好激氣呀 之- Part I (完)

ruby2004

此文章對兒女成績好的家長 ,看後也許會不高興 (我只是轉貼罷了)

但對兒女暫時未開竅或成績不好的家長 ,看後也許會得到一點安慰 .


以下文章摘自都市日報 :

考10A不一定能發達





大家有沒有留意在社會上最成功的人，他們在學校的表現都未必是最好的；而有部分9A「狀元」到最後都只不過是一個專業的打工仔，而不能夠發達。這個話題非常值得大家思考，尤其是當你沒有高學歷又沒有自信心的時候，可以想想以下我的個人意見。


讀書叻不代表你能夠在商界成功，因為學校
所教、所學的都是一些已經印證了的知識。你記憶越好、越守遊戲規則的話，跟
老師給你的Tips及考試範圍，把知識死記、死背，基本上很容易取得好成績。但對於記憶力不好、上課又很容易便覺得悶、或是好
的、跳跳紮的人來說，很多時他們會覺得這些苦悶的學識或知識不能夠帶給他們興趣，尤其是遇
一些呆板、墨守成規、一成不變的老師，上堂時好像「人肉機器」一樣重播
十年、二十年前的教學題材，換轉是我都打瞌睡。


大家有否留意某些全A、9A的「狀元」、或是First Honor 畢業的大學生，他們在職場上的發展是否跟學業一樣呢？我眼見是不一定的。是否名校出身的學生會比較聰明呢？有很多香港本地的名校，學生能夠取得優異的成績，都是利用一個方法：「超前學習」。意思是當你是中一生時，學校已經教授中二或中三的課本。當然，在考試過程中會佔有優勢，但當中又有沒有顧及學生或兒童的心智發展及與人溝通的能力呢？只是死記、死背Past Papers，答Model Answers，對學生日後的發展又是否有用？其實，就算考試成績不好，並不代表這個學生沒有用或沒有才華，所以家長不應因為兒女得不到優異成績，甚至不及格，而放棄他們，反而應該發掘其他方面的才能，或是引導他們作另類的發展。


我心想：其實香港的九年免費教育能否給家長多一點選擇呢？不只是傳統的背誦式考試，可否多注重團隊的互助，從而令學生能夠適當地提起他們的學習興趣，而不是死讀書。


我所說的都只是想帶出在職場上的發展，人際關係及應變能力才是取決其成與敗；而考試成績只是反映同學過去的努力，而不會對他將來的成就有任何啟示。所以作為家長，如果子女成績不好，就千萬不要打壓他們的自信心，應該盡量給他們機會，找到其他發展的空間。

KK07

Sorry that my computer can't type Chinese today.

To me, this is not a news......most of the really successfulbig bosses I met in my 15 years of working life in mutlinational firms were not 10A students, most of them got average results in universities.  Of couse, graduate with a degree is a must, but among these degree holders, few were top students.  There is no corelation with academic and career achievements, these saying has been proved by manystudies carried by psychologists in the past decades.

ruby2004

原文章由 KK07 於 08-4-18 12:09 發表
Sorry that my computer can't type Chinese today.

To me, this is not a news......most of the really successfulbig bosses I met in my 15 years of working life in mutlinational firms were not 10A studen ...

套用現今的一句話 ------食腦 (腦筋靈活轉動)

本身具備靈活的腦筋+肯學+勤力+際遇(這個因素很重要)+...
這些人即使沒有學位 , 也可以在社會上成為舉足輕重的人物 ,
在這兒不再列舉了.

因材施教係好多父母都明白 , 正所謂行行出狀元 , 但對一班剛
升中的家長來說 , 現階段始終還是注意他/她們的學業+品德 ,
因為這是基本的學術 , 當在職場上 , BOSS 不能瞭解求職者的辦事
能力 , 也只是先根據學歷再作挑選的 , 我想這是家長們為懶散的兒女將來會面臨競爭力又不自知而這樣勞氣吧 .

