請問有冇小朋友學過公文式既媽咪可以分享一下? (Part 2)

SaSaMummy

Your analysis is really great.
Your girl already 超越太多學年.
I think your decision is right.
My girls is in中文
’C’ and she’s P3 now.
I totally agreed 唔係佢認知範圍既野.
She’s not interested at all. I try to cut it to 3-2-3 now and hopefully that will be ok.

原帖由 十月媽咪 於 09-9-9 20:49 發表
pkt & Yau_Cheung,

其實我想三科都cut晒佢的, 但數學....掙扎緊...至於語文...點解我覺得可以cut呢? 中文....我女已經BII喇, 而家每一份, 都係文章, 而每一份既文章, 都唔係佢認知範圍既野, 亦都可以咁講, 根本同佢 ...

fyeung

阿十,

有晒plan,真掂!之前我睇過有小朋友話唔鍾意媽咪迫做kumon.其實見小朋友做得辛苦,我地真係唔忍心,佢地唔enjoy學落去都無用.

carina246,

每日都有活動,可以分配到時間嗎?升小學,我cut左一堂weekday游水時間.

原帖由 carina246 於 09-9-10 14:22 發表
Yau_Cheung,

You are welcome!:D

fyeung & 十,

仔仔今個星期已上full-time了，每朝6點起床，下午近4點才回到家，9點幾上床睡覺，減去下午茶、吃飯及沖涼等時間，最多剩下3個小時左右，每天已安排了一項活動，其余時間(如有)都 ...

fyeung

pkt,

唔使怕做小學生喎,心理準備好,會容易接受到架.

原帖由 pkt 於 09-9-10 15:41 發表
十月媽咪
可能你囡囡係公文中英超越太多學年, 以致佢係唔可以再係呢個課程上前進. 按佢需要轉學其他係好正常. 最重要係知小朋友既強/弱項而幫佢.

另外睇完大家既經驗之談, 可能係幼稚園階段學公文係黃金期, 我個人 ...

SumSumBB

原帖由 Yau_Cheung 於 09-9-10 13:23 發表
hi 阿十,

睇完曬你囡囡既情況, 我都非常認同你既選擇。:good: 你囡囡會去邊度學oral & 寫作呢?  因為我都想比囝囝上寫作班。:wahaha:

阿十,

寫作~Ku老師掂唔掂？
oral~會否考慮Excel？

十月媽咪

Yau_Cheung,
oral同寫作, 我都係打算近近地, 響番調景嶺架咋, 講真, 放學返到唻都四點喇, 打仗咁, 仲邊樹會出城學野丫!

至於睇電視, 唔係我唔畀佢睇呀, 係佢真係唔睇架, 我地每次開電視, 佢都走人架...寧願自己攞本書入房睇, 都唔鬼睇架電視, 我都無計呢!

原帖由 Yau_Cheung 於 09-9-10 13:23 發表
hi 阿十,

睇完曬你囡囡既情況, 我都非常認同你既選擇。:good: 你囡囡會去邊度學oral & 寫作呢?  因為我都想比囝囝上寫作班。:wahaha:

十月媽咪

sumsumbb,

顧老師教中文作文, 係好掂, 佢會教小朋友就住條題目去觀察, brainstorm左一d野喇, 再用mind map既形式例出一d重點....初頭tt好驚顧sir的, 因為顧sir響佢心目中超勁惡, 後尾miss chung畀tt試堂, tt發覺原來都唔係好惡啫, 就試下試下咁試落去...tt上顧sir既中文作文嗰陣, 顧sir仲要係用普通話教的 (我特別要求), 所以....嗯...暫時睇, 我會畀佢keep住跟顧sir學作文!

excel係咪電梯上唻對住電梯嗰間呀? 其實我都想知嗰間好唔好, 但我問過tt, 佢唔係太想去嗰間, 可能學開miss chung度有感情吧! 佢想跟番miss chau, 但我知miss chau令唔到佢開口, 所以....而家同miss chung商量緊, 睇下可唔可以就到試堂, 畀我觀察下, 睇下邊個老師有protential令tt開口!

