一呂家長

Homama2004

最弊我hb可能交個人就算呢... 佢一向又唔跟開功課..
妳知d男人啦...

>> 當然知啦!!我hb通常收到2-3成,其餘便要與其他友好媽咪收料囉.....佢哋肯出現已好好囉....

alicetong

homama,candy,claudia
請收e-mail

claudiaho

alice,

多謝你百忙中都準備資料

星期六終於又完成了一個job , 個日同阿女同candy個女去應考樂理, 佢地都不知幾輕鬆, 係車到係o甘傾計, 由於早了成3x分鐘去到, 我就叫佢地溫住書先 (其實佢地都冇帶書, 都係我臨出門口順手攞了本樂理字典係o甘多), 我叫佢地互相抽問詞語解釋, 佢地問問吓又唔知玩什麼,  (都好, 佢地都唔太緊張, 都係好事), 終於無驚無險, 兩個考完出嚟, 佢地話有d都係撞, 我想佢地都應該合格, 但係高唔高分就要看看佢地自己的功力了), 總之我就可以了結樂理考試, 專心應付測驗了 (完全未開始呀! )

alice,
到你仔仔了, 比心機努力呀! 祝佢順順利利!

原文章由 alicetong 於 07-10-14 10:00 硐表
homama,candy,claudia
請收e-mail

Homama2004

Alice 已收到,非常謝謝!!!無言感激......

恭喜Candy & Claudia又過了一關囉.....

我同事囡囡話只有一條意大利文唔識,而佢老師最後一堂同佢講比d心機,考到100份就可以拿獎學金 ...好勁呀!!希望佢係第一個我識的人考到100分,可以沾下光....

妹妹今日小測常識,居然唔記得,昨夜還話在家打邊爐,食到成9點才記得要讀書比我見到佢還要一邊讀一邊睇書(都係我衰又借了6本新企鵝牌英文故事書回來....而佢又煲晒囉.....)話係生活調劑 .....剛上次又是這樣22/25已要被罰背書....望佢今次又要被罰 這樣就心涼囉.....

忽然記得呈分試要考英默,問佢幾時要默佢話這星期四哇 死味.....明後晚家姐入了camp,一定要谷下佢囉....盡下人事啦.....今年同舊年家姐考呈分試時的緊張程度真係無得比.....公私兩忙

星期六佢哋兩姐妹去了文化中心看莫華倫Aida歌劇,我和老公難得二人世界去行下尖沙咀,真係大郷里出城.....啲店名好多都唔識....啲衫價錢下下都4/5位數字,在金錢上覺得我哋真係好窮..... 好彩心靈上沒有這感覺啫....佢哋兩姐妹對歌劇&港管隊演出回味無窮,話想看多場.話啲小提琴聲好似一個人在拉,真係好"勁"當然啦...你估係你哋三腳貓功夫嗎好似現在只有最貴8xx那些位才有票賣呀....那會捨得呢!!

[ 本文章最後由 Homama2004 於 07-10-15 10:50 編輯 ]

candytl

claudia,

星期六好多謝你&hb接送我女. 嘿嘿, 等我趁空檔陪朋友睇<<色戒>>, 話是話, 套戲好值得入場睇, 我朋友話係咁多部張愛玲作品拍成電影中最優秀的一部. 我就好喜歡戲中女主角. 做得好好.


星期六佢哋兩姐妹去了文化中心看莫華倫Aida歌劇>>>>>homama, 好高品味呀 你兩個囡唔抗拒, 已十分難得. 有時我陪我女去聽古曲音樂, 我都"黑眼奮"架, 我估阿女都會, 但佢冇抗拒, 我也好满足. 音樂品味要自細浸翻来的.

alicetong

Candy,
妳收到我e-mail嗎？

色戒我都想睇喎...聽妳介紹完..更加想走一趟

homama & claudia
請check pm

alicetong

Candy,
聽妳講完... 記得個仔上次聽鋼琴獨奏睡著的情境
(平時返學唔夠睡眠時間呢..?)
細女第一次看都叫悶...真係要大力推動下等佢地
要慢慢唔抗拒至得..:loveliness:

原文章由 candytl 於 07-10-15 12:29 硐表
claudia,

星期六好多謝你&hb接送我女. 嘿嘿, 等我趁空檔陪朋友睇, 話是話, 套戲好值得入場睇, 我朋友話係咁多部張愛玲作品拍成電影中最優秀的一部. 我就好喜歡戲中女主角. 做得好好.


