04年9月入讀小一家長請進！

simoomhot

麟媽媽 寫道:
今早陪兒子起床梳洗預備返學，跟兒子對話令我樂上半天，想同大家分享下。
電視正在播著唔知講到什麼退休計劃，
兒子開口說：「媽咪，我都有退休金。」
我：「退休金？！咩退休金？」
仔：「我退休喇，我唔做行長喇，老師話比第D同學仔做下，所以送左舊退休金比我！」
佢走去書包度，之後搵左一個仲係青青地色既”柑”出黎！
仔：「喇，呢個咪退休”柑”囉，Miss Lee送比我架！我唔係好捨得食….」

我笑到流眼淚，好慶幸兒子有個好老師！

:  :  :  :

這間學校幾公平，人人有機會做行長

karencircle

麟媽媽，

現在的老師真是與時並進。還記得阿女做班長的第一天已經同我講“媽咪，我任期係到11月15日，之後再找另一個同學接班。”

Cheung

麟媽媽,

好好笑! 個老師几好 :

xxsasaxx

麟媽媽,

真係好「正」﹗ :

LULU-MAK

各位媽咪,

好耐無上黎傾計. 大家好嗎, 班仔仔女女有無大搞作?

明天重陽, 學校放假, 我唸住帶個女去濕地公園玩, (我當去遠足)我仲同個女講, 聽日我地唔講學校, 唔做功課, 唔駛溫習, 儘情地玩一日, 星期六先重新返回現實, 個女聽到次不知幾開心. :  :

Cheung

LULU-MAK,

好主意! 我都諗住帶個女去玩TAI PO 昆蟲屋參考下, 我都沒有去, 唔知各位媽咪有冇去過? 好唔好玩? 呢段時間個囡囡測驗搞到我都緊張晒, 好想放假玩下.  :

karencircle

我本想同囡囡自遊行去東坪洲，但老公怕遠又怕時間太長，話join一天團去。最後是去大城石澗玩下水，都好嫁，等阿囡舒展筋骨，抖下。

肥仔媽咪

karencircle 寫道:
我本想同囡囡自遊行去東坪洲，但老公怕遠又怕時間太長，話join一天團去。最後是去大城石澗玩下水，都好嫁，等阿囡舒展筋骨，抖下。

請問正確位置在那裡呢? 難唔難去呢? 唔該晒!

karencircle

肥仔媽咪，

正確位置我都唔係太識講，每次在城門水塘小巴站旁的樓梯上去一直行，行行下聽到小溪的流水聲就同囡囡找小路下去玩。

肥仔媽咪

karencircle 寫道:
肥仔媽咪，

正確位置我都唔係太識講，每次在城門水塘小巴站旁的樓梯上去一直行，行行下聽到小溪的流水聲就同囡囡找小路下去玩。

Thanks, 你升級了恭喜你!

karencircle

你升級了恭喜你!

我會努力再繼續四圍八下。

ang2527

我都想請問你哋點教囝囝囡囡"重組句子" & 造句?

My son can't do it by himself, he always need my help.

Last night, he took 1 hr to finish 10句 '中文重組句子'
My son normally spend 2 hrs to finish homework.

麟媽媽

大家既小朋友有秋季旅行嗎？我仔星期四去旅行，但竟然是去灣仔峽公園！我地好多時都會去個度踏單車的，個仔問我點解去公園旅行？我唯有話近學校嘛，或者有其他同學仔未去過想去呢！
話時話，我老公記得佢自己小一去旅行都係去灣仔峽公園的！唯一唔同咪D千秋、滑梯、鋼架改晒用膠做，都仲係好似以前咁去完旅行每個學生有一杯雪糕！傳統學校真係30年不變！

lcf

麟媽媽：

我個女都係今個星期五去旅行，不過好似係去粉嶺浸會園，正確地點唔記得左tim。

你會為仔仔準備什麽食物呢，分享o下！

麟媽媽

Icf,

唉！佢地既旅行只是由第2堂去到第6堂，我仔個日仲要帶第1、7、8堂的課本，好奇怪啊！而家長亦唔會同行的，我諗我只會給他一點點零食同飲品，怕太重呢！而學校亦出左通告，同學們唔可以帶相機之類的貴重物品。佢地會由8:30am去到大約10:45am，我老公打算自己駛車上去睇下個仔，不過我都會問下高年班D家長可唔可以咁做，怕唔係咁好….但老公話唔怕喎，話個公園人人都去得架！

lcf

麟媽媽
乜學校o既安排咁奇怪，呢D唔係叫旅行，係公園小息似D wor。仲衰過去沙田澎福公園。   

karencircle

麟媽媽,

學校是寫秋季旅行嗎？有D會話去戶外學習日，所以好似返學咁。我囡囡去西貢生態園。但她幼班時已經去過，她說：「下，唔係呀！我返小學嫁lor！」真要通知下她你囝囝的目的地，等她要知足常樂。

ICF,

我囡囡次次都叫我炒什錦飯給她，她又真的次次都吃個壺底向天。無骨雞翼她都很喜歡，但拆骨就麻煩D，好彩她都只吃兩三隻。

麟媽媽

哈哈！公園小息，好貼切啊！
佢地真係叫旅行的，剛打比一高年班的家長，她說我地可自行去公園睇個仔的，仲話只係留一小時左右，無時間食野，玩都唔夠時候喇！

carollam310

我個女明天要去戶外學習.去九龍公園.都係好短時間咋.中間幾堂唔駛帶書.我諗呢個唔算旅行o瓜

lcf

karencircle,

帶飯壺去會唔會太重呢，我本來都有想過雞翼，但怕會食得唔方便。起骨會否太難呢？