番禺會所華仁小學

easiness

麟媽媽,

請問未甩牙之前, 牙肉會唔會痛? 因為阿仔話牙肉痛, 我O念係咪換牙, 所以會痛!


ms99,

請問英文每日一篇係咪都係用番中文每日一篇個密碼!

睡公主

呢兩日忙到連上嚟的時間都冇（公私兩忙），好掛住你哋，差唔多可以放工走人，不過都係要上嚟講兩句。

easiness：

個英文網址同密碼貼咗喺本手冊第二版（唔同中文嗰個架）。  我個仔已經甩咗下面兩隻門牙好耐，依家好似上面兩隻都開始鬆，可能係啲牙搖，所以做成佢牙肉痛。

好啦，要走人，返到屋企再傾。

sweetsweetmom

今日亞仔手冊寫着圖畫未完成, 因末著底色, 要補做, 敢問点解一定要上底色? 我覺得上了底色後背景雜亂, 未能突出人物, 奈何是老師要求。跟功課巳夠花時間, 還要督促代他畫畫, 有点氣。

ms99

麟媽媽:

好高大家係同一堂區下嘅姊妹。

我番開11:10，但呢排較飄忽，有時會去香港仔聖彼得，睇吓家中各人活動情況而定。  不過，遲些我哋班教友兄弟會開始做番彌撒中嘅小朋友時間，我同老公會幫吓手，到時你都碰吓場啦。  咁仔仔都會番主日學嘅，今星期六見啦。

ms99

easiness :

我今日上咗好多次英文每日一篇，確實寫住：

  多謝各同學，本計劃將於10月10日開始

密碼係學校有一張由聯合英語出版社派發的通告上印住的。

你哋有無人成功入度呢?

牙痛?  我仔仔啲牙一樣穩如泰山，完全無聲氣要換牙。 不過如果牙肉痛的話，可別看輕啊!  因為唔睇過都唔知嘜事，大人牙痛都難頂啦，何妨小朋友呢。  如果仲見痛，不如俾啲冰佢食吓啦。

ms99

sweetsweetmom :

底色?  我都同意唔係每幅畫都要油底色的，但奈何老師要求的話，不如加啲物件，等幅畫構圖豐富啲囖。 我都擔心仔仔幅畫會彈番轉頭，因為佢幅畫一樣係好多留白，我叫佢加啲公仔或油多啲色彩，點知爸爸話油太多就凸顯唔到主題喎。算吧! 佢讀藝術嘅，佢嘅專業我無得駁咀。 :tongue:

ms99

睡公主：

努力啊!  今晚我都帶咗公司嘢返屋企做，而家等少爺溫完習先有得開始。 無錯! 少爺仲溫梗，因為聽日就默英文，佢病咗幾日，唯有將勤補拙啦。  

你入度英文每日一篇嗎?

睡公主

同大家一樣，個網站話要十月十日才開始。

ms99

睡公主：

咁中文每日一篇個分啱唔啱呀?

亞仔第一日個篇無計入去，話會更新的，但未見有回應。
亞仔話要每朝六點起身做一篇先返學，因為佢想快過其他同學，好有鬥心啊! (睇吓可以堅持幾耐?!) 所以成日問住系統幾時將啲分俾番佢。 (我點知喎!)

睡公主

好期望快啲默書同測驗就好，起碼知道下次默書、測驗或者考試要點樣温，好過依家毫無頭緒。我個仔明天先至第一次默書（中文），其實我對佢啲中文絕對有信心，但弊在唔知佢慣唔慣這種默書方式（預咗佢一定俾人扣晒啲無謂分）。

睡公主

我個仔喺十點幾嗰陣睇過，已經計晒分重排埋名次。第一日有可能個網頁有問題，我個仔都做咗兩次至成功遞交份答案，會唔會真係無計到你個仔啲分。都係每日 check吓穩陣啲。

ms99

睡公主：

放心啦! 你有信心又駛嘜擔心呢? 只要平時寫字時老師無話筆劃錯咪得囖。

我個仔好鍾意寫中文字，無耐幼稚園老師教的筆劃同小學老師有好多出入，而家要由頭執過哂，亞仔有時唔忿氣，明明幼稚園老師係咁教，點解而家老師話佢錯。 咪話佢聽兩個老師都無錯，不過而家老師教梗你，問佢要聽邊個話? 其實我同老公都覺得好混淆，成日要問多幾個朋友解決。

