2007年8月開學宏福幻兒園既媽咪一齊入來傾下

626mama

DEAR ALL,

咁星期五4:00前唔得，就出聲啦。或者電話聯絡。

原文章由 hongmimi 於 07-7-30 03:54 PM 發表


天藍，
係lu，小朋友一病又唔係咁快好番，真係怕要改期，咁或者我地睇定d，星期五作最後決定啦! 好唔好呀各位!!

[ 本文章最後由 626mama 於 07-7-30 17:07 編輯 ]

626mama

活動 : 太子警察遊樂會
日期:8月5日
集合地點 : 遊樂會門口
children playground玩 (有outdoor & 冷氣indoor)
集合時間 : 12:30 (飲茶)(係遊樂會裡面有酒樓同餐廳)
備注       : 星期五4:00前唔得，請告知。或者電話聯絡。
參加:
1. hongmimi (1大1細)
2. 626mama (2大1細)
3. 天藍 (2大1細)
4. ElainAiolia (1大1細) ** 暫定會參與 **

pcdogxx

活動 : 太子警察遊樂會
日期:8月5日
集合地點 : 遊樂會門口
children playground玩 (有outdoor & 冷氣indoor)
集合時間 : 12:30 (飲茶)(係遊樂會裡面有酒樓同餐廳)
備注       : 星期五4:00前唔得，請告知。或者電話聯絡。
參加:
1. hongmimi (1大1細)
2. 626mama (2大1細)
3. 天藍 (2大1細)
4. ElainAiolia (1大1細) ** 暫定會參與 **
5. pcdogxx (2大1細)

hongmimi

原文章由 626mama 於 07-7-31 12:20 發表
hongmimi,

之前有個青衣媽媽介紹個醫生比我，
比大家參考下，我都未睇過。
參考用
莫國榮兒科專科醫生
青衣青綠街一號
偉景花園商場地下12號舍甫
(之前瑪嘉烈兒科做左十幾年)

我媽媽都講聽過好多人 ...

626mama,
唔該晒! 等我寫低俾定婆婆先。原來青衣城o個個要等咁耐架! :(  如果去真係要叫婆婆登記完去飲茶，就到先過去。

我公司保險包埋老公同囝囝門診醫療，每張單最多claim到$230-，所以唔係貴我都會試，搵到夾佢既以後唔洗咁麻煩，始終睇定一個for以後跟進會好d。

pcdogxx

各位,
唔好意思, 呢排真係忙到七彩...   唔好通輯我呀....

做乜你地d囝囝病晒呀?   呢排真係好熱..  開冷氣真係好易會冷親..    大家要小心d呀...  希望佢地快d好返啦..     小朋友病真係好辛苦..  我朋友個仔燒到104.8添呀...  真係嚇死..  

Hongmimi,
唔該你打黎通知我, 唔係我都唔知發生咩事..  哈哈..
鈞渝都有食過保嬰丹同埋猴棗未, 但係佢唔work, 次次餵到好似打仗咁..  d味真係好鬼難食....  猴棗未就好d無乜味, 不過超貴, 又唔work..  浪費浪費...    真係要睇個小朋友夾唔夾到d藥架..
d老人家真係話一發燒就會高d架喇..  不過鈞渝好少病, 咁佢咪唔會高囉...  真係病又驚唔病又驚呀...  

匡匡好攪笑...  grand 魚倒瀉奶奶..  哈哈.. 佢真係好叻仔...


626mama,
嘩.. 你咁犀利既..  做女果陣咩戶外活動都岩.... 不過好攪笑, 兩個女仔都會去BBQ...   我都鍾意BBQ, 不過太熱真係好難頂架...  所以多數都係秋冬先去..     

其實如果做警察做到admin就會好嘆架喇.. 不過要考入去都好辛苦.. 要d體能好好先得架.  俾我就實唔得喇...  我係運動超白痴..

唉.. 我又係生完肥左好多好多....    都唔知點減好....  我唔想做肥師奶呀...  

我點會人工高吖.. 就係因為公司cheap先揀d又平又遠既地方咋... 唉....   都唔知會唔會遲d要搬去柴灣添呀...  


又要做野喇.. 我會上黎睇, 但係可能唔可以留言住..   唔好意思..

