香港基督教服務處大坑東幼兒園 - PART II

ARORA

咁間學校好唔好呀，要同個仔搵學校好煩，聽你地講又要擔心一條龍，又要擔心學野少，真係好煩！但係我覺得，個仔入到學校都係得果2歲人仔，其實只要佢係開心就ok啦，但係我老公就唔係咁諗，佢成日話香港地區多名校，寧願請工人都要係香港區讀，我唔係話一條龍學校唔好，係我見過好多一條龍學校都好公式化= 多功課，學野多，我心諗呢d野我係屋企都教到佢啦，係有心教4歲我係屋企都可以教到個仔識哂a-z，我都只係想個仔有一個開開心心0既學校生活，係學校學d我係屋企比唔到佢0既野，好似社交、自理，因為呢d野同老公嘈0左好多次,好煩呀！

ARORA

cicici，
恭喜你，大坑東收你女女，希望佢讀得開開心心！你就小d擔心啦！

pangpuiyee

香港基督教服務處都有幾間幼兒園, 請問觀塘那兩間好唔好? (因為比較近我屋企), 同大坑東這間的分別在那裡? 謝謝

Heather

ARORA,
夫婦兩人意見不同實在令人煩惱.你不妨與先生一起聽一些現代教學法的講座,因為專家的意見被你的意見更有說服力.
你可不用向他說明你的動機,免他對講座有抗拒感,應為你在SALE佢.
在BK的"家長教育"欄都有這些講座的介紹.最近有個名叫"無壓成功學"的講座,講述有關思考法,但今天截報名.
此外30/9/04在尖沙咀香港基督教服在個"學前教育的選擇"的講座,還會安排家長參觀幼稚園及幼兒園.電話27316374.
有時在親子雜誌或報紙的教育版都會有這類講座的資料.

Sally21

Heather,
可否分享「瑞吉歐教學法」是什麼形式的教學呢？
對小朋友的發展有什麼幫助呢？Thanks.

ARORA

Heather,
多謝你呀，我估最好0既方法都係同佢傾，其實我同我老公對大坑東幼兒一d都唔認識，可以話係未聽過。但係有一次我地搭地鐵令我地知道呢間學校，印象好深。

bbmummmy

我都想比我bb讀大坑東幼兒園, 但聽聞N1 -K3返學時間由 9:00-6:00 (全日制), 如果返n1, 得2歲就返o甘長, 會唔會太長. 有無半日制?

Carol

bbmummmy : 我比個返學時表你睇下.
返學時間 : 8:00-9:00am
放學時間 : 4:30-6:00pm
點解返學同放學時間會有段距離?其實係方便D雙職家長,可以係返工前同放工後湊D小朋友,其實你可以4:30pm湊放學嫁!大坑東幼兒園係無半日制,開頭我都會好似你咁想,但一早放學都無作用,不如係學校學下野啦!而且佢地午睡時間好似12:30pm-2:30pm,都足夠佢地休息!

Micky

各位大坑東幼兒園家長,

其實我對此園都好有好感, 因現在每星期六在該處上幼潛, 發覺地方真係好大, 同埋不同的課室有不同的主題, 特點, 加上你們的留言, 令我對此園有更多了解.

但我真係好擔心程度的問題, 因問十個人, 十個人都話幼兒園的程度低於幼稚園, 仲要話係好淺好淺果隻, 實在令我擔心.  想問下各位, 它的程度係咪真係咁低呢? 雖然我想個仔有個開心的校園生活, 但又擔心他日升小時應付不來, 如派位不理想, 去考私校或直資, 會否比幼稚園輸蝕呢?  這些學校是否prefer 讀幼稚園的呢? 幼兒園畢業, 會否俾人印象冇咁好呢?

請各位俾d意見.

Heather

Sally21,
瑞吉歐乃歐洲一個小鎮的名稱,其教學法的特點是以兒童為中心,非以教師或家長為考慮的首要對象.我只知這一點點,詳情可至電學校查詢.

