回覆 apple~y 的帖子
其實成日見好多家長都係"聽人講"信曬話邊間學校好, 邊間學校唔好, 想知好唔好, 點為之好, 真係要睇返家長想要咩, 小朋友類型又係點......
好少見有梁省德用家的家長上來講下, 少人講唔代表間學校差, 因為有時睇edu kingdom好多唔係用家的家長都負評梁省德,我想用用家身份分享下,
我仔是梁省德小一生,今年開足5班,
來緊9月升小二了,去年大抽獎放梁省德乙2, 當然入左啦, 我放咁前, 當然聽簡介會時已經知道了要4評4考, 個個星期有默書, 功課唔會少(都真係比前幾年少左了, 不過我覺得間間小學都唔會少得去邊), 10個月的上學日子, 有8個月都係評同考, 有好有唔好, 其實真係好睇小朋友性格同家長配唔配合到, 我仔是不抗拒做功課同溫書類型, 快手快腳, 記性唔差, 可以是坊間形容的"谷"得的小朋友, 我本身都唔怕睇功課, 幫佢溫書的, 有D 朋友話要佢日日睇功課溫書, 佢話接受唔到, 所以升小一, 大人小朋友都要一齊適應
功課量, 平均6-8樣, Friday會多左d 常識剪報咁, 其實有時一張工作紙就叫一樣,多唔多, 個個唔同睇法, 我仔有同學的媽咪話做功課做到11點幾, 做到唔想返學, 我仔就唔會,9點-9點半我地都入房講故事訓覺, 有d 女同學仲快手的9點已經訓埋,真係因人而異. 課程豐富係吸引我之一, 有魔法數學, 英數, 英文科學堂, 每星期一堂,著重英文, 有助上英中時唔洗咩都唔識, 英文科用校本 默書: 中英文默書範圍唔算多, 中文9,10月時都係5,6個詞語同讀默一段課文, 下學期會有背默課文,新詩,古詩 等等,英文默書,6個生字, 讀默4-7句句子,下學期會有背默句子, 最多2句 評/考: 因為次數多, 範圍相對少, 溫書都唔會覺得好吃力,有時評失手, 考就努力d追返,默書都會計平時分的, 我覺得密有密好, 我同仔都習慣左平時都keep住有溫習, 宜家訓練定佢,大個要自律,恆常溫故知新. 都有家長反映話評考多,長假期想去旅行都唔得, 我又覺得唔係問題, 復活節假同暑假就已經有得去啦, D人會問, 評考咁多點教我切書, 我覺覺得學校老師好好, D 咩教師日,家長日,家長會都會有平日晚上/星期六先舉行, 唔會用學校上課時進行 課外活動:都多元化, 小一生無得學管玄樂,都係學D 手鈴/打鼓, 都見有仔的小一同學入左銀樂隊, 要老師選拔的.運動方面, 學校有老師是籃球甲組, 又有老師是武術港隊, 呢兩方面感覺學校俾多資源, 有參加/舉行學界籃球比賽, 同埋中國舞我見都有出外比賽/表演, 小朋友都開心 學校老師: 我又唔覺無愛心, 老師都好關注學生, 學校每年都有3次家長會,在星期五晚舉行, 有一小時到時班主任時間, 家長可以多了解仔女在課堂/學校時的表現/問題,有無愛心真係好睇老師, 如果只有一位惡的老師, 就俾人話＂呢間學校的老師無愛心＂, 都幾唔公平 學校有一年2次”愛心CAFÉ”師生一齊玩, 有攤位, 有活動, 有小禮物,開開心心玩半天 信仰方面,有姑娘註校, EVERYWED早上上課前有敬拜唱詩歌時間, 聖誕節,復活節等都有感恩崇拜, 我個人幾著重生命教育, 覺得幾好, 每星期一堂聖經堂, 呢科唔洗評考 坊間D人話梁省德谷成績, 逼D 學生, 其實學校都有聽家長意見, 聽仔同學的媽咪講(仔同學有兄姊在讀), 呢2年功課真係少左,抄寫又少左
都係老土一句, 沒有好同差的學校,只有適唔適合小朋友的學校 希望以上分享幫到大家, 要知道適唔適合小朋友, 真係要家長自己去下學校了解多D, 我去年參觀最多次的學校是梁省德…幸好仔仔返得好開心, 又讀書又玩, 時間好充實!
|
發表於 18-6-22 15:12
，我仔今年派左梁省德，我都希望佢適應，讀得開心！
), 唔識的我回家教佢, 之後溫書, 9點9點半入房講故事訓覺, 星期六早上又溫下書, 下午要去興趣班, 去下公園 星期日返教會, 評考時段風雨不改, 我覺得小朋友唔可以一味埋首讀書, 去玩去運動都係必須的, 溫書分段來溫, 溫左一PART可以休息下, EXAM期間就無TV睇,不過砌LEGO 去公園都有照去...