626mama

hongmimi,

妳做大公司，大公福利好，全家有醫療好好呀。
我公司都算好，我都可以睇醫生唔洗錢。
我都係見人話好，所以寫寫埋埋。睇門口。


pcdogxx,

份工緊要d，得閒先上來留言啦。
我都係今個星期，老細反左日本，所以成日走上來留言。
平時就冇咁多留言。

係呀，戶外活動我好喜歡，不過而家唔得閒來又冇人配我lu，
我地兩個好喜歡BBQ，成日比則邊d人笑我地，實唔識起爐。
好在我地爭氣。

我反過民安隊，都知好辛苦(警察更辛苦)，步操最辛苦，
曬到真係有d暈。

626mama

好熱呀，我公司冇下午冇冷氣，熱到想死 。

hongmimi

626mama,
呢d福利係因為我係舊contract員工先有，早幾年起入職既staff無晒lu，that's why公司政策越來越衰我都繼續做，我呢份工做左好多年喇! (由青春少女做到媽咪級 )

其實原先仲有d好好既福利而家都無晒lu，例如OT補水、搬屋有兩日假、自己去旅行可以claim機票酒店錢、每年公司一次出境大旅行(包你全家大細喎!)、做滿一定年資就加你年假(最普通員工都10年加3日、15年又加)...........唉! 算啦! 已成過去式喇! 況且而家成日話要cut cost抄人，只希望可以捱到退休! (我夢想過多幾年退休! )

hongmimi

原文章由 626mama 於 07-7-31 16:12 發表
好熱呀，我公司冇下午冇冷氣，熱到想死 。

點解? 壞冷氣??

我公司d冷氣好唔平均，有d位似雪房，我個位係窗前西斜偏偏無冷氣到，好在有把私家風扇頂住。

hongmimi

pcdogxx,
妳得閒先回應啦! 無問題喎!

唔知呢? 我都唔係好識保嬰丹同猴棗未呢d野，亦無機會試。匡匡都ok架，唔係成日病既(touch wood先)，平時係冷氣房間著件背心仔先岩岩好(鬼咁怕熱)。

咁好妳老公星期日有假可以出黎既? 我個放假偏偏又要溫書....:cry:

626mama

hongmimi,

嘩...D福利咁好，係咪外國公司。中國人公司多數都冇。
D福利直程未聽過，好以搬屋有兩日假、自己去旅行可以
claim機票酒店錢、我朋友係新世界某個部門，都係年年
復活節去海外旅行，做滿5年帶一個去，可以唔洗錢。
我好內以前做過一間日本公司一年，早一年去韓國，
下一年去台灣，我去那一年，去"世界之(昌)"唉.....

點解冇冷氣!!因為冷氣那些機件係(昌)外，立案法團
話我地太出，要整反入D喎，明早都會冇冷氣。

係，好多公司d冷氣好都好唔平均，除了而家間公司，
我次次都係坐雪房位。所以我成日都有件外套掛係椅背。
我而家間公司個位好熱，我都買了部私家風扇放係度

[ 本文章最後由 626mama 於 07-7-30 21:18 編輯 ]

hongmimi

o下! 世界之窗?? 大陸呀? 不過而家有得去大陸都偷笑。:tongue:  

係呀! 我呢間係鬼佬公司，不過而家越黎越少鬼啦! 攪到我d英語會話能力降低晒 。聽妳咁講妳而家係日本公司做? 咁妳識唔識日文架??

pcdogxx

各位,
返到屋企, 終於可以坐定定睇晒你地既留言...  追到我屎屎下...

Hongmimi,
都估到你公司咁孤寒無理由醫療都包埋全家咁好架喇..  哈哈.. 原來你係舊contract..   我公司淨係包自己架咋..  仲要上限得$140,  而家實過啦... 都癈癈地架..   嘩.. 你公司以前福利咁好既.. 包埋去旅行, 真係好正喎..  俾你享受到幾年都正啦..   唔知係咪d鬼佬公司都係咁既呢.. 我公司又係勁cut cost, 乜都慳慳慳..  真係想佢快d裁鬼左我拎返d遣散費都好..  我做夠十年都應該唔少啦..    你仲好後生咋喎咁快諗住退休??      

