06年9月入讀蘇淅幼稚園K1既家長, 入唻交流下啦!

CanKan

我都有買過司各脫俾亞女食，係買橙味果隻，因為原味果隻佢唔肯食，有次見倒特價，重一次過買左三枝添，諗住日日食，好快食哂。

點知亞女食食下嫌酸唔肯再食，攪到叩老公隊左一枝，自己隊左半枝，擺到過期掉左一枝，浪費哂 d 金錢。

我而家係俾日本魚肝油丸佢食，係好似軟糖禁，一日最多只能食一粒，我都唔係日日俾佢食，平均兩日一粒，因為好似軟糖，佢都鍾意食，而且亦唔係好貴，方便攜帶，就算去旅行都可以帶埋去。

CANKAN

CanKan

我只係知食燕窩對氣管好，同埋可以增強身體抵抗力，至於可唔可以針對性對個鼻，我就唔係好清楚，不過我依個星期六會同個朋友食飯，佢食左好耐燕窩，比較清楚燕窩既特性，等我到時問下佢。

不過我覺得其實只要身體好，就算係敏感既徵狀亦會輕微得多，始終食西藥都係治標唔治本。同你地傾傾下，我先醒起我都應該開始燉番 D 燕窩同亞女一齊日日食番啖先。

CANKAN

CanKan

JOEYTCY,

佢地係跳類似亞GOGO果 D 扭腰舞，舉起隻手，扭下扭下禁，你可以問下悠悠。

尋日手冊已經夾左張便條通知造跳舞衫，家長可自由決定是否購買，女孩子係反領腰身綁蝴蝶恤衫，格仔裙，盛惠 $150。另女孩子當日要穿白色皮鞋或波鞋，再加白色襪褲。

CANKAN

CanKan

十月媽咪：

ANSON 果班點呀？有通知未呀？

ANSON 今日有冇返學？我今朝見倒雲姨姨，但係好似唔覺眼見倒 ANSON 喎！佢而家重有麥野唔舒服呀？流鼻水定咳呀？犀唔犀利？之前唔係聽你講話同佢睇中醫既咩？

CANKAN

十月媽咪

CANKAN,
星期一收左本手冊之後, 到今日都仲未派番畀我地, 所以我都唔知佢地有乜搞作!    

其實阿女日日都有返學架, 因為佢只係一直都清唔到D咳, 清唔到D痰, 仲有就係原本清左既鼻水, 忽然間有一日放學返唻, 又再翻兜...唉...真係攞命...成個幾月都清唔到, 真係未試過咁架! 之前點都會清兩三個星期至再唻料, 但今次都唔知做乜...

最慘係佢食左葯之後, 有少少發神經, 想瞓又瞓唔冧果種, 又無啦啦喊, 唉...搞到我就唻畀佢搞到精神分裂兼爆血管架喇!  

十月媽咪

CANKAN,
吖, 我想問, 之前叫你試預防氣管同鼻敏感葯果個醫生, 係咪姓何架?

bbdou

hello,

我見大家都有講話小朋友有敏感，正如有位媽咪所講，身體抵抗力好D，敏感症狀都輕微D。我個仔兩歲幾前都係有鼻同氣管敏感，想同大家分享吓，個仔敏感唔係好嚴重，兩歲幾開始我俾佢食燕窩，的確係有幫助，有改善，今年5、6月有開始俾佢食牛初乳糖，覺得都唔錯，因為我個仔唔飲奶，而牛初乳係含有免疫因子，可以幫到小朋友增強抵抗力。我個仔都好鍾意食，食到宜家，touch wood講句，病都係有，但係好小事，前排空氣好差，佢有少少鼻水，但兩日都自己收返哂，唔係睇醫生，唔駛食藥，先排佢嗰班有4個同學惹到手足口病毒，touch wood佢都冇事。你地可以考慮吓。

joeytcy

牛初乳...上次我係澳海城都見過.....不過最後都無買....反而買左羊奶片...一齊食...hehe..但係唔係日日食....個女返黎先有得食....當係糖甘樣比佢...至於我地就記得先食..

joeytcy

oh.........新華唔成團...我今日放工應該會去報永安...因問過已成團..12月6日

joeytcy

講樣好笑野比你地聽............星期六個日我地一家3口去左新都城買左個stepper....(因我想減肥...呢兩年成日好夜先食飯...足足肥左20磅...依家得閒啦...所以想減下..就算減唔到都唔好繼續肥)......買個時阿女已經問我要黎做咩...我就話要黎做運動減肥.............跟住踏van仔個陣...之前唔記講咩...重知最老公就話: 你做半個鐘(佢指阿女)...我(佢自己)做半個鐘......跟住我個女令轉面好正經講望住我好大聲甘講...mummy..甘你咪無得減肥..........hahaha...我同我老公即刻笑....成車人都聽到...當時我只以笑回應係你都唔好甘大聲............(心諗塊面都唔知擺係邊到好羅...童言無忌)
  

CanKan

十月媽咪：

係呀！我亞女果個醫生係姓何架，佢係係地下鐵果間診所果度。

caｎｋａｎ

CanKan

joeytcy,

牛初乳係咩野黎架？

cankan

CanKan

bbdou,

多謝你既經驗之談，可唔可以講多少少你點樣俾燕窩你個小朋友食，係加落 d 果汁度定係就禁俾佢食？每日食幾多？係買即食果 d 抑或係自己燉呀？

cankan

十月媽咪

CANKAN,
哎吔, 都係佢介紹我食呢隻糖果喎, 嗯...既然淨係得佢介紹過食, 咁我食完呢兩星期, 都係唔好再食喇, 咪將來真係依賴左隻糖, 咁我就慘喇! 好鬼貴一粒既呢!

