馬灣基慧小學

rclamlam

CSW,

馬灣基慧係無精英班分架, 因為校長唔主張呢樣野, 每到小二升小三會轉班, 小四升小五都會轉班, 即係將5班同學再分班.

你想知今年升左中一既學生派位資料呀? 我都有少少資料, 不過放係屋企, 你想知咩呀?

我以前係訂金X間校服公司架, 因為維個架我覺得質料無咁好, 因為平O的, 運動同校服裙我都買左兩套.

CSW

rclamlam,

謝謝你的意見。

其實, 我都係想知升中一有多少學生入到區內的荃官、何傳耀及可風等, 另外, 有多少學生會去出面的中學呢?

我也有留意到荃灣基慧真的很少有人提及, 不知是否舊的原因。但最近在一些bk的forum中, 見到有人說此校今年換校長。

anyway, 我現在才知原來小二和小五時才會全班大執位....

丸媽媽

Hellomummy,

係呀! 囝囝小五喇! 表現都係差唔多,態度就好似積極左少少,因為學校都俾左好大支持佢,而且我覺得佢今年班主任Ms. Law好好,十分盡責,而且小五六都會仍是她做班主任,在小學最後兩年遇到這位好老師,都算是囝囝福氣。

另外一/三/五有課後輔導,初時佢有些不願,但尋日竟然同我講,如果每天都有這個安排就好喇!  睇黎學校對佢的確另有法寶

相信你會明白,對著我這類孩子,甚麼考試呈分試都唯有抱著一分平常心,順其自然吧!  

丸媽媽

rclamlam
即使姐姐畢左業,細女都仍比一般多5分,相信多數入到

btw,我留意到你細囡應該係12月尾出生,咁你會唔會打算遲一年先俾囡囡入學?

QUEENIE54

Hi 各位媽咪,

幾日無見啦!  我上星期六走咗入馬基視察環境, 個校舍真係好大, 但就無參觀各種課室,(因為我地去個日, 佢地好似有校董會, 所以我地先可以乘機入去睇).
嗰日有兩個讀小二的女仔係度, 我乘機問下佢地日常的讀書生活, 佢地都表現得好開心, 且很錫小朋友, 係咁拖住我個細女, 樣樣叫我隻細豬小心. d 學生真係幾純品.
我隻大豬都話好鐘意間學校, 希望佢可以第一輪入到啦!
而且由荃灣入去的時間其實好快, 15 分鐘左右就到啦.

我都想知佢地派中學的情況, 因為在外真係好少聽聞呢方面的消息.

jk923

QUEENIE54 ：
咁你係咪填佢做自行呀？我係呀！

rclamlam

丸媽媽

我細女加晒都係得20分, 10分係適齡兒童分, 10分係家姐曾就讀既分, 所以都無咩著數.

我細女係31/12/2003年出世架, 佢宜家先開始番緊NURSERY, 我會比佢同04年既小朋友一齊讀書, 要同03年初既小朋友一齊讀書相差一年, 真係會讀得好辛苦架, 讀書係一世既, 唔需要咁急, 但係有O的家長覺得唔係囉.

rclamlam

CSW,

以我記得, 考到或派到去可風既有15個, 荃官唔知1-2個度, 何傳耀1個, 王少清有幾個, 有部份係轉左葵青區既, 好似我女咁, 有安柱/保祿六世/蕭明/李兆基/善德每間學校都有, 陳兆民/伍若瑜/全完都有, 基本佢地派得既學校都唔差, 如果係荃灣區印象最多BAND 2生入既係李城壁/廖寶珊.

丸媽媽

rclamlam,

bk聽過人話,第一輪15分都抽到,20分仲唔sure win

我絕對贊成你所講,讀書係一世,相差一年只係好小事,但如果跟得吃力而產生挫敗,因小失大就太唔值得 好明顯我同你想法一致,係因為大家都係一個富經驗的家長     

rclamlam

丸媽媽

15分都入到, 15分唔係首名子女已經加晒有15分咩? 都收到即係話好多家庭都係得一個小朋友.

多謝你同意我既想法, 真係架, 小朋友無左自信就等如失敗左一半架啦, 我見有o的家長一定要小朋友入名校, 但係入到啦, 要考到全級最尾個20個又有咩謂, 只令小朋友無信心.

丸媽媽

rclamlam 寫道:
丸媽媽

15分都入到, 15分唔係首名子女已經加晒有15分咩? 都收到即係話好多家庭都係得一個小朋友

如果冇宗教分,基本上所有首名子女都有15分(適齡10分+首名子女5分),而事實上亦好多家庭只係生一名,形成出生率少其中一個原因,所以現今好多學校15分已經有機會抽

CSW

昨晚收到家長義工的通告, 我想問下如果要返工既媽咪會唔會考慮做呢? 會考慮做哪一種呢?

靚靚_媽咪

To: Miffywen

   你是誰呀?你用了英文名,我都不知道你是誰.我是你的同事呀!你是幾時離職呀??

rclamlam

CSW

我覺得小學做義工時間好唔岩, 所以我個時都無參加, 你可以報左名先, 不過多數都去唔到架, 如果你係番工既.

CSW

我問過老師, 佢提議我可加上備註寫明因上班關係, 不能在辦公時間回校做義工, 但在某些假日可幫手. 並寫上自己的一些長處, 使校方可作出合適的安排。
因有感馬基的老師對教學很有熱誠, 對學生亦很關心, 而自己亦想盡量多與校方保持溝通, 所以便想略盡一點綿力。

Angel

CSW:
其實我同你想法一樣, 都希望可以盡量多與校方保持溝通, 抽空閒時間做義工, 但是現在是否已截左止啦!

CSW 寫道:
我問過老師, 佢提議我可加上備註寫明因上班關係, 不能在辦公時間回校做義工, 但在某些假日可幫手. 並寫上自己的一些長處, 使校方可作出合適的安排。
因有感馬基的老師對教學很有熱誠, 對學生亦很關心, 而自己亦想盡量多與校方保持溝通, 所以便想略盡一點綿力。

CSW

Angel,

應該未, 我見張回條話今個星期五前交既....
我沒有tick到d方格, 只係加左句解釋自己既情況同埋想係假期時幫忙, 同埋自己可以幫手做d咩咁law.

其實我好開心由開學到依家, 已有兩位老師打過電話同我交流下教導小朋友,同了解小朋友既學習情況。老師話叫我唔好介意佢要在晚上打電話來, 但我其實不知幾想多d從老師口中知道下小朋友在學校時的情況...我反而好多謝佢犧牲自己既私人時間來關心學生。另外, 我亦試過send email給老師, 老師也有覆我, 不過就未必會即日覆, 因為唔係個個都有時間日日check email. 如果有家長想聯絡老師, 最快應該係打電話留message比老師, 佢落左堂就會覆架啦.

Angel

CSW,

開學至今我未收過老師來電, 不過在家長日那天已同班主任了解過自己小朋友在校情況, 給我答案都很詳盡, 所以都頗安心. 另外想問兩位老師是主動找你傾談嗎?? 因我知道1B班班主任會主動找個別小朋友家長談話...

CSW

angel,

我有寫過email給老師, 表示希望可多些彼此溝通, 讓我也可以早點知道孩子在校的情況, 無論好與壞也希望可以早些知道, 這樣作為家長也可以早些幫到孩子。可能這也是老師打電話給我的原因, 不過她說她也會找別的同學家長以了解他們的情況, 家校合作, 最終得到益處的也是孩子們。

jk923