一個愉快而有效學習的個案

eviepa

觀迎大家理性討論。

IQ與思考能力有相關，但也有不同的地方；IQ對數學大有幫助，但將勤補拙也可以學好數學。

IQ的定義是： mental age / actual age x 100

如果一個十歲的小孩的邏輯能力…..等測試的項目相等於一個十三歲小孩，他的IQ就是130。如果一個十歲的小孩的邏輯能力…..等測試的項目相只等於一個八歲小孩，他的IQ就是80。

雖然我沒有為女兒測試過IQ，我所估計的不是那麼的科學化，但我女兒在六歲生日，讀小一時，她的邏輯能力…..等測試的項目，比不上一個普通六歲生日的孩子，大概是公認的，因此，從我的觀察、親友們的反應看來，女兒在六歲時IQ稍低於香港的平均值是眾人的看法。

所以直到她讀小四，我都覺得她的IQ很難提升得超過香港的平均值。我最希望的，是將一個IQ不高的孩子的思考能力、解難能力提升，從而成為一個不錯的人。

然而15歲生日的她，邏輯能力…..等測試的項目，比起一個普通的十五歲生日的少年，卻是公認的強，當然，強多少可能人見人殊，但她強過香港平均值，老師、同學是認同的。

由於IQ有這樣的變化，小一的她，對著很淺易的數學也是很大的挑戰；反而中四對著很艱深的數學也是隨學隨明，並不用將勤補拙。

以上的分析不很科學化，但就算是猜測也有一定的事實基礎，而六歲到十六歲IQ的增加，似有18點。

MASAYA

我覺得年幼時智商對學習有某程度影響，因為這時的小孩都是一張白紙，不過IQ分數都不過是一個名叫IQ test的成績，但成長到越接近成年，智商的影響力不算太高，取而代之的是智慧，而且智慧不能用數字量化

sarahlmf

這對我教導孩子有很好的啟發。

Daddle

What I agree with Eviepa is that if parents can guide/motivate their children to read more books (both Chinese and English), their academic results can be improve in the "long run".

Daddle

Besides, the time his daughter spent each week on each subject in not "little" at all - a consistent 1.5hours per subject per week.  Actually, it is already above standard. If she need to study 8 subjects,  she needs to spend 12 hours each Sat and Sun to do all the revisions. That is to say, she will not have any spare time to join any extra-curricular activities during weekends. Thus, the good result of her daughter is not strange at all.  With such a hardworking and persistent attitude,  it's quite impossible to get poor results in DSE. Correct me if I am wrong!

do-re-me

請問可以推介一些內容搞笑,低低能能的女仔書,好像Daisy系列的英文書給我女兒看嗎(這系列作者是Kes Gray)?她對公主,仙女,正常女孩生活,驚嚇,緊張,恐佈,推理,查案等內容的書都無興趣,好困難先找到這系列她喜歡看,但已看完了.她另一有興趣的是orangey the gold fish

小時了了

Daddle 發表於 14-12-11 00:31
Besides, the time his daughter spent each week on each subject in not "little" at all - a consistent ...

您嘅睇法令我想起一些人物如下:

1) 富豪李嘉誠。我記得曾經睇過佢唔知港台定係報紙專訪報導，李生出名份人勤力，好記得佢講佢每日幾忙都好都一定會／要睇書。

2) 另外，星之子陳易希係報紙專訪曾提過一個書本理論----- 一千(網友更正係一萬)小時嘅理論。我記得佢講一個人係某一方面用一千(網友更正係一萬)小時專心不放棄不斷鑽研，那人係那方面一定會有成就，因為太多人不專心及太多人會中途放棄了，所以成功嘅人少。我都 buy 呢個理論而自己就係人版了。我當年會考時英文唔合格，聆聽係 U呢。後來自己勤勤力力，會考重考後考上預科，大學學士及碩士呢。我想講我真係唔係天資聰穎，我相信我只不過將勤補拙吧！當然我絕唔係最優秀最 top 那批學生，畢業都係合格罷了，但係我履歷表總算係大學碩士生，夠我係職場搵食就夠了。(我唔多呀，唔通我 IQ 都上升咗8點?)


