小六呈分試分享區

NC9

回覆 kittylam 的帖子

Thanks, Kittylam !

小時了了

真係無諗過考好中文作文, 考試前原來要狂睇範文.


P.S. 阿囡今次中文測驗無論課文及中作, 雖然比起小四有進步, 但我仍然唔係幾滿意, 希望阿女唔洗出到最後呢招狂睇範文去考中作啦

kittylam

睇範文有問題嗎？就算唔係考試多睇都好有幫助，不過平時佢選擇睇書唔會睇範文，考試前睇範文係考試技巧，係細仔根據過往經驗得出黎，大仔就唔識呢個技巧，的確細仔作文攞9x次數比大仔多。

Yanamami

IloveJJ 發表於 15-11-24 11:47
係囉！咪即係鼓勵抄襲?唔怪之得我讀CE寫論文，啲同學都係上網係咁找論文，而唔係睇參考書啦！不過，佢地又 ...

有d分别既~
以前唔係－样話要讀多d人地既之章嗎？見到好句子要抄低，睇得多抄得多模仿得多就变左係自己既？只不过以前係实本書，而家係上網啫~如佢唔係照抄，只係学习寫作手法、詞彙、編排……都唔係算抄？

不过平曰浸好，臨急抱佛腳就唔係禁好就真~

kittylam

原帖由 IloveJJ 於 15-11-24 發表
係囉！咪即係鼓勵抄襲?唔怪之得我讀CE寫論文，啲同學都係上網係咁找論文，而唔係睇參考書啦！不過，佢地又 ...

唔係睇一篇，係睇好多篇，天下文章一大抄，出面好多作文參考書，唔通又係鼓勵抄襲？

kittylam

原帖由 Yanamami 於 15-11-24 發表
本帖最後由 Yanamami 於 15-11-24 11:56 編輯

考試點照抄？上網睇完一大堆，就係學習下點樣可以寫好d，又唔係作定一份照搬，何況題目唔知只係估計，就算唔睇一樣可以作到，睇範文係想更好。

kittylam

原帖由 IloveJJ 於 15-11-24 發表
係囉！咪即係鼓勵抄襲?唔怪之得我讀CE寫論文，啲同學都係上網係咁找論文，而唔係睇參考書啦！不過，佢地又 ...

平時叫人睇多d範文就冇人話抄襲，範文只可以平時睇，考試前睇就變成抄襲。我認我仔好懶，平時有時間都用黎睇書同玩，長見識了。

小時了了

kittylam 發表於 15-11-24 11:53
睇範文有問題嗎？就算唔係考試多睇都好有幫助，不過平時佢選擇睇書唔會睇範文，考試前睇範文係考試技巧，係細仔根據過往經驗得出黎，大仔就唔識呢個技巧，的確細仔作文攞9x次數比大仔多。

唔洗咁激動, 睇範文係無問題, 只係我真係無諗過, 亦唔知呢一個技巧.

即係好似有啲人有病會睇中醫, 西醫, 又或者自然療法, 飲符水, 佈風水陣, 祈禱......., 無問題嘅. 老實講我多謝您令我多一個方法為阿女"增潤"中文作文, 不過呢招我會係無晒所有辦法之後才會用, 因為我依家仍希望中醫嘅固本培元方法, 打好阿女嘅底子, 等佢自己本身有嘅抗體去打呢場呈分試仗

kittylam

原帖由 小時了了 於 15-11-24 發表
唔洗咁激動, 睇範文係無問題, 只係我真係無諗過, 亦唔知呢一個技巧.

即係好似有啲人有病會睇中醫, 西醫,  ...

我冇你咁好學識，個仔又冇你女女聽教聽話，我仔唔學就迫唔到佢，呢個係個仔自己既溫習方法，佢唔願意我自問無能為力叫佢做。如果講閱讀打底，我仔絕對可以話係書迷，技術加技巧可以合拼，何況睇範文呢併不是新鮮事，不會神秘，同樣既學習方法都會有高低。

小時了了

IloveJJ 發表於 15-11-24 12:37
如果我咁講，令你唔開心，我講:對唔住先!
响我既角度入面，如果你睇金庸既小說，跟住你寫出來既故事有武俠色彩，我唔覺得叫抄襲;如果你睇一啲其他人作既文章(不是名作家)，而作出類似既文章，我覺得係抄襲。這只是我個人睇法。我講出自己睇法，不是說你不對，因為那是你的睇法，每個人都可表達自己的睇法。我甚至欣賞你無私的分享! 我說:咁即係鼓勵人地抄襲!不是說你，是說現在的教育/評估方式。題外話，我同樣亦不贊同現在要作文時用很多修辭/四字詞，便加分!

