg都係咁定ga?
如無意外,星期五,六我都會陪阿囝返學既,主任話星期四(明天)會同每位家長開會講有關黎緊既行情表會有d咩安排,例如遲d會帶小朋友參觀大班d既小朋友午睡等,食飯方面,我就唔係太擔心,我反而擔心我囝唔肯瞓覺(因佢平時要人陪),仲有,我老公話明天會閞始試食飯la!對我老公黎講,lee個係一個新挑戰,希望ok喇!

YENCHAN,

開鋪頭d野搞成點呀? 有冇帶囝囝返學呀?幾時可以同你相認呀?

evawinhk,

Hello!你好嗎?
你囡囡所屬既提子組,係咪C班(我估)呀? 咁想問下D班係屬於乜組呀?

10396 & Zimba,

唔知有冇機會同你地相認呢?

fionkwok

waiwaichu2003,

我仲要陪多5日呀! 仲慘!     
有呀!有呀! 有見到你老公呀! 不過冇同佢傾呀! 我又唔識佢唔知點講呀! 都係等你送仔仔返學同你傾好d啦! 係呢! 尋日你同我老公講有野搵我呀? 不過後尾都見到你, 我諗你都係話我知你今日唔陪個仔咁, 所以都冇再call你呀!
仲有呀! 我老公唔知我係網上面識咗你地一班媽咪, 佢仲話我咁勁呀! 返咗兩日學就識到人咁! 我咪"ee娥娥"囖!    
我又係唔驚食飯, 你見佢食野都ok架! 都係驚佢訓囖! 驚佢唔肯訓又驚佢會賴尿! 原來好多小朋友都未介到片架! 今日有個媽咪又係問我個女介咗片未? 我要帶片褲俾佢架!
我女今日都ok既! 除咗唔肯同其他小朋友分享之外囖! 我已經教咗佢好耐架啦! 但係都唔聽! 尋日返到屋企又再訓話一番, 當時佢話"知啦! 會同小朋友分享啦!" 但今日又係咁! 有冇辦法可以教吓我點教佢呀! 另外, 佢玩大小肌肉就最開心囖, 玩到顛曬!

waiwaichu2003

Twins & Fion,

我老公話明天唔使帶被鋪住,改下星期一先帶喎!

ckk,

好高興認識你,我打中文都唔快ga,你睇下我之前post都唔係好update就知la,唔介意既話,可以pm埋個名比我嗎?我都好想認識你囡囡!

fionkwok,

唉!阿囝琴晚成11點幾先瞓,今朝係搵支奶引佢去起身咋,食早餐時又唔肯食野,我去返工時又要跟我去走,當然唔得la!所以今日狀態嘛嘛地,我老公就賴阿囝夜瞓,我就覺得係佢唔識"氹"阿囝就真,冇計la,佢又話要親身睇下阿囝返學既情形,梗要付出小小代價gala!

waiwaichu2003

fionkwok,

幣la!咁你老公咪知你下晝偷懶上網囉,怕唔怕ga?
我琴日其實係想叫你今日下晝上網傾下陪學lee兩日,對學校有咩睇法,我當初以為親身見面傾計,會傾得多d,但實際情況係唔得既,一來人多,二來又要跟住阿b,三來唔好意思嘈住老師講話,希望星期五六有同院分離,到時就真係可以傾餐飽la!
而家返學同出街,阿囝可以唔使著片la,係學校都可以去到廁所,但瞓覺就未得;今日試過午睡唔同佢著片,卒之就賴濕張床,咁下星期開始試睡都唔知叫老師同佢著片定唔著片好呢? 真頭痛!

fionkwok

waiwaichu2003,

我都係冇同我老公講話上網喎! 只係同佢講係學校識咋! 嘻嘻!
係呀! 係學校真係傾唔到呀! 大家都要睇住d細路, 點傾呀! 希望星期五,六可以有d時間俾我地d媽咪傾吓啦!
我女下畫訓咗成兩個幾鐘, 佢都真係攰到死啦! 阿女去街睇吓去得遠唔遠啦! 遠就一定同佢著片, 近既就唔著啦! 不過, 訓覺呢吓呢就一定要啦! 賴濕張床咁點算呀? 佢而家訓緊我張床架, 冇攪! 所以如果下星期要訓覺, 我一定帶條片叫老師同佢著啫!

waiwaichu2003

fionkwok 寫道:

所以如果下星期要訓覺, 我一定帶條片叫老師同佢著啫!

咁好似好怪喎,成日流流長唔著片,到午睡又著番!
仲有,明天你諗住問老師d咩問題呀,唉!我老公去到實話冇問題,你覺得使唔使prepare定d問題呢?

fionkwok

waiwaichu2003,

你有d mud 野想問呀? 我又冇諗過喎! 不過男人實冇問題架!!! 你可以講底聽日我幫你問主任呀!

waiwaichu2003

fionkwok,

真係太好la,thank you so much!
我暫時凈係諗到瞓覺著片既問題咋,你天日可唔可以講番黎緊過既安排呀,我驚老師講十句,到我耳仔時可能得番一句咋!

fionkwok

waiwaichu2003,

冇問題! 不過有樣野想話你知....... 其實我都唔係好好記性咋     
如果諗到既你可以明早打俾我架!

evawinhk

提子組,係C班呀! D班就係西瓜組班!

evawinhk

Hi fionkwok,
我個女非常鐘意返學嫁. 因為佢好鐘意唱歌跳舞.返全日絕對no problem la. 第一日返學朝早佢仲話比我聽,佢好掛著麥先生添.

ckk

Hi Twins,

我個囡叫"臻翹"呀!
你囡囡呢兩日係咪婆婆陪佢返呀,我大概道邊個啦!
不過唔介意可否pm你囡囡叫咩名呀?

zimba

evawinhk 寫道:
提子組,係C班呀! D班就係西瓜組班!

e, 我仔仔同你女女暫時一班lor. 不過佢唔係幾認得人架, 有時問佢學校d野, 答到亂七八糟.

zimba

好意外啊!!!
我細仔識去大小便啦! 雖然係學校疴濕哂d褲, 但返到屋企竟然識大小便, 無濕過. 我明日一定要寫紙仔多謝老師.

zimba

waiwaichu2003,

"唔知有冇機會同你地相認呢?"
都好喎, 睇下有無機會送返學時撞到

ckk

Hi fionkwok / Twins / waiwaichu2003,

幣la!唔記得用pm'tim'!

不過唔介意可否pm你o地囡囡&囝囝叫咩名呀?

唔好意思,因我晚上呢段時間先可上網,所遲了

lee兩日真係好似打仗咁?
如各位媽咪所言,唔係驚佢食野就係驚佢訓,一係就驚佢賴尿!
之前因為要請假陪佢返學,攪到晚晚ot到9點幾, 攰到c!

By the way, 真係好想快d同您們相認,到時可多d交流啦!