3) 我又想起另一個九歲神童沈詩鈞, 佢阿哥沈怡謀在番禺會所華仁小學讀書，一向成績不佳.... 後來佢爸爸查問原因後，佢爸爸教他英國會考數學科，怎料他一個月就讀完。數月後放暑假，再給他讀高考數學，結果他兩個月便讀完兩年的課程。」.......怡謀完成中一後......再到英國升讀中四，數月後跳讀中七，同時應考英國高考和會考，結果全部都考A。https://hk.knowledge.yahoo.com/question/question;_ylt=A2oKmJLTvIhUrEwAyUuzygt.;_ylu=X3oDMTByMjAzbTFrBHNlYwNzcgRwb3MDOQRjb2xvA3NnMwR2dGlkAw--?qid=7007081702431, 。。。(若果以 eviepa 嘅 IQ 論，沈怡謀小學成績差而中學及大學成績標青又係上升18點理論?)


4) 又舉多一個例子，八仙嶺山火的傑青衡仔張潤衡，我係佢本新書《我也可以了不起》http://www.cp1897.com.hk/product_info.php?BookId=9789888287376, 書裏面講到佢小學家長日老師講佢考尾二，只係好過最尾有學障個同學，點知之後個學期考最尾呢，學障同學仲高分過佢，返到屋企俾老豆打到飛起，又俾老豆話佢係咪有學障，中學只升到 band 3 中學。書入面有講佢中學時老師點樣教及鼓勵學生，佢自己又點樣克服身體傷殘及點樣好努力咁追返咁多年學業底子差，而父母點樣無為而治等等, 人地依家大學畢業，讀緊博士學位, 係傑青。佢出呢本書《我也可以了不起》，就係想鼓勵人及帶出正面思想連佢都可以《了不起》，其他人一定都可以《了不起》。書裏有分享用咩野平常人都用到嘅思想方法及行為而令自己《了不起》。 (若果以 eviepa 嘅 IQ 論，又係上升18點理論?)

最近我買了一本童書 《帶衰老鼠死得快(兒童版)》 送俾教會主日學學生，書內容好好的，書內舉了好多出名知名人士及成功人士例子，好有積極思想。

帶衰老鼠死得快: http://www.kingstone.com.tw/book/book_page.asp?kmcode=2018551046499&show=freepic#


1)《帶衰老鼠死得快(兒童版)》裡提到美國的林肯總統，他一生的遭遇兩次經商，兩次破產。八次選舉，六次落選。還精神崩潰過一次。但林肯並未因失敗而放棄，每一次的失敗只會更增強他的意志力。林肯說：「我一隻腳滑了一跤，另一隻腳也站不穩，但我對自己說：『這不過是滑一跤，又不是死掉了爬不起來。』」

2) 愛因斯坦4歲才識說話，7歲才會認字，老師給他評話：反應遲鈍。。。。小時候曾被退學。。。(若果以 eviepa 嘅 IQ 論，愛因斯坦年幼及年長兩個時期嘅 IQ 又係上升18點理論?)

3) 牛頓小學成績奇爛無比 etc

步向成功之路好多原因，如果有好似 eviepa 老豆教導及支援，條成長路必然好行好多了，亦係 eviepa係度分享成功個案明顯例子。

小朋友輸在起跑線唔係問題，贏在終點先至係皇道。 eviepa 女兒能成功，當中一定有好多因素導致的呢! 我最buy eviepa 閱讀學習理論（我係教會同其他家長曾分享呢個理論時，原來教中文及英文嘅老師教友一早知，並且佢地亦非常推動及鼓勵學生睇書，原來係我唔知，仲係佢地面前班門弄斧，哈！哈！）衷心多謝 eviepa 係 EK 大力推廣閱讀學習，小女係受益人之一

但有一理論 eviepa 係將佢 Band 1 嘅小女升中時選讀中文中學而考入精英班，呢點 eviepa 自己都曾講過唔係咁多家長認同，我便是其中一人了。

有關讀英中抑或中好，我記得曾有一個帖討論過的，不在此再討論了。

希望您唔好介意我對您有唔同睇法，求同存異。

eviepa

IQ對讀書成就是一個不怎樣好的指標，但到今年為止，以小弟所知，仍是個無辦法之中的辦法。Daniel Goldman認為EQ是個更佳指標，但正如小弟在二十年前所料，EQ不會像IQ那麼成為一個常用指標，起碼我從未在傳媒中聽說過有任何人，用科學方法量度過自己的EQ。