牛初乳都係正野唻既, 不過都唔平呀, 同埋有好多唔同牌子的, 話時話, 我D牛初乳都食晒喇, 又係時候搵個FRIEND入貨, 佢幫我買會平過我自己買!

joeytcy,
咁你開始左你個減肥大計未呀? 我地屋苑都有個媽咪約我落會所做gym, 不過我呢幾日都唔得閒, 所以都無落過去呀!

你阿女好搞笑啫, 名副其實係...童言無忌啊!

CanKan

我就會下星期五飛，今日已經幫亞女同老師請左假，只需要口頭同老師講，佢跟手 mark 低係點名簿度亞女果幾日係缺席，就係禁簡單就可以。

我順便問下老師 k1 請假係咪 ok，老師既意見就係 k1 k2 係 ok 既，k3 就都可以既，但係去到小學部，亦即係小一，就千其唔好啦！

所以如果你地想係淡季同小朋友去旅行，就要好好把握依幾年既時間，到左佢地小一，就必定係學校假期先去得，亦即係旅遊旺季，肯定會貴好多。

cankan

CanKan

十月媽咪：

你係咪係將軍澳站睇醫生？

cankan

joeytcy

各位....hihi

1)其實當時我只係睇左一陣....都唔記得牛初乳係咩...只記得增強人抵抗能力....幾多片唔記得....只係記得好似要成3佰幾定係4佰幾甘上下.........
2)減肥個度算叫做開始左啦....我住係康盛花園...所以無會所架.....為有買個stepper做.......hehe.....今晚會去埋買個呼拉圈(軟身個隻)....唸住20-30分鐘stepper..再做呼拉圈就算lou.....

十月媽咪

cankan,
係呀, 我係響將軍澳站睇呀, 諗住最近維景喇嘛! 同埋唔知點解架, 阿何醫生呢, 將軍澳同坑口站都有駐診, 但次次響坑口站睇呢, 都要睇幾次既; 而響將軍澳站睇呢, 通常d葯食到一半, 都好得八八九九架喇! 所以我唔敢去坑口果邊睇架, 好邪的!
阿女食左半樽葯水, 算係好晒咁滯喇, 希望佢keep住好番, 等我地安心上長隆玩兩日啦!

吖, 我又唔記得左你話去邊樹玩添! 玩幾多日呀? 跟團or自遊行呀? 大約要用幾多錢? 話時話, 我最遲星期五都要同班主任單聲阿女星期一要做逃學威鳳先得喇! 咪老師星期一又打番我, 到時畀佢聽到係長途電話就唔好喇!

joeytcy,
加油, 努力!

各位,
我想問, 呢個星期, 你地阿女個書包有冇手冊呀? 今日都星期三喇, 唔知點解仲未見到本手冊既呢?    

bbdou

唔駛客氣。我係每日臨瞓前俾個仔食一茶匙（滿滿的），冇加落任何野度，而我個仔又好鍾意食，有時夜我叫佢快D瞓覺唔記得俾佢食，佢都會提我話 "媽媽，還沒有吃燕窩"。我貪方便，只係買老行家的即食燕窩，係有糖嗰隻，因為我驚冇糖佢唔鍾意食。但係我有聽講過話燕窩最好係朝早起身食早餐前空肚食，效果係最好的。
如果想俾小朋友食燕窩，先俾佢食少少，睇吓佢會唔會敏感，因為有D小朋友有蛋白敏感係唔食得架。

至於牛初乳，其實係牛媽媽生咗牛仔之後48小時內分泌的初乳，有豐富的免疫因子，可以增強抵抗力（小朋友、孕婦、大人都食得）。荷花、屈臣氏、萬寧都有得賣，我記得荷花賣的最貴，係200幾蚊一樽，有60粒，計落差不多$4一粒，屈臣氏我都有見過，大約百幾蚊一樽，幾多粒就冇留意，至於我個仔食緊的，因為係傳銷野，所以唔方便係度講，我有係第二個TOPIC度見過話如果搵代理集體訂購荷花賣嗰隻，可以平d的。

CanKan 寫道:
bbdou,

多謝你既經驗之談，可唔可以講多少少你點樣俾燕窩你個小朋友食，係加落 d 果汁度定係就禁俾佢食？每日食幾多？係買即食果 d 抑或係自己燉呀？

cankan

CanKan

joeytcy,

預祝你減肥成功！

cankan