旺角基督教服務處雋匯幼兒學校

fionkwok

waiwaichu2003 ,

係啦! 佢地返學之後, 我地係咪又要搵吓報幼稚園既資料呀?  有冇心水呢? 你係咪一定會同阿仔轉校架? 我就諗住報還報, 如果阿女讀得好既, 我都未必會同佢轉, 你又點呢 ?

waiwaichu2003

fionkwok,

lee個問題都幾難答,一切等開左學,睇佢讀成點先算,不過都會同佢睇定幾間既!

YENCHAN

好掛住你地呀！！

有冇掛住我先！！

講個好消息過你地知啦！！我７月２１號開始已經唔洗返工喇！！庭外和解，當然冇賠足啦．．．蝕左８日大假，少少強積金咁啦 冇辦法啦，老闆娘勁變態，我差d比佢玩死左！！

算啦，過左去喇！！我跟住用左１０日時間去創我既事業喇！！[size=medium]我就o黎開鋪喇哈哈！！所以呢排忙到冇時間上黎law！！等我裝修好晒，等呢個禮拜搞埋d野我就可以抽番少少時間上黎同你地傾計喇！！

再掛多我幾日先啦     

waiwaichu2003

YENCHAN,

果然係好消息,恭喜晒!
你準備開咩鋪頭呀? 請唔請"打雜"呀? 等我有時間落黎"鄧"下脚先,哈哈............
好囉,終於雨過天晴,真"鄧"你高興!!!
你有時間先再上黎傾計la!

fionkwok

YENCHAN,

好囖! 好囖! 終於見返你啦! 仲有好消息喎! 真係恭喜曬! 開舖做老板娘啦!       間舖賣咩架? 開係邊呀? 得閒可以幫襯吓喎! 請唔請parttime呀? 請我呀! 唔使我週圍搵呀!    首先係度祝你生意興隆啦! 搵多d呀!!!

fionkwok

twins,

又有好幾日冇見你啦! 好返未呀? 月頭要埋數好忙呢? 最緊要保重呀!

waiwaichu2003

各位,早晨呀!

fionkwok,

早兩日同阿囝睇醫生,唔記得問佢食咩可以增強體力tim,不過,你可以試下比阿囡食redoxon_vitaminC 兒童啃片,1日1粒,我囝囝好鍾意食,我之前個醫生每次睇完都會派粒比阿囝食ga!

幣la,我用剩2個label咋,要留番黎縫開學先攞個套運動衫;鞋,底衫,手巾仔,襪都未搞掂,怎麼辦呀?

"襪" - 你打算寫唔寫名呀,寫落去好似好核突甘,你寫左未呀?

fionkwok

waiwaichu2003,

你dvitamic c係邊度買架 ? manning/watson有冇得買呢 ? 通常阿女d野我斱唔會係薬房買架 !!

你d label 用得咁快既 ? 我仲有好多呀! 底衫果d 可以用筆寫既就寫啦 ! 襪 - 都係唔寫名啦 ! 都真係好核突咁!

waiwaichu2003

fionkwok,

d vitaminC 係萬x/屈臣x/百x或各大百貨公司都有得賣,但記住要買"兒童"嗰隻;不過,我覺得lee d只係一d補充劑,除非你囡囡本身唔係太鍾意食生果la,如果唔係,我始終覺得食生果可"自然"吸收唔同既vitamin,益處比食一隻vitamin和經化學提煉出黎既丸應多好多!

想問下你用咩筆寫名? 咁對鞋係唔係都係寫名呀?

fionkwok

waiwaichu2003,

有種筆寫係布度係不退色架！　你去書店問

10396

waiwaichu2003,
今日響書局買左枝artline 750 marker for laundry ($9)係可寫係布度係不退色既筆,試左真係work 架,

u can try it!

waiwaichu2003

10396 & fionkwok,

Thanks for your info.
我會去書店look look,唔該晒
!

fionkwok

waiwaichu2003 , twins,yenchan & all mama,

HI, 星期一就返學啦! ready曬未呀?

