子女的期望 vs 父母的期望

wan_sosin

greentea000 發表於 17-3-30 04:05
如果老師知佢係SEN，要用咩心態同技巧處理佢既各種問題真係好考智慧，一個唔小心其他同學會話唔公平，呢Ｄ ...

一般學校的SEN支援，是指提供訓練，功課考試調適等。
至於老師會點樣對SEN學生，好難講，一間學校總有好同唔好的老師。好學校都可能遇到麻麻嘅老師。
同學方面，這個是香港教育的不足，有些國家/城市，會有公民教育，定期教導學生，家長，了解有特殊需要的小朋友，推行共融社會。最近兒童節目芝麻街都加入了一個有自閉症的小朋友角式。其實平常生活，佢哋都會在我哋周圍出現，是有需要認識佢哋的特質。
但香港大多數人對SEN的了解甚少，點解唔去教導學生同不同的人相處呢？點解唔覺得佢哋需要明白有些人需要額外包容？罰個SEN學生來做到所謂公平，是因為其他人無知？但無諗過要教識佢哋如何和平共處。
我仔在SEN當中已經是問題好細的一類，有更多SEN學生在學校遇到困難，而得不到適當教導，幫助。
當然，SEN都要接受教導，包容也並非指不用教，但唔係用罰來解決，甚至用罰來向其他學生交代。

1998Ruby1998

回覆 wan_sosin 的帖子

我以前讀小學果陣，有個同學係讀寫、另一個同學唔好彩右手輕微骨折，佢地有齊醫生證明，打算同老師講測驗同考試可唔可以畀多少少時間，中文同英文老師話「咁樣對其他同學唔公平，考試時間基本上夠曬用，如果讀書讀得好讀得夠努力，都可以係限時內完成」，好彩數學老師就鬆手少少，畀多 10 分鐘佢地。到中學，完全冇得加時，近一兩年都係得南亞裔學生有得分開考試同加時。中四果陣我好記得個老師係宗教堂講「我地要一視同仁，唔可以加時。有學習障礙係上帝畀你嘅考驗，就睇你點樣去克服。」佢唔講最尾呢句，我都冇咁嬲！
不過呢，好似你咁講，間間學校都有好同唔好嘅老師，除非讀特殊學校，否則 SEN 支援年年唔同，家長唯有自己落力 d。

越來越多 SEN 小朋友，但係四周嘅人認識仍然停留係二三十年前，我見過唔少人一見到自閉症小朋友係街到「發作」，即刻彈開三尺，用奇異眼光望著佢地，然後同隔離果個細細聲講野，如果係家長拖住小朋友，佢地會 9 秒 9 拉走小朋友。我唔怪佢地彈開，我都體諒佢地即刻拉走小朋友，但係可唔可以唔好一路啤到個小朋友離開視線範圍？我都覺得唔舒服，做家長更加難受。咁樣佢地小朋友長大，除非從事特殊教育／社工等等，否則都會繼續呢個壞循環。

我表哥一家人係佢仔女五六歲果陣英國黎香港玩，夜晚食飯果陣，阿哥因為人多同埋冇野玩，坐得耐，所以發脾氣。個女女嚇親，細細聲問 “Why is he acting up?” 表哥答 "He has an illness that makes him doesn't act like normal people, he doesn't understand how to behave well, it's not his fault. And we can help him by giving love and patience." 對仔女初時見到我阿哥都驚驚地，但係後尾臨走果陣表哥話攬下我阿哥同佢道別，佢地都好願意好主動，完全冇厭惡眼神。之後佢地再黎香港，都有主動拖住我阿哥行街，佢發脾氣果陣都冇即刻走開，等佢發完脾氣先再拖住佢繼續行。如果香港多 d 家長可以體諒同埋教導佢地仔女，真係幫到好多。

SEN 學生唔係唔可以罰或者唔可以教，佢地都要遵守紀律，但係要明白，有時候「罰」佢地未必明白，幫唔到佢地去學習正確方法，為左同其他學生、家長交代而罰佢地，對 SEN 學生一 d 都唔公平。 同埋每次罰，好多家長都應該知道，小朋友會返去同父母講「邊個今日畀人罰，已經第 X 次」等等，然後好多父母都會話唔好果班同學埋堆，驚教壞自己細路。如果家長冇同佢地解釋同學可能有學習需要，需要包容下，班小朋友好可能會排擠果班學生。

greentea000

回覆 wan_sosin 的帖子

連前線教育工作者受相關訓練既比例都咁低，推廣到公民教育談何容易，唯有家長自強先。

greentea000

回覆 1998Ruby1998 的帖子

越唔了解就越驚，越驚就越迴避，任何事都係。
英國係呢方面既公民教育係點，可否介紹下？

wan_sosin

greentea000 發表於 17-3-30 10:13
回覆 wan_sosin 的帖子

連前線教育工作者受相關訓練既比例都咁低，推廣到公民教育談何容易，唯有家長自強 ...