如果開冷氣我多數都會俾返長袖佢著, 驚佢會凍親呀..    唔係老一輩都識保嬰丹呢家野架咩?   我阿媽果次唔知係咩藥房買左盒唔知咩牌子既咩驚風散..   話如果BB肚痾俾佢食..  我驚唔知佢咩出品, 所以靜靜雞掉左..   雖然盒野都唔平, 但係好過食壞佢嘛..
到最後都俾阿媽發現左..  俾佢鬧到九彩..  

佢咁岩返完早所以放二日假, 原先都諗如果冇約會, 就入去柏麗灣個沙灘游下水添..  咁讀書緊要d既...   話晒我地唔會得一次聚會咁少架嘛..  

我以前都有join過physical 架..  之後又係同你一樣..  d錢就autopay, 個人就冇去過.. 嘥鬼晒d錢..   我果陣結婚前日日係屋企玩呼拉圈, 跳一個鐘aerobic, 真係瘦得好快..   不過而家冇原動力, 所以成日都唔的起心肝拎黎跳喇..  唉.   

其實我都驚係地鐵讓錯左俾d本身肥以為係大肚婆果d架, 所以佢唔係咁明顯, 我都唔會讓架..   不過我諗如果真係俾人誤會左, 梗係坐埋落去啦..  扮有左好過俾人知誤會左嘛..  佢又尷尬, 我又瘀..  

你條腰好d未呀?  上個月我"咩"住鈞渝果陣用錯力彎腰執野扭親呀.. 痛到屎屎下.. 差d廁所都去唔到呀..  仲要係葵芳扭到, 都好彩鈞渝契媽係度, 可以睇住佢, 我即刻去睇跌打..  不過鈞渝唔肯跟契媽係咁喊呀, 結果又要我抱返..  幾經辛苦先捱到返屋企, 諗起都驚驚, 所以我而家咩佢果陣都好小心..

鈞渝又係好鍾意玩電腦.. 次次我坐親埋去, 佢都一個pat pat "得"埋黎,  又要按keyboard, 又要按mouse, 所以好鬼煩.. 佢係度, 我多數都唔會開腦架喇..  

626mama,
我公司都係鬼佬公司, 咪又係一樣, 不過我覺得係負責果個人衰, 自己 manager grade 將d好處放晒係自己度, 佢地好似上限三百幾架..   

而家d公司越黎越縮水架啦..  嘩.. 有得去韓國咁好呀...   哈哈.. 有得到你去世界之窗咪好囉...  去晒"全世界"喎....     

下次我地gathering 可以去BBQ呀..  警察會都有架..  我上年中秋到係果度BBQ, 都唔差架..  不過咁岩中秋所以好多人囉..

天藍,
我咁肥d瑜珈動作好似對我黎講好難咁呀.. 同埋我唔係咁鍾意佢好慢動作咁..  我真係冇乜耐性..  果陣買左隻碟返屋企試 (最基礎班), 睇見佢d動作好似續格重播咁..  熄到熄唔切..  哈哈..   我由生完減左4磅之後, 就維持到而家..  一磅都減到.. 好彩冇重返咋..

ElainAiolia,
唔該晒你講得咁清楚呀..  我岩岩都同鈞渝影左d學生相..  佢成日郁黎郁去, 影左差唔多20張先得一張用到咋..  唔知咁樣得唔得呢?
http://www.babyhome.com.tw/album.php?op=view3&mid=212686&page=2&folderid=1216721&fid=33653076&z=F
我結果買左部brother機黎整標籤呀, 佢有布帶可以直接燙係校服到喎..  我就買左hello kitty果部, 係書展買都成$348呀..  諗諗下都唔知買黎做乜..  哈哈..  淨係用黎貼文具用得幾多吖..
http://www.brother.com.hk/php/shop/shop.php?locat_id=7

pcdogxx

各位,
想問呢.. 星期日使唔使早d入去攞位呀?  不如我早d入去攞左位先,
Hongmimi 你係咪都有會員證呀?  如果係你可以等埋佢地先入黎喎.

