06年9月入讀蘇淅幼稚園K1既家長, 入唻交流下啦!

CanKan

十月媽咪：

唔駛禁煩喎，一於12月去完出年2月再去過，反正我9月尾同亞女去完，而家心思思都諗緊再同佢去行下。況且攪攪下攪到你老公冇哂心情戔攪到大家都冇得去，以我每年都會攪 d旅行同屋企人去既經驗，就係你地就左自己時間，定個期出黎，其他人ｏｋ咪一齊，唔ＯＫ咪下次囖！

cankan

cankan

十月媽咪

cankan,
係喎, 多謝你呢個提議, 咁我地照樣十二月去一次, 如果佢地真係就唔到, 咁到佢地就到果陣, 我地先再約埋去多一次!

另外, 我想問, 個動物園足唔足夠玩兩日呀? 抑或根本好少野玩, 要加多個歡樂世界呢?

馬戲我地諗住唔睇喇, 因為怕阿女驚d音響呀!

CanKan

十月媽咪：

唔駛客氣！我上次同亞女去動物園就一日行唔哂，步行區就冇麥點行過，夠唔夠玩兩日就唔知，不過若果你兩日都去動物園就要俾兩次入場費，我就覺得唔抵，寧願去一日，行得幾多得幾多，行唔哂就下次再去過，橫掂都唔係好遠，隔一排再去睇動物，小朋友一樣禁開心。最後提你一樣野，一定要拎野食入去，因為我覺得 d 野食真係唔係好掂。

cankan

十月媽咪

cankan,
唔該晒你畀既意見呀, 咁我地就玩動物園加歡樂世界喇! many thanks呀!
咦, 動物園入面既野食唔掂呀? 哎吔, 咁有咩可以拎入去食呀? 果度有冇餐廳or酒樓之類呢?

CanKan

十月媽咪：

動物園入面只係得 food court 既物體，係冇冷氣既，有中式同西式食品，西式我冇信心，最後我幫亞女選擇左白飯 + "老" 水雞翼，盛惠約 HK$20，兩樣野都係唔熱既，白飯重有 D 硬，雞翼係有 D 黑色，似係本身既質素唔係禁靚。

若果我再去，我會拎野食入去，我會同保溫杯裝 D 飯餸俾亞女，或者拎 D 炒粉麵入去食，因為唔熱都冇所謂，自己可以多 D 選擇，唔駛俾香港價錢去食一 D 質素麻麻地既食物，再簡單 D 咪拎 D 麵飽，或者朝早飲茶時叫隻糯米雞拎走，如果你唔想煩，咪只係拎 D 麵飽入去，入到去啱食咪食，唔啱食咪是但食少少，夜晚出黎再食過。

飲品就唔駛煩，入面係有蒸餾水同汽水賣既，禁重就費事拎太多啦！

CANKAN

CanKan

joeytcy / wewetwet,

我今日湊亞女返學既時候，老師同我講佢地聖誕節既表演係扮60年代的飛仔飛女，服裝方面佢地會搵人訂造，價錢約 $150元，我亦表示同意由佢地安排，所以記得果日要請定假睇表演。

cankan

joeytcy

好.............我去呀..........
甘我想問一問係咩表演形式呢.......例如有無唱歌或跳舞...

十月媽咪

哈, 又幾得意喎, 扮60年代既飛仔飛女, 講真, 你地班既老師, 感覺上, 真係有創意過我地班架, 我到而家, 都只係知佢地拎住個啦啦隊球FING下FING下咁唱歌跳舞咋, 到現時為止, 都唔知會有咩服裝呀!

CanKan

joeytcy,

係跳舞。

cankan

CanKan

十月媽咪：

亞女尋晚同我講，話 anson 跳芭蕾舞果時帶住個口罩，佢冇事呀麻？我尋日朝早湊亞女返學見到佢都唔駛帶口罩格，不過就牛牛地，我同亞女同佢打招呼佢都冇麥反應。

之前同你提過我12月23日晚會同亞女睇話劇既，而家有個朋友可能有事去唔倒，可以讓張飛出黎，地點係係灣仔，時間係晚上7:30，大人 $143 / 張，小朋友 $95/ 張，若果你有興趣就話我知，等我問下佢讓左俾人未。

cankan

十月媽咪

CANKAN,
係呀, 噚日阿女跳舞果陣, 係戴住口罩呀, 事緣佢前日返唻又流鼻水, 咁食左兩日屋企d存貨, 本來都收得九九十十, 點知噚日放學返唻, 又流過, 咁噚晚跳舞之前, 咪帶佢睇醫生先囉, 咁響診所, 我驚佢畀人傳染, 加劇佢既病情, 咁所以就同佢戴住個口罩, 咁戴左之後, 佢話唔除, 咁咪由得佢囉, 都好既, 費事佢傳染其他小朋友嘛!