有些時候家長自強，反被認為是問題家長呢！

當然，另一方面，SEN家長都要好好訓練自己個小朋友，盡量幫佢哋同到別人相處，亦不能下下話自己個小朋友係SEN,必須別人包容，若真的影響到其他同學，都要教佢哋向同學道歉，明白自己的行為並不洽當。

wan_sosin

1998Ruby1998 發表於 17-3-30 09:22
回覆 wan_sosin 的帖子

我以前讀小學果陣，有個同學係讀寫、另一個同學唔好彩右手輕微骨折，佢地有齊醫生 ...

現在如果要得到考試調適，需要有齊EP/醫生報告，指出該生有需用讀卷或加時來考試，單單家長要求是唔會批，而且EP都會睇埋學生成績，如果成績未到太差，都唔會批，我仔成績算理想，精神科都踢咗佢走，話如果有需要先返去約時間見，因為無乜野可以為佢做到。我都明，還有更多非常有需要的小朋友要見CP.

我仔其實都識得分那個同學是SEN,佢細個都有個朋友仔係中至嚴重自閉，讀特殊學校，佢哋係公園玩都好得意，自閉嗰個其實唔多會走近人，係呀仔跟住佢，一齊在玩氹氹轉時，是你一邊我一邊。一齊玩之餘，其實又好似分開咁樣，但慢慢那位小朋友開始留意我仔的存在，同我的存在，見到面在佢家長指示下會打招呼。已經好好。
小朋友其實好簡單，佢哋本來唔會太去分那些人有什麼不同，但正如你所講，係大人做成小朋友抗拒某些人，覺得佢哋有問題，唔可能做朋友同接近佢哋。

1998Ruby1998

回覆 greentea000 的帖子

我唔係英國讀中學同小學，只能夠係大學到睇 d 細微位，睇到佢地教育係點。
英國大部份小學時期學校都會要求一班裡面大 B （大 B 係九月打後出世）帶領細 B （細 B 最細係七月尾、八月初）同埋 SEN 學生做野，例如午膳、課堂學習都會要大 B 幫手，好似香港學校「大姐姐、大哥哥計劃」，不過因為係同班，所以更加可以建立友誼同埋互相幫助。因為有友誼呢個關係，小朋友會更加願意去幫手。公民教育堂唔係淨係講亂抛垃圾、謹守法律、關心長者果堆，反而著重講性別、種族歧視，性別取向、少數族裔、人權、媒體自主、宗教多樣性等等。我小學果陣有生命教育科，歧視已經係最大限度，性別取向同少數族裔提都冇提過，老師淨係講「唔好歧視、欺凌人」、派幾張工作紙咁就一堂。英國小學有搞 project 同埋行動，例如係關愛長者，會去每月一次去附近老人中心同埋買曲奇餅、蛋糕仔幫佢地籌款，關心少數族裔，會安排少數族裔同白人學生一組去完成任務、遊戲，甚至安排坐埋一組上堂。如果講宗教多樣性，天主教、基督教、穆斯林、佛教所有都會講，甚至會帶學生去穆斯林祈禱室，由班上面嘅穆斯林同學去介紹。

香港學校去老人中心，一年一次都可能冇，籌款更加唔洗講，如果有考試、測驗，家長同老師一定會儘量取消賣旗同埋其他義工活動。我初初陪穆斯林朋友去大學入面嘅祈禱室我都唔係好敢入去，佢解釋左好多伊斯蘭教野，例如點解同埋幾時會蒙面（其實呢個世界得 15% Muslim 會蒙面，同埋係女人面前可以唔洗帶 hijab 同埋可以穿短裙），幾時祈禱（其實祈禱時間同其他虔誠教友差唔多）。

好多學校甚至會推廣 Level Class，即係按照程度編班，如果讀書叻 d 就高班 d，讀書需要支援的話，會額外編一班，班上面得 3-5 個學生，好似小組補習咁，一步一步追上去，因為小班教學所以老師一定睇得緊同埋支援到位，呢 d 係連 top 嘅政府學校都有呢個安排。

仲有學校同大學搞 Club 同 Society 一定有呢幾個：Disability（無論係 Mental 定係 Physical）、Minority、Women's Right，好 d 連 African Development、Women in Politics、Justice for Palestine、Support for Refugees、LGBTQ 都有，活動都好多。學生會成員都會包括：LGBTQ、Women、Disabled、Minority，好 d 連 Ethics and Environment、Anti Racism 等等都有。我問依家香港讀大學嘅朋友，佢地都話好少聽到呢 d，就算有都係縮埋一二角自己圍內玩。

班教授未開始入正題教書，就已經講話有咩問題都可以搵教授傾，特登寫 “If you're finding it difficult to cope with university work/life, it's very important that you talk to someone. Below is a brief list of some of the information, people and services who/which may be of help to you” 係 module 主頁。如果有讀寫問題，交證明上去，考試果 d 一定加時（我朋友讀數學，加左 2.5 小時），交 assignment 果陣有一項係「如果你係因病而導致功課受到影響」，無論係發燒頭暈、SEN 定係咩病，只要呈上醫生證明，教授就會酌情改卷。我問朋友，佢地話唔覺香港嘅大學有呢樣野。 我唔知真定假。 不過以前如果同老師講「我呢排病左，所以交唔切功課、功課做得唔好」，老師都會話呢 d 係藉口，然後會鬧一餐。