原帖由 SumSumBB 於 09-9-10 19:23 發表


阿十,

寫作~Ku老師掂唔掂？
oral~會否考慮Excel？

[ 本帖最後由 十月媽咪 於 09-9-10 20:46 編輯 ]

十月媽咪

fyeung,

其實都係架, 小朋友太辛苦, 學落去, 都係無乜用...盞傷感情...而家有晒plan, 會逐步去減, 逐步去cut, 希望最終find out到一個最適合個女既模式!

原帖由 fyeung 於 09-9-10 18:31 發表
阿十,

有晒plan,真掂!之前我睇過有小朋友話唔鍾意媽咪迫做kumon.其實見小朋友做得辛苦,我地真係唔忍心,佢地唔enjoy學落去都無用.

carina246,

每日都有活動,可以分配到時間嗎?升小學,我cut左一堂weekday游水時間.
...

十月媽咪

SaSaMummy,

我女啱啱升小一, 下個月六歲, 其實以公文既計算, BII只不過係二年級既野, 我女極其量係超左一個學年, 公文中, 我女唔係超好多....但嗰日同老師傾, 老師話: 你唔好當佢係二年級既野, 莫講話BII, EVEN BI, 嗰D賓語, 主語, 乜詞物詞呢D, 都唔係二年級會學既, 我有個響教育學院教書既朋友, 佢話我聽, 呢D野係教育學院主修中文既學生至會學....我聽完之後....打晒突....咁一個五歲幾既小朋友....咁早學, 做咩呀? 你唔係真係EXPECT我個女五歲幾就學晒人地十幾廿歲至學既野下嘛? 真係...抓晒頭!

其實BII嗰D故事, 本身係OK的, 如果當故事咁聽, 聽完唔駛寫咁多野, 答咁多問題既話, 我女其實好鍾意的, 但著實....又要佢讀得好, 又要讀得快, 又要讀得準, 仲要答得啱兼寫得快....唉....你估佢家陣十歲八歲咩...咁高要求...打沉晒喇...點搞?!

ANYWAY, 都決定了, 唔想太多喇, 畢竟小學生喇, 太忙....真係寧願佢睇多D唔同既書, 都唔想再重複理解同一篇文章四五六七次啊!

原帖由 SaSaMummy 於 09-9-10 17:18 發表
Your analysis is really great.
Your girl already 超越太多學年.
I think your decision is right.
My girls is in中文
’C’ and she’s P3 now.
I totally agreed 唔係佢認知範圍既野.
She’s not intereste ...

十月媽咪

pkt,

其實我都覺得幼稚園階段係學公文既黃金期, 尤其讀緊好愉快學習, 但又打算升讀番傳統小學既小朋友, 更加應該學公文....因為好愉快學習既幼稚園, 功課量太少, 三年畢業, 都好似文盲咁, 盲字都唔識多個....我自己就好深刻體會...我女幼稚園嗰陣, K3喇...每日至寫一個生字, 每個生字寫6次, 仲要係響學校寫3次,  返屋企寫3次, 然後畫幅有關該生字既圖畫.....我女有學公文中, 寫6次, 益佢做少D功課, 唔係問題...但眼見佢D同學....真係攞你命....有一次OUTING, 老師要小朋友帶一本簿一支筆做筆記....當時去一個環保CENTRE戶外學習....我女見到有興趣既野就抄底, 眨下眼, 已經寫左兩大版...但其他36個同學仔呢? 仲係寫緊幾隻字....有D寫得兩寫, 仲走埋唻叫 我呢個家長義工: AUNTIE, 唔該你幫我寫丫! OMG!

好喇, 而家升到GH喇, 開學第三日已經寫手冊....中英數常其他....日日每項少則寫一樣, 多則寫三樣....真係寫慢D都寫唔切.....但我女經過呢年幾公文中既訓練....佢真係抄得足, 我都好安慰!

不過通常升左小學之後, 見成績唔好, 跟唔上至問我讀唔讀公文嗰D媽咪, 我通常都唔建議架喇....一唻唔做慣, 二唻學校本身都已經咁多功課, 返學時間又長, 小朋友又攰, 仲要佢額外做咁多重複既練習....真係....搵唻搞!

