返小一ge仔仔囡囡開心嘛???

Leiyuemun

我個仔學校測驗都計分, 佔成績表40%, 都幾重要, 咁就洗凈係計一次考試分, 萬一考試時小朋友狀態唔好就c啦!

小寶 寫道:
我地學校測驗都唔計分,應該好d瓜,家長唔洗咁大壓力囉,
但係如果考試,就真係一次考試定生死.
[quote]
yinyin 寫道:
如果學校測驗是唔計分, 係咪好d la.

又好似一次考試定生死

我地學校測驗是不計分的

[/quote]

珠仔

其實呢個Topic係咪應該叫”今日返小一ge仔仔囡囡ge爸媽....開心???”我由頭睇到落尾總覺得似乎你們唔開心個自己ｄ仔女。

YYYO

仔仔本來返小一,做媽媽理應好高興才對,但我就心力交碎,返小一才一個月老師就常至電,話我個仔好似有過度活躍症,行為有問題,不守紀律,於是同佢看專科排期,護士初步應為不是過度活躍症,但4-6個月才可以見醫生,又同佢見社工,同佢玩遊戲治療,學校又請心理專家明天到學校觀察佢上課情況,做媽媽的我覺得好失敗 ,每晚同佢講道理,佢都答應明天上課會乖,但每次總令我失望

toffeeli

珠仔 寫道:
其實呢個Topic係咪應該叫”今日返小一ge仔仔囡囡ge爸媽....開心???”我由頭睇到落尾總覺得似乎你們唔開心個自己ｄ仔女。

返咗個幾月學，覺得囝囝比起在K3真係進步好多咁，處事成熟咗D，自理叻咗D，寫字靚咗D，做功課勤力D，......雖然只係一D，但最重要係呢一DD係佢真係在努力，所以我係開心的!

比比

咁多位媽咪

好耐無同你地傾計lu，因為近來全家都輪住病，我都係剛病好咋！囝囝下星期開始總測，我都好緊張，但又唔敢係咁叫佢溫書，溫得多佢又唔多願。好彩依個星期學校有小測，囝囝無乜點溫都算係咁，成績都唔錯，但發現其實都幾深下，特別係英文，好多生字都無得睇，要囝囝自己答同串出來，所以家陣好擔心tim。

但都唔知點解囝囝有時都重會喊，佢返來話我知有次上上下數學堂佢喊，因為掛住我，個老 師以為佢想好廁所，係咁叫佢去廁所喎！都唔知點解咁耐都重係咁樣，但佢又無話唔肯返學喎........

kitty

小寶 寫道:
kitty

我話送佢去補習社,佢就話我唔鍚佢,唔要佢,而家佢已經成日話我唔錫佢啦,如果咁樣我驚情況更糟

小寶,
咁就唯有等佢再大小小睇下點先啦...
話哂都仲係細...
唯有睇下仲有咩辦法諗下計仔同佢溫啦..
我女剛剛測完驗,可以輕鬆一天...
尋日帶左佢地去冒險樂園玩左一日..
今日又要準備下星期一的英默了 (小二的大女)

比比,
我個女測完喇...
佢都話有d 要自己串出來答呀..
佢仲同我講有d 唔識串添 !

hi 各位,
你地常識課外題測咩呀?
我女小一就: 國慶是邊日 ?
仲有一題唔記得左咩喎...
小二的女就 :國慶是邊日 ?
                :特首是誰 ?
                :迪士尼幾時開幕?
好彩我個女識答,我仲以為佢唔知特首是邊個添 ,佢仲話佢因為日日睇新聞所以知呀!

珠仔

比比 寫道:

但都唔知點解囝囝有時都重會喊，佢返來話我知有次上上下數學堂佢喊，因為掛住我，個老 師以為佢想好廁所，係咁叫佢去廁所喎！都唔知點解咁耐都重係咁樣，但佢又無話唔肯返學喎........

咁講法，會唔會阿仔仲未適應小學生活呀? 或者佢仲未找到返學既價值? 例如同同學既交往、上堂的樂趣、吃午餐等，呢d野係好重要令到佢地鍾意返學，而唔係父母可以控制得到既，好靠佢地自己點樣去發掘出來。你試下同佢傾下計了解一下，睇下會唔會找到答案，或者有什麼可以引導下佢，等佢享受下小一既生活!