ruby2004

亞女班同學仔約左放假齊齊去剪髮 , 又講染髮 , 雖然我以前成日都講染髮的壞處 , 例如引起敏感(比埋報紙佢睇) 、 影響髮質唔靚、
傷害頭髮啦 , 以為打底打得好穩陣 , 點知佢而家都心郁郁 , 雖然學校唔准染 , 但佢地染深啡 , 或只係染一小撮(呢個亞女提過) , 我只係拖住先 , 無話比唔比 , 就算講明話係唔比染 , 但我係唔想比佢自己跟同學仔去剪呀 , 我只可以拖到呢個星期尾咋
係咪我問題呢 ? 我食古不化 ?

luima

原文章由 ruby2004 於 08-4-21 12:08 發表
亞女班同學仔約左放假齊齊去剪髮 , 又講染髮 , 雖然我以前成日都講染髮的壞處 , 例如引起敏感(比埋報紙佢睇) 、 影響髮質唔靚、
傷害頭髮啦 , 以為打底打得好穩陣 , 點知佢而家都心郁郁 , 雖然學校唔准染 , 但佢地染 ...

我始終覺得 Form 1 唔適宜染髮。除左有傷髮質外，染得一次就想有第二次，幾時染得到大？況且許多學校都唔想自己學生染髮，就算好輕微都會對他的品行有所懷疑，所以都係唔俾好過俾！

mimikitty28

原文章由 ruby2004 於 08-4-21 12:08 發表
亞女班同學仔約左放假齊齊去剪髮 , 又講染髮 , 雖然我以前成日都講染髮的壞處 , 例如引起敏感(比埋報紙佢睇) 、 影響髮質唔靚、
傷害頭髮啦 , 以為打底打得好穩陣 , 點知佢而家都心郁郁 , 雖然學校唔准染 , 但佢地染 ...

如果佢好肯定可以過到學校0個關, 比佢染深啡啦, 無計架啦, 如果樣樣都唔比佢做, 佢仲反叛呀, 我地做父母的只可以將底線不停咁退後, 我覺得應該留返d quota反對佢再過份些的要求, 免得佢埋怨你咩到唔比佢做, 到時仲弄巧成拙 , 女仔係貪靚d架啦, 不過染髮係一條不歸路, 會愈染愈上癮架

ruby2004

原文章由 luima 於 08-4-21 14:23 發表


我始終覺得 Form 1 唔適宜染髮。除左有傷髮質外，染得一次就想有第二次，幾時染得到大？況且許多學校都唔想自己學生染髮，就算好輕微都會對他的品行有所懷疑，所以都係唔俾好過俾！ ...

我都知 , 除非唔比佢跟同學去剪頭髮 ,否則即使我企硬話唔比佢染 , 驚佢靜靜地染少少 , (因為佢話d同學係中間染左一撮 , 再用外面一層蓋住 ) . 佢咁硬頸 , 唔比佢去 , 實有得砍 , 好煩

ruby2004

原文章由 mimikitty28 於 08-4-21 14:33 發表

如果佢好肯定可以過到學校0個關, 比佢染深啡啦, 無計架啦, 如果樣樣都唔比佢做, 佢仲反叛呀, 我地做父母的只可以將底線不停咁退後, 我覺得應該留返d quota反對佢再過份些的要求, 免得佢埋怨你咩到唔比佢做, 到時仲 ...

我連佢和同學去剪髮都唔想比佢去呀 .
乜都想 , 呢兩日又時時係我面前話想換手機啦 , 我咋聾 ,無出聲 ,
有講樣樣都貴晒啦 , 呢d人比佢去盧旺達住吓就啱

蝦碌媽咪

好少在這topic發言,一路係咁追0黎睇,大家處境一樣,好有共嗚.亞囡又係軟皮蛇性格,考試測驗衰咗;只會同差過佢果幾個嘅0黎比,仲唔知係邊度學埋呢句發爛話:"DNA遺傳,我係咁0架啦.你想我成績進步,咁叫其他同學退步咪得囉."語結  
為佢嘅學業,搞到我鬱燥症 而家中一仔,六年點行落去?向各位媽咪取經.