ElainAiolia

Dear all mami,
喂！我已update o左子聰張學生相上o黎，除頭髮外，係o米好似女仔呢？ 今日子聰已睇o左醫生 ，咳已無乜點聽到，乞嗤同鼻水已少o左好多(起碼收乾o左好多鼻水唔係不停咁流先)，多謝各位關心。小朋友病個個父母都擔心，餵食藥莫講要追九條街；如果唔好彩子聰比你捉到，佢可以同你係地下"癲"成粒鐘都得，不過而家我o地會䤥佢話："唔食比我食呀，我好仲意食呀，唔好比子聰食，我好想食呀。"我老公直程方死子聰唔信咁，揾條脷lam佢D藥:tongue: ，搞到佢拿拿林食晒佢(有時食飯佢食得慢得滯，我o地都會用呢個方法，暫時都幾work)。

星期日我暫時都係未知出唔出到，據今晚收到電話可能星期六會番通宵工(即星期日早上才收工)，若屬實，我都會出o黎o既，最多function完了番屋企訓覺 ，一晚半晚無所謂。hongmimi, pcdogxx如果決定星期日去警察會，我叫我奶奶幫我book張枱，佢同酒樓D人好熟，因我o地每個星期日都會去o個度飲茶(除非有特別事或想改地方)，而佢住得好近果度，日日去焗桑拿，唔使唔好意思，必要時佢八卦起上o黎，可能係隔離開多張枱同佢D女飲茶o忝。

你o地就好喇，公司包你o地去旅行，連埋D雙糧，你o地真係好過我o地呀，羨慕死我喇。

hongmimi,
匡匡會唔會出玫瑰疹，因症狀係發燒幾日後才會出疹，不過都係揾過o個醫生睇好D(如果仲係間中發燒無好轉)，祝匡匡快D好番又高D喇。

ElainAiolia

626mama,
唔該晒你講間鞋舖位置我知，唔知我買果間係o米一樣(門口對住7-11)，D鞋真的好抵，真皮貴D，人造皮平好多，大約$6X-HK有一對皮鞋，另外，我係果度買o左D白色背心底衫加底衭仔比子聰返學用，都OK！萬二分唔該你！

楊x發醫生咁搞笑，係入面訓覺？ 抗生素o的藥少食為妙，另外個醫生又會咁衰o架。你講o個果莫國榮兒科專科醫生(地點係偉景花園地下萬寧隔離，電話：2480-3535)，今日子聰就係睇佢，我覺得OK呀，以前子聰都睇過幾次，每次都唔需要番睇，一次搞掂 ，連我阿媽都睇佢(指傷風感冒)。不過我每次去都唔係好多人，今日直程無人o忝(可能我朝早10點幾o卦)。每次診金$240-HK，大約有三日藥，今日有二支咳藥三支收鼻水藥，另加一支滴鼻水，姑娘話好番唔需要食晒D藥，可留番下次食。入去睇醫生時，醫生枱面有好多玩具玩，小朋友一路玩醫生一路問症加檢查，而個醫生又同小朋友玩令佢o地無咁有介心。個姑娘仲送o左條毛巾仔比子聰o忝。

開診時間：
星期一至五
0900 am – 0100 pm

0400 pm – 0800 pm
星期六
0900 am – 0100 pm
星期日
1000 am – 0100 pm
公眾假期休息

公司無冷氣當減肥 ，我呢排返工都無冷氣(除食飯)，仲要成身臭汗，有時放工搭車都有D尷尬 ，好彩收成夜晚11點幾無咁多人o者。

ElainAiolia

天藍,
其實子聰食o左犭侯棗末D咳已少o左，但因D鼻水不停流又成日打乞嗤 ，所以先睇醫生，但我無聽過犭侯棗末加保嬰丹可醫咳及流鼻水，下次可以試o下先。

pcdogxx,
你得閒先上o黎追過，最緊要份工，小心身體呀！你都講得o岩，開冷氣我都會俾長袖衫佢著(尤其是訓覺，子聰一定著長衫長衭，以防佢踢走晒D被，冷親)。嘩，鈞渝咁曳要影成20張先得呀，不過都影得幾好 。我都有去書展，但無買到部標籤機，因我覺得暫時好少機會用，到第日大D至算。

