馬頭涌官立小學家長請入來傾吓

YUNG媽

囡囡媽,
最近很忙, 遲左覆.
校車是由學校標書挑選, 校車公司要向學校負責. 學校對校車公司收費, 車線和服務都有say. 重會係只做馬頭涌學生, 緊貼學校的特別日子如考試放早,安排接送.
褓姆車由私人經營. 我問過負責校車的主任, 佢地年頭開大會都會邀請褓姆車負責人講解學校來年的大致安排.
我住將軍澳, 由於校車接送地方不停我的屋苑, 所以我選用褓姆車.

Leolonglongma

YUNG 媽:

我都是住在將軍澳(坑口), 請問接你小朋友的褓姆車幾點要上車, 會否較校車晚一點?

YUNG媽

Leolonglongma,

褓姆車要求6:20上車, 所以我搭了一星期就決定只坐回程, 自己帶囝返學.  自己搭巴士可以7:00出門, 亞囝可以睡多半小時. 我覺得對個囝身體好d, 凍天唔駛閃親, 睡多d點都好d.

不過自己就要辛苦一點.

Leolonglongma

YUNG媽:

還以為褓姆車會較校車遲, 看來找褓姆車這念頭可取消!  我這邊校車要6:50上車, 但我計算過搭巴士最遲7:00便要上車, 就算自己開車都賺不了太多時間, 因為紅磡那兒經常無故塞車,最多囝囝可以在車上再睡一覺, 不過駕車回公司, 泊車費就好貴, 所以最後都是搭校車.  謝謝您的資料!  看來如果不轉校, 唯有再搬家去遷就囝囝了!

又: 你們是坐98C 嗎?  囝囝上車後, 我每天7:00便乘98C上班, (較以往早一小時抵達公司); 一般30分鐘可抵九龍城(亞皆老街球場公園), 如果你是在坑口這兒, 應考慮坐98C, 98S會再快一點, 因它走隧道, 不走舊路.  按8:15分上學; 7:20上車也應不會遲到.

ngyanting2000

YUNG媽 & Leolonglongma,

嘩!    你哋兩個都係住係將軍澳咁遠, 平時返學囝囝就會辛苦d, 不過唔緊要, 囝囝有你哋兩個好媽陪伴, 一定無問題     

Leolonglongma,

囝囝幾時開始放新年假？　我哋要返到十五號，十六號就開始放假  :

Leolonglongma

ngyanting2000,

其實係現在的小朋友矜貴了, 想起以前小學我們幾姊弟妹都要很早起床, 因為人多要排隊用洗手間, 再邊吃早餐邊排隊等媽媽為我們幾姊妹扎辮.  那時我們從來沒有想過"苦"字, 因為覺得生活就是這樣.  所以我現在常常身體力行話俾囝囝知, 媽媽做得到的, 他一樣能做得到!  故此堅持星期六, 就是不用上學也要和他一起回幼稚園當義工, 雖然累, 但希望佢總有一天明白媽媽的苦心, 這一分耕耘, 實在不知道何時才有收獲, 只知道路仍很漫長, 大家努力好了!

我們返到14號, 15日便放假(因為15日好像是老師進修日), 26日上學, 估計大部份小學都是這天上課.  你們農曆新年外遊嗎? 爸爸一年中只有這段時間真正放假, 加上香港比較靜, 故此我們會跟隨家人到泰國去, 一放假便要催囝囝儘快完成所有家課了, 否則外出也不安心.

本月10號晚在牛池灣文娛中心有"兒歌快車"音樂會, 上次聖誕節假期聽了一次, 有辛尼哥哥, 重溫兒時兒歌, 自己開心, 囝囝亦相當投入, 因為歌詞易上口, 很久沒見過他那麼"小朋友"了! 可惜今次沒有了辛尼哥哥的那一部份, 但未聽過的小朋友亦值得去欣賞, 最重要是票價不貴, 大人60; 小朋友30, 是不錯的親子活動.

YUNG媽

ngyanting,
多謝您的稱讚, 盡力而為啦.

Leolonglongma,
通常我會搭7:05或7:15班796C.  大約7:35到7:45到學校.  其實車行觀塘繞道好快, 慢就慢在係將中到調景嶺上人時間長D.  我地7:55必須到學校, 否則要計遅到.
學校附近重有其他學校, 緊係有D要早D, 有D可遲D上課啦. 我覺得現在的安排很好. 如果上學遲的話,我返大埔公司就可能會遲到.  現在就岩岩好.
至於褓姆車方面, 我都明白人家都要走多轉先圍到數既.  我知當褓姆車送完馬小, 會走多轉將軍澳到培道幼稚園 (返九點). 依家我囝坐褓姆車只收我半程車費, 而且假若個囝放學後要留底上一生一體藝, 就可以跟培道幼稚園4點放學個程.  校車就不會有這樣的安排, 需自行接放學.  不過今年亞囝只在功輔堂上一生一體藝, 不用留堂.
亞囝非常喜歡間學校和老師, 學業態度和自理能力都進步, 再辛苦d都抵啦.