星期六佢哋兩姐妹去了文化中 ...

homama, 好高品味呀 你兩個囡唔抗拒, 已十分難得. 有時我陪我女去聽古曲音樂, 我都"黑眼奮"架, 我估阿女都會, 但佢冇抗拒, 我也好满足. 音樂品味要自細浸翻来的.

alicetong

homama,claudia
唔好客氣啦...: hb又話我累人累己0拿喎..


homama
講起溫習..又是理想與現實的問題
我諗應該呢個星期會有小測了..盡人士啦！
好在唔計分...其實比老師罰下就好..(因為
佢都溫唔切書.. 等佢印象深刻d囉...
再睇睇阿妹中文考試範圍...不供字填充
記得以前哥哥小三先開始有咋...
今次考試是初試牛刀... 要打定輸數...接受
下先得囉..希望今星期停左d課外活動會好d啦


[quote]原文章由 Homama2004 於 07-10-15 10:29 硐表
Alice 已收到,非常謝謝!!!無言感激......

恭喜Candy & Claudia又過了一關囉.....

妹妹今日小測常識,居然唔記得,昨夜還話在家打邊爐,食到成9點才記得要讀書比我見到佢還要一邊讀一邊睇書(都係我衰又借了6本新企鵝牌英文故事書回來....而佢又煲晒囉.....)話係生活調劑 .....剛上次又是這樣22/25已要被罰背書....望佢今次又要被罰 這樣就心涼囉.....

忽然記得呈分試要考英默,問佢幾時要默佢話這星期四哇 死味.....明後晚家姐入了camp,一定要谷下佢囉....盡下人事啦.....今年同舊年家姐考呈分試時的緊張程度真係無得比.....公私兩忙

candytl

原文章由 alicetong 於 07-10-15 14:14 硐表
Candy,
妳收到我e-mail嗎？

色戒我都想睇喎...聽妳介紹完..更加想走一趟

homama & claudia
請check pm

alice,

我今早已履你email, 收到晒, 勞煩你.

再睇睇阿妹中文考試範圍...不供字填充 >>>>>>>我都嘩聲回起..........

色戒>>>>>>睇完好恨有過粒"鴿子蛋", 有邊個女人唔為佢動情呀, 哈哈, 我發緊夢........ 部戲雖然有床上戲, 但我唔覺有"色情", 相比十幾年前睇<<情人>>, 過時真係覺好三級.

[ 本文章最後由 candytl 於 07-10-15 16:31 編輯 ]

wendy_cheuk

下星期就開始測驗啦! 我重未同仔仔開始溫書, 淨剩溫英默都嘔血, 大家有無溫書心得分享下呀! 英文係唔係溫晒o的worksheet就ok啦。

小小bb

各位你們好,
想請問英文課什麼是Writing Paper?要作文嗎? 什麼是Reading? 明天要做英文Assessment, 即是要評估什麼, 要做卷還是......????
謝謝!

Homama2004

小小bb &Wendy,唔好意思現在才覆到你們....

我都有機會看過下小一中文考試範圍紙(家姐同學仔妹妹).無咗作文(以前一二年級好似係看圖作句咁上下....)不供詞填充,我想多是填動詞,形容詞.應要溫晒課後詞語.最重要係佢哋明個詞語點解,才會懂得點樣用番呀!!數量應不多,4-5題左右

以前我自己會用這個網頁http://140.111.34.46/dict/來查詞語的解釋和例句,便將例句copy出來整理,看小朋友識不識填番.

腮幫子

解釋: 臉頰

她總愛鼓著_______想事情。

這方法幾好的,但如找不到例句便要自己發揮文采.Alice就有經驗囉....

英文Assessment通常係正式試卷長度的三/四分一,形式與正式差不多.好似現在形式改了,由四年級開始發覺多半係出課外東西,係無得溫.五年級英文老師給的提示係平日多看英文的poster,場刊,小冊子等等啦....媽媽發揮文采提出一些問題,看小朋友識不識答番.現在的教育趨勢係通識,死讀書無用(除常識+聖經外).(但最驚係變咗通通唔識 )

Writing paper是Guide writing,以前一二年級係約有一篇範文,然後比另外一些資料叫小朋友仿作....記得寫覆述時便用past tense等等.....唔好意思....都五六年前囉唔係咁記得咁詳細.

臨場考試時最要緊叫小小朋友逐頁做,做完後在頁碼上打記號之類,免發生做漏卷就慘 數學卷就要教小朋友分配時間做.咁細個都係順次序做落去好啲.沒把握的便在題號上作記號,"希望"可以有時間時覆卷

希望"我"六年經驗無out到啦!! 你們能用得著

Homama2004

Alice,你好勁呀...變了公爵夫人添 高貴的Duchess Alice.......

昨天中鴨去了學校歷奇營,真係照顧一個小朋友同兩個真係好大分別...我HB成日講1+1≠2,係2的N次方..... 昨晚只係可以同妹妹商量下今日美勞呈分試做那些工序便又一晚.看來我的溫書大計係行不到囉

小小bb

謝謝Homama2004的詳細回覆, 你好勁呀

candytl

仲有數學周不時考舊有知識, 我覺最多嘢温.