剛打咗電話返學校問, 星期一返學係要帶對鞋返學校換既! daddy & mami鞋就唔須要, 但要係門口用消毒藥水囖! 書包仲未有住, 要帶返學既衫褲襪等可以用自己用開既袋放好俾小朋友帶返去! 如果仲未成功介片 (好似我女咁) 就可以著片褲! 但我都考慮唔同佢著, 睇吓得唔得! 仲有, 下星期四帶床舖只須帶泠氣被, 厚果張唔使帶, 係冬天先用既! 我地再定既運動服已經有啦! 星期一會俾我地架啦!

我仲有冇問漏野? 快d話我知再問清楚啦!

waiwaichu2003

fionkwok,

你好叻呀!我都唔記得要問老師tim! thanks!
我想問星期一返學,除左帶阿b,鞋,forms外,仲有咩帶呀?好緊張呀!

twins,

星期一係咪你帶阿b返學呀?

fionkwok

waiwaichu2003,

除咗鞋, form之外, 仲要帶多套校服,外套, 襪, 底襪及毛巾仔! 我係放咗咁多野係背包咋!

今朝收到學校封信, 阿仔阿女既老師係王老師及方老師! 唉! 我都好緊張呀!

twins,
係好忙呀? 有冇好似我地咁緊張呀? 仲有冇野漏呀?

waiwaichu2003

fionkwok,

Good morning!
我尋日返去都收到信,都係王老師同方老師,咁其實d班係咪得1班咋!
我想問老師有冇講到幾時先派書包呀?
星期一返學未有書包用,你會唔會求其比個背包比阿囡用住先呀?等佢practice下要孭書包返學呢~
仲有,返得個兩個鐘,可唔可以唔帶spare襪呀?
不如,總括下星期一要帶d乜:

1. 可愛既囝囝囡囡 - MUST
2. 已填好既forms - must
3. 外套--->係咪學校白色個件呀? - must
4. spare襪 - optional
5. spare校服--->正式校服呀 - must
6. 手巾仔 - must
7. spare底褲 - must
8. 波鞋 - must
9. 尿片褲 - optional
9. 利是一封 - MUST

仲有,剛剛問左老師,第一日返學係著正式校服喎,佢話遲D先跟番個時間表著運動服!
好驚帶漏,仲有冇補充?

如果lee兩日,你諗到d乜,你直接call我la,因我絕少係屋企上網ga, ok!

waiwaichu2003

10396,

早晨!
我尋日買左你話個枝artline 750 marker筆la,嘩!貴你個枝成3蚊呀($12/枝),"食水"是非常深!!!

fionkwok

morning all mami !!

waiwaichu2003,
冇錯, D班係得一班咋! 但係有兩個老師, 唔知會唔會分兩group呢? 一個老師要睇成十幾個小朋友, 諗起都有d驚, 唔知佢地點樣攪得掂?
陳副主任話未印好喎, 要遲d至派, 但唔知幾時喎, 冇問呀! 朋友剛送咗個背包俾阿女, 所以會俾阿女當書包用住先, 尋晚俾阿女試, 佢好開心話好靚喎     
"襪"我有帶呀! 唔係好重啫, 冇所謂啦!

fionkwok

1. 可愛既囝囝囡囡 - MUST (仲有擔心既daddy or mami)2. 已填好既forms - must
3. 外套---冇錯就係學校白色個件啦  - must
4. spare襪 - 我會帶
5. spare校服 - 我帶咗套運動服
6. 手巾仔 - must
7. spare底褲 - must
8. 波鞋 - must
9. 尿片褲 - 我會帶
9. 利是一封 - MUST? 其實俾封利是小朋友有咩用呢?
                    我都聽人講話要俾喎!

係咪已經差不多呢? 我都想知呀!

twins,
仲有冇其他呀? 好快d上來提醒吓啦!

fionkwok

waiwaichu2003,

係啦! 你仔仔係咪已經成功介片啦? 出街都唔使用啦? 好叻呀!     
我買枝筆都係$9咋!  你果枝咁貴既 ? 係邊度買架?