九龍禮賢幼稚園K3家長請進！

KiuKiu媽媽

真系辛苦哂我呀, 唯有早一晚串好哂, 第二朝一早起身煮熟, 因為唔想隔一晚唔新鮮, 菠蘿腸就要早一晚整好, 因為唔夠時間呀, 其實老師都寫得好含糊話燒買魚旦串, 咁即系幾多為一串呀, 另外有位家長又系整這些就問左老師, 話隨家長喎, 因為驚唔夠食, 只得7位小朋友生日, 所以整多D重好, 我想問下大家魚旦同燒買可否一起蒸熟呀, 原本我系諗住燒買兩粒魚旦兩粒整成一串, 咁可否一起蒸熟, 如果唔得咁即系要分開串, 就即系40串燒買40串魚旦, 40串菠蘿腸, 我死啦.....

Kitty&mimmuy
我會去生日會, 不過家長都系只可以留一個鐘睇完表演就要走, 我會去一陣就跟住返工, 費事浪費D假!!

朱古力,
個囝系咪唔舒服呀, 我個囡都試過唔肯上校車, 點知放學返來就發燒, 可能佢地作病唔舒服, 記得留意下!!

penpen

littleeva,
預祝你同BB健健康康, 肥肥白白!!  

朱古力,
你囝囝冇事嘛?!  

KiuKiu媽媽,
冇辦法啦~ 一年一次, 為咗小朋友開心! 辛苦晒你喇~ 需然我阿囡冇份食你果D, 不過阿囡果班都應該有同學仔既媽媽同你一樣命運呀!  好彩上次我祇係買橙同整紅雞旦咋~ 魚旦應該唔可以一齊蒸, 不過你都可以之前果晚串定, 第二朝用個大煲烚熟佢呀!!  

朱古力

penpen,
今日放工問囝囝，佢仍然話唔想返學，佢話要跟住媽媽喎．
明天唔知會唔會又唔肯上車呀！ :cry:  :cry:  :cry:

shermanbb

朱古力,
   放完個長假期,好多小朋友都係咁架,放心啦,我相信你仔仔好快會好鍾意返番'學架喇

penpen

朱古力,
我諗可能放完個長假鬧情緒啦~~ 不如你唔好問佢想唔想返啦~ 因為佢就算答唔想都要返嘛! 可以試下調返轉問下佢學校d開心事, 例如問下佢今日有冇去花園玩呀? 今日老師同佢唱咩歌呀? 諸如此類...妹豬今朝話嚴老師今日邀請蘋果組表演唱歌"太陽伯伯"喎!! 你都可以問下你囝囝今日係唔係蘋果組表演? 表演咗d咩咁呀~~  努力!!

朱古力

kitty&mimmy
因為我要返工，所以囝囝唔返學都唔會

朱古力

bozse,
今日我叫左校車嬸嬸通知老師，我搵佢，嬸嬸都將囝囝不肯上車的情形同老師講．所以老師即刻問囝囝點解，老師話有”提點過”囝囝，因為囝囝放完假規矩差左．我好明白，因為我都覺得係．
囝囝性格係如果你話完佢，要同佢解釋點解要話佢，如果無同佢解釋，佢會記住或者佢覺得自己無錯，佢會逃避你．
老師中午打比我，我同老師講左囝囝既情況，老師話知道囝囝唔太接受別人的批評，我話係，所以要解釋好耐作好多比喻，佢先知道自己有錯，老師話明白，佢會和我繼續努力教導囝囝，要接受別人意見．

maywei

各位家長:

我是禮賢ex-家長, 個仔依家讀一年級.

過往三年, 頭個兩年可以陪個仔入班課一齊影相, 分食物, 但係上一年因為 "沙士", 黃園長唔批準家長入課室了, 只能在禮堂睇小朋友表演.

講開生日會, 唔使準備足40人的份量o家, 因為小朋友好細食, 次次都食唔哂, 食吓蛋糕, 雞亦, 魚蛋, 糖果加飲包野都夠飽, 到時食唔哂咪又會分比老師同校工食, 以免浪費, 但d飲品就會留番比小朋友第日飲.  如果遇啱要帶壽司自已又唔識整, 可以同老師商量, 不一定fix 咗.

