2007年8月開學宏福幻兒園既媽咪一齊入來傾下

hongmimi

pcdogxx,
妳黎啦! 抖順條氣未先? 原來妳老公咁難得連放二日，咁如果呢個weekend約得成都可以就埋佢都幾fit喎!

下次去警會BBQ……..我都係咁諗，仲諗住星期日帶626mama去睇下裡面個燒烤場引下呢個BBQ發燒友添! 我都周不時去，唔係節日去好好多，不過一定要我老公去，事關次次我都要看住匡匡驚佢走埋火爐無得燒，靠我老公燒俾我食，如果唔係我實餓死。

我呢份工都做左超過12年喇! 睇住d福利逐一取消，我亦享受唔到幾多次，我入黎之後第一次去旅行，去完先知岩岩cut左；好左搬去葵芳都有二日假，搬第二次時又cut左。我都同妳一樣咁諗，想快d裁我拎番畢。我真係想退休架! 第日匡匡讀小學要睇功課嘛! (藉口! )

嘻嘻! 妳靜靜雞掉左阿媽買個d驚風散都有既?
好在我阿媽俾匡匡食咩新野之前都會問過我先!

妳又整親條腰呀? 以後要小心啦! 好似我整咁大獲就手尾長。個次尾龍骨中間軟骨滑左出黎，兩節骨壓住神經線勁痛，個軟骨傷過永久都有條gap，所以唔可以同時做兩組動作，否則又出事。而家條腰骨唔可以攤直，變相成日突起個肚腩。

係囉! 難得搭地鐵遇到d咁好會讓座俾大肚婆既人，唔好拒絕佢既好意，近排成日見d”真既” 大肚婆無人讓座，幾慘!!


其實我都試過上一堂瑜珈，d動作好慢、又熄埋燈、訓係地到碌左碌右，最後我真係訓著左，落堂開番燈我先醒咋!

有ElainAiolia奶奶幫我地book位幾好呀! 妳唔使早入去拎位啦! 626mama講1:00pm都ok。另外，妳唔係話d衫好重拎左俾我先出去咩? 咁不如妳同我一齊搭車出去啦!


[ 本文章最後由 hongmimi 於 07-8-1 11:27 編輯 ]

pcdogxx

ElainAiolia,
點解冇睇唔到子聰張新相既..  返屋企試下睇唔睇下先

鈞渝餵藥又係同佢搏命咁..  所以佢一病我就好煩架喇.. 佢又易嘔喎..  "lem"到少少藥水味就作嘔架喇...   鈞渝真係好鬼易嘔, 細個果陣飲奶幾餐就嘔一餐... 仲要係個鼻出.. 好恐怖..  到而家, 有時咳兩咳, 或者喊兩喊又嘔...  所以好鬼煩..    一聽到佢咳兩聲就要的佢去廁所架喇..   前日晚飲完奶, 都未坐起又嘔晒d奶出黎. 都唔知佢攪咩..

如果子聰係受呢個方法都幾好喎..   我諗鈞渝真係睬我都傻

如果你返完夜仲要出黎會唔會好辛苦呀?  會好眼訓架喎..  
你地咁犀利既. 個個星期都去果度飲茶,   我咁耐都係去過一次咋.. 仲要係幾年前...    如果book到枱梗係好好多啦..  真係唔該晒呀.

咩呀, 你果d長俸咪仲吸引, 年假又多, 起薪點又高..  一年又廿幾日年假, ..嘩..  我做十年加埋都冇咁多呀..

六十幾蚊對皮鞋都抵喎.. 反正都係返學著下.. 平平地都可以喎..
得閒我都去睇下先..

點解你返工冇冷氣既?  冇冷氣真係好辛苦架..  而家仲要鬼死咁熱..   我次次放工係地鐵行到返屋企, 成身濕到好似沖完涼咁.. 想死...

pcdogxx

626mama,
我都學過日文架.. 不過一有左就冇再學喇..  我又係同你一樣學完冇溫書, 而家唔記得晒lu..    兒童心理學我都有d興趣, 不過我驚我會冇乜耐性去研究, 所以都係諗下算咯..  

我同你一樣又係好鍾意試新野..  尤其係食.. 哈哈.. 一有咩新出食品我就最鍾意試一試..   所以攪到家下咁"身世"囉...  
你老公咁先好呀..   咁先易服侍嘛..   不過有時想試新野又好似一齊會開心d....   下次你想試新野搵我吖.. 哈哈..

