旺角基督教服務處雋匯幼兒學校

fionkwok

twins,

你仲未上嚟呀? 咁你要睇返我地d留言, 唔好做漏或帶漏野呀! 有事可以直接call我!

yenchan,

你間舖攪好未呀? 星期一你會唔會送個仔返學呀? 你地大班d係咪唔使陪架?

chun2611

waiwaichu2003, fionakwok....

hello，好久沒有上網了，個囝放假，重忙過返工。你地好嗎？

下星期一返學啦，我個囝好掛住d先生，一返學佢地就全日架，除非是新生才有家長陪。

Twins

waiwaichu2003, fionakwok,

剛剛上o黍已經睇左你地d mgs啦, 多謝你地提點呀,
不過原來明天仲未有書包用呀....咁樣我可能會是但
比個出街既背囊比囡囡用住先. 而褲片我唔會帶lu,
等佢下個week冇人陪先至帶.

至於利是我都會帶......我都係學奶奶O者, 但係咩意思
我就唔知lu~~~

C啦.....真係好緊張, 唔知囡囡會唔會當左自己同mama
一齊返pg咁樣呢

zimba

Hello to everybody,

Busy vacation!
Can't wait for tommorrow, but my younger one would probably cry a lot again.

cartoons picked by my elder son
                              :idea:                  :-|    :wink:                                  :-x    :cry:    

fionkwok

HI all mami,

今日同佢地返果2個鐘, 我真係好攰呀! 佢返到屋企唔知係咪興奮過度, 好似顛咗咁, 攪咗好耐至肯訓! 你地d小朋友ok嗎?

10396

我bb唔開心,因為學校門口漏貼佢張相，課室locker 又無佢個名,佢自已問點解無既？？我都唔識答，唯有同主任講。

但今日搭車返屋企時，在地鐵已訓左，比以前早左ｔｉｍ

fionkwok

10396

咁我地小朋友係咪同一班呀? D班(n1)係咪呀? 你小朋友叫咩名呀? 今日係你自己送小朋友返學呀? 明日呢? 我地個班原來得6個女孩子咋!!!

waiwaichu2003 & twins,

你地送完小朋友返屋企就返咗工啦! 真係辛苦啦! 你地兩個小朋友都好乖呀? 我女就真係麻麻啦! 成日要足住佢咁, 成日要去玩滑梯, 真係激死! 可能佢真係當咗學校係遊樂場!

zimba

各位媽咪,
你地小朋友返學開心嗎? fionkwok, 看來你女女幾鍾意返學喎! d班19個學生有2個老師, 師生比例好正. c班今年竟然有40人, 真係好熱鬧!

我以為小囝會哭, 但結果沒有. 放學時仲見佢自己係課室彈下彈下咁, 都幾開心自在. 老師說返學不用尿片, 所以今晚終於要同佢介片, 抹了很多次地, 還執了屎!! 好慘呀!!!

10396,
你bb諗住自己已經係學校的學生, 竟然無自己個名, 又真係會好失望. 希望老師明日貼番好啦! 主任點答你呀?

Twins

fionkwok,

Goodmorning!

擒日放左學之後同囡囡食埋野先至走, 跟住原來佢返到屋企
趕住訓覺差d連校服未除就訓左啦, 睇o黍佢係訓未夠先會咁樣lu.

其實你囡囡都ok喎, 我見佢好留心聽老師講古事, 佢都幾
定下, 好過我囡囡啦......死都痴住我喎. 餘下既日子你都會
陪囡囡, 我諗你會更辛勞, 因我陪左半日都想死.

waiwaichu2003,

你今日都放埋假,真係辛苦了你law, 唔知今日你地點呢?
其餘你囝囝都幾詩文靚仔, 一D都唔百厭.  

evawinhk

Dear all,
好耐冇post message o刺, 同大家打個招呼先, 阿女升o左上提子組班, 老師同阿姐都話佢大o左同定o左好多,我都覺得係. very well!!!

fionkwok

Twins,

上得來見你真係要晏晝啦!
陪住個女真係攰鬼死呀! 仲有成個星期, 救命呀!!!
係呀! 個女聽故事就最集中精神架啦! 佢平時係屋企都係最鍾意聽故事! 但就係唔肯同其他小朋友玩囖! 樣樣都要自己玩曬, 俾佢激死!
你個女就好好多啦! 詩詩文文! 又唔多出聲! 又唔會同其他小朋友爭玩具! 今日我都有叫阿女同你個女玩, 但係你女唔出聲, 冇采我女呀! 可能佢真係好攰呀! 係咪都係唔夠訓呢? 我諗今晚要叫婆婆同佢早d訓至得啦! 話時話, 你媽咪好後生喎!一d都唔似已經做咗人地婆婆咁呀!
仲有, 呢個星期係新生適應, 如果你諗住星期六唔同囡囡返學, 我諗你要問吓主任啦! 頭先waiwaichu至問過主任, 佢話星期五, 六先係學校食飯架!

fionkwok

zimba,

冇錯呀! 今年佢地既師生比例真係very good呀! 差唔多1比10! 我諗咁樣照顧起來會好d既! c 班都有3個老師喎, 都係1比13倒, 都ok啦!  咁你有冇陪細仔返學呀?