其實醫生話佢呢, 係氣管敏感&鼻敏感, 同天氣轉有關, 都唔關有冇小朋友傳染畀佢, 係佢自己敏感所致, 所以而家醫生開左d抗敏感葯畀佢, 同埋醫生介紹左隻預防氣管敏感同鼻敏感既葯(係一粒櫻桃味既糖)畀阿女食, 佢話呢隻葯無乜副作用之餘, 又幾有效, 係新出果喎, 本來佢建議我畀阿女食一個月, 但因為噚日身上無咁多錢, 所以食住兩星期先! 不過就慘喇, 阿女唔肯食呀, 佢話粒糖有怪味呀, 後尾我壓碎佢, 溝少少水, 夾硬灌佢飲左佢咋! 真係食得辛苦!

哎吔, 23號唔得呀, 因為果晚, 阿女個音樂老師book左太空館個唔知乜廳, 畀佢d學生表演, 阿女都有份參予呢個表演, 所以果晚要去太空館, 唔去得灣仔呀!

CanKan

十月媽咪：

我亞女個醫生亦話亞女氣管唔好，體質似我﹝一樣禁麻麻地﹞，曾經建議我俾一隻預防氣管發作既藥俾亞女食，佢話係好似糖禁，每日一粒，亦冇麥副作用，我曾經亦心大心細，不過最後我都冇俾到佢食。

原因係我問過我屋企人個朋友個親戚﹝係咪好遠﹞，佢係醫生黎既，得番黎既 comment 就係唔建議，因為有可能會倚賴左隻藥；再加上我老公亦唔係好贊成，所以我就冇俾佢食啦！

其實以我所知食燕窩可以加強身體抵抗力，亦對氣管好好，其實唔駛食好多，每日食少少，最緊要係 keep 住長期食，我有個朋友會加係 d 果汁度俾佢個女食，至於身體唔舒服果陣食唔食得我就唔肯定，你可以問下你睇開果個中醫師。

我而家偶爾會俾魚肝油丸亞女食，依樣野係我自己以前唔舒服睇中醫果個中醫教既。

cankan

十月媽咪

cankan,
魚肝油丸同魚油我都日日有畀阿女食的, 不過似乎無乜點增強到抵抗力喎!
至於燕窩, 阿女係敏感底, 我唔敢亂咁畀佢食, 加上之前試過畀d即食既佢試下, 睇下佢肯唔肯食, 結果係...彈到九里遠, 彩我都傻!    
我都唔知隻葯食左會點架, 不過醫生話無副作用, 我就即管試下咋, 而家試住兩星期先, 如果佢好左, 我就唔食架喇...一唻d葯係櫻桃味, 阿女好怕呢種味; 二唻講你話齋, 依賴住隻葯就慘喇, 呢粒葯, 好鬼貴呀!  

joeytcy

cankan

我問我個女...佢重問我咩表演....hehe

joeytcy

hi..兩位...

我都有比魚肝油阿女食...就係係萬靈有白色同橙色個隻...我就買左原味即白色......四十幾蚊....有無效我都唔知....不過d人話起碼要食一年喎........

joeytcy

甘你地知唔知食燕窩對鼻竇炎有無效呢......因我個女一轉天氣就黎料.....今年重試過兩次添......我驚處理得唔好就手尾長... :cry:

十月媽咪

呢個問題咁深既? 我唔知喎, 睇下CANKAN知唔知!  

咁係咪即係食司各脫呀?

joeytcy

對.....司各脫.....因醫生有介紹過...佢話尤其成日病d小朋友..............普普通唔洗特別買貴個d喎.........甘我唸又平...而且呢隻係售買左甘多年...所以比女女食...........

十月媽咪

我之前試過七海健胳, 不過作用唔大, 飲左一樣係個個月病!     阿女由10月25號, 一直病到而家都未清晒, 真係無命!    

joeytcy

係咪咳呀......橙之類唔好比甘多佢食......