冇冷氣咁有冇風扇呀?  咁熱都冇心機做野啦...  叫老細放你地暑假..     咁要幾時先整好呀?  真係陰公...

軒軒而家仲有冇燒呀?   

Hongmimi,
我開頭都以為玫瑰疹只係出一次, 但係原來唔係架....  鈞渝出左2次呀...  嚇鬼死人.. 連續幾日高燒...   

點解匡匡會咁鍾意爸爸既..  我突然諗起我朋友個仔, 佢又係超級鍾意佢爸爸..  可以用個愛字黎形容添呀..  佢居然拎起爸爸套睡衣攬住好冧咁既樣叫住"爸爸...爸爸...."...   你話誇唔誇張...
不過鈞渝都係鍾意爸爸多d, 果日同佢一齊返屋企, 我入屋就係咁易笑下..  爸爸一返黎係咁叫... "爹地爹地爹地爹地爹地爹地", 我心諗使唔使咁呀...  

如果BBQ一定要二個人帶住個細啦..  唔係真係唔使燒..  佢地見咁得意仲唔走埋去個火爐到咩..   諗起都好想BBQ添...  

嘩.. 你都做左12年咁耐喇..  咁你公司cut cost有冇cut 埋人呀?  你要賠咁多, 實唔郁你啦..   有時我都諗唔使做既話好多公司資源都用唔到喇喎.. 所以都係繼續捱下先..  哈哈..

阿媽成日用佢以前果套黎湊, 其實我唔係話唔想俾佢食, 如果佢買d大牌子我就唔驚, 但係佢果隻都唔知乜黎, 咁恐怖..  

嘩.. 你條腰做乜扭得咁嚴重呀..  點整到架?   咁你係有BB前整到定之後架?  如果之前整到, 你駝匡匡果陣咪好慘...  

哈哈.. 笑鬼死我.. 你居然可以係瑜珈堂到訓埋..   如果人地開左燈你仲訓梗, 真係瘀死咯...  

其實都唔係話好重, 不過無理由咁無聊又拎出去又拎返返黎嘛..  
而家唔使拎位梗係可以同你一齊出啦...

626mama

hongmimi,pcdogxx,ALL,

係呀，初初軒軒出玫瑰疹，醫生都係話一生人出一次，
後來好多人都講唔係，係會再出嫁。

楊X發可以換反d貴藥比匡匡食，所以佢感講，
佢今晚好反好就真。(都係我估)

我記得個擦鞋友醫生叫咩名喇，叫劉起東呀。

咁又係，真係佢郁下條尾我都知佢想點呀。

而家退左燒喇，不過都係冇乜心機咁。

匡匡都好乖，起碼有辨法叫佢食野。
妳地見到軒軒就知，佢真係好瘦，又唔多喜歡食野。
真係好煩惱。

警會BBQ原來是同一個地方，咁下次可以去望下先。
唔好笑我啦。

妳早退休都冇所為啦，有個有本事老公就得嫁喇，
咁而家都退得休lu喎。

聽落，妳真係要好小心保護妳條腰骨先得喇•
我大肚時，都係試過三四次有人讓位我坐，
全部都係3.40歲以上。有次個好老的怕怕讓個位我坐，
我都唔好意思坐啦，佢行左去，話，我叫妳坐就坐啦，

咁講。通常d十幾廿歲那些最鐘意扮訓覺，最討厭。
唔讓係妳佢自由，洗乜扮訓覺。
(我乖巴士，未去到葵涌區，係唔會有人下車，
所以唔多人想比個位人地坐)


ElainAiolia,hongmimi,ALL

係呀，我都覺得張相好「英 」喎。

[ 本文章最後由 626mama 於 07-7-31 18:13 編輯 ]

626mama

pcdogxx,

我都好鐘意食野，試新野，好呀，一齊丫。

妳朋友個小朋友又會鐘意爸爸得咁緊要。

其實講book木台，妳都有打算去先拎位，都要唔該妳。
唔該晒。

ElainAiolia,

同意，你果d長俸,年假有廿幾日真係好多,
起薪點又高，真係好好。

你返完夜仲要出黎，証明妳都好錫仔仔，
希望唔好消取啦。

唔該，幫我地同怕母講唔該丫。
仲有都要唔該ElainAiolia

hongmimi

各位，
匡匡上次出玫瑰疹只係出左兩粒，仲要係超細超淺色係個肚臍側邊，無發高燒，只係連續幾日100左右，好古怪! 如果唔係咁岩返QE兒童覆診醫生講我都唔知。原來可以唔係一次….咁我都要留意留意。

pcdogxx,
妳係咪講緊我個仔? 因為匡匡真係試過我洗完衫晒衫時，見到爹爹條睡衣攬住唔俾我掛上去，然後係咁「爹爹、爹爹」唉………心都淡埋!
妳傻啦! 我公司會諗下捉我咩罪證，然後一蚊都唔洗賠俾我叫我走人，cut我慳好多福利cost呀!