潯日阿女被選同其他班幾個小朋友去校長室同校長倾解, 我問佢有乜嘢講, 佢話校長問佢哋最唔满意是什麼, 點知幾個人齊齊講如果功課少啲就最好.

我頭先走去九龍城區, 深水埗區幾間小學的討論區去睇, 發現原来幾乎每間小學都有家長講功課多嘅問題, 相比之下, 我也不敢講呂小功課多囉. 只係無奈.

[ 本文章最後由 candytl 於 07-10-17 13:48 編輯 ]

alicetong

homama,candy,claudia
係公爵夫人就好lu...一於唔做工返去湊仔
近排經常有這個念頭...唉！好努力都做唔晒..
理想與現實不相輔
就考試..咩都未搞掂..只可以用嚴峻來形容自己
個女仲係好蒙...默過d書都忘記了,仲未習慣好多
時晚黑要訓番2個鐘..加埋多功課..今次考試..純粹
天才表演算了...哥哥都好生性,但功課多..佢地又
唔自律....唔聽新工人話,放學到我們放工返到去
的時間都白費了....一顧兩個 我開始吃不消了...

原文章由 Homama2004 於 07-10-17 09:52 硐表
Alice,你好勁呀...變了公爵夫人添 高貴的Duchess Alice.......

昨天中鴨去了學校歷奇營,真係照顧一個小朋友同兩個真係好大分別...我HB成日講1+1≠2,係2的N次方..... 昨晚只係可以同妹妹商量下今日美勞呈 ...

alicetong

wendy_cheuk
小一同佢溫熟英文worksheets,spelling張紙串熟佢..
都可以了..英默個女一樣好快比番晒我....

homama,candy,claudia
相比之下哥哥訓練左5年..真係醒目好多,開始有話頭
醒尾感覺 以有限時間來說算快而準了

原文章由 wendy_cheuk 於 07-10-16 17:58 硐表
下星期就開始測驗啦! 我重未同仔仔開始溫書, 淨剩溫英默都嘔血, 大家有無溫書心得分享下呀! 英文係唔係溫晒o的worksheet就ok啦。

claudiaho

幾個人齊齊講如果功課少啲就最好
>>係呀係呀, 我今晚家長會都會同老師反映呀! 聽日起放3日假, 我睇至少12/13樣功課都無走雞呀

Candy
>>早兩日同呀女講開, 呀黎同學是不是退了學呀 ? 好似唔見咗佢喎!

原文章由 alicetong 於 07-10-18 10:32 硐表
wendy_cheuk
小一同佢溫熟英文worksheets,spelling張紙串熟佢..
都可以了..英默個女一樣好快比番晒我....

homama,candy,claudia
相比之下哥哥訓練左5年..真係醒目好多,開始有話頭
醒尾感覺 以有限時間來說算 ...

Homama2004

一於唔做工返去湊仔 近排經常有這個念頭...唉！好努力都做唔晒..理想與現實不相輔
>>Alice,我明架....完全明白的的景況(好似個感冒丸廣告咁)....我係一年一名.過往佢哋考試測驗完便好似虛脫咁 ....現在總算一隻鴨仔上到間幾好中學.總算鬆小小.

唔聽新工人話,放學到我們放工返到去的時間都白費了
>>這個情況我兩隻鴨仔都曾經有.我就同佢哋傾比時間佢哋放學後鬆鬆,任佢哋做甚麼,但4時後便一定要開工."理想"係在我放工前做好功課,這樣才可以飯後有時間溫下書咁.......好彩前兩年佢哋都能做到.小鴨現在都習慣了.昨天鐘點姨姨才告訴我小鴨4時左右便自動自覺入房做功課,真係乖云云 佢都未見過佢瞓在梳化同我攪對抗的模樣 好似昨晚叫佢默今日英默呈分試的詞語,佢話只用口答,唔想寫.....

Alice,如你老公肯參與跟下功課,晚上時可以一個落會所/廳,一個在房/家溫習.而在這個聖誕假記得好好調節妹妹的生活程序,不要瞓黃昏覺囉....寧願早點睡好過.

而我家中一向平日看電視只看新聞及7點的港台節目,只在星期五六日假期才有得看其他節目.有時間我都寧願佢哋看報紙/書/上網學習.可能好多人接受到了,但看很多文章都係話主動學習如看書係會入腦好多,因係你自己在翻動書本學習知識....

相比之下哥哥訓練左5年..真係醒目好多,開始有話頭醒尾感覺 以有限時間來說算快而準了
>>恭喜你呀!!! 哥哥咁快可以開竅....你不要吝嗇你的讚賞說話呀!!