我一向都知道IQ對讀書的影響比用功讀書小得多，但高IQ對讀書的幫助仍不可忽視。

爱恩斯坦、愛迪生、張五常等小時候都讀書讀得差，不是因為IQ低，而是缺乏學習動機。

相反地，如果一個孩子，很努力地上數學課，回家後又肯努力做數學功課，又連補習老師都不能將他的數學補好，那就幾乎肯定是IQ有問題。在現實世界中，這類孩子亦偶有所聞，足証IQ仍然某程度影響著學業。

回應大家的質疑，我女兒讀初小時，有足夠的學習動機，亦肯努力做功課，想不通的還有爸爸可以詢問，若IQ達到中游水準，應無問題，當她的數學能力在天時地利人和夾得很好的情況下仍然很低的話，我就可以有合理懷疑，她的IQ比較低。

當然，我不會只用單一指標去判斷，而是用很多曰常生活的小節去評估她六歲時，對比其他六歲小孩會怎樣，結果都是，她在IQ會評估的項目基本上全線不達標。另外，我甚至靜靜觀察親友對女兒的反應，基本上亦覺得女兒不如同齡小孩。

我很渴望有個天生聰敏的孩子，但殘酷的現實是，全港共有50%的孩子，IQ低於平均值，我女兒是其中一員。

我讀心理學入門是八十年代，教科書的數據可能是五十年代。當時認為IQ很難大幅改進，但我看過一麟半爪的最新研究，IQ能提高的幅度，應較前人所深信的為大。

當自己有個比較蠢的孩子，不要氣餒，經努力後可能有一片新天地。

Daddle

回覆 小時了了 的帖子

ok no problem!

ath3551

謝謝分享!好有意思

小時了了

eviepa 發表於 14-12-11 08:56
IQ對讀書成就是一個不怎樣好的指標，但到今年為止，以小弟所知，仍是個無辦法之中的辦法。Daniel Goldman認 ...

eviepa, 我真心同您講, 您係我係 EK 裏好尊敬之其中一位資深網友, 重申, 我希望您知道我只係與您有一小部份有不同見解, 並不是惡意, 希望您包容

我想講嘅重點係您成日講及係好多不同帖提您覺得您 P.23 #451"阿女年幼時 IQ 比同齡孩子稍低，憑親友的言談、表情看，她是公認有點蠢的孩子。果然不出眾人所料，小一二的加减數已令她吃不消。" 但您當年又無做 IQ test, 只係憑感覺覺得, 真係好難令人信服呢一點.

我自揭瘡疤, 我及 "憑親友的言談、表情看，小女是公認有點聰明的孩子, 並且經常說小女資優, 但最近我係另一帖 "點教小一生分b同d" http://www.edu-kingdom.com/forum.php?mod=viewthread&tid=2955563&extra=page%3D3&page=2, 有好心網友提點小女可能有 SEN 徵兆, 我亦係上星期終於鼓起勇氣填表為小女申請評估.

我講咁多, 只係想講好似大契台詞對白講:"眼看未為真", 而我本人只信專業評估.

不喜勿插!   

小時了了

回覆 eviepa 的帖子

其實您分享其他學習好好, 我只係唔認同您小女智商低而不經科學證實及評估吧!

eviepa

小時了了 發表於 14-12-11 10:07
回覆 eviepa 的帖子

其實您分享其他學習好好, 我只係唔認同您小女智商低而不經科學證實及評估吧! ...

