比華利幼兒園.

hktt

IRON,

我都係咁話，醫生費有時重貴過學費，真係煩!!!我地直情無做聖誕掛飾，所以無得交。

無返過學校借書呀，希望下次有時間及有機會啦。

littleeva

HI HKTT & IRON

仔仔囡囡好番嗎? 做媽媽真係不易.

我仔都有做聖誕掛飾.是一顆發泡膠做的聖誕樹.

近日天氣冬了. 您地有冇比仔仔囡囡著校褸? 如著校 褸裡面還著紅色外套嗎 ? 老師會否幫他們除校褸?

因為我未比仔仔著校褸, 您地呢?

IRON

hi hktt,

妳女女ok未呵?? 今日有無返學?? 傲楊尋日都無晒事啦, 細路仔病得多好得快, 有時見佢手手腳腳瘀晒過兩日就無事, 新陳代謝快過我地好多, 我撞瘀都要成個禮拜先好, 呵.

hi littleeva,

我問仔仔同子軒玩咩佢唔答, 問佢有無一齊玩滑梯佢就好大聲話有. 哎, 何主任話"詩詩"係坐校車架, 所以我日日放學去到都唔見佢啦.
我俾仔仔著校褸好耐啦因為我樓下好大風, 學校門口都係啦, 何主任話返入課室會即刻除架, 放學先著返, 不過今日我俾佢著埋冷衫係入邊啦. 係呢妳係咪放晒所有書入書包架?? hktt話第一, 二已教晒佢抽起唔放書包.

littleeva

HI IRON

我仔係帶晒所有書嫁. 我都唔知邊D帶邊D唔帶.之前問過何主任.佢話要帶晒.因為唔係逐本教.而係講到邊個主題就教邊本.
算啦.我仔只是背書包 入AND 出學校,放學 一見到工人都是工人幫佢拿. 早上爸爸車他.都不用背書包.

至於校褸我唔知如何,所以請教下您地LAW.

hktt

LITTLEEVA & IRON,

囡囡好番了，不過今早有D野攪，所以都無返學。

請問校樓係咩顏色呢?因買校服時都有問過何主任，她的意見係校樓很薄，不買也可以。囡囡現時只有一件 JACKET & 紅色冷衫咋，是否夠呢?。

第一、二本書已教完，所以無比囡囡帶返學校，因囡囡好鍾意背書包的。不過呢D都係我個人認為姐。

IRON

hi hktt & littleeva,

乜校褸唔就係jacket咩?? (灰色果件) 我都搞唔清楚喎; 我都係放晒所有書入書包, 仲有一包替換褲仔, 覺得好重! 不過我都係學校門口先俾佢, 放學一出課室又幫佢羅返.

聖誕節得兩日假咁少既?? 我朋友果d放成10日......諗下去邊度旅行先, n1返少幾日都得卦, 嘻.

IRON

hi littleeva & hktt,

仔仔尋日又開始咳&流鼻水啦, 經和老公商量暫時休學, 咁樣返學都唔係辦法, 好返幾日又再黎過, 唉......

littleeva

HI IRON

傲楊沒有什麼呀嗎? 我十分明白孩子病了當媽媽的心情.
如果您想換下醫生, 您可以試下我仔睇開的兒科. 醫生好專業. 95%以上 不用睇第二次就好返晒.  
有時我怕他藥太重,我會在tko 樓下睇. 但是睇完一次又一次都唔好. 最後我都係睇番這個兒科醫生.

我地都有就 抗生素 和  抵抗力 和他 爭論.
不過他的意見是細小的小朋友如果有細菌入侵是好易引起其他 症狀 . 所以如果有發炎....他是會開抗生素.
他話小朋友大d d 抵抗力是會build up 到.

我都唔識講. 總之睇佢就一食藥已唔多咳. 如睇其他食了藥都照咳.  

我仔由8月返學至今請了一次病假 . 不如您試下e 個醫生呀.

唔好休學啦. 好難得傲楊習慣了學校生活.  比佢返啦.
下學期身體會好d.  小朋友返學係開心d嫁. 佢地會學到很多野嫁.  好似我姪囡咁佢冇返n1 . 但今年她返幼稚園 (3 歲幾) 未一樣一返學就時常病.  而家開始好d. 佢咳到佢呀媽都唔知幾擔心. 但而家未又過左去.  可能有d 小朋友 平時小接觸外界, 一到返學時就會易病d.

希望您考慮下啦.

祝仔仔早日康復.

id00288

Dear littleeva

大家好
不之可否給我
你睇這個兒科醫生的名字及電話給我呢?
價錢是否能高
(請PM給我)
小女昨晚發消到39.2
今早去急証室又退到37.4
如再消的話會看私家醫生了

謝謝幫忙
  

littleeva

id00288

PLS CHECK PM

IRON

hi littleeva,

多謝關心先. ^_&

仔仔睇開個醫生好好, 都係食完藥無事, 但一返學幾日就再黎過, 我地諗係岩岩好個身體弱返到去又俾人感染, 所以今次好返都等佢休一排先再返, 我見學校都有小朋友用口罩, 又有小朋友流鼻水......咁樣成日病成日食西藥都唔係辦法, 或者佢大d身體抵抗力會好d卦.