Thomas-Hei

其實我都同意你講果個 "Topic", 亞仔返

Hei-Hei

好痛苦!! 好慘~~~~~~

Hei-Hei

其實佢地真係好慘!! 朝早一早起身返學, 全日班放 3:30pm, 返到屋企 4點多, 乖既就即刻做功課, 多功課都要做 2-3個鐘 (乖既同學仔都要做 2-3個鐘), 咁就到晚上, 日日做做做, 仲辛苦過大人返工, 好可憐!!!!!!!!

點解要咁呀??????????

Lopui

你唔好咁啦,佢哋雖然辛苦d,但其實返學都好開心好多嘢玩

珠仔

係呀，我頭先打番屋企問阿仔今日開唔開心，佢即刻話好開心，因為今日調左位，而家睇抄功課清楚好多，同埋好鍾意個新鄰居。聽日又放假勒，我又比佢唔駛做哂D功課，留番D聽日做，佢不知幾開心。

比比

珠仔

我都有了解下佢，但問多佢兩句佢就話唔好再問啦，佢而家識左幾個朋友仔，希望佢開心d啦！其實我覺得佢想我係佢身邊，佢由細到大都未離開過我超過半日架，但而家返全日真係早出晚歸，所以未能習慣。

比比

小寶

其實我同囝囝都會有你既情況出現，有時我閙完，我老公會來做和事佬，去同囝囝講道理，老公會講---其實你好叻仔架，你肯用心去讀好快就識，讀完比你打機好唔好？而我又會奬勵下囝囝，成績好就送部車仔比佢，囝囝就會好開心。總之閙下又哄下佢。同埋時間分配都好重要，以今日為例，囝囝一起身就係到玩，咁我會問佢你想玩到幾點先溫書，咁等佢有心理準備係要溫書，一溫可能個幾小時，咁到佢臨訓前又再同佢溫多一陣，等佢唔使一次過溫得太耐。不過個個小朋友都唔同，我諗你同囝囝都要時間識應下點做，慢慢試啦！

kitty

hi ,早晨,
我個女今日打針呀....有 d 擔心佢!
你地小朋友打左未呀?
11月21日就身體檢查
今朝天氣好涼呀....大家小心身體 !
我女11月又開始送飯喇...而家我又擔心唔知整咩好喇...
話哂都掉低左成個月,而家又黎煮返...
有d 唔係好慣添 !
你地都係咪仲煮午餐呀?

呢排點解唔見大小不梁 0既 ?

ty1031

小寶:
      其實比佢補習會唔會好啲,唔駛自己教咁勞氣.

比比

kitty

我都重送緊飯比囝囝，囝囝唔肯食學校既飯，不過我都唔比佢訂住，因為囝囝食得唔多同比較選吃，老公都話如果佢訂學校既飯會連佢食幾多都唔知，所以暫時會keep住自己整。不過囝囝依個星期總測放11點幾，所以今個星期唔使煩住。你囡囡打左針，係咪學校打果d，我囝囝重未有聲氣話要打。

珠仔

唔駛咁驚打針，我初初都驚阿仔打針（因為以前咁多支針都有我喺度），後來阿仔番黎話當時有d痛，打完後就無哂事，佢真係比我想像中更堅強，可能小朋友在學校沒有父母在旁真係唔同ｄ，會比較無咁細胆，成個大人仔咁添。

yinyin

請問你地體育堂教緊物野
我女學校教跳繩~~~~~~~~~~
佢日日都在練, 我都未見過佢咁crazy學一樣野

因為佢唔識跳, 而考試又要考跳繩, 都唔知要點教佢.

不過由於此個多星期佢日日會練下, 己由一下都唔識到可以跳到3下.

佢好開心話, 原來今天發現小息是可以跳繩   

請問有物野好方法可以跳好d

yuetmama

yinyin,

請問有物野好方法可以跳好d>> I think just leart from practice gar jar  

Dear all,

I forgot 1 point.  Have your kids reach 6 years old? I just recall my memory that 6 yrs old kid need to go to Health Centre to take injection.  Is it via school gar? My girl is 6.5 already.