低功能自閉症=腦葉酸缺乏症

Kyle

點講呢？有人成功㗎喎！大約十個有一個。

不過咁，啲療法總會有人得，如個個都唔得都執咗好耐。

雖然我呢排無乜出聲，但都見到啲人話做OT 都可以幫開聲，有種好神的感覺！只可以講其他媽睇完羨慕下可以，OT 幫到講野就真是五隻手指數得晒。

顱底摸下摸下咁，又話幫說話。都是有人話得大把人唔得咁。仲要1000$ per hour, 條隊超長。

對於治療，我比較持開放態度，尤其是對那些低功能的一羣。有本錢有本事，試咩都要試下，現實啲講低功能自閉真是非3t 密集可攪得掂，而最可憐的一族就是那些試勻情況都不樂觀，但試咗好過唔試。

Kyle

俾個我知道的粗略統計你參考順勢的效果，我知有十多個家長睇杜家麟，三四個家長睇神婆（dr sonal), 杜sir 那十多個中，有一個醫得好掂，而神婆有一個在一年間有好大進步，但這個小朋友同一時間介掉大部份致敏食物。

其他小朋友，就無咩特別囉，咁自己判斷下個效果。

This is the real life situation.

撇除自閉效果，行順勢另外一個得益是對西醫有重新評價。
自小家貧，看醫生要排幾個鐘睇政府街症，有病都唔想去，結果我童年時有十幾年是沒有看過醫生的。出來社會做事開始賺錢，享有公司提供的醫療福利及開始覺得條命秢貴了好多，那時誇張到打個乞次都要走去睇醫生，結果變了一年看二十多次醫生是等閒事。

順勢是一個主張人唔好用西藥來壓抑身體的療法，而事實上西藥對身體有害是梗的，短時間食還可以，長時間食一定傷肝傷腎。這個看法不單是順勢，連中醫、其他自然療法、健康網站等等都常叫人少食西藥。

Kyle

唔知邊個衰野晨早send 嚟，是關於牛牛，俾佢嚇親。

http://veganbloghk.wordpress.com/2014/04/29/%e5%a5%b6%e5%95%86%e4%b8%8d%e5%8f%af%e5%91%8a%e4%ba%ba%e7%9a%8418%e5%bc%b5%e7%85%a7%e7%89%87/

http://veganbloghk.wordpress.com/2014/05/15/rthk-milk/?from=timeline&isappinstalled=0


還好像我媽一樣覺得牛奶是寶, 唔飲唔得的家長們, 請睇清楚兩條link. 當中有齊專家對牛奶的見解.

tsaimeiyan

yicbc

可憐的牛

Kyle

你又是犯了一個毛病，以為supplement 萬能，大佬，敏感呀，截停致敏源先講其他補身方法啦。其實無野食咗止敏感。

鼻敏感要諗搬屋。長遠斷尾方法，住新界（新界也不是處處得，荃灣沿線、將軍澳等都不宜），千萬不要㨂近隧道的屋苑或地區。搬屋自己家或好多朋友試過是最work.  我老公唔住得九龍，佢做唔到個似樣既人，噴鼻都止唔到。我以前租屋住，好常搬，見証老公個病情如此起伏到現在斷尾，可以遊走港九新界上班都無事。但如一搬去九龍，啲敏感會慢慢回來。

其次是試洗鼻，用鹽水是順勢療法。沖熱水涼時，用鼻盡吸多些蒸氣來舒緩病情。

家中空氣質數要留意：如冷氣個filter要勤洗，冷氣要定期揾師傅清洗，空氣清新機也要購置。我試過病時，坐在公司，連咳幾個鐘無停，放長假一星期回家慢慢好了，一返工，又嚟過，所以不能忽視空氣質素。

塵蟎呢，好多人都塵蟎敏感，無那些超貴吸塵機，就試下間中攞被放乾衣機焗下。

停藥時要慢慢停，越嚟越疏，不要突停。
荒謬地，去睇西醫，十個有九個即開類固醇，好難揾到那梗餘的一個叫人驗敏感先。其實咁簡單，我們香港培育的尖子醫生們點會唔知呀！你話佢地為乜？