亞仔食咗葯 high high哋，無心力溫習，點溫都唔上腦，唯有放棄了，無理由迫佢架。所以聽日由得佢扣分啦。不過亞仔唔會覺得係什麼一回事，因為佢懵懵哋。咁唯有氹佢，話唔想改正做多樣功課就俾吓心機串囖。

ms99

睡公主：

唏!  你正話講完 check分數，我又心思思想睇吓update咗未，點知食咗個宵夜 (閉門羹)。 網頁由12點會close到5點。 聽日先有得睇。

公仔面

有件小一嘅校褸,唔知有冇人啱?
因為校褸唔係一定要著,淨係星期六校服日先著,穿過冇幾次,唔想sai.

easiness

各位早晨呀! 昨天打了一堆字後竟然send唔到 ! 個網成日都有問題架! :evil:


睡公子,

怪唔之得昨天上o黎唔見你啦! 宜家每日既例行公事就係上  O黎同你地傾計! 見你地唔到, 個心......好唔舒服呀!

阿仔昨天已經打左針, 佢話有幾個同學仔O咸! 我想阿仔係換牙呀! 佢食野已經慢, 若果再少兩隻牙, 肯定咩都唔食呀! 昨天派左中默同英默, 老師話14/10默PLE P.9-12, 希望今次唔會好似上次咁, 阿仔一邊默書一邊O咸啦!

ms99

公仔面 ：

我有興趣要，我個仔身材細粒，得114cm，合適嗎?

謝謝!   

happy5

ms99 寫道:
早晨各位：

上咗"每日一篇" 三日，但仔仔嘅分數仲未更新，所以只計了兩日分數，你哋有無咁嘅問題?

另外，今朝去英文每日一篇就話 10月10日先開始，登門不入，你哋咪一樣呢?

happy5 ：你在職嗎?  多謝你安慰我呀!  不過自問都幾渣架，由細到亞仔出世都係同亞媽住，習慣咗全套服務，所以初初有個家時唔習慣，寧願抱埋個仔番亞媽到做寄居蟹，總之唔係好想面對屋企啲家頭細務。 實在返工開心過係屋企，係咪有啲唔妥呢? 但我都慢慢改善梗，但依然攪唔掂廚務呢瓣，難攪!

嚟梗下星期就第一次測驗，完全唔知點溫好?! 有無實際建議，可以從何入手呢?     (譚校長唱：苦惱...加苦...惱)

我希望教阿仔及對佢多d , 所以轉為半職工作,唔希望第日自己沒付出過努力教佢而後悔.(這純粹個人選擇而已!我覺的教阿仔,能影響他比較重要!)

另外,阿仔打完針話Miss Lee叫他們寫打針日記,我覺的這安排很好 因小朋友能從深刻事件中學習作句子.阿仔這樣寫著:我打針覺得很痛,我很勇敢.他的文法雖然有錯,但至少能道出他的心情.他說他沒喊,只有少部份同學喊!

溫測驗方面,我會DOWNLOAD或買些模擬測驗卷給他熟習測驗模式,(我懂得這樣做也是多得前人提點吧!!)

easiness

ms99,

我個仔除了體重同你個仔差不多外, 連高度都差不多, 我個仔高116CM!

睡公主

我舊年至轉這份工，之前係話做半晝架，諗住個仔就嚟一年級，咁啱揾到份返半晝，咪即刻轉，點知做咗半年佢又話叫我返全職，真是人算不如天算，不過嗰時個仔又未上小學，唯有做住先啦，依家咪睇叿情況再決定。

如果返半晝就大人細路都舒服。

睡公主

我個仔有127cm高，但佢比較瘦好似得24kg咋。