香港創價幼稚園~Part II

alowe

睇你地d 版同第二d 版有好大分別。我好八，有時間都會入去人地d 地盤探下，特別係d所謂名校。但見人地d 版都多數講私人事，好少同"談幼稚園"有關，尤其是成日瓦住討論區頭果d版。連"good morning"都可以用尼炸版。 其他多數唔係講今日去邊，就講今日晌公司做乜，晌屋企做乜。又唔見佢地講下d 仔女晌學校做乜，學校發生緊乜野事。可能佢地真係唔知，亦可能係唔關心。究其原因可能係(一)佢地d 仔女唔識表達。唔似你地d仔女咁叻 (這個和學校訓練和教育有關)。(二)學校根本乏善可陳，活動無創幼咁多姿多彩。(三) 學校和家長溝通或透明度不夠。

睇見你地成日講自己仔女晌學校同屋企d表現，成日講學校有d 乜野精彩節目，老師點樣好法。就知創幼無選錯你地班家長，你地亦無選錯學校。能入到d 間學校，真係恨死隔離。

PUKU

哈哈 講得好呀，真係好恨死隔離(包括我)    舊年我好努力咁去睇晒Ｄ留言，真係好想入到，可惜最終都只係waiting list :cry: 不過可能一路都有睇，不知不覺間以為自己係一份子，上親BK總要入吓o黎，真係好羡慕你地同你地既小朋友呀   

mariachn

昨日一家在家中看哈利波特ｖｃｄ真係好精彩！看完后爸爸問鈞鈞，如果明天老師問你臉上為什麼腫了（被蚊咬）你怎麼回答？他便對爸爸說因為我中了魔法，臉就紅左law！

Jasmin

囡囡媽, virginia_chau> 普通話歌好似係"駕飛機", 我都係估歌詞!

另外亞仔話佢今日做師父,賣叉燒包!

AAl

mariachn,
咁啱!! 我地又係睇哈利波特<火盃的考驗>   

YinYin2002

原來係唱""駕飛機", 我估到現家都未知佢唱咩

他們昨日係學校做點心師傅, 我接囝囝放學時, 他拿著手工做的兩粒燒賣,話要給我同爸爸食, 自己係學校已經食左喎

mariachn

AAI,

係呀！我都係睇這套！上星期天，哥哥睇返２００２年校刊，見到妳大仔張相，話係細時的肥哥哥．當時仲好bb！我睇返都覺得好感觸，校刊係我大仔讀K1時學校送的！話咁快三年了！

各位，
係唱駕飛機,有好多動作架，especially唱到蹲下來，要（左）低！好可愛架！如果到時ｗebsite update 左記得睇呀！之前鈞鈞在家中經常唱，我問他係咪好喜歡這首歌，他只是笑下．原來係上台表演！

點心師傅？等我再問下先？

Sandy媽

Jasmin：賣叉燒包~琳琳最鍾意食

Maria：第四組駕飛機，第三組駕火車

小商店~上星期五同馬老師講開知道每班會賣唔同野，佢地會去唔同班房上堂的！第三組今week開衣服店，我地可以帶些衫返學校，我返到屋企問琳琳：
我：老師有冇叫你帶野返學校？
琳：帶McDonald (老麥玩具之前已帶過)
我再問：老師有冇叫你帶衫返校開衣服店呀？
琳：... (佢好似唔知我講乜 上堂冇聽書 )

琳琳昨日在校嘔，老師話佢嘔完又好精神食茶點仲encore，但昨晚有少許燒原來喉嚨發炎，所以今日冇返學！老師話佢呢排撘保母車返到學校間中都會嘔一、二啖奶/痰，因佢早餐只肯食奶，你地d小朋友早餐會食乜，仲有冇食奶架？琳琳仲要用奶樽tim
        

mariachn

sandy 媽 ,

天氣忽冷忽熱，真係要小心d．大家保重呀！

早餐方面，鈞鈞會飲５安士奶，半塊white bread 加jam, skippy etc...... 臨出門口再飲多１安士水．佢好得早上飲奶，接著坐校車都頂得住！哥哥就好容易會嘔，早上唔可以飲！

香氛園 ~~ 我都係join一段時間玩！其實當天爸爸都有時間一起去，但爸爸話都係玩完，出去食！BBQ 不合小朋友！

Jasmin

Sandy媽> 香氛園我都係會join一段時間, 不過唔BBQ啦, 因為亞仔一定無耐性!   

珍珠媽咪

Sandy媽~~
軒軒都係用奶樽飲奶架    曾經"介"過,不過都係飲返奶樽 佢早餐都係飲7安奶就乜都唔吃,好煩,試過買面包佢又唔吃,但係佢話吃茶點時,佢吃兩個果醬包喔      可能係學校大家一齊吃開心d有講有笑喇!
係喇,香氛園我都係會join一段時間, 不過又唔BBQ啦,囝囝條脷好易痛,少少熱氣又痛,
呢排天氣好易病,大家小心身體!