唔係點你，以上方法是無用supplement, 已經可以斷尾咗九世耐，除非你是第二啲野敏感，如貓毛、狗毛，搬去邊都攬住啲貓狗。

Kyle

你自己有鼻敏感㗎嘛，你話會唔會食咗某些野，個鼻就敏感起來呀？

通常是塵蟎囉，其實是有塵你都屎。正視下啲空氣啦，唔好走咗去理埋啲無謂野。長遠就部署下搬屋，新界樓點都平幾截，無錢更加啱。咁點取捨就個人選擇囉！我自己咁，洗錢醫阿仔幾多錢都會諗, 醫自己就一個仙都唔捨得，排毒那些唔好攪我，我揀毒死算了。

ktv

食物敏感都會導致鼻敏㗎。有小朋友晚晚鼻塞，有西醫叫佢戒奶，戒咗就冇鼻塞了。

Kyle

同意，但就少囉。同鼻塞和鼻敏有點不同，鼻敏係聞到陣風個鼻都超級唔舒服，比較關空氣事。
咁敏感發咗係咩位，邊個知同點控制到？那位eerr咩都攪暈，都唔去驗下致敏，好難知什麼致敏。咁叫佢驗埋環境和食物敏感啦，都巧貴下。 我假設咗佢唔肯驗，唔驗就當塵蟎攪。

不過真唔好揾supplement 嚟攪呢家野，嘥錢嘥時間。

而家開始見有啲耳鼻喉專科幫病人驗咗致敏源先攪其他，唔似得以前係唔係都出類固醇。但如睇正苦，又可能一句dup 埋嚟話唔關事。

ktv

其實蛋奶麥係食物中好多人敏感，戒咗呢d先，同埋跟Kyle方法(如晒被)，睇睇得唔得先啦，可能做咗呢D已經好返好多，唔駛一定咁快去驗。唔得先再諗去驗，可省錢。

ahjoechan

讚成

Kyle

呢排好多講戒口post.

有好多a 仔媽都俾過驗食敏報告我參考，發覺咁多份，大概廿份，只有一個蛋無事，其他全都蛋有敏感，還是高敏添。以前聽得人多是海鮮、nuts、牛敏感，實情從呢廿份報告中，海鮮、nuts、牛都好少。

至於呢排啲post 既人成日叫人揾醫生詢問戒口、supplement 問題，post 出嚟既人我估應該都是看馮宜亮醫生話。老馮究竟懂不懂supplement? 我都好懷疑佢資格。係米妹來的？

至於話係米可以求其揾個醫生問營養問題，實際話給大家知，根本無乜醫生知，人地研究西藥，不是supplement. 普通vitamin 鈣， 當然求期一個醫生都話要食啦！深入一啲就無個曉。（a 仔唔補鈣㗎！中招都唔知。）

我可以講專醫自閉那幾個都是知皮毛，跟住開啲大路supplement 叫病人試下，跟住睇反應。試過有人食咗dr lam 開啲supplement 後有疴，再問個醫生，佢就話：「唔關事！」，研究下係米真唔關事，都費事做。大佬研究要花幾多個小時，病人給得雞碎咁多診金，點夠請個「專家」同你坐係到研究。 而老馮就出名，人人都是開那些supplement . 咁post 出嚟那幾個媽好彩米fit 中咗老馮啲supplement, 有好轉，唔好彩那些媽，都走咗，唔睇老馮。

supplement 不是藥嘛，無管制，週街自己買都無人話㗎嘛。
註：馮宜亮和林觀禮都不是正式Dan doctor 生物療法醫生，高楊楊應該是，dr trodd 曾經是。

Kyle

Autism.hk 有一篇文章講晒a 仔要食既supplement. 好有根據，好長的，寫既人不是醫生，是家長來的。她的功力比醫生唔知超幾多倍。有心吔supplement既家長，就算醫生給你什麼supplement 都要自己逐隻上網摷一輪，驗清楚。supplement 和戒口，好多美國家長或Dan doctor 已放晒資料上網好多好多年，不是秘密，亦不是我地香港醫生專利囉。至於啲媽話我好懶唔想睇，咁就無野好講。

abc234

可否俾張醫生資料我？

Kyle

無一個姓張㗎喎

Kyle

如網上有個高劑量b6 + 鎂的自閉療法，話會令自閉兒情緒安定下來，我地如揾那數個自閉醫生，而他們有見過此療法的話，可能會開給自閉兒的，弊就弊在原來某些自閉兒如某個遺傳基因有缺陷，是不能用高劑量b6 的，會好hyper, 有些媽好彩仔無呢個基因缺陷，食咗醫生開的b6 米有好效果囉，若唔好彩有缺陷的那些仔，食到hyper, 走去問醫生乜事，有邊個醫生得閒坐係到研究是什麼原因呢？（普通一個家庭科醫生，我估不會上網去研究呢範自閉野，唔識下應不會胡亂開supplement, 實情就不會好似那些post 出來的媽講到求期揾個就近的就幫到手）

所以那幾個媽講就講好果一面，實則行生物療法有無咁易行呢？命水好當然食乜、訓練乜都中，命水衰起上嚟，好似我咁樣，就做乜都唔中。我見不少幫襯馮而亮的都放棄了。自閉款式多到乜，one protocol 點能fit 所有仔呢！到頭來只有靠個媽自己去鑽研囉！