荔天家長交流區

mameme

pamcheung 寫道:

呀! 你地有冇收到數學新亞洲網上練習嘅password? 我在校網看到通告, 知道此網上練習是功課之一, 但就未收到學校派嘅通告同password. (1/11 開始?)

我都唔知有呢樣野喎?! 都無聽個仔題過...乜黎架?

仲有一星期就小考嘞, 各位努力! 加油!
小朋友專心d, 大朋友EQ高d (mameme, 記唔記得果位教到喊嘅BK mum?)  因小考前一天囡囡會參加教會旅行 (應該冇時間溫習+好攰), 所以我都有d緊張同小小壓迫感.....

莫講話果位BK mum, 真係自己都喊幾次! 既戥佢辛苦時...其實自己都未適應到, 希望不久將來就可以領略到"輕鬆d...學放手" 既真諦啦!  

囡囡尋日同我講, 鄰座同學仔常常玩橡筋, 她很害怕, 把橡筋在檯邊拉”衡”, 此舉實在危險, 有意外怎麼辦? 彈傷了誰都不好嘛…… 再者, 也影響了上課時專心, 有一次她告訴過老師, 但每次都舉報嗎? (這並不是小女的性格), 平時的 “跳皮” 也可接受, 每班總有一些 “跳皮” 的學生來平衡一下, 但拉橡筋似乎 ……  

又係果位刨筆既同學仔嗎? 玩橡筋又真係幾騷擾喎, 若果常有類似既行為, 又好難唔同老師講呢 ! 可唔可以要求幫囡囡調位呢?

我都是跟她左溫溫, 右溫溫, 中文張閱讀理解阿女都等我返屋企先做, 佢都唔明呀, 尋日同佢溫英文, 問佢: Would you like an apple? 佢答: Yes, I wouldn't ......?!    比佢激奀. 英文嘅句子同問句仲未分得好清楚. 中文就好少少, 不過溫返d默過書嘅生字, 好多都唔記得嘞........ 唯有逐日溫返少少啦, 數學都係玩吓玩吓咁溫, 如果唔係真係溫到 "hup" 眼瞓.  

我班仲未有閱讀理解喎...定係做左我唔知呢 唉...我呢兩日又係 "活" 來 "活" 去! 星期六日溫左中文同常識, 中文我分兩日溫單元一/二, 都係默返d生字囉, 數學就用表哥既舊書&作業, 做多d文字題, 唔知考試時...若文字題有唔明白, 可唔可以問老師呢?  希望今個星期少d 功課, 多d 時間溫習啦!    

pamcheung

噢! 我最後都係忍唔住打咗電話比班主任, 其實我都冇諗過話要調位, 聽我囡囡講呢個同學仔, 應該唔係壞嘅, 不過搞鬼d啫, (原來老師都係咁講) 而且如果只調位而冇改善, 都係“未解決”, 我反而係想老師提醒吓個小朋友, 呢樣咁危險嘅玩意就唔好再玩嘞, 免得弄傷自己或其他小朋友嘛. (我諗係個小朋友自己都唔知危險) 我囡囡話佢張條橡筋拉長 “Qoo” 住張檯   , 我見到佢一路形容時面部嘅緊張表情, 連我都有d驚, 好似就快彈到我咁……..
呀, 尋日囡囡話有個同學用膠袋笠住個頭??    D小朋友真係 ……..做埋D咁高難度嘅動作嘅??   

係嘞, 老師仲話考試會單行坐, 之後就會分組坐, 唔再一行行排喇！

新亞洲網上練習應該本週有通告喎。

閱讀理解：老師話第一次考試會讀比同學聽, 但唔會解釋內容, 小朋友唔識睇就要留心d聽喇！

安妮

各位︰

我都唔知點同囡囡溫好，中文科作文好多字都唔識寫，數學都係比舊的練習再做多次。

我都無收到通告有英文每日一篇及數學新亞洲，是否要問老師？

pamcheung

安妮,
英文每日一篇通告十月份派咗, $120.00可參加, 個plan 好似一路去到明年8月, 除咗每日一篇仲有 grammer exercise, 不過題目好多, 做過一次,不過冇做哂咁多題 (雖然中途可以 save 咗遲D再續), 但阿囡已經怕怕.

安妮

pamcheung,

我都忘記了，是否可以唔參加？

平日放學回家做功課都無時間，星期六及日又要溫習，我驚無時間做而浪費了$120。

是否數學科都有網上功課，學校一定要學生做？
有兩個選舉︰1. planetii (收費)  2.  新亞洲 (免費) ，為何會有2個選擇，對於之前交了費參加planetii的學生會否不公平？因為新亞洲(免費)是之後先有的。

pamcheung

我相信是有選擇参加與否的權利, 例如兒童讀物, 買特價software, 仲有尋日派嗰張保險通告, 我都冇参與.