10396,

今日有返個仔張相未呀? 佢開心返未呢 ?

evawinhk,

係咪即是c班呀? 咁佢已經唔使陪喎! 一開學已經返全日啦! 習慣嗎?

10396

原來湊小朋友真係好倦,我湊左兩天(雖然係11:30放學),但都好辛苦,難為d老師,剛剛至陪個女訓完晏教(其實係自已眼訓,頂唔順)

昨天同主任講左壁佈處無左阿女張相,今日已經補番,証明學校都好關注小朋友心身發展,因為昨天唔見自己,佢已即刻問我,仲唔開心;今日見到後即時好開心,仲話明天比女痳女痳睇tim

其實女女早前應已適應學校生活,因放了2wks暑假,怕唔適應才陪佢,主任話明天應會安排佢原本暫托班別(3至4yrs),我諗學校有甘既安排應有佢地既理由,我好放心既,暫時未可以同您地小朋友做同學仔住。

fionkwok

10396,

呵! 明天唔係你自己揍啦!
係咪明天返3-4yrs班, 遲d等2-3yrs小朋友適應咗之後又轉返2-3yrs班呀? 定一直讀3-4yrs班呀? 你小朋友係咪03年出世架? 如果係, 佢咪會快過其他d小朋友囖?

10396

明天我會湊返學,99湊放學!
係呀,明天女女開始返3-4yrs班, 遲d等2-3yrs小朋友適應咗之後才轉返2-3yrs班。我諗係暫時安排既

fionkwok

10396,

如果係咁, 遲d都會同一班既! 但係今年d班得6個女孩子咋! 你個女叫咩名呢? 可pm俾我嗎? 遲d相應呀!

10396

zimba
您就好la,終於要同佢介片,我個女在學校定時去toilet時,淨係拉水制,拉完就洗手,好似去完一樣,激死!

fionkwok
已發pm

zimba

Hi everybody,
我仔仔繼續返全日, 跟小朋友升c班呀, 所以唔使陪. 明日又同10396的女女一起返學lor? 其實我唔係好想同仔仔介片架, 因為佢一個鐘去2,3次, 真係抹得好辛苦! 不過老師決定返學唔比佢著片, 我唯有係屋企配合la. 佢今早可以同哥哥一起在學校吃早餐啦.

Twins

Fionkwok,

你一共要湊足8日返學, 我諗你真係最攰個果啦.
今日已問過學校係咪哩個星期六要返, 主任話係
“一定”要, 以後既星期六就可以隨意, 所以哩個
星期六又可以見到你地啦. 唔知waiwaichu2003
會唔會陪囝囝返學呢?
其實我個囡係屋企好鬼嘈, 又成日跑o黍跑去, 但
當佢去到d陌生環境同唔識既人佢就一定唔釆人架,
要比d時間佢適應下, 所以希望你唔好怪佢咁冇禮貌.
你囡囡就唔同, 你叫佢講”唔該” or ‘叫人”都肯, 哩樣
野我好鍾意, 唔似得我個衰豬咁款. O拿….哩兩日我
見唔到你, 你要幫下眼昅住我囡囡有冇比人蝦呀!
e……星期五,六有飯食真係好, 我可以睇下我最擔心
既環節lu~

10396,
我想問哩個星期你囡囡係咪唔洗同我地D班既小朋友
一齊過適應期呀? 咁我地咪未見過面lor~

zimba,
咁你囝囝係咪大過我地d小朋友架?

zimba

Twins,

唔係呀, 我囝囝細過你地d小朋友, 5月出世架. 不過佢哥哥讀a班, 所以我比佢暫託lor, 2歲班滿咗ma. 本來都希望有位, 不過宜家都好, 暫託費平d架, 咁細個無所謂啦. 佢行行企企都學到野架, 跟住d哥哥姐姐都好, ni 兩日係屋企自己數three, two, four, five咁, 好搞笑! 不過唔知遲d會唔會去返d班? c班真係好多人呀!未計暫託架.

你地小朋友幾時開始在學校午睡呀? 學校的安排看來都幾好, a, b班的同學呢幾日都會出外參觀, 人少d就無咁混亂.