所以點解我揀幼稚園期開始公文呢? 就係因為要畀佢每日做功課既習慣, 唔好計較佢每日做幾多, 10頁又好, 5頁又好, 甚至乎好似我而家, 3頁2頁3頁2頁都唔係問題....更加唔好計較佢超唔超到學年, 幼稚園係最得閒架喇....TRAIN好左, 上小學, 真係抄手冊都快過人&準確度高過人的! 到升左小學, 真係應付唔到咁多野喇, 就好似我咁...逐樣CUT呀CUT, CUT一科唔掂, CUT兩科囉, CUT完兩科都頂唔順, 就CUT晒佢囉....我暫時眼見既係...學校既功課點都無三科公文夾埋咁多, 所以我好深信, CUT晒三科之後, 阿女淨係應付學校功課, 會變得輕鬆得多!

但讀愉快學習幼稚園既, 又唔畀呢D TRAINING佢地既...係呀...呢三年幼稚園真係過得非常HAPPY呀, 但升左小一之後, 惡夢咪開始囉....生字...唔識串...唔識寫, 筆劃錯晒, 唔識拆字, 晚晚溫書溫到12點, 咪呢種囉....我有朋友係咁, 真係見佢晚晚係咁, 唉!

所以你都唔好擔心咁多, 你小朋友有學公文, 你鼓勵佢多D, 佢就會有心機做架喇....辛苦呢段幼稚園期, 上到小學, 你就會發現過程中, 係有得著既! (先苦後甜啊)

原帖由 pkt 於 09-9-10 15:41 發表
十月媽咪
可能你囡囡係公文中英超越太多學年, 以致佢係唔可以再係呢個課程上前進. 按佢需要轉學其他係好正常. 最重要係知小朋友既強/弱項而幫佢.

另外睇完大家既經驗之談, 可能係幼稚園階段學公文係黃金期, 我個人 ...

十月媽咪

carina246,

嘩, 你同你阿仔都好勁, 仲可以keep住每日一樣活動...我9月1日開始, 逢星期一三既野都cut晒, 星期二公文中, 星期四公文英, 星期六公文數, piano, 畫畫, 中文作文, 逢星期五 & 日就ballet!

遲下cut公文中&英...咁就星期一至四都free喇...就算要畀佢學野, 我都唔敢塞滿佢day day有堂啊!

原帖由 carina246 於 09-9-10 14:22 發表
Yau_Cheung,

You are welcome!:D

fyeung & 十,

仔仔今個星期已上full-time了，每朝6點起床，下午近4點才回到家，9點幾上床睡覺，減去下午茶、吃飯及沖涼等時間，最多剩下3個小時左右，每天已安排了一項活動，其余時間(如有)都 ...

carina246

十、fyeung,

你哋可以想像，每日有一樣活動，仲邊有時間同精神做公民！仔仔嘅活動係:(1)普通話(+寫作)、(2)grammar & writing、(3)oral Eng、(4)math、(5)piano、(6)swimming、(7)跆拳，除星期六、日外，每天的空余時間得1小時，不忍心再攞走埋佢了！想cut一些，但唔知點落手！

你哋覺得同樣辛苦嗎？

原帖由 十月媽咪 於 09-9-10 21:20 發表
carina246,

嘩, 你同你阿仔都好勁, 仲可以keep住每日一樣活動...我9月1日開始, 逢星期一三既野都cut晒, 星期二公文中, 星期四公文英, 星期六公文數, piano, 畫畫, 中文作文, 逢星期五 & 日就ballet!

遲下cut公文中 ...

carina246

fyeung,

美其名話係分配時間，不如話剝削小朋友嘅時間，自由空間，是對是錯，我都唔太肯定！

有天老公踫見住在隔壁嘅太太，佢話仔仔真係好乖好懂事，道別前加一句:好少見啲父母冇時間陪嘅小朋友咁乖！聽後我有啲難受！够竟安排嘅一切，是否小朋友真正所需呢？
你有沒有呢個想法呢？

原帖由 fyeung 於 09-9-10 18:31 發表
阿十,

有晒plan,真掂!之前我睇過有小朋友話唔鍾意媽咪迫做kumon.其實見小朋友做得辛苦,我地真係唔忍心,佢地唔enjoy學落去都無用.

carina246,

每日都有活動,可以分配到時間嗎?升小學,我cut左一堂weekday游水時間.
...