仲想同佢x'mas去下旅行, 而家諗住養好個身子先算囉. ~_~

hktt

IRON,

囝囝無事嗎?不過呢d都係過度時期，如小朋友是初上學一定會病的，無論佢係兩歲 or 三歲，現在比佢早d接觸多d細菌，儲多d抗體，咁遲d咪無事law。

其實囡囡都係成日病，好番返學幾日後又黎過，我初初好似你咁諗過，但好多有經驗的朋友都係好似 littleeva 咁解釋比我知，後來我都放棄呢個念頭，所以你都唔好放棄呀!

IRON

hi littleeva,

唔記得問妳個醫生係咪係將軍澳架?? 如果係我都想要info, 因我想搵一個好既係tko, 唔駛小小事都去紅磡, tks.

hi hktt,

我日日俾奶奶"鵝"呀, 好煩 ~_~ 佢地成日話我咁細個就俾佢去讀書, 佢熱呀凍呀又唔識除衫著衫, 俾人蝦又唔識講, 咁多人得果兩個先生邊睇到咁多丫......家下成日病成日食西藥搞到身體差晒, 哎, 因為仔仔係唯一既孫, 老公咁多兄弟都生唔到仔, 所以我個仔唔係我一個人架, 煩死!!!

hktt

IRON,

唔好咁煩，佢地老人家出發點都係為左佢地個乖孫，你個乖囝姐，其實應該開心先係，而有些有老人家的屋企，佢地一些都不關心自已的孫兒，果d屋企叫慘啦!因有一句 "家有一老，如有一寶"，真係講得無錯，所以你已經係一個幸福的人了。

我好明白你的感受，因我都有呢d煩惱，好似我媽咪咁成日都話 "返咪學姐!幾大個人仔呀!"，我照採取不理的態度 (只是我個人的做法)。

而我奶奶就更不會煩我們，因她是一個很開通的人，不過如有事和她相量或要她幫忙，她都會幫，有時她都會黎我屋企探囡囡的。

希望囝囝快d好番，你會開心返啦!

id00288

大家好
老人家好多時都有這些問題啦
一些原全不哩個孫
有些想自己造呀媽
唔好里
自己開心中好啦

我個女有學校收啦
是黃大仙聖母上午班
好開心啊       
考了二間
第一間已收了
其他未之     

ACYW

IRON, you may try my doctor at Causeway Bay.  He called Keith Lee Mei Tak at Rm. 602, Capitol Centre, 5-19, Jardine's Bazaar, Causeway Bay.  Tel: 28953637.  It is better than to go to Hung Hum.  I found that Causeway Bay is more convenience when we take MTR.  He is a good doctor and famous too for kids.

littleeva

iron

我的兒科醫生在佐敦. 而TKO的醫生都係痳痳地．　
睇完一次又要睇第二次．　有時還要睇第３　次．　我而家通常一次唔好就出去佐敦睇就ＯＫ啦．＜費事比仔仔食咁多藥＞

不過我姪囡就睇　吳文舀（唔知有冇打錯個舀字　音　係
ＴＯＬＤ）在新都城一期．佢地話幾好．我未ＴＲＹ　過．　（ＡＲＯＵＮＤ　＄２２０）
您可以去ＬＯＯＫ　ＬＯＯＫ．





　

littleeva

ＩＲＯＮ

老人家係咁嫁啦．（我老時都可能比人話煩）

我奶奶都會話我仔之前聽話Ｄ，返了學就學壞了．
我係唔會回應她．因為大家的思想不同．唔想爭辯．
由她吧．　

要話都　ＯＷＮ　個老公去話啦．幾時到我．（ＨＥＨＥ）
我什麼都推落老公度．　奶奶是他的媽媽．他有方法．我唔識和奶奶爭辯．因為她不開明．而我又唔比較直Ｄ．都係小講野為妙．費事得罪她老人家，自己都唔知．再比她大造文章就冇謂啦．（佢最叻是斷章取義）

hktt

iron,

以前因就腳諗住試吓係新都城一期叫羅冠球的兒科睇醫生，也是睇一次未必得，有時要睇二、三次，試過幾次之後，都係決定唔睇佢 (佢唔係唔好，都幾細心診斷)，可能囡囡唔夾佢啦。所以e+都係去睇開個兒科度睇，雖然遠同埋貴d，但睇一次便ok，唔洗煩。

IRON

hi all,

真係多謝晒各位關心. ^_*

今午同仔仔去睇左相熟中醫(好遠, 係灣仔), 佢話仔仔好多痰開左藥, 返黎已7點所以明日先煲, 都唔知仔仔食唔食, 不過唔想佢再食西藥.

睇第二個topic媽咪話食猴棗散可清痰, 唔知各位有無經驗可分享?? 尋日去新都城位元堂睇過, 猴棗散$75/10支, 猴棗末$1000/10支, 我"大鄉里"睇到3個零即刻嘩一聲......咁貴?!唔係嘛, 呵. 聽日去余仁生睇下先.

奶奶今日一早電話到, 講黎講去三福被, 我都係唔答好唔好, 只係由佢講...... 不過日日聽同樣既野, 聽既唔煩講既都煩卦, 呵呵呵.