對救世軍幼兒園(各區)的評價-可讓家長們在此討論

1083

各位媽咪：

因有朋友仔仔想報名N2，知唔知去白田還是去荔枝角會比較
方便？請給意見！

BabaMama

1083
你朋友住響邊呢?

1083 寫道:
各位媽咪：

因有朋友仔仔想報名N2，知唔知去白田還是去荔枝角會比較
方便？請給意見！

1083

babamama:

深水埗，近北河街！

銘銘媽

lam's mother,
唔好意思, 聽講座果時實左有好多問題想問老師, 所以完左之後未能同你傾多陣計.
你問左老師d咩呀?? 你仲會唔會聽埋其他講座呀?? 我會聽佢地7月26號果個教養的藝術, 而7月5號果個就唔會去聽, 因為我會去寶寶聽英文硑音呀!!
你覺得間學校點呀??? 會報嘛??

小豬媽媽

各位媽咪：

我原本輪侯荃灣救世軍, 但剛剛收到信, 話白田今年尚有空位, 可以安排轉過去,2003年9月可以入學了,可惜對我來說太遠了.

各位如有興趣,就快的去報名啦.  

sakura

想請問有冇媽咪個小朋友o係錦田救世軍讀 ? 有何意見?

BabaMama

1083
要視乎你朋友住響北河街那處,因北河街都幾長,而荔枝角及白田兩者的距離又真是差不多,最好你可以打電話問下啦!
荔枝角  荔枝角道168號萬盛閣一樓      2787 5788
白田     白田村富田樓C翼地下               2778 3588      

啤啤熊1989

1083你好
深水埗巴域街(即是近德貞女子中學/嘉頓麵包斜對面),有架9M專線小巴直接可到白田幼兒園,都幾方便的.

射手

唔係喎,0個日我去白田見到有班荃灣家長同埋d小朋友去白田參觀,d小朋友玩得好開心,我個小朋友讀白田0既,我一向都覺得0個度環境好好,園長好親切,d先生又夠專業又好細心,聽講佢地新學期會有褓姆車由荃灣過0黎,唔係咩?你可以問清楚喎,唔好走左個機會呀!

射手

小豬媽媽,我覆左你喇

6媽

各位︰

除了7月5日有講座，其實她們有更多很好的講座，我也很有興趣參加？我覺得以下的題目也很吸引，但因為有些地點實在太遠兼要上班，所以真的感到有點可惜！

沒有眼淚的管教
如何透過親子溝通實施情緒教育 (一)
怎樣解決幼兒的情緒行為問題
心靈富爸媽，開發子女的潛能
塑造廿一世紀資優孩子秘訣  
從幼兒的發展看孩子潛能
如何激發孩子的潛能

銘銘媽

lam's mother,
我問: 英文用phonics教的話, 如果父母唔識phonics的話點樣同小朋友溫書?
miss答: 每日午睡之後會有重溫時間, 而重溫時間會比較著重英文, 所以父母唔須要太擔心.
我問: project approach時n1同n2合班的話會否一同出外?
miss答: 因小朋友太細, 所以n1係唔會出外, 而n1同n2合班係有助於小朋友在學習講野, 觀察等上有幫助.
我見到佢地有得唱茌督教詩歌, 同埋佢地有平時唱既歌仔加錄音帶, 可以俾家長知道小朋友o係學校唱左d咩歌.
我又留意到佢地用蒙特梭里教數學所用既教材都幾多, 有d我去"寶寶幼稚園"時我都有見過.
因我唔係太過知道有關phonics既野, 所以都唔係太識得問, 希望呢個星期去"寶寶幼稚園"聽完個講座會知多d喇!

6媽,
我對你介紹既講座都有興趣, 但有d救世軍唔認去, 佢也仲要係o係上午添, 就仲難參加.

6媽

LAM' MOTHER︰唔識去唔緊要，可以上她們的網頁看看，或可致電她們問問也可！

另外，我見到幼兒園SEND給家長有關教統局做的小學視學報告，可以在選校時作參考，我看過了，荃灣區的小學都算齊，各家長不妨上網看看！


http://www.emb.gov.hk/qai/QAI%20website/C-Qai%20Website/exesum/p-01-02.htm

銘銘媽

lam's-mother,
其實我都好想見o下佢地D學生放學既情況, 因為咁樣可以睇到D學生曳唔曳, 而你好叻識問埋D家長添!  咁我想知個家長有無同你講要個小朋友學D咩呀?? 好空規喎!! 你會唔會問多一至兩個家長, 睇o下佢地點睇呀?? 你知啦, 一樣野實有人話好, 實有人話唔好, 如果真係好難決澤的話可以老土D, 做個優點同決點表出黎, 睇o下邊樣多D, 黎做決定o羅! 咁如果你唔選呢間學校, 你又會選邊間呀?? 分享下呀!!

銘銘媽

lam's-mother,
如果救世軍肯俾我個仔入呢間學校咁我就緊係會俾佢讀, 但我都幫佢報左第二間(仁愛堂西九龍幼兒園), o係九龍站上邊, 因為果度就我返工, 我好早已經apply既o勒, 所以都應該幾大機會o係我個仔2歲入到, 所以而家仲煩, 又想佢入救世軍, 但又驚佢浪費多一年時間讀n1, 而唔俾佢入n1, 直接入n2的話又驚佢跟唔上, 所以都未知點, 不過人地救世軍肯收佢先算喇!!

銘銘媽

lam's-mother,
我收工都收成6點, 我一定唔可以湊佢放學, 因為佢而家'女麻 女麻'湊緊, 所以都會係'女麻 女麻'湊佢放學, 然後帶佢返'女麻 女麻'到食飯, 食完飯同我地一齊返屋企, 除非我奶奶肯湊佢返我地屋企啦, 如果唔係銘銘都辛苦!
其實你洗唔洗返工既??