講開功課量,呂小真係唔算多.聽聞沙田如梁記/胡記的功課量比呂小多很多....
上星期六抽空同的家長吃早餐,聽到不是六年級精靈班的同學比小鴨班多好多功課....而小鴨班昨天開始還大幅減少功課量,讓他們溫習下星期測驗添

[ 本文章最後由 Homama2004 於 07-10-18 11:27 編輯 ]

Homama2004

分享.
昨晚抽空看報紙.鼓勵各媽媽要"懶"及"三陪" - 陪食陪瞓陪玩....

過分挑剔打擊孩子自信懶媽媽學放棄完美「三陪」增進親子關係
今時今日做家長真不容易，故坊間也有不少機構，舉辦不同的家長課程或家長會，目的除了是提供一些教育課程外，也讓一班家長有機會聚頭，交流養兒育女的心得。最近，Elsie知道有個名為「懶媽媽俱樂部」的組織成立，單聽名字已經覺得非常有趣。打聽之下，才知道該俱樂部的始創人及永遠名譽會長，正是曾撰寫過《小王子@人文學科.info》一書的少年兒童心理專家黃曉紅(Monica)。

本身是兩個小孩之母的Monica，近年主持了不少家長講座，亦有教授兒童心理學課程，橫看豎看，都是一位「勤媽媽」，卻想不到她竟成立了一個「懶媽媽俱樂部」，並由心靈歷奇訓練中心及有心人士贊助營運，所以Elsie後來也聯絡了她，了解做懶媽媽的好處。Monica同Elsie講，「懶媽媽俱樂部」約在兩個月前成立，是一個非牟利的組織；俱樂部的成立，全因一個課程開始。

要求過高兩敗俱傷

「香港的家長太過追求完美，基本上子女要十全十美，十項全能，成績好之餘，其他活動都要叻」。正因為家長要求高，故此可以的話，面對子女的功課、課外活動等都會跟足，非常勤力。這本來不算壞事，然而，當家長教不得其法，到頭來只會換來聲嘶力竭、精神緊張、身心俱疲、和子女關係緊張等情況出現，可說是得不償失。

有感「勤媽媽」未必有功，Monica設計了「懶媽媽心理學課程」，教家長們做「懶媽媽」；「懶媽媽俱樂部」就是由曾參與過該課程的媽媽組成，通過俱樂部舉辦的專題講座和分享會，讓媽媽們互相交流心得。「學做懶媽媽，最重要的，就是先學懂適當地放棄完美，因為過分挑剔會使小朋友無自信。」

Monica解釋，當家長每件事都追求完美，而子女又未能達到要求時，少不免就會責備子女幾句，而太挑剔就會使子女無自信，而不論大人和小朋友，沒有自信，就不會有成就。「心理學有句說話，就是『心想事成』，即是說，你認為自己不會成功，就真的會失敗，所以要培養子女的自信心。」Monica又認為，「勤媽媽」往往過分眼於管教，但卻忽略了親子溝通。「做懶媽媽其實要學懂『三陪』，即是陪子女食、陪子女和陪子女玩，這都可以增進親子關係。」Elsie覺得Monica說得不錯，當家長和子女長期處於緊張的拉扯狀態，又怎能有和諧的親子關係？所以Monica就指家長要學懂放鬆自己，不要每次只告訴子女應該做甚麼，不應該做甚麼，這只會讓子女感到有壓力，影響雙方關係。

現時，不少媽媽都身兼兩職，在家要照顧丈夫子女之餘，還要外出工作，故此，懂得爭取時間也是懶媽媽們要知道的學問，好像從事品牌形象顧問，有一位四歲半女兒的Janice也是「懶媽媽俱樂部」的成員，她平日的工作已經夠繁忙，所以Janice就盡量利用最短的時間，跟女兒建立良好的關係之餘，又可教女。

Janice告訴Elsie，她就曾經依從Monica的計仔，學懂陪。「我現時會陪女兒睡覺，掃掃她的背脊，並在她半夢半醒之際，在她耳邊說一些正面的說話，利用潛意識讓她改變。」

調校態度得多於失

Janice舉例，以往女兒的專注力比較差，上課時不夠專心；Janice後來就在女兒臨睡前，在她耳邊稱讚她是好孩子，是一位有集中力的小朋友；有趣的是，數個月後，女兒的老師竟讚她上課專心了不少，可見利用潛意識教女的確有效。

聽完兩位懶媽媽的教仔心得，Elsie也有個啟發，其實兩位媽媽絕對不懶，只是她們懂得調校自己的態度，以及運用有效的教子女方法而已。Elsie覺得，從今日開始，家長不妨從新檢討自己的教子態度，看看自己可否「懶」一些？


另有文章:
http://w3.enc.hlc.edu.tw/story/print.asp?number=725