話時話我都唔知幾時整親條腰，有晚坐係梳化睇雜誌成個鐘無郁到，我老公返黎入屋我想起身就起唔到。入到急証室醫生問我係咪工傷我先諗係咪係公司整到唔知道，醫生話有可能整親到夜晚放鬆左d肋肉先痛。於是要訓成個禮拜床+物理治療，當時係有BB之前，駝匡匡時都間中痛架! 一痛咪放病假休息囉!!

626mama,
所以我都話楊X發賺夠我錢…… 我老豆話呢幾日見到劉起東好多人睇呀! 我咪講俾佢聽d衰野囉!
雖然匡匡好鍾意食野，但都屬偏瘦，公公婆婆話有多餘脂肪都俾佢d超乎常人既活動量消耗晒!

我老公就係無本事，佢係新制，無長俸、少年假o個隻，退休…..我都係諗下咋!



ElainAiolia,
妳星期六晚返夜第日出黎赴約都ok....果然後生可畏呀!! (講笑 妳咁重視我地既約會，唔好意思就真! )


626mama/天藍，
話時話，唔知妳地識唔識點去警察遊樂會呢?

[ 本文章最後由 hongmimi 於 07-8-1 21:49 編輯 ]

626mama

各位，

軒軒出玫瑰疹時，都係冇乜疹，發了成個星期燒，高高底底，最後一兩曰，問個醫生，先講可能出玫瑰疹。
我記得0個時係我第一個母親節，真係難忙。

係公司整親，係咪計工傷嫁。

點解我地成家都叫佢擦鞋仔(劉起東)呢。佢個位那個醫生退休，
佢先搬入來做，仲以剛剛讀完書那一種。
初初佢開業，講明老人家，可以隨時免費量洫壓，同老人家收
$90.00，我地去睇醫生，佢會親自開門叫病人入去，睇完都會問，
有冇其它野想知，想問呀。又會沖去開門比病人出去•
奶粉SAMPLE(包裝同罐裝)，佢會放係出便，任得人自已去拎。
有好多人都好喜歡佢的行為•我很久沒有去睇，而家仲係咪咁，就唔係好知喇。後來要拎籌，11. 12 都未見人。

妳唔好咁講啦，個個人要求唔同，起碼都有間屋住下，我同我
69.99住，佢地都好煩，佢地仲好出名???兩個各自個家族，出名
野"慢"。長俸唔係個個警察都有嫁。

我問過我老公，佢都唔知係邊，妳教下我地去丫。

[ 本文章最後由 626mama 於 07-7-31 21:17 編輯 ]

626mama

各位,

特然想，好彩做出世紙時，做多張放係婆婆度，方便帶軒軒睇醫生，我做了三張，一張放我度，第二張放係婆婆度，
第三張直直唔摺，第時比反軒軒，不過好多人都講我係咪傻，
要咁多張仲乜，所以問下大家，妳地幫小朋友做了幾多張出世紙???

hongmimi

警察體育遊樂會
地址：九龍西洋菜街北430號(界限街、西洋菜北街交界，近大坑東遊樂場)

地鐵
太子A出口向界限街(即深水土步方向)行約5分鐘，見到麗都酒樓過馬路，對面有間7-11，然後轉右直行就係。

巴士
天藍妳由長發出發搭41A都岩，係彌敦道太子警署前落車，行番轉頭就會見到麗都酒樓。

626mama我唔知妳由沙田邊度出發，只知有架81係沙田出黎，都係彌敦道太子警署前落車。

唔知妳地明唔明呢?

[ 本文章最後由 hongmimi 於 07-8-2 09:03 編輯 ]

626mama

hongmimi,各位

我剛剛睇地圖，應該唔難找到，而且有妳提示，
應該冇問題。我有問題我會打電話比妳地

我係沙田出發，可能坐火車，可能坐巴士，
一陣打去九巴熱線問下先。

唔該晒

我地走，可能岩路(如果妳反青衣)，大家都係青衣南。


[ 本文章最後由 626mama 於 07-7-31 21:34 編輯 ]

hongmimi

626mama,
匡匡出完個兩小粒之後即日無晒事! 奇唔奇!!