十月媽咪

carina 246,

如果呢堆野, 我諗我都會好似你咁, 首選放棄公文! 無得傾, 太多手尾要跟 (即要日日做功課), 為左唔好再剝奪佢地既時間, cut公文係最正確的了!

其實我都好感慨....究竟我地既安排係咪啱既呢?

阿女早幾日忽然問我: 媽咪....其實我係咪真係唔可以有一日係唔駛做公文式D功課架?

聽到之後, 有少少心痛! 但亦都高興, 因為佢大個女, 有自己既思想, 唔再任我擺佈, 佢開始知道自己想點, 想要D乜野喇!

原帖由 carina246 於 09-9-10 22:13 發表
十、fyeung,

你哋可以想像，每日有一樣活動，仲邊有時間同精神做公民！仔仔嘅活動係:(1)普通話(+寫作)、(2)grammar & writing、(3)oral Eng、(4)math、(5)piano、(6)swimming、(7)跆拳，除星期六、日外，每天的空余時間得1小 ...

carina246

十，

係呀，我仔仔同你囡囡一樣，唔enjoy公文，我仲未cut其他，係因為仔仔確係enjoy其他，雖然當中有好多活動係學術嘅嘢，但中英數嘅內容都唔會重複佢在小學學的，所以未聽佢話唔想上，但咋天普通話補習老師叫佢寫一篇「寫人記事文章」，仔仔就同老師講冇時間做，害得我要同老師解話！

原帖由 十月媽咪 於 09-9-10 23:13 發表
carina 246,

如果呢堆野, 我諗我都會好似你咁, 首選放棄公文! 無得傾, 太多手尾要跟 (即要日日做功課), 為左唔好再剝奪佢地既時間, cut公文係最正確的了!

其實我都好感慨....究竟我地既安排係咪啱既呢?

阿女早幾 ...

十月媽咪

carina246,

我同你一樣, 未cut其他, 係因為佢仲好enjoy, 佢好樂意去上堂, 所以暫時尤得佢繼續學, 到佢又再發現自己唔再分配到時間, 或者唔再enjoy, 咁至再幫佢減!

好明白你嗰陣既心情, 個仔忙到連寫篇文章都無時間, 但佢識咁答, for我地唻講, 總係好事, 起碼畀我地重新檢討, 重新正視佢係咪真係太忙, 可以同佢傾談, 了解佢既想法, 大家去find out解決辦法! 所以我好慶幸個女同我講, 佢想有一日係唔駛做公文 (唔係有朝一日, 而係只係一日, 佢只係要求一日), 可以畀佢抖一日....佢要求唔過份的, 但我忽然心痛佢係如此忙碌...每天都要花個多小時寫寫寫啊! 而家佢知道我將會幫佢cut中文, 佢好開心, 反而做起上唻感覺輕鬆了; 而英文....佢話好想complete整個課程, 但我叫佢諗清楚自己係咪handle得到, 同埋係咪真係有時間 & 精神去做....如果佢覺得handle到, 又enjoy做既話, 暫時畀佢keep住都無妨...但中文....好長既路, 仲係用其他學習方法好了!

原帖由 carina246 於 09-9-10 23:30 發表
十，

係呀，我仔仔同你囡囡一樣，唔enjoy公文，我仲未cut其他，係因為仔仔確係enjoy其他，雖然當中有好多活動係學術嘅嘢，但中英數嘅內容都唔會重複佢在小學學的，所以未聽佢話唔想上，但咋天普通話補習老師叫佢寫一篇「寫人記事文章 ...

fyeung

carina246 & 阿十,

而家d課外活動安排,我都係觀察當中,睇下有無需要再cut. weekday係學術上架,weekend係興趣上架.
星期日個堂游水,係私人教練,唔去我就早d講,唔收錢.我想有時間星期日一家人都可以輕鬆下.

上左小學,學校對寫字架要求嚴左,我+囡囡都在適應中.好彩一直有上開公文,佢做功課都爽爽手.希望可以一直維持落去.放左學,我要求佢即刻打電話比我,我可以知道佢係學校發生過架野,唔係等到我放工,可能有d都唔記得左咯.