ngyanting2000

Leolonglongma,

每年新年, 我都會留係香港度過, 因為要去親戚朋友度拜年, 但係今年新年就有d特別, 唔可以去人哋屋企拜年, 本來諗住去旅行, 但1月尾去旅行社查詢價錢, 真係好貴, 無辦法啦, 唯有留係香港同囝囝到處玩吓, e+都係度諗緊同囝囝去好, 你哋有無好提議。

YUNG媽,

我囝囝都非常喜歡間學校和老師, 囝囝各方面真係比較幼稚園進步咗好多, 特別係常規方面, 以前幼稚園常常比老師話佢自我控制能力差, 一玩之下就完全失控, 所以我都好擔心囝囝係小學生活能否跟得上, 囝囝無令到我失望, 囝囝比我預期做得好好, 真係要多謝校長同老師的教導。

helenting

YUNG媽~
你真係好辛苦喎~~
初初見到你家住將軍澳已經覺得好辛苦, 要咁早出門口送囝囝返學校, 但原來你仲要係大埔返工, 咁又咪要坐一個鐘頭嘅車, 我諗起都真係慘, 不過見到你話囝囝好鍾意間學校, 而且又不斷進步, 做媽咪一定會感到好安慰, 就算再辛苦都會覺得十分值得

ngyanting2000~
不如去士多啤梨園丫, 我係網上面見過, 好似好吸引咁, 又可以一家人去下郊外吸下新鮮空氣, 我都有諗住同囝囝去架~~
click-->士多啤梨園

Leolonglongma

YUNG媽,

我o地都係無"就近上班命", 我未結婚前住深水埗, 大圍返工, 其後搬到大埔, 一住8年, 先灣仔其後上環上班, 現居TKO, 荔枝角返工.  可能大家真係天生辛苦命, 講笑咋!  

helenting, 你介紹o既士多啤梨園好靚, 等我有機會都同囝囝計劃下.  

ngyanting2000,

我試過一年新年, 同學仔家長帶我地去塔門, 真係好值得去, 不過都頗轉折, 記得要在西貢市中心乘巴士, 到總站再在碼頭搭船去塔門.  回程要留意船期, 不過風景真係好靚, 那一年很凍, 但天朗氣清, 好舒服!

ngyanting2000

各位家長,

我諗住係農曆假期同囝囝一齊去士多啤梨園, 你哋有無興趣一齊去呀? 諗住多d人去會好玩d, 小朋友會開心d, 不如大家約好一齊去 , 時間就未定(初七或之後),  如果你哋都有興趣, 就再定時間。

YUNG媽

真係未試過就近上班.  已經習慣搭長途車.
做女個時, 住油塘要返西環, 搭完地鐵重要轉叮叮.
嫁左住藍田, 返工返大口環, 大口環係邊, 咪係瑪麗醫院再入d囉.
依家住將軍澳返大埔, 係土瓜灣轉75x到大埔中心,重要轉多一程先到公司.
其實自己都覺得很舟車勞動, 不過無計啦.

Leolonglongma

YUNG媽:

我記得中學老師寫紀念冊時, 給我寫了我一句"多勞者能", 至今銘記在心, 告訴自己沒有事是做不來的.  有時自己"氹"自己, 長途車可以有機會瞓一轉; 係車上瞓那一轉, 往往比平時晚上那一轉更"熟睡", 一覺醒來, 新的一天再開始.  囝囝乖(新年願望), 返工無唔開心已經很滿足了!  其他又算是甚麼呢!  快要放新年假, 各位媽媽要"义"足電, 迎戰下學期, 大家努力!

YUNG媽

新年重未攞假, 暫時未知動向.

我妹早前去過粉嶺香薰園, 佢話好好玩. 見其他網頁曾介紹和香薰園網址供大家參考.

成報的專輯~~~

遍地薰衣草 香港都睇到 春日燒烤釣魚自在遊

　仲春，是花開季節，依家就想置身於紫色大大束的薰衣草田中，感受被薰衣草重重包圍的感覺，發夢咩？咁又未必，除日本北海道有薰衣草外，香港都有

ngyanting2000

預祝各位家長及小朋友[size=large]新年快樂及[size=large]身體健康  

祝各位小朋友[size=large]聰明伶俐及[size=large]學業進步     

YUNG媽

same to you, you, you and you !

YUNG媽

初四開工大吉.

ngyanting2000

YUNG媽,

你今日開始返工未呀？ 我今日就開始返工啦, 以往公司就無咁早返工, 因為下個星期公司要舉行展覽, 所以今年就要初四開工，為展覽作好準備, 下個星期一定好忙   祝大家都[size=large]開工大吉、[size=large]事事順利、[size=large]身體健康和[size=large]心想事成

YUNG媽

已開工, 因yung爸太忙攞唔到假, 所以我都唔放假.  而且自己公司元宵有活動, 都要籌備下. 不過呢幾日好多同事都未埋位, d工作都未可以郁住, 下星期會忙d.  

Leolonglongma

各位媽咪:

初九開工大吉!  祝 各位新年龍馬精神; 心想事成; 財源廣進, 囝囝囡囡學業進步, 身體健康!