崇真教學法

Ethan/mama

我仔仔又話幾happy喎！我都有啲意外，因為佢都好慢熱同怕羞，又唔認識其他小朋友！

傻妹

ebeltang,

呢d都係小問題,如果佢話唔鐘意小學既模式就煩好多.

LEON

SOS888 ，
原因係叩門心儀津小成功，始終我有3個小朋友，讀津小比較擔子輕d！

ebeltang

Hi 傻妹
好彩佢話她鍾意Miss Leung,同另一個唔知乜姐姐,我都無甘驚

傻妹

ebeltang,

我都覺得個MISS LEUNG好好人,佢個笑容好.我都希望佢係囡囡班主任.

ebeltang

Hi 傻妹
係呀,佢真好好老師黎架     
我女女響英語節巳經開始接觸呢位老師,我眼見佢教小朋友同佢笑容真係好愛錫D小朋友,你知唔知呀,佢叫佢D學生做仔仔,女女,我點解甘清楚,係因為當我掙扎女女讀主流班及國際班之際,我接女女放學個時見到佢,即刻捉住問佢,足足傾左1.5小時,佢不厭其煩同好真誠態度甘解答我D問題,如果小學時遇岩Miss Leung教,就真係有褔囉     
可惜佢淨係響主流班個邊 :cry: 佢係教英文科,我唔知佢會唔會做班主任呢

傻妹

ebeltang,

我估佢會,因為之前有次小一簡介會都係佢主持,所以佢應該係囉.你地傾左個半鐘咁耐,有咩可以分享下?而最後點解你揀國際班呢?

ebeltang

Hi 傻妹
妳知啦,我係一個問題家長黎家嗎,同埋兩班班別學費相比一倍喎要咩六年之久,人地唔緊喲,我下下都要度過諗過家嗎,好啦,入正題:我問佢如果我家庭母語係廣東話,入讀國際部得唔得,
會唔會影響女女學習興趣,課程跟主流有乜分別,能夠隨時轉返主流會唔會有問題,教學方式等......一陣再講,我宜家做野先

ebeltang

繼續,佢就同我講小朋友係崇幼讀,再加埋女女有參加個下午英語課程(跟外國老師)就一定唔會有問題囉,甘我又問,"聽聞國際部,邊個黎in學校都會收喎,因為到時唔掂叫佢地讀返主流"
Miss Leung就話一定唔會,因為佢都有份負責in小朋友,第一外國老師唔會甘笨收一D唔明佢講乜學生,第二IN過陣唔係問埋D簡單野喎,第三學校收生又唔係不足無須甘做.
主流同國際有咩分別:最基本有全天侯英語環境,小朋友係一個自然環境互動英語,仍然會有功課,默書,課程一樣,書本只不過是全英文隨左中文,中文科依然著重,Miss Leung又話就算
香港老師係唔同學校畢業,各個教法都唔同,更何況係外國老師
不過數學一定唔會係外籍人教,因為佢D數會較簡單,學校會用中國人教數學(全英語),最吸引就係有一項外語每個學生一定要選讀(日文,法文,德文)免費   
到最後我問佢妳自己係主流班英語老師,妳會點選,佢話經濟許可一定讀國際部囉!喂一陣再講食飯呀

傻妹

我覺得除左老師係外藉人仕之外,小朋友同輩都要講英文先可以達到最佳效果.點解你唔揀出面既國際學校呢?

ebeltang

Hi 傻妹
我都有朋友讀英基學校,佢地都會有時分類黎玩,因校係唔淮講廣東話,但我朋友D女同同學仔見無乜人都會偷偷地講,其實佢地呢類學校都係好多香港子女讀,再加上學校學中文機會比較小,其中一個原因係我本身唔係一定要女女讀國際學校,甘岩崇小有得選擇,先考慮如果係
的話,由女女一出世就準備全天侯英語環境比佢,等佢由幼稚園
再上小學,因為小朋友自己本身唔係長期溝通用英語,國際學校
亦未必會收,出面國際學校通常係準備小朋友出國讀書先會讀,
甘長遠,我又未必要女女到外地讀書,仲有我其實做過小小資料
問過出面D國際學校學費其實都幾貴,要乜債券乜按金,連最平英童學校D財政運作都比政府睇緊,唔會好似以前甘,又減資助,妳知啦,宜家D細路要乜活動,下下都要$

   其實崇小國際部比較起真係都讀得過,我巳經問過啦,
佢地開學果陣都有一項活動每日有唔知一兩個鐘跟外籍老師
上課,都要$1075如果讀主流班我都一定比女參加,妳話計埋條數都要$3225,橫掂都係咪唔爭在囉,   
我都話好長啦,不過呢D都係我同Miss Leung一小部份ga對話哦 越講越遠

ebeltang

Hi 傻妹
妳估我D英文水準好高咩,簡單應付都還可以,下下要問細節野
都要用英語溝通 ,係崇小叫救命(廣東話)都有應呀,
唔明又有妳地      

傻妹

ebeltang 寫道:
Hi 傻妹
佢地開學果陣都有一項活動每日有唔知一兩個鐘跟外籍老師
上課,都要$1075如果讀主流班我都一定比女參加,妳話計埋條數都要$3225,橫掂都係咪唔爭在囉,   

ebeltang,

乜有個咁既活動咩?未聽過!

ebeltang

Hi 傻妹
有架,因為我日日去校務處接女女放學成日睇小學有咩課外活動,暑假有咩攪同幼稚園過面有乜比較,準備定小學參加咩課外活動呀,仲特登問小學部負責simon係咪有外籍老師課程,佢話我唔駛參加喎,因為我都報左國際囉,佢係甘答我架!   

kent918

問有冇媽咪送出p.1舊書or校服.Thx

SOS888

ebeltang
讀崇小國際係唔係一定要出外

傻妹

ebeltang,

你而家打算俾小朋友參加幾多日課外活動同埋會玩咩?

風琴

HI, SOS888, ebeltang,
我都打算下年比小朋友讀國際ｐ１，　希望你地第日可以多ｄ分享有關國際班ｄ資料，　thanks
我上次問過學校, 佢地話國際班第日可以照考會考, 其實程度同出面差不多, 只不過班主任係外籍老師, 中文係普通話, 英文要求會高少少.   至於I.B, 學校話要睇學生去到中學時如何選擇 , 由於而家只去到p2, 學校只係話比我知每年會最少有班國際班，　唔會令到讀緊國際班ｄ學生讀讀吓冇得接．　國際班學費４３０００一年

傻妹

風琴,

國際班係咪都係3:30放學?

ebeltang

Hi 傻妹
我未知,最主要係留意個畫班先,因為女女最鍾意,係幼稚園過時同個交通安全隊撞期/所以要響出面參加會比較徒時間. 係呀,放學時間3:30