"題外話，我同樣亦不贊同現在要作文時用很多修辭/四字詞，便加分!" ------ 呢點我萬二分認同妳呀, 奈何呢個不知所謂嘅教育制度, 令人聞風喪膽嘅呈分試, 令到一眾父母咩野方法咩野秘方都會攞晒出來試, 目的都係想自己仔女考好呈分試考入理想中學.

真心千萬個無奈

kittylam

原帖由 IloveJJ 於 15-11-24 發表
如果我咁講，令你唔開心，我講:對唔住先!
响我既角度入面，如果你睇金庸既小說，跟住你寫出來既故事有武俠 ...

小學生作文大多都係類似，老師都會教寫作方法，根據老師要求其實已經可以幾高分。老師都會改一班大同小異既文章，肯睇範文我理解成想錦上添花，天下文章一大抄，每篇文章有其優點缺點，自己都有自己思維，將其融合我不覺得係抄，教育方法有代改善係後話，現實呈分係一個分數遊戲，為咗呈分各出其謀，我地都係處於被動。

little_yolky

大家冷靜D。其實kittylam個方法係啱既。

因為佢有講話小朋友係平時有閱讀習慣, 即已有內功心法, 睇範文係技巧。睇範文既目的唔係照抄, 係參考文章鋪排, 結構, 段段緊扣, 每一句每一字都唔係廢話。

至於話依家作文要有修辭同四字詞至加分, 其實係因為修辭可令文章更生動, 四字詞則只用四隻字寫到人家幾十字既嘢, 即可精練。大家寫100字, 用字精練可以講好多嘢, 否則就可能只講到一個point。要加分都要用得準確先有分加的, 唔可以堆砌。

好似我女女, 佢最弱係寫文章唔識開頭, 所以佢作文寫信/賀咭就無問題, 因為呢類格式比較規範。咁如果睇多D範文, 參考吓人哋開場白講乜, 對作文係有好大幫助的。只睇書睇得多既小朋友, 作文唔一定好, 要有人點一點佢, 範文係其中一個自省既工具。至於唔識自省既小朋友, 就要阿媽用手指點了。

kittylam

原帖由 little_yolky 於 15-11-24 發表
大家冷靜D。其實kittylam個方法係啱既。

因為佢有講話小朋友係平時有閱讀習慣, 即已有內功心法, 睇範文係 ...

多謝你明白我，感動到想喊…

little_yolky

kittylam 發表於 15-11-24 13:21
多謝你明白我，感動到想喊…

因為呢個係事實嘛。如果無閱讀習慣而只看範文, 只可學其皮肉, 非其精髓。但如果本身已有良好閱讀底子, 滿肚墨水只是不懂如何利用而已。如你家小孩有自學能力者, 上網自己搞掂, 但如我家豬頭, 則難矣。只好阿媽我多多提點就是了。

kittylam

原帖由 little_yolky 於 15-11-24 發表
因為呢個係事實嘛。如果無閱讀習慣而只看範文, 只可學其皮肉, 非其精髓。但如果本身已有良好閱讀底子, 滿肚 ...

都係好多謝你明白！，我自知才疏學淺，兩個仔都知阿媽靠唔住，又冇補習，冇得依賴，好唔好靠自己，辦法自己諗。你一定係同道中人，明白滿肚墨水無出處，文章開頭結尾真係好蝦人，一個小學生只可以靠自己，除咗睇書睇範文，我未諗到更好既方法，知道既高人請指點一下。

little_yolky

kittylam 發表於 15-11-24 13:39
都係好多謝你明白！，我自知才疏學淺，兩個仔都知阿媽靠唔住，又冇補習，冇得依賴，好唔好靠自己，辦法自己 ...

阿媽靠唔住應該係一個優點嚟, 結果只有兩個：小朋友唔掂~~墊底；小朋友好掂~~一飛沖天。


我家情況如何呢：
考試前~~
大女：媽咪, 今次有無卷俾我做呀?
考試後~~
細女：媽咪, 點解你咁叻知道老師問我哋D咩既?


結果係..............兩個都係平平無奇。女子無才便是德, 無所謂啦。

NC9

我自己對睇範文的看法係唔等於抄架, for example, 要寫秋遊記, 睇左唔同的範文, 小朋友會睇到原來可以咁寫, 可以咁形容d 花草樹木, 可以寫下自己的感受, 原來咁寫句句子可以豐富好多, 靚好多架喎……唔係叫佢地背左篇範文, 同埋考的題目除非一樣姐, 背左都未必岩用的！

JJDBB

原帖由 little_yolky 於 15-11-24 發表
大家冷靜D。其實kittylam個方法係啱既。

因為佢有講話小朋友係平時有閱讀習慣, 即已有內功心法, 睇範文係 ...

睇範文真系未必會抄襲到的，或者，小朋友吸收到可以咁寫又可以咁寫，只是作為欣賞人点作。平時睇下人怎樣表達，怎樣修飾……，得益良多。其實好多老師都鼓勵同學睇下報紙的寫作文章。