龍馬媽媽

Sandy媽~~
我個囡囡都係飲6安奶先返學but用柸, 因哥哥用柸, 所以佢都肯用柸, 而佢係學校茶點時都可吃兩個果醬包, 唔好以為佢細細粒, 其實好"刷"得!
如果咁多人唔想BBQ, 不如改返野餐拉, 可以嗎?

Sandy媽

香氛園~如唔BBQ都唔緊要，$5入場費可以遊園喇！但園內唔可以帶食物，我地唔可以公然野餐wor 如果我地有一兩個家庭BBQ，其他人帶少少野食就唔多覺既，再睇下有冇人想BBQ 先決定詳情！

我地又可以諗下，如果大家都唔BBQ：
(1)        玩完上午就走，但係10:00am粉嶺火車站等，入到去約11:00am玩得個零鐘，都開始肚餓要走人去醫肚，夠唔夠喉？駛唔駛約早d(10:00am開門)
(2)        玩下午~各自食lunch 然後12:30pm or later火車站等

如唔bbq就唔駛book好易安排，大家慢慢考慮，睇下邊樣最fit自己   

Imysze

Sandy 媽:

俊銘早上都只是吃7安士奶,
而且仍然用奶樽.
有試過買包包給他吃, 但不肯吃.

上星期俊銘說馬老師吩咐要帶三角形
東西回學校, 我幫他準備了在書包,
但即日就原封不動退回, 不知是俊銘
說錯了? 還是帶得不正確?

另外俊銘有說要帶衫回學校開衣服店,
我再幫他準備一件衫帶回學校, 今次
就沒退回來.


IMYSZE

Jasmin

剛剛報名九龍灣創意學堂畫班,  希望亞仔鍾意學畫畫!  

龍馬媽媽

今日放工回家比我bb囡激死, 佢把填色比賽工作紙剪爛哂, 分成十幾份, 哥哥重拿掃把掃, 囡囡話唔掃得, 先發現佢地攪成咁, 鬧極佢都無悔意, 我話老師明天罰你留堂, 囡囡居然問我學校係唔係有飯食? 真係好人都比佢激壞, 投降!

hi jasmin,
我都剛剛幫囡囡報左畫班, 上左一堂, 我只係屋企附近報!

YinYin2002

Hi Jasmin ,

我囝囝都是在九龍灣創意學堂畫班學畫畫, 已上了幾個月都非常開心呢, 你囝囝也會鍾意的。 :

Sandy媽

Imysze：你17/4有冇興趣一齊去香氛園玩呀，如果俊銘又來琳琳一定會好開心的 琳琳半夜仲有燒今日都冇返學，你問下俊銘知唔知邱穎琳病左呀

Jasmine/yinyin：創意學堂係咪學校介紹的，我見學校介紹有一兩間晝班好似幾好，但太遠所以我搵屋企附近的畫班算喇，而家上左3堂

龍馬媽：填色比賽工作紙係功課來的嗎？罰留堂? 可以留係學校繼續玩以山緊係唔驚啦，你話罰佢冇得返學可能有效d    

virginia_chau

Sandy媽,
希望琳琳早日康復!!

你講得冇錯呀<罰冇得返學>係最有效
我試過係屋企罰阿囡企佢只係喊幾聲表示知錯.  話"罰冇得返學"就即刻變臉玩楚楚可憐, 聲淚俱下再加苦苦哀求, 你話係唔係比佢激死    

纓纓每朝起身都會飲8安奶提晨, 再飲水, 可能飽都唔願食其他

TSUNTINGMA

希望琳琳早D好番!,"唔怪之"D兩朝唔見佢!

其實我仔仔(浚霆)每朝都坐係妳女女前面個位。以前有幾次浚霆都有話過佢後面個女仔有唔舒服(小小嘔同喊!)
會唔會食得太飽太脹呢?

浚霆話琴日放學排隊時有個男同學和女同學〝打交
〞跟住周老師就叫左Policeman拉左佢上車
><


[quote]
Sandy媽 寫道:
Imysze：你17/4有冇興趣一齊去香氛園玩呀，如果俊銘又來琳琳一定會好開心的 琳琳半夜仲有燒今日都冇返學，你問下俊銘知唔知邱穎琳病左呀

Jasmine/yinyin：創意學堂係咪學校介紹的，我見學校介紹有一兩間晝班好似幾好，但太遠所以我搵屋企附近的畫班算喇，而家上左3堂

龍馬媽：填色比賽工作紙係功課來的嗎？罰留堂? 可以留係學校繼續玩以山緊係唔驚啦，你話罰佢冇得返學可能有效d