低功能自閉症=腦葉酸缺乏症

Kyle

寫咗咁鬼多野，俾bk 剷晒，真真老土，可能已講中晒個真相。



順便剷埋呢個帖，唔該。

mosquito_chu

吾好删個帖，你寫的好實用，删左揾吾返你…

Kyle

有個帖消失得無影無踪呀！

大家真的唔好咁天真，有幾多機構係真心幫我地啲家長，唉！我信真理越辯越明。唔啱聽唔啱睇，就叫人剷，有幾道德？我用咗好多心機聖誕搜集資料來寫㗎嘛！最唔抵得啲扮仁義既機構。

mosquito_chu

你没有另外備份嗎？

max00mini

原帖由 Kyle 於 14-02-12 發表
有個帖消失得無影無踪呀！

大家真的唔好咁天真，有幾多機構係真心幫我地啲家長，唉！我信真理越辯越明。唔 ...

搜集資料已艱辛，仲要消化完，post哂出同大家分享，寫個服字比你！
我都keep住睇呢個post！因為小朋友add，同唔同程度的學習障礙！係香港醫生同學校嘅資訊都係陳腔濫調！死心不息自己搵，幫小朋友一步步改善！呢個post亦幫左我好多！
多謝樓主！

Kyle

我倒人米嘛！那個機構啲人，成日話我唔得閒，大佬我幾年前已睇過晒佢地啲野，和我不知幾咁得閒。可能我外表太流了。

成個course 訓練成份總有啲，但其他古怪野數埋一大堆，堂堂奉獻，用課堂時間傳教（佢話係宣教），出到聲要學員寫感謝信（佢話係回應信喎！），要人花幾舊買爛鬼工作紙，同根本無同教育署註冊就係到開辦課程（慈善團體也要註冊，置學員安全和法例於不顧，還會影響埋那些懵醒醒的義工導師，因如有人舉報，導師也可能被控違規。導師們真米傻，幾愛教會都好，也不會偉大到為它犯法卦！正當教會要求教徒守法是基本的。），它們還在網上post 出嚟政府的個人私隱條例，扮到好proper 咁跟足法例，但其實呢？

宗教團體好多良莠不齊，唔好人地吼準我地心靈脆弱高舉個打救世人旗帺，我地就唔理咁多仆到去。

仲話叫我唔好參加，費事浪費佢地的奉獻。唉！我未報名都欠咗佢地？ 一個字 「邪」。

後註：黃生齋話bigeyeye, 無話我那些不正確，為乜刪我那些作品？

Kyle

一向唔多信OT 的成效，無論係大事小事都係fing fing fing, 捲捲捲，按按按和擦擦擦，問過OT 治療師無數次，都用「攪好感統就可以專注」嚟作門面語答我，其實答咗等於無答，奈何好多家長迫於專家面前不會再問落去，我唔怕面懵再問深入啲個方法，實情來來去去都是那幾招，結果做幾年也是那幾招。如果掂的話，話之佢得幾招，我都好想OT 掂，可惜。

曾經問學校OT 治療師，小朋友不斷叫可以點攪? 佢答「由佢」。

另有個家長小朋友常不斷地篤耳仔，損晒都唔識停，問治療師點攪，都是「由佢」。註：不是同一個治療師,但答法一樣。

講就天下無敵，做就有心無力。
分享以下一個研究感統（sensory integration）的post. 它對感統的成效是質疑的。

http://www.autismawakening.org/DispOneMessage.asptxtOrgCode=Autism&Category=02&ID=Autism41464027308000&Page=1

stming

謝謝分享

alvismother

Kyle,

我看了你的發表都決定試試介口和食魚油,葉酸等。
請問芝士是牛奶做的應該不能吃，如果羊奶芝士可以吃嗎？

Kyle

Goat milk 有 casein. 安全起見不食為妙。為什麼一定要飲奶呢？自閉小朋友不要補鈣了，鈣已太多，不能處理到，懂這科的人會叫人補鎂而不是鈣。

參考 Andy cutler, Amy yasko 啲學說。

alvismother

Kyle 發表於 14-3-5 12:37
Goat milk 有 casein. 安全起見不食為妙。為什麼一定要飲奶呢？自閉小朋友不要補鈣了，鈣已太多，不能處理 ...