原帖由 carina246 於 09-9-10 22:54 發表
fyeung,

美其名話係分配時間，不如話剝削小朋友嘅時間，自由空間，是對是錯，我都唔太肯定！

有天老公踫見住在隔壁嘅太太，佢話仔仔真係好乖好懂事，道別前加一句:好少見啲父母冇時間陪嘅小朋友咁乖！聽後我有啲難受！够竟安排嘅一切 ...

Yau_Cheung

hi carina246 & 阿十,

carina 囝囝固然好勁, 阿十囡囡都唔弱。

我囝囝就暫時平日(Mon to Fri) 無活動, 活動集中係 Sat & Sun, 所以 Mon to Fri 放學 (4:00 pm 落校巴) 只係做學校 daily 中文功課 & 公文功課；Mon 仲要做weekly 英數功課；Tue to Fri 就要做半本 enopi workbook。So far 佢上述功課可以係好輕鬆既情況下(做一陣又玩一陣再做) 5:30 至 6:00  可以完成。

不過晚上我無再同佢重聽公文CD, 留番多啲時間reading, 暫時每晚都有1小時親子reading。

原帖由 十月媽咪 於 09-9-10 21:20 發表
carina246,

嘩, 你同你阿仔都好勁, 仲可以keep住每日一樣活動...我9月1日開始, 逢星期一三既野都cut晒, 星期二公文中, 星期四公文英, 星期六公文數, piano, 畫畫, 中文作文, 逢星期五 & 日就ballet!

遲下cut公文中 ...

[ 本帖最後由 Yau_Cheung 於 09-9-11 17:10 編輯 ]

Yau_Cheung

hi carina246 & 阿十,

暫時我囝囝仲好鐘意公文。 我曾經問佢 cut 英文好唔好, 佢打死唔制, 問佢cut 中文佢又話鐘意叫我唔好cut, enopi math 佢更加話係佢既 favourite。由於學校workload 唔多, 所以佢仲係 learn with fun, 我希望佢做到終極完成者啦!

原帖由 十月媽咪 於 09-9-11 07:07 發表
carina246,

我同你一樣, 未cut其他, 係因為佢仲好enjoy, 佢好樂意去上堂, 所以暫時尤得佢繼續學, 到佢又再發現自己唔再分配到時間, 或者唔再enjoy, 咁至再幫佢減!

好明白你嗰陣既心情, 個仔忙到連寫篇文章都無時間 ...

[ 本帖最後由 Yau_Cheung 於 09-9-11 17:12 編輯 ]

Yau_Cheung

hi fyeung,

"上左小學,學校對寫字架要求嚴左,我+囡囡都在適應中.好彩一直有上開公文,佢做功課都爽爽手.希望可以一直維持落去." - 我都好慶幸有比囝囝學公文& enopi math, 學校 classwork、homework & spelling test 變得完全無難度 。希望大家一齊成為終極完成者啦!!

原帖由 fyeung 於 09-9-11 14:03 發表
carina246 & 阿十,

而家d課外活動安排,我都係觀察當中,睇下有無需要再cut. weekday係學術上架,weekend係興趣上架.
星期日個堂游水,係私人教練,唔去我就早d講,唔收錢.我想有時間星期日一家人都可以輕鬆下.

上左小學 ...

pkt

十月媽咪
睇完你既分享, 我都不敢怠慢, 要好好為囡囡小學生涯做好準備, 好似fyeung所講, 做好心理準備, 再加上實際操練, 會容易面對些.

我真係接受唔到幼稚園功課既程度, 只靠學校, 真係死得. 真係要加補品. 如果唔係無可能接到現時既小學課程及要求.

希望我囡囡好似大家小朋友咁, keep住每日做功課既習慣(自動波那種), 並習慣快速寫字就好了.

原帖由 十月媽咪 於 09-9-10 21:16 發表
pkt,

其實我都覺得幼稚園階段係學公文既黃金期, 尤其讀緊好愉快學習, 但又打算升讀番傳統小學既小朋友, 更加應該學公文....因為好愉快學習既幼稚園, 功課量太少, 三年畢業, 都好似文盲咁, 盲字都唔識多個....我自己 ...