無claim工傷，因為都唔知點樣整親，當時無出聲無人証明，公司唔會負責架!

2000年7月起新入職既公務員係無長俸架! 行MPF嘛!

好在有宿舍住咋! 如果唔係我都要同奶奶住。其實佢當時都唔想我地搬走申請宿舍架! 佢屋企夠加埋我住。我奶奶無o麥野既，不過始終相處好同住難( 妳應該深深體會)，無謂一齊住影響良好關係嘛!而家咪幾好!

匡匡都有三張出世紙，但我只係放定幾張影印本係婆婆到咋! 做三張一d都唔奇，我有好多同事/friend都係咁，呢個係父母個人喜好，佢地可能未聽過大驚小怪o者! 之前聽人講有d學校收生時會keep住小朋友出世紙(好似d中學keep住會考張cert.咁)，多張可以貪心d再搵多間做選擇嘛! (唔知係咪真，可能講緊d名校，或者個小朋友好叻，間學校想留住佢 - 嘻嘻!人講咪聽下咁啦!)，咁兩張粗用都唔係多呀! 另外有一張好似妳咁講，靚仔既for日後保存!

係喎! 差d唔記得沙田仲可以搭火車添，咁如果真係搵唔到打俾我啦! 因為要show証件，我地要約係大門口等埋先一齊入去。

[ 本文章最後由 hongmimi 於 07-8-1 22:55 編輯 ]

626mama

ElainAiolia,

昨天唔見妳上來，一定好工作好辛苦喇，
得閒先上來啦，多加休息呀。


hongmimi,

匡匡都有三張出世紙，我朋友多數得一張，
有學校收生時會keep住小朋友出世紙或者好叻，
真係唔講唔知喎。(我成日咩都唔知)
原來火車同巴士唔近，咁我會坐地鐵lu。
放心啦，我好守時嫁。

hongmimi

626mama,
我知妳好守時，見妳未夠9.就返到公司兼夾on line就知啦!


我係驚我會遲到咋! 次次帶匡匡出街前緊有d突發事既：訓左覺、唔肯著衫(唔係車嘛，要講數講好耐)或者突然大大....


ElainAiolia好似返緊夜(通頂)所以無上黎，佢份工真係好辛苦，希望佢可以放到假啦!

WMCHAN

Hi, Hi,

打電話問, 原來要下星期尾才有老師.

仔仔會讀n1全日, 即放4:30. 請問有無家長會留他在學校至5:45才接他? 知不知在學校做什麼?

本人住曉峰園, 坐校車回程大約幾點到??

請賜教, 謝謝 !

天藍

Hongmimi,
"唔該晒" 你提供去警察會既交通路線, 好詳細你好細心!!!
你有所不知我中學時代, 中三開始係學校少年警訊會員,
所以入過去警察會好多次, 但十幾年前既事, 個陣我記
得有好多活動有你地喜歡既BBQ, 仲有卡拉OK……..,
不過, 甘多年唔知以家同以前個環境同唔同, 有無變遷
入去真係可以懷緬下, 真係多謝你地, 唔係係BK識到
你地都無乜機會再入去玩!!! 如果警察會甘多年都係
係以前個個地方無搬應該我會識去~~~
你公司都幾好甘多福利, 我公司以前初初入去做都有
旅行去下, 不過, 都係東南亞同大陸, 都係泰國, 韓國, 青
島, 上海……., 但2000年之後都cut左, 乜都無得去, 我
都係到做左十年, 間公司唔係好大大, 係office計埋我
老闆都係四個人, 每個人自乘一角, 每人都有個屏風
係三邊坐係到唔會見到大家, 除左企係到, 老闆就當
然有間房, 有二十個同事左右就唔會返公司係出面做野,
返大陸同去新加坡,係到做左甘耐都係貪人工高,
同近屋企有乜事打的兩個字回到家, 搭巴士都係四個字
都唔駛, 同貪佢仲有雙糧之外仲有花紅, 年尾食春茗可
一家大細出席, 我;諗甘多個我就最細, 指職位, 無乜福利,
你地個個都甘好真係羨慕~~~
仲有一樣係到做好少好少會OT, 五點半六點到都走得,
可以回家多D時間同仔玩!!! 就係甘多, 你地就好啦!!!
你條腰骨好D未, 要好好休息唔好再整到, 唔係好長手
尾!!!
唔知我見到你會唔會覺得好熟面口, 話晒都以前大家
住同一座, 真係好開心, 好快又見面!!!!
我仔仔睇開青衣城卓健--周醫生(兒科), 係百佳個層,
太約$200--250, 三日藥, 我仔睇佢就夾, 不過, 好多人
你可拎完飛仔, 去飲茶再返去都可以, Tel: 2431 0230
真係"唔好意思" 我唔係一個好細心既人, 有時你地
問我野我唔知會唔會答漏!!!