Kyle,

請問補鎂有什麽推介?

Thanks!!!

Kyle

買 Magnesium citrate，自己上iherb 摷多人買口啤好的牌子。我自己不是在iherb 買，所以不介紹自己用開的牌子。

Magnesium 初試可以50 mg （大概半粒）一次先，ok 加多一次，再ok 一日三次，無問題就每次逐一加到100mg （即一粒），如大便有軟化就不用再加大了，返回之前份量就可。

mosquito_chu

回覆 Kyle 的帖子

Klye你有沒有同小朋友見過兒童精神科的醫生有沒有好的介紹?謝謝

Kyle

要食藥？過隔離版看-特殊或過動版，那裏整天一味講食藥。睇精神科預只是開藥，無其他可以做。丁錫全呀！

mosquito_chu

我也不想食藥！我只想找多個專業意見，睇一睇專注不足及過度系咪都出有，小朋友六歳評估高功能亞氏保加，專注弱，較自我，無過度，初上小學行為，自我控制，社交經—輪調息加上老師的耐性及包容，情況曾經好轉！但聖誕，新年後回校，成個大倒退！怎樣方法都吾聽，撞板，衝動，亂跑，上堂常出位等！他有針炙，魚油，葉酸剛停止，介朱古力，糖，奶，飲食均衡，早睡，有運動！以你經驗還有甚麼可做？

Kyle

似聖誕新年吔錯野，通常假期亂食野行為就大倒退。有無驗食物敏感？ 你好似無戒蛋，我見自閉兒十個有九個都蛋高敏，穩陣起見，驗下好些。過敏無得講，食錯野就好令人情緒不安。

Kyle

去精神科，你自己都講咗行為差，而小朋友又過了六歲，精神科都無乜忌憚，即會叫你小朋友試藥，試得好米叫你小朋友長食囉！其實幾易賺錢，個protocol 我都背熟晒。西醫自己賣西藥，唔會覺得長食西藥有咩問題。有西醫長開兩年抗生素給小朋友醫尿道炎，本人試過有醫生長開三年安眠藥給我又聲稱不會上癮，有試過有醫生長開數年anti-fungal 藥給我仔，長開類固醇更是比比皆事（有case 長揸類固醇果撻反黑）。要長揸長食即一路無斷過尾，真的乜都敢死，傷肝傷腎就有份，不過咁大把家長覺得醫生開得就無問題啦！成績好，無傷母子感情就得嘞。

除驗食敏外，你可以勤煲芫茜水或湯來扯走體内的重金屬。鉛高跟ADHD 有密切關係。

如想試supplement, 可試GABA, magnesium 或 l-theanine, 對穩定情緒有一定作用。亦可以加大魚油份量。食錯野有可能導致體内霉菌，細菌高，以致行為倒退，可食用益生菌以趕走衰菌。

Jolly

多謝樓主冇私奉獻自己所學所得！

我隻仔六歲，兩年多三年前唔對路，我一家唔在香港，生完大女都十萬九千幾年冇上bk，只有自己做研究生，研究下supplement.
冇樓主咁厚嘅財力樣樣試暈，只做ABA n social play group n special school, 已想死咁滯。
呢兩日發現此貼，真係萬分感動同感激，樓主各方面都有input，真係受益不淺。睇到要注意廚具一點，心諗真係死晒，從未諗過個度出事。要去換鬼晒佢先得。
仲未刨完書，要continue. 但先謝過樓主！

Kyle

多謝你俾機會我積下福。試暈咁多野，自己仔既進度都不理想，唯有靠積福，希望仔可以遇到多些幫助他的人，條路會順利些。