黃大仙聖母幼稚園入學家長請來交流

erica_chn

"鋼琴班"

有無知幾多人一班?! 是否人人都有自己一部鋼琴仔上堂?

klinglee

Hi,
各位好! 好忙呀, 今天才有時間可上來看看. 似乎個個小朋友都不睇路, 如不拖手, 我囡囡也經常PK. 我還未看學校通告, 我相信囡囡兩樣都想學. 我覺得不會每個人有一部鋼琴上堂, 只是教一些基本工.

id00288

Dear all
大家好
我想不會一人一部琴,
會唔會像出面通利柏思音樂班,
只是教樂理和數拍只,

今日囡囡講在學校食打邊爐
食了十個魚蛋呀!
      
無可能
她話好好食啊!
她又話在班房內用電飯煲打邊爐

  

cheuktungma

Hi 各位,

尋日問左卓彤打邊爐情況,佢話食左好多野,有魚蛋,烏冬同菜菜,老師都有一齊食,我諗佢地實係覺得好好玩好開心,我都覺得幾得意 !

klinglee

昨晚見到囡囡,她也有說在校吃火鍋,但她沒有說有什麼食物. 只是說她沒有帶碗...可能是我記錯需要帶的東西. 工人與囡囡聯手指責我...實在太忙了!!!一個囡囡也照顧不來
你們決定給囡囡學琴還是學畫呢...我問囡囡...她說要與卓彤一起彈琴

cheuktungma

klinglee

姐姐同善潼聯手指責你咁攪笑?!我有時都好大懵無記性,卓彤都會hou準依D機會話我架,所以有時都唔知好嬲定好笑 !

卓彤兩樣都報左,09:00學琴,10:00學畫!

erica_chn

我打算吾同宜璟報名, 因為佢星期六下午要學跳舞 (係學校對面個間ccdc學), 我怕佢太辛苦.  吾知下次學校仲會吾會攪類似既活動?

cheuktungma

Hi erica_chn ,

原來宜璟學緊跳舞,請問學緊邊種舞呢?學得開心嗎?貴唔貴呀?(唔好意思問咁多問題)我都層經有諗過比卓彤學跳舞,因為佢一聽到音樂就好唔怕醜咁郁身郁勢,係無論任可地方,有次行緊商場,有間舖頭播緊好強勁節拍音樂,佢走去人地舖頭門口係度跳,D姐姐望住佢係度笑,我要拉佢走,不知幾咁鑑尬!

klinglee

各位好. 我都想知宜璟學緊跳舞的資料, 我沒有給囡囡報畫圖, 但她一天之內好似好忙.
學校那麼快便有運動會通告,你們會否参加,不過要請假.

erica_chn

Hi,

宜璟係ccdc(既學校對面個間)學芭蕾舞"預習班".  導師miss 包教得好好, 佢有自己一好cute既點名方法.  宜璟由第一,二堂"留計"要我陪佢, 之後每星期六都好開心要返跳舞班.  學費~$100一堂(1個鐘）.  

cheuktungma

erica_chn,

請問係米時間任擇架?宜璟駛唔駛著芭蕾舞裙上堂呀?我覺得 芭蕾舞裙好靚好cute架!

我報左名參加運動會,卓彤成日叫我整個兩個啦啦球!

erica_chn

DEAR CHEUKTUNGMA,

1) 要芭蕾舞裙上堂.  
2) 運動會有首啦啦隊歌, 請問有無人知道歌詞阿?PHOTOS

cheuktungma

erica_chn,

乜原來有啦啦隊歌架,等我返去問下呀女先!

klinglee,

今朝見到善潼,重一齊搭小巴tim,佢地兩個不知幾開心,重拖住手返學!

klinglee

我也不知有啦啦隊歌 可能也要學唱,我也可能會出席運動會,因未肯定所以沒有報名任何活動.

cheuktungma,
你們今天遲了還是他們早了? 她們一見到就好開心,我個女其實常把卓彤個名掛在口,相信他們在學校都好friend. 善潼今天一定好開心...她爸爸首次接她放學,不過她爸爸給工人激死,找了一個早上也找不出接放學那張咭

這個星期六親子園, 你們會否出席,上次因病缺席,今次不會忘記日子

jlam

係咩, 好似唔係啦啦隊歌呀, 係"千人操", 全校小朋友響跑度上面, 一班班咁列隊行出去, 集合左響個坐滿家長既看台前面, 然後有music, 咁就開始跳舞, 好似果d pa la pa la咁, 好好笑架, 記得帶view cam去拍, 真係好好笑   [quote]
klinglee 寫道:
我也不知有啦啦隊歌 可能也要學唱,我也可能會出席運動會,因未肯定所以沒有報名任何活動.

erica_chn

係"千人操"?

可能我聽錯.  sorry! 但有無人知道歌詞阿!

jlam

上年係播music, 佢地跳舞, 唔係唱歌架, 上年佢地要整花環帶響個手腕, 一邊跳, 一邊shake對手, 今年出左通告係用tissue筒整, 又係用黎shake咁lor, 我個女話"唔知有冇歌唱" wor     [quote]
erica_chn 寫道:
係"千人操"?

可能我聽錯.  sorry! 但有無人知道歌詞阿!

erica_chn

吓!  甘點解宜璟返到家中, 不時"口鴨鴨", 吾通佢自己填詞  

cheuktungma

jlam,

咁米好似奧運咁?!都幾壯觀播,我諗到時一定好好睇好攪笑,如果有得同佢地一齊玩就好'羅' !!!

erica_chn,

如果宜璟唱得有文有路的話,可能唔係作呢,好似卓彤咁,佢作歌詞的話,全部都係BB話,都唔知佢唱乜,佢重答我唱緊英文,話我唔識聽添,你話係米比佢激奀 :evil: !!!

klinglee,

可能佢地係學校真係好friend,個日排緊隊佢地握手都握左三次,個朝應該係早左,大約08:05到啦!
其實卓彤爸都試過接放學無帶証,米事先叫卓彤返學講比先生聽,跟住接放學時登記身份證,先生重會問返卓彤依個係邊個添?
其實間唔中接放學,佢地真係好鬼開心架 !!!

cheuktungma

尋日問左卓彤,佢唱左啦啦隊歌,歌詞係:嘩嘩喎,嘩嘩P,........!有埋動作,都唔知真定假,我諗多數都係作    !