不過, 生日會當日要準備一個膠袋 (用作帶禮物回家, 例如winnie the pooh 鐵箱), 帶埋膠碟, 膠义/膠交.
:wink:

朱古力

maywei

原來你係ex-家長，多謝你既回覆呀！

KiuKiu媽媽

PenPen,

我都知, 因為去年都系同一命運呀, 今年我會努力用愛心整食物, 我都好希望各位小朋友快高長大, 開開心心嗎!!

balltsang

hi各位禮賢幼稚園mama ,

我今年幫我小朋友報考此校,有d問題想清楚了解一下:
1)現時師生比例多少??一班有幾多學生??
2)一星期有幾多節英文/普通話課??幾長一節??
3)學校有無舉辦課外活動比學生??

請賜教

penpen

朱古力,bosze,
昨天觀了課, 見到妹豬同老師和其他同學一同好開心的唱遊再回想初上課那時烚下烚下的模樣, 差d就滴咗d眼淚出黎~~ 妹豬見到我去同佢一齊上堂佢都好開心呀!  
可能妹豬昨天太開心了, 今朝要我叫佢起身, 佢正想扭下扭下時我同佢講, 佢就好啦~ 明天開生日會又可以食旦糕喇~ 又同佢玩暈低, 跟住佢笑下, 然後就醒喇~
星期五又轉凍喇~ 大家小心身體!!

bosze,
下個星期就到你喇~ 見到你囝囝好活潑, 真係想走埋去啜佢兩啖,老師仲讚佢問咗一個好開題添~ 你昨天是否忘了替他穿運動服?!


balltsang,
1)現時師生比例多少??一班有幾多學生??
  2位班主任/3x學生
2)一星期有幾多節英文/普通話課??幾長一節??
   幼兒班一星期會有2節英文課由英文老師教的/ 不會主力教普通話,祇會讓小朋友知道普通話是怎樣的, 主任昨天說一個學年大約有4堂
3)學校有無舉辦課外活動比學生??
幼兒班較少, 但會有兩次親子旅行, 一次運動會, 年宵

penpen

bosze,
佢響玩打邊爐遊戲時, 老師有對好大既筷子, 初時都未知係咩~ 佢問老師係咩黎?! 老師讚佢問得好呀!! 盈盈唔係冇表演呀! 原來係分開左兩組, 朗讀故事同分享表演, 我哋唔係同佢哋一齊,所以佢就見唔到盈盈表演囉! 觀課時間大約係0930-1100, 我哋睇咗佢哋唱遊, 朗讀故事,表演同埋玩遊戲(園長說,逢星期一都會玩遊戲),早半小時到係園長同我哋講下流程同埋要注意甚麼, 睇完之後填返d問卷同埋交流下, 都係填d意見同感想之類!  
明天開生日會我叫盈盈帶咗d棉花糖同紫菜返學校同大家分享,記得唔洗帶書包呀!  

朱古力

bosze,
我見你真係好緊張喎,唔係睇晒3個鐘架,由9:30睇到11:00,原來黃園長講今年係第一年攪家長觀課,所以老師都好緊張好早返,我地好榮幸做左幼兒班第一班家長觀課,家長先入副堂,王園長會講解今日的程序及規則.
個半鐘頭既課程包括唱遊、朗讀和遊戲,唱遊和朗讀家長都係靜靜地坐向後面近

balltsang

penpen,
唔該晒!!

Chr336

Hi all 九龍禮賢學校幼稚園家長,

你們好,我囝囝喺1月3日面試,現在等消息;可否有家長講吓對這校的睇法?

Chr336

朱古力

Chr336,
其實你睇番我地既留言都知，因為我地一直都有講．
呢間學校注重品德，所以課程唔深，佢地注重親子溝通，所以好多親子既活動及習作，你要和子女一起做．老師唔會罰學生，用鼓勵既形式，當佢做得好時會讚賞佢．總括呢間學校好溫情，小朋友、老師及家長互相關心問候，大家關係好好．

penpen

bosze,
到時好好享受呀! 我響觀課之前果日其實都有d緊張架! 午睡果時仲發夢觀課添~

balltsang,

唔洗客氣!!

朱古力

penpen,

你囡囡張相好靚喎!差D唔認得，大個左好多．

penpen

朱古力,
thx! 張相係上個月聖誕前影架喇~ 可能冇紮起d頭髮，個樣變咗老積d啦∼