626mama

hongmimi,
我是最低級0個個，所以唔識日文，我之前反學就係學日文，
不過學了都唔係好識，只係有時間反學，冇時間溫書。
所以明年未必會報名讀日文，但係有小小想讀兒童心理學。

pcdogxx,
扭親腰真係要小心睇好佢，唔係手尾好長。
鬼佬點都好過中國人公司，中國人老細真係算到我地盡。
下次我地gathering去BBQ好呀，呵呵...我第一個參加。
去警察會所又未去過，未去過的地方，我最有興趣，
我最鐘意試新野，我老公同我雙反。例如我買開
傳統麵包比佢做早餐，一買佢未食過麵包比佢食，佢未食，
以經唔係好想食。
我都係，生完到而家，有增冇減。
鈞渝張學生相，好得喎。  
我之前都有想過買整標籤機，剛剛三聯搬遷，冇公仔，
齋字，好以都係brother$50，不過都冇買到。

ElainAiolia ,
唔係丫，睇落都係男仔樣。
軒軒唔想食野，如果我話妳唔食比爸爸食，
佢立即掉晒比爸爸，仲好以好開心咁添吵。
如果可以BOOK木台，我地可以BOOK1:00都得喎，
唔洗早D去等位，如果妳奶奶都去，一齊坐埋
食野都得，仲可以一齊傾計添。
我都覺得有D以"玫瑰疹"。
唔洗唔該我啦，都係hongmimi話比我知，
我地多謝hongmimi就真。
莫國榮兒科專科醫生子聰有睇開，咁下次都可以試下。
之前聽過好多bk媽媽講過保嬰丹，都有寫住止鼻水，
只係大家冇留意。聽講初起好有考。


好熱呀，今朝反到公司都仲未有冷氣 ，
我成身都係度出水 ，不停係度講 ，
好熱呀 。

而家係度打字，對手臂仲會痴住張木台 。
因為業主立案法團話我地冷氣個機件，申得太出，
要重新按過佢。

軒軒昨晚發燒102.2，聽婆婆講，一放佢落床就訓，
有時自己玩玩下，都會走去張床度訓係度，
可能佢真係好唔舒服。

hongmimi

各位，
匡匡係一歲已經出過玫瑰疹，好似出過唔會再出??
佢擒晚己經退左燒，咳同傷風都好番好多，見佢精精神神，我估唔會就燒番掛，但而家又到軒軒發燒，再睇下點喇! 講開又怪，擒日朝早睇楊X發，婆婆投訴點解唔退燒，係咪d藥唔夾，楊X發即刻好似「神算」咁話「今日會退燒」，果然擒晚退左燒，都唔知係佢功力夠定賺夠我錢….

626mama,
我都有諗過讀兒童心理學，不過都係得個諗字。妳老公既性格係優點，好過日日新款捉唔到路o個d呀! 而家咩都係妳掌握之內，食住佢幾好呀!!

用呢招對軒軒唔work諗個第二個囉! 其實都唔洗讀兒童心理學，小朋友成日唔同捉摸不定，用法都唔同，試到岩佢既方法已經係成功啦!

軒軒發燒，而家點呀? 有婆婆睇著唔洗咁膽心(呢個係我既心聲)，希望軒軒快d好番! 妳再update我地佢既情況啦! (順便睇下有無高左!)

hongmimi

ElainAiolia,
好呀! 唔該晒妳奶奶先 ，佢同酒樓咁熟實留個靚位俾我地，我地唔介意同伯友一齊坐喎! 嘻嘻!!

子聰張學生相唔係似女仔，係俾佢平時o個d好「英」既相斯文o者! 咁妳唔好成日話佢好「佬」啦!  妳轉左相，咁出黎唔洗著泳褲沙灘look喇! 不過要著校服!!

妳地呢個方法要自己受苦先，真係難為了父母….暫時work都用住先啦! 我就會對匡匡咁話「妳咩咩咩我就同爹爹講你好叻，叫爹爹讚你」佢就即刻食/做，因為係佢心目中爹爹係Number One ，讚佢一句開心到飛起，不過我諗遲d大d可能睬妳都傻。

[ 本文章最後由 hongmimi 於 07-8-1 12:02 編輯 ]