同埋睇出班教授係受過唔同教育，對能力弱嘅學生上堂果陣明顯有多 d 支援，都鼓勵佢地做野同埋發問（就算問題真係好蠢同埋無謂），其中一個教授講過 “turn every mistake and event into a teaching opportunity”。班同學都會互相鼓勵，搞到我有時候覺得有 d 唔自在覺得佢地有 d 假，因為慣左香港果種教育。

雖然英國學生成績未必及香港學生，但係公民教育呢一部份真係做得好過香港，老師培訓更加唔洗講，做得比香港好好多。成日話香港係多元化城市、國際大都會、中西合璧，但係唔見得包容性好高。

LSKLTK

greentea000 發表於 17-3-30 05:42
進取呢樣野真係好麻煩，如果佢本身無動機，其他人係無能為力。雖然話有外力可以引發動機，不過家長對呢Ｄ手 ...

你指獎勵可為外在動機引發進取？？

greentea000

LSKLTK 發表於 17-3-30 11:36
你指獎勵可為外在動機引發進取？？

獎勵全部學校都用緊，係學校引發學生學習動機重要手段，包括口頭稱讚、進步獎等各種証書、書券/現金獎(助學金、獎學金)，唔見有家長投訴，反而係屋企只有懲罰。

greentea000

尤其而家直私要交學費，間間都有獎學金制度，有無家長反對仔女為左獎學金而努力讀書？

shadeslayer

greentea000 發表於 17-3-30 04:41
蠢呢Ｄ字眼而家新一代唔接受架，要改成 "有改善 / 進步空間"。

兩公婆無需要政治正確啩。

greentea000

同事個仔今個月參觀完英皇書院，一見鍾情，而家鬼咁落力溫習。同事話早知就上年就去參觀，嘔少好多血！呢招好，細路仔係視覺動物，好易上當！

greentea000

係另一post見到無運動失落直資神校(雖然我認為面試既因素更大)，其實唔使太失望，入左都未必係好事。
自己係N無派位入一間音樂同運動都好多校際獎既中學，感覺係二等公民，講得好聽係成績好，唔好聽就死讀書，無work hard play hard咁精英。

之後轉校去一間band 2，起碼成績方面有優勢，自我感覺良好。

greentea000

回覆 1998Ruby1998 的帖子

外國係防止性別、種族、殘疾歧視措施各方面比較完善，執法又嚴明，先落實到各個層面，香港真係有排追。

greentea000

回覆 wan_sosin 的帖子

學校會否俾同學之間知邊個係SEN，SEN同SEN知定全班知？
Y已經知自己個評估結果，佢自己想同老師同同學講，不過Y爸擔心群眾壓力。

greentea000

出差幾日！

wan_sosin

greentea000 發表於 17-4-1 02:05
回覆 wan_sosin 的帖子

學校會否俾同學之間知邊個係SEN，SEN同SEN知定全班知？

學校/老師當然不會刻意同其他學生講，但SEN同SEN之間是有可能知的，因為有機會一起上學校所提供的training.
但其他同學慢慢都會發現有些學生與別不同，也會見到佢哋有特別安排，例如抽離考試，抽離上課。
不過我仔就唔多同學知，因為無參加學校的任何支援，佢自己亦不會同同學講。
Y最好不要自己同人講住，小朋友未必識表達得好，同學聽完未必識反應，而且佢在學校不算問題大，只係她的表達溝通方式有待改善，其實個個細路都總有些地方做得未如理想，問題未去到傷害人，破壞東西，都不太嚴重，有些SEN會有攻擊性，連我個仔都試過比佢哋打傷，不過我明白佢哋的難處，小小皮外傷，學校有去處理，我不會追究。
如果可以，盡快帶Y去做更詳細評估，等政府會等好耐，見到CP就去問多些意見，Y家人應該有足夠經濟能力去揾私人機構，協康都有智能評估，5千左右，可以分析下Y在那些智能上影響佢學習。但無論結果高定低，都唔好比Y知道個結果。

bobbob

greentea000 發表於 17-4-1 02:05
Y已經知自己個評估結果，佢自己想同老師同同學講，不過Y爸擔心群眾壓力。

明顯嘅唔講都知，唔明顯嘅講嚟做乜？

bobbob

greentea000 發表於 17-3-31 16:21
同事個仔今個月參觀完英皇書院，一見鍾情，而家鬼咁落力溫習。同事話早知就上年就去參觀，嘔少好多血！呢招 ...

估唔到咁殘都咁吸引

greentea000

bobbob 發表於 17-4-1 17:52
明顯嘅唔講都知，唔明顯嘅講嚟做乜？

Y認為人地知佢有問題，就算唔包容，起碼唔誤會更深(e.g.投訴佢)。
細路仔係比較天真