黃大仙聖母幼稚園入學家長請來交流

cheuktungma

klinglee,

卓彤都係咁架,問親D中文字都係眼光光,一係就講其他字亂撞,有時到爸爸同佢溫習,唔識讀就會第一時間望住我話唔識(佢唔係怕我話佢,而係用眼神叫我通水救佢),因為爸爸比較惡,佢驚比人鬧,卓彤永遠唔會常試諗下,知道答案後又唔用心記,太心散,話極都係咁,唉....!都唔知點考試 :cry: !!!!!!!!

erica_chn

"太心散,話極都係咁"

宜璟都係甘!    仲要其他人都聽佢話及要求多多.  

erica_chn

另外, 有無知道 5/1 智能 考左物野?  我問極個女, 佢都吾肯講.

cheuktungma

尋日我都有問卓彤老師有無考試,佢話無,可能佢地根本都唔知乜野叫考試,由5/1至11/1成個星期咁長,考左佢地都唔知(可能好似平時上堂咁),不過尋日派左兩頁已做好左的功課紙返黎,我諗係用黎幫佢地溫習掛 !!

id00288

Dear all
大家好
今天囡囡上學時，在路上跌了一交，連襪褲都串了，
一路大哭一路上校車，放學回來

klinglee

id00288,
你還好呀,有零碎片段給你組織,與善潼的對話經常都給她氣壞. 校車的問題是否巳解決了,可能我后知后覺,好像沒有見到你講這問題了,想知學校怎樣處理.
這兩晚問她有沒有講故事給老師及同學仔聽,或倒轉問她有沒有她聽故事,她都說沒有,問她在學校做了什麼?前晚說<超人麵包>,昨晚問她,她說做工作紙,可能考完她們也不知道.

cheuktungma

早晨各位,

尋日卓彤話比我聽佢考左講故事啦,佢話要行出去對住大家講,講完之後要講多謝,老師重比左粒糖佢以作鼓勵tim!

id00288

Dear all
早晨大家好
昨晚問了囡囡，她說已有七�八同學講故事，
卓彤、羲顈已講了，有同學無帶故事書，
又有同學講唔到，老師叫她們下次再講，
看來下星期先會到囡囡講了。

關於校車問題，在上次親子園已再和湯主任講了，
主任說以注意到校車的問題，一定會處理這問題，
在假期後我見到校車已開始早了五至十分鐘到達上車點，
不過希望車速不要太快啦！

erica_chn

昨日宜璟都講左, 佢返屋企後好開心同佢爸爸話佢"識講", 攪到我成日係公司都好開心.

但放工回家, 工人先告訴我"老師話宜璟只不過識0的, 吾係識晒, 但個個同學都差吾多".      

klinglee

你們的囡囡都講左,但善潼應該未講,這兩天自己都不自在,好擔心她回到學校時講唔到!!!唔知點解自己好有壓力
按通告,今天應是考中文,昨晚與她溫習時,她全都識,還答得很快,希望她今天做出水準.
你們囡囡校褸上的金鈕有沒有脫掉,我買了一包金鈕,成百枚,如有需要我可給你們,不用多買.

Joyful-Life

各位，您們好呀！
好耐無上來喇，公司勁忙呀！試過做到九點幾、十點幾才放工。早前又有幾日離開左香港(公幹)，好采囡囡已放聖誕假。跟住都比較忙，公司有好多project plan好，人手又少，希望抽到時間上來啦！
今晚老公未收工，加上阿囡無煩住我，我才可用電腦咋。

Joyful-Life

id00288,
家頤腳仔有無流血呀？好番d未呢？
多謝您詳盡報導「12月31日參觀小學」的內容，我本來都有報名去，但實在太忙，根本請唔到假出席。

各位：
囡囡已經講了故事，我問是否跟住卓彤講，佢話佢係第一個講(唔知係唔係真)。
回家又有講俾我聽，真開心！佢竟然真的能夠將內容講出來，仲有佢講完故事仲會講「多謝」。

問佢考左中文未？佢話考了(星期四)。

咁快又一個學期開始(二月)，要交下學期的書簿費喇。

今個月尾又有「親子園」，我一定抽時間去，到時見啦！

id00288

Dear all
早晨
囡囡的腳無事啦!
多謝你的問後,
大家請注意:
學校網頁有新相,
可上去看看見唔到自己囡囡呀!
    

cheuktungma

睇左學校網頁D相啦,佢地聖誕聯歡會D表演都幾吸引播,但係點解學校好似好耐無曬相比我地,定係我太心急呢?!

cheuktungma

早晨各位,

今日天氣冷左,又落雨,好彩唔係咁大風,今朝開電視睇原來得12度,將會下降到10度,真係要幫呀女著多件衫至得喇,今日返學卓彤已著左便服,佢出門口時有D擔心咁問我,著便服會唔會比老師話,我解釋返比佢聽老師已出通告12度或以下可穿運動衫or便服,所以唔駛擔心,點知佢重係好懷疑,重不斷叫我打電話比曾老師,真係比佢激死,莫非我當時個樣真係咁唔值得信任?!   

erica_chn

其實我覺得卓彤好醒目, 識得叫定你預先同老師"備案".  如果係宜璟, 佢會話之你, 物都吾理!.  

id00288

Dear all
早晨大家好
昨晚囡囡又整到個口，流到成口血，
原來整到牙肉，咀都有小小，大哭了半小時，
好彩和她看看相，講故事後又無事大笑，唱歌了。

大家記住：星期三學校打邊爐，要帶膠碗膠叉呀！
    

cheuktungma

家頤無事嘛?卓彤都試過,掛住望野唔睇路衝向前,又係成口血,上唇裏面比門牙整左忽肉,即時大喊,豬咀左兩三日先慢慢消腫,真係隻眼睇少一陣都唔得!

id00288

Dear all
早晨
家頤無事啦!
又開始玩, 走, 跳 了

大家收到通告,
會唔會報名呢?
我只報了鋼琴班-11:00
因囡囡日日在家裏自己玩琴
玩得好開心.

    

cheuktungma

早晨各位,

我都會報鋼琴班,但係可能會報9:00個班,至於繪畫班就諗緊,問呀女佢實話兩樣都鍾意,又話老師話可以報兩樣,咁我米答佢雖然老師話可以報兩樣,但亦都可以唔報,或者只報一樣,要報兩樣,媽咪無錢喎,不如扣玩具,去少D美X冒險樂園啦,跟住佢好快say yes,我心諗信住先,佢成日都係無信用架    !