Heather

Micky,
不錯, 一般來說,幼稚園的程度應比幼兒園深,因幼稚園是以教導學科知識為目的,而幼兒園則加添了很多個人自理的訓練.在學科上深了多少則要視乎每間學校的程度而定.選讀幼兒園的家長普遍很重視學科以外的全人發展 (個人意見).
要決定如何選擇學前教育,可多聽這方面的講座,並從現時起,參觀不同類型的學校,包括幼園和小學,其中又包括直資,私校,國際學校和部份有開放日的津校 (官津校較少作學校簡介會),你會發覺不同的小學的教學理念有頗大的差異,有的是按照教育署的課程進度;有的芵文要讀高一級,中文讀高半年;有的用校本課程 (即學校自訂課程);有的用國際性課程 (本地直資學校也有用國際課程的).當你選定你的心水學校類型後,你便會知道如何為孩子安排將來的路,並希望你選定後不要三心兩意,因為這樣的家長會經常為小朋友轉校,給孩子帶來不必要的困擾.
我當年在女兒未入學前也參觀過不少學校,如果你沒有這麼多的時間,便多看親子雜誌,報紙和上網,但總不及親自參觀的好,因為每人的感受不同,而且經報刊寫的介紹,都很表面化和隱惡揚善.或者你可致電某些小學問問他們的收生標準 (官津校是派位制,不會考學生的程度).

最重要的是:
沒有十全十美的學校和學制,在享用其優點時,也需忍受其缺點,這才是現實世界!

Sally21

各位家長：
我的囡囡近來經常間歇性發燒，我擔心會影響她的八月入學，我仲致電請教司徒主任，佢建議囡囡改二月入學，雖然感到有些可惜，但也沒有其他辦法，唯有幫囡囡鍛鍊身體，進軍大坑東家庭啦！

Micky

Heather,

好多謝你的回覆.

看來你之前也參加過不小學校簡介會, 但我從何得知哪些學校几時有簡介會呢?

Heather

保良局蔡繼有將於七月十日有個簡介會，有興趣就打電話去學校2148 2052留位啦。
這是一所私立一條龍芵文學校,標榜活動教學.

511022

Hi everybody,
我囡囡剛4月插班(僅2歲), 3個月了, 校園生活得好開心呀! 雖則哭了整整兩個月多(只是say bye bye的一刻, 不過, 老師話都哭了半小時呀), 慢慢她適應了, 每天不知不覺在家裡反應在校園生活. 不知識唱幾多歌仔, 畫了幾多畫給我, 還有努作. 最喜歡都係父/母親節咭囖!
其實, 我擔心派小學的學校好嗎?
我喜歡他們每日都有日誌給我們知道做了什麼. 時間又彈性. (嘻嘻!)
潼媽

法子

thanks Heather,我這天會去蔡繼有簡介會

Sally21

潼媽：
咁你的小朋友適應能力都好好，我有朋友既小朋友又係剛剛插班讀N1，佢哭個不停，而且不肯食飯，我叫佢轉校過0黎大坑東讀，而家係Waiting list。

horo

深愛女兒的潼潼媽咪
請問日誌是什麼，因為我仔仔讀大坑東時沒有的，而我個朋友已報了大坑東幼兒園，所以佢都想知，THANKS!

511022

HORO,
係呀! 這年先開始有日誌的, 即每日活動花絮, 聽故事的書名, 唱歌的歌名. (咁我咪知囡囡識唱什麼歌, 可以叫囡囡唱比我聽囖!)
還有圖工角 - 做xx手工
玩具角 - 玩踏高 ,砌圖 etc....
教材角
聆聽角 etc.....日日新鮮
你可在活動花絮談話內容中, 知道自己囡囡講過什麼? D小朋友好主動發表, 你估唔到他們有多聰明啊!
今期雙月刊或許刊登我的短文, 關於囡囡在家裡反應校園生活的情況. (副主任話刊登給其他媽咪分享我的喜悅啊!)
唔知其他幼兒園, 有無日誌呢? 我有Keep住給她日後回味架!

horo

潼潼媽媽:
謝謝你呀!我可以話比朋友聽啦!
你就好啦! 可以每日收日誌，如果的個仔仔果時有就好啦!不過大坑東幼兒園在近年真的不停在轉變，教學方法活潑又富創意，其實可以用e-mail方式比我地知道仔女在學校的日常活動，又幾update，又夠專業，唔怪得咁多人報名。