其實你嘅問題幾有趣。


點解話仔女蠢就需要好似寫博士論文咁嚴謹呢？我同朋友傾開自己细個嘅情況，我會話自己有D聰明，但唔會有科學化嘅數據支持，唔通唔講得咩？有唔少家長話自己仔女有D聰明，唔通又需要攞個研究報告支持自己講嘅嘢？EK似係茶餘飯後朋友傾計多過係非常嚴肅嘅學者論壇，講乜都要百分百嚴謹就唔知有幾多人嚟呢度吹水？但係未經寄專家評估問題唔會自動消失，聰明同蠢其實唔難分辨，好多時都唔需要用到專家咁嚴重，阿女學數始終慢，我細個嗰陣學數就好得心應手。


嚮阿女细個嗰陣，我同老婆有苦自己知，既唔敢嚮阿女面前講佢蠢，又唔敢嚮親友面前吐苦水，怕流番入阿女隻耳仔。到阿女聰明咗，叻咗，我先至夠胆講番佢細個D嘢。呢個時候，佢就覺得好有趣。

小時了了

eviepa 發表於 14-12-11 10:34
其實你嘅問題幾有趣。

因為您係帖內回覆得好學術, 我唔識又無讀過, 以為您一直以學術探討, 理性討論咋, 原來係樓主突然自己轉咗 channel , 係 "茶餘飯後朋友傾計", 唔好意思, 我跟唔切. "點解話仔女蠢就需要好似寫博士論文咁嚴謹呢？我同朋友傾開自己细個嘅情況，我會話自己有D聰明，但唔會有科學化嘅數據支持，唔通唔講得咩？有唔少家長話自己仔女有D聰明，唔通又需要攞個研究報告支持自己講嘅嘢？EK似係茶餘飯後朋友傾計多過係非常嚴肅嘅學者論壇，講乜都要百分百嚴謹就唔知有幾多人嚟呢度吹水？" 您突然咁嘅語氣講野......唉！無言！


學術探討例子:

P.18 # 338 "心理書說..."

P.18 # 340 "我看過的所有心理學書，所有心理學家認為...."

P.23 #451 "讀心理學入門時，教科書講述一個特例，一個孩子長大後，比年幼時IQ增加了18點。增加18點就可寫入教科書，可見IQ很難大幅提高。"

P.24 # 461 "觀迎大家理性討論。"...."IQ的定義是： mental age / actual age x 100" ---- 呢個唔係學術理論? (因為我未見過, 無學過, 真係唔識)

P.24 # 468 "Daniel Goldman認為EQ是個更佳指標" ---- 我學識淺薄,我真係唔識及未聽過 "Daniel Goldman"
"我讀心理學入門是八十年代，教科書的數據可能是五十年代。當時認為IQ很難大幅改進，但我看過一麟半爪的最新研究，IQ能提高的幅度，應較前人所深信的為大。" --------- 呢個唔係學術??

如果 eviepa 唔想人用學術同佢傾佢女係唔蠢, 亦唔接受其他人與他有一點兒不同見解, 我都無話可說!

重申一句, 我真係好多謝您推廣閱讀, 小女真係受益不少, 祝願您小女大學學業成績理想. 真心的

little_yolky

eviepa 發表於 14-12-11 10:34
其實你嘅問題幾有趣。

我就已經忍唔住鬧咗佢好多次死蠢了

我大囡就係上堂留心, 又肯做功課, 唔明又有得問, 但數學仲係唔掂果啲。問題係, 佢除咗數學其他科科都掂, 藝術類既項目仲超過同齡既小朋友, 咁應該唔係IQ有問題丫, 但都係用緊同一個腦, 點解就係數學唔明白, 真係次次教到佢又兩行眼淚, 我又爆血管



反正佢依家暫時仲合格, 我決定放一下, 抖一抖, 搞好其他科, 過一排再返轉頭睇數學了。反正暫時老師又無搵我麻煩, 為免自尋煩惱, 唔係就對大家都無好處。

eviepa

回覆 小時了了 的帖子

我不覺得你令我不快，反而覺得這話題相當有趣。
在女兒六歲生日時，學習上，尤其是數學上遇到很大的困難。我將之歸咎於智力問題，而我所作出的判斷，雖未達博士論文级數，但亦相當嚴謹，相信不少家長都會這樣想。如果不是IQ問題，你怎去解釋呢？

MASAYA

智商一個數字，怎能表達一個小孩有多聰明？考試平均分100分一定比90分懂得多？我只覺得他在考試上做得很好拿滿分，IQ 130一定比IQ 120聰明？我只覺得他在IQ test做得好，這些測試的其它分析才更重要，如果父母不能了解小孩各分方面能力，交給專家分析，然後認真看待分析結果，那個數字，無關重要
p.s. 龍珠裡面200萬戰鬥力一定能戰勝100萬的？