626mama

WMCHAN,
妳好呀，我地幾個小朋友都係反上午班。
站時，冇全日班小朋友家長。
宏福幼兒園裝修中，有咩事可以打電話去宏福幼稚那邊問。
妳仔仔會讀n1全日，係中英文部定英文部呀?
我個人意見，妳係咪要放工5:45才去到接放學呀?
其實大家要反工都冇計，我有個朋友成日差唔多
8:00才接到仔仔。(學枚開到8:00)
我只係知會訓午覺，同下午會用多D英文來上堂。
曉峰園坐校車回程大約幾點到，可能問下學校都知知地。
我都唔係好知，唔好意思。

626mama

hongmimi,

呵呵...比妳知道我一早反工兼online添，
咁妳都好早反到公司。

妳又唔係有心遲到，大家都係媽媽，我都明白。

天藍

WMCHAN,

唔好意思~~
我都答唔到你, 因我仔仔都係返半日,
以家個幼兒園個邊放緊假, 9號先有
老師當席, 另外幼稚園個邊就有人,
Tel: 2432 6628 你可打去問下!!!

ElainAiolia,


希望你仔仔早日康復!!!
猴棗未同保嬰丹都係BK既媽咪提供比
我既心得, 不過, 保嬰丹就真係苦苦地
仔仔唔係咁like, 但我都係用你個招仔
仔你唔食, 比晒爹D食亞仔就會食, 都
work~~
真係唔該晒你奶奶到時幫我地羅位, 真
係萬分之感激!!!
你仔仔張學生相影得好好, 我仔仔個張
就影得麻麻地, 不過, 唔再影下年再影
個, 因佢唔合作, 想哭眼水汪汪!!!

pcdogxx,

猴棗未同保嬰丹都係BK既媽咪提供比
我既心得, 不過, 我都係買大牌子同
唔好國內出產比較好, 我都係買余仁
生比較出名同歷史悠久, 有信心保証
同安全D!!!
減肥真係女人終身事業, 我都係生完
仔磅數有增無減, 唉…………
大家一齊努力!!!

626mama,

你公司有番冷氣就好啦!!! 甘太熱天
時無冷氣簡直係虐待!!!
我都係拎左二張出世紙一張粗用, 一
全新放係櫃通到!!!

All,
真唔好意思各位, 因我唔係細心既人,
加上我近來工作忙, 唔知會唔會答漏
你地既問題, 請見諒!!!

hongmimi

原文章由 626mama 於 07-8-2 11:39 發表
hongmimi,

呵呵...比妳知道我一早反工兼online添，
咁妳都好早反到公司。

妳又唔係有心遲到，大家都係媽媽，我都明白。

626mama,
我以前返工奉至遲到.....而家非常時期嘛!(公司想cut人)咪乖一排先囉!

hongmimi

天藍，
有關醫生資料，唔該晒妳呀! 妳之前介紹626mama，妳答唔切佢代答都一樣o者! 總之我地有咩都可以一齊傾一齊share，幾好呀! 真係唔緊要喎! 我夠唔細心啦，自從生完仔仲C多兩錢重，妳以後漏答/遲答/唔答….我都會追到妳瘦!! 下次到我妳又追下我………..大家快d變到好瘦好瘦就好咯! 嘻嘻!

O我! 原來妳做過少年警訊，咁妳有無好似626mama咁細時諗過當差架? 警會無搬過，裡面真係有好多唔同活動，可以免費 / 平平地一家大細去消遣下。

原來妳公司都幾好福利咁喎! 我以前都做個細公司，我覺得細有細好，大又有大好。我做到第3 - 4年都周圍搵工想轉工架，不過出面市道唔好，又無人請我，做做下咁多年懶晒身唔會轉囉! (除非佢抄我…)

妳就好啦! 公司咁近，咁快可以番到屋企。我公司本來係上環，都ok啦! 後尾先搬黎太古 (懶high:tongue: )，日日浪費晒d時間同金錢…

[ 本文章最後由 hongmimi 於 07-8-2 14:09 編輯 ]