我囡囡都係, 我放工之後嘅時間都係做功課和網上練習. 玩都係趁我未放工時玩.......

我都想知1. planetii (收費) 2. 新亞洲 (免費) 有什麼分別, 我冇參加planetii, 原因跟你不參加英文每日一篇一樣, 而且剛開學不久便要決定, 當時真怕她不夠時間用.

jessc, 可以出馬解釋一下嗎?  

你地有冇參加種金盞花? 其實我都唔係好知係乜, 阿囡好似話等派咗盆先買泥土和肥料.

Babyruby

pamcheung
我都無參加數學 planetii (收費),不過尋晚就有叫亞囡上網做下免費個個
我囡都有提過話想種盆栽,不過我同佢講我們唔參加了,因為我囡幼稚園時試過,不過我們賁在沒有時間打理了.
咁
咁都好d老師會讀比佢地知,尋日學校派返黎個張閱讀理解我見亞囡有嘗試做,不過佢只有一條係答中咋,仲未掌握到,不過對我黎講佢己好叻架拉..  
呢個星期開始同亞囡溫書,不過佢有好多中文單元一&二學過既字己忘記了
老師許天打比我因為亞囡在校流鼻血,亦都有提過小考會跟學號坐,小考後仲要調位添拉  

穎妍媽咪

Babyruby 寫道:
提過小考會跟學號坐,小考後仲要調位添拉  

係呀!考試是跟學號坐的,如果平時有物件留在抽屜內,最好先拿回家.仲有考試時監考的老師,未必是教該科的老師,可能是未教過她們的.

穎妍媽咪

Szebaba

Hello,各位荔天家長,我都係美孚區家長,如無意外,我都會係大抽獎揀荔天做本區第一志願,但小女亦報考了私校做兩手準備,睇到時結果再做決定。
不過,我見有几位小朋友都係讀崇真幼稚園,好奇想知

pamcheung

Babyruby 寫道:
老師許天打比我因為亞囡在校流鼻血

囡囡冇嘢嘛? 最近天氣很乾燥呢!

dns

all mom:

我有個問題想問問各位架！
我知道荔天係由善導分擦出黎！
但荔天係上午定下午呢？
我自己係善導下午舊生，咁我個小朋友係小一派位時
會吾會都有分計呢？

pamcheung

穎妍媽咪 寫道:
係呀!考試是跟學號坐的,如果平時有物件留在抽屜內,最好先拿回家.仲有考試時監考的老師,未必是教該科的老師,可能是未教過她們的.

穎妍媽咪, 好彩你提一提咋, 如果唔係都冇諗起櫃桶D物品潻．

jessc

荔天原是善導下午校，今年踏入第五年

MYMAMA

善導下午舊生,小朋友係小一派位時
會有分計. (I have already checked and confirmed with 荔天).

穎妍媽咪

pamcheung,

阿囡換了飯盒,情況如何?有冇快咗d?有冇吃多d呀?

dns

jessc & MYMAMA:

吾該哂你地！ 你們對呢間學校有何評價呢？
咁你地知吾知呢間升中會派到Ｄ咩好學校呢？

pamcheung

dns,

升中派位

pamcheung

穎妍媽咪 ,
囡囡尋日食哂啲飯呀, (食送)就淨返啲啲, 我梗係好開心啦, 佢話冇唔夠時間食嘞, 食唔哂都係因為夠飽咋, 仲有, 佢常常有一班好朋友喺小息時一齊食嘢, 叫我預備多啲食物比佢同朋友分享, 佢而家小息食多咗嘢 , 可能同朋友仔一齊食好開心啦. 見佢食慾好咗, 不過仲係細細粒奀芝芝,   但對我嚟講佢開謂咗已經好大欣慰嘞. 早兩日佢同我講: 上第二堂已經好肚餓嘞, 我開心到不得了, 我以前成日以為呢個女唔識肚餓潻!
Mameme, 你上次哦完囝囝條校褲唔啱著, 佢有冇食多啲嘢呀?  

MYMAMA

From my opinion, I like this school; that's why I submitted the P1 application for my son to this school in Sep 2006. The reasons behind are:

1. From the school visit for P1 Open day in Sep 2006, the whole activities are well organized and the building and facilities there is new compared with other subsidized schools.

2. From the school web-site - www.lcps.edu.hk,  the information is presentable.

3. From the chat with existing parents and teachers, they are also highly recommended this school for the virtues and academic excellence of the students.

Anyways, you have to judge for your own choice for your lovely child according to your own standard and preference.