[ 本文章最後由 蝦碌媽咪 於 08-4-22 15:39 編輯 ]

mimikitty28

原文章由 ruby2004 於 08-4-21 15:19 發表





我連佢和同學去剪髮都唔想比佢去呀 .
乜都想 , 呢兩日又時時係我面前話想換手機啦 , 我咋聾 ,無出聲 ,
有講樣樣都貴晒啦 , 呢d人比佢去盧旺達住吓就啱 ...

吓, 咁我屋企0個件就仲未要求要換機, 就算佢叫我都唔會比, 因為佢的成績一路未達到我的標準, 所以佢都知衰唔敢要求, 一樣野係比較安慰的, 就係我個仔從未頂撞過我, 佢只係會於我講錯野時窒下我, 會話媽咪你又話咩咩咩, 依家自己又咩咩咩, 我最終都一笑置之, 鬼叫自己比佢抽到後腳咩

ruby2004

原文章由 蝦碌媽咪 於 08-4-22 15:27 發表
好少在這topic發言,一路係咁追0黎睇,大家處境一樣,好有共嗚.亞囡又係軟皮蛇性格,考試測驗衰咗;只會同差過佢果幾個嘅0黎比,仲唔知係邊度學埋呢句發爛話:"DNA遺傳,我係咁0架啦.你想我成績進步,咁叫其他同學退步咪得囉. ...

嘩 ! 真係幾激氣喎 .
我都諗唔到點回應好 ?
三個臭皮匠 , 勝過一個諸葛亮 , 其他媽咪又會點回應呢句說話呢 ?

我諗到既係 :
青出於藍啦 , 舉d例如好多以前既人受教育機會不大 , 沒有能力教導在學的兒女 , 經濟環境又差 , 無法去補習班 , 好多都係靠自己努力 ,肯學,都讀到大學 .

唔記得哪日 , 睇到鏗鏘集講內地某小村的小孩求學實況 , 要涉水過河 , 小孩子手拖著手一步一驚心地過河返學 , 曾經有村民帶孩子上學被洪水沖走 , 落得家庭破碎 , 該村民回憶起時也老淚縱橫 . 後來
香港某大學學生等一隊人義務替該村搭橋 , 他們發揮合作精神 , 小孩子們排成一條長長的人肉鍊把石頭一塊一塊地傳送到河邊........
這幅畫面令我留下深刻的印象


另外還有令我難忘的 :
一個約7、8歲的女孩 , 家境清貧 , 除了一個大鍋爐外 , 只有一張床 , 女孩每天放學後便回家燒飯煮菜 , 然後俯伏在床上做功課,
因日積月累 , 小小年紀背脊已開始微彎...........


我們生活在香港 , 已經很幸福 , 我們的下一代更是身在福中不知福, 站在他們立場上來看 , 也很難怪 , 因為他們沒有經"力"過 ,
而家長們亦難以用微弱的力量去抵抗現今社會的洪流 .(指只顧目前享受 , 打機、睇電視、聽mp4 、追求新手機、名牌球鞋 ...)

不是一竹篙打盡一船人 , 當然令我羨慕的人也不少的 .

mimikitty28

原文章由 蝦碌媽咪 於 08-4-22 15:27 發表
好少在這topic發言,一路係咁追0黎睇,大家處境一樣,好有共嗚.亞囡又係軟皮蛇性格,考試測驗衰咗;只會同差過佢果幾個嘅0黎比,仲唔知係邊度學埋呢句發爛話:"DNA遺傳,我係咁0架啦.你想我成績進步,咁叫其他同學退步咪得囉. ...

我會同佢講: 得, 如果你叫得郁d同學肯退步就你, 而佢地又咁有義氣的話, 咁下次你叫我買野比你, 你先要叫你d同學d媽咪打比我, 佢地肯同我一齊買我咪買比你囉 , 要共同進退嘛

ruby2004

原文章由 mimikitty28 於 08-4-23 11:21 發表

我會同佢講: 得, 如果你叫得郁d同學肯退步就你, 而佢地又咁有義氣的話, 咁下次你叫我買野比你, 你先要叫你d同學d媽咪打比我, 佢地肯同我一齊買我咪買比你囉 , 要共同進退嘛 ...

