低功能自閉症=腦葉酸缺乏症

Kyle

感同身受，我仔做針灸都無乜突破，眼見其他仔都有好多case 得，都不得不提啲媽咪試下。

都是整個配套來的， 你去針灸地方留意下，好進度的往往是面色好的。面色灰灰的，往往一眼睇得出是嚴重，因為多連動靜都古古怪怪。呢隻嚴重真是針足三年都可能無野睇。


香港那四五個專醫自閉醫生（高楊楊，林觀禮，dr Tim trodd, 識皮毛的馮宜亮，精神科唔識醫那些不計），和美國Dan doctors , Amy yasko, Andy cutler 等，一定有理無理就用各種方法來排毒。自閉其實米係中水銀毒重金屬，令到免疫係統失調，腦部，腸道受到不同大小程度的損害。咁有無得醫？水銀毒真是難，腦病真難醫，尤其是好細個發病的就更難。


啲媽成日聽埋啲爛鬼唔識既醫生講什麼感統失調，其實唔知自己講緊乜，感統失調是病徵，不是病源。啲傳統醫生又係廢既，肯驗下都知身體一大堆野唔妥，但如個媽走去正苦醫院要求驗下食敏，實俾醫生辟頭一句話：「唔關事，呢到無得驗。」

Kyle

頭針：唔知點介紹，見有人好得但自己仔唔得有廣華邱醫師，銅鑼灣張醫師（太驚嚇，小心醫唔好，變咗嚇過龍，嚇過龍都要攪好幾年）

只見有人好得，自己無試過有東華劉五常

另都玩緊孫氏舌針，其他人都有啲得，但我仔進度好慢，慢到唔知個進步係關針事還是自然成長。

舌針有人話何翠歡都ok.

HCMMC

我打算去試嗰間慶鈺堂，係屋苑另外個媽咪介紹嘅，佢個仔係a 仔，做咗好得，兩歲開始做，頭三個月針面，第四個月開始針舌，話兩個月後就開始講嘢，到三歲入主流學校，讀K1，話啲老師完全唔覺佢仔有乜嘢問題。
所以好想試吓。

Kyle

祝你好運！如上述，我仔是唔得的一個。

apple~y

回覆 HCMMC 的帖子

慶鈺堂針數都好多下,
如果要試要有心理準備

HCMMC

唉…無法子，都已經想無可想，唯有又試吓……

Kyle

小心嚇親，我仔就嚇過龍，攪咗幾年都慌失失。

HCMMC

回覆 Kyle 的帖子

係我開始有啲比你嚇親……你個仔嗰時幾大?

Kyle

三歲至三歲九個月，同針面成日拔針時攪到瘀晒，又自閉又唔靚仔。

不過apple 姐個仔針完大有進步。

HCMMC

回覆 Kyle 的帖子

Apple 姐係咪就係响慶鈺堂針 ?

Kyle

Yes, 有人得有人唔得啦。亦有人在那裡針咗年半，係到猛問我其他療法事。你有晒心理準備，米去試下囉！無人黑仔過我卦。

HCMMC

回覆 Kyle 的帖子

今晚開始試樣自己覺得好搞笑但又直覺可能work 嘅嘢……啲治療師成日叫我同仔仔做多啲口肌運動，要比多啲刺激佢，等佢唔好成日流口水，但我日日做，做咗成半年佢哋所指嘅運動，一啲都唔覺得有改善過。
諗諗吓，既然話要刺激，我就加重啲，用電動牙刷嚟同佢做口部按摩，裏裏外外，面、牙肉、舌……周圍都輕輕擦吓，睇吓會唔會更好先

Kyle

OT 係咁上下，是個過程來，我都俾OT 昆咗一段漫長時間，得個桔。叫佢地教新野，永遠都話要打好個底先，我教到仔用筷子時，都要我仔用學習筷子嚟打好個底喎。

HCMMC

回覆 Kyle 的帖子

所以有時都好左右做人難，跟佢好定唔跟佢好? 跟佢，又做極都無用時，個人會好炭。
唔跟佢，又怕真係越來越差時，會後悔責怪自己點解唔跟。
唉………真係唔識講

Kyle

唔啱米轉，自己有腦諗㗎嘛！我仔學校果件所謂OT 專業人士，好有經驗㗎，幾年都係到㗎，自己都未有細路，就係到扮專家教小朋友介片和揸筷子喎！:;pppp: 我係屋企教曉晒，佢都唔肯係學校同我仔開始。話：「要打好個底先喎！」，正累人累物。

HCMMC

回覆 Kyle 的帖子

HCMMC

回覆 Kyle 的帖子

今日收到啲葉酸，魚油同維他命B 了{:1_1:}今晚只比了魚油，明早先比葉酸同維他命B。

Kyle

你有無聽書？我無叫你食supplement 先。唔該碌返之前，睇清楚先。

HCMMC

回覆 Kyle 的帖子

唔係你叫呀！只係覺得反正呢三樣嘢食咗無壞，係我自己想一齊行啫。
而你叫嘅嘢我也開始一一做緊{:1_1:}
還有聽日開始又去做第一次針灸

Kyle

戒走枝豆奶先，高度懷疑枝奶有問題，令到疴爛屎，同最好驗食敏。

Step one: 用盡所有方法疴靚poo.

轉食低敏野，如米，介走豆奶，什麼奶都唔鬼要。
介白糖 （餓死菌）
多食固體、蔬菜水果，（一日食返起碼三次水果，以增加fiber 令大便體積大些，易疴得靚。）
加些益生菌（但發覺如繼續食有敏感食物，食幾多益生菌大便都照爛）