九龍禮賢幼稚園K3家長請進！

penpen

GraceMami,
妳真係大傻特傻呀! 我哋係呢個星期日開party呀!! 開完party連放3 day呀~~  :  :

我都問過阿囡范老師同佢玩咩?! 佢話同佢玩泥膠喎! 唔知真定假?!  

littleeva

各位好.

我今日好開心. 下午我會去做產檢. 自從他在禮賢開學後.我從未試過放一天假. 雖然有 醫生紙 . 但我怕放假在家.仔仔唔肯返學. 怕影響了他的情緒. 所以每次產檢. 我都唔敢放全日. 但今早起身真係好倦. 個心15 . 16 返工好 定唔返好.  後來仔仔起身過左我間房訓. 於是我們一同訓. 他10時半起身. 飲了 4 oz 奶. 15分鍾後食飯.  11時半食完. 他很聽話. 換衫返學. 他叫我送他上車. 我心中又怕. 會否使他哭啦. (我一直都唔敢送他返學, 寧願有機會都係接放學)  剛剛送完他啦. 他很開心上車. 還 kiss 我. 向我揮手.  司機和保母 ee 都話他進步了.

hehe 可能您們覺得 這是很少的事. 但是能夠看著他上車. 開開心心上學. 沒有那份分離的憂傷. 我很開心了.

來緊的產檢我都可以放一天假了. 不用那樣辛苦.

    

係呀在開學不久我仔已經話有范老師. 我已為他說錯tim.
後來他講了很多次. 他又在photo 中指出 那位是范老師.

我仔話學校小朋友有咳.老師會比口罩, 他話有幾位同學都有帶口罩. 大家要小心身體呀.

我仔拿著學校那張card. 話很想我帶他去文化 中心. 原來老師有跟小朋友講. 很可惜下星期.老公busy. 他話唔帶仔仔去了. 而我又大住個肚.. 多數都唔帶他去了.  您們會去嗎 ?

grace mami  係呀 我工人下星期5放假.  我死緊啦.
多數會請奶奶過來睇住先. 而我 和 老公都會輪流 請假 湊他.
希望ok　啦．　　因為唔想生完　才放工人大假．　都時我地要湊兩個．　寧願現在比她放先．　她又開心．　

penpen

littleeva,
囝囝有進步要獎勵下佢呀! 貼紙都好喎!! 以後你可以乘機休息下喇~  
我妹豬星期一發燒 sick leave, 有些咳, 所以連續4日都有戴口罩返學, 條友仔好似戴上癮咁呀!  
我會帶妹豬去睇美藝展呀! 妳家陣粗身大細, 小心d, 下次先再帶過佢去啦~ 大把機會, 過年學校會攪活動, 到時先再同佢去啦~  

littleeva

penpen

tks!  我昨天檢查. 醫生話BB 有 3.72 LBS 啦.  我第一胎係開刀. 如今胎開. 就會在 31/1/2005 開.  可以回家過年.  
妹妹就趕出來逗利是. 幫輕下. .

而家天氣,小朋友真係好易咳嫁.  大家要小心D.
祝您囡囡早日康復.

我仔仔又係見到同學帶口罩, 回家成日問我取口罩帶. 真係比佢激死

HEHE　煩您去完美藝展，　報告下．　冇得去都想有得聽下．　ＴＫＳ

GraceMami

penpen,

係呀係呀, 應該呢個星期日見你, 我成日將家長班活動日及party日子打亂.     


littleeva,

我想, 你還是在家休息吧, 始終大住肚走來走去不大方便, 加上你還要照顧囝囝, 學校活動, 還是下次再參加吧.  你向囝囝解釋一下, 我想他會明白的.

penpen

littleeva, bosze,
今日去咗睇喇~ 遲咗d先到, 見唔到李老師, 見到嚴老師著到鬼火咁靚, 作品分開兩邊, 一邊係小學, 一邊係幼稚園, 幼稚園果邊用上次帶回去的水樽砌咗個大機械人, 總共有3個,最靚最大就係4班幼兒班果個呀~ 除咗高班低班既作品外, 亦有小部份幼兒班的作品, 但我哋既小朋友都有份一齊貼咗兩個大公仔架! 仲有我哋小朋友d相添~  
小學部有好多作品都好出色!!

GraceMami,
今日都見到Grace同埋婆婆公公, Grace幫盈盈影咗張相, 盈盈都幫Grace影咗張相, 妳pm個email俾我我遲d send 返俾妳啦~  

shermanbb

penpen
   我都未去呀,我應該會明天去呀,我星期日撞到老師,佢話會開到8:00p.m.,你幾多點去呀今日

朱古力

penpen,

我可能今日都會去睇下，多謝你既報料．

littleeva

penpen


多