哈哈哈哈

好攪笑呀 , 哈哈哈哈

silviang

原文章由 luima 於 08-4-21 14:23 發表


我始終覺得 Form 1 唔適宜染髮。除左有傷髮質外，染得一次就想有第二次，幾時染得到大？況且許多學校都唔想自己學生染髮，就算好輕微都會對他的品行有所懷疑，所以都係唔俾好過俾！ ...

真係唔好咁快開始染第一次頭髮. 就算染深啡色都係, 過多2個月左右就會退色. 咁又要去再染過, 否則一定會俾學校見到. 我都同個女講, 讀完書之後出嚟做嘢既時候, 你想點染都得. 橙色,紫色, 白色都得隨便你, 但現在就點都唔得. 不過佢可能暫時都唔會諗染髮. 因為佢見到我退色之後咁唔好睇, 就唔想啦. 不過佢就想整負離子. 但我拖住唔俾佢做. 結果個日帶佢去剪頭髮. 個髮型師話怕佢會敏感, 叫佢唔好整住. 人地一句勝過我十句. 其實做負離子都冇乜問題既, 等佢冇敏感先啦.

ruby2004

原文章由 silviang 於 08-4-23 14:15 發表


真係唔好咁快開始染第一次頭髮. 就算染深啡色都係, 過多2個月左右就會退色. 咁又要去再染過, 否則一定會俾學校見到. 我都同個女講, 讀完書之後出嚟做嘢既時候, 你想點染都得. 橙色,紫色, 白色都得隨便你, 但現在就 ...

負離子我都唔想佢整 , 染髮更加唔like , 佢都知我唔like ,
我講左叫佢唔好同同學去剪髮啦 . 日日都好似同佢地(+同學仔們)角力咁

silviang

原文章由 ruby2004 於 08-4-23 14:50 發表




負離子我都唔想佢整 , 染髮更加唔like , 佢都知我唔like ,
我講左叫佢唔好同同學去剪髮啦 . 日日都好似同佢地(+同學仔們)角力咁

其實做負離子是會令頭髮比較直, 會容易打理. 我會容許囉. 雖然髮質可能會變差, 做番好護理就OK. 總比佢去染髮好. 但我會同佢分析不是每個人都適宜做. 如果硬要做, 出來的效果可能更差.  要同佢鬥智.
唉, 現今做父母真係時時都為呢D事而和子女不和. 以前邊有咁多嘢煩.  

ruby2004

原文章由 silviang 於 08-4-23 16:13 發表
今做父母真係時時都為呢D事而和子女不和. 以前邊有咁多嘢煩.  

我覺得佢地而家無我地以前個輩咁聽話 , 比較自我 , 又唔聽勸 .

ruby2004

放左學唔返屋企又通知聲 , 打手機又唔聽 , 好嬲

mimikitty28

原文章由 ruby2004 於 08-4-24 17:42 發表
放左學唔返屋企又通知聲 , 打手機又唔聽 , 好嬲

你係咪講緊我個仔?佢係咁喎, 成日話個電話無電所以無開機

ruby2004

原文章由 mimikitty28 於 08-4-25 09:25 發表

你係咪講緊我個仔?佢係咁喎, 成日話個電話無電所以無開機

mimikitty28 ;

我有睇到你個topic , 我個女舊年年初比 一d利是錢佢儲 ,
點知有次我想打散張大牛 , 先發現無晒錢 , 原來用左$4xx
買點數卡 . (小五/六佢有講過比我聽佢d同學仔有買點數卡,重送過衫比佢 , 我叫佢唔好要唔好買 , d咁虛擬既野真係唔值得,幾百蚊買比自己穿都有個價值係到,我重笑d人咁蠢都去做既 ,
估唔到我想慢慢放手 ,第一次比錢佢keep就出事,真係無奈.)  

尋日電話單case,已是第二次啦 , 第一次同佢講左你唔講低去邊,
會另父母担心,唔知發生咩事同係咪有意外架 , 叫佢以後唔好啦,
所以話佢重有一次機會咋 , 既然搵唔到你 , 你要個電話黎做咩 ?
下次就要cut電話.

[ 本文章最後由 ruby2004 於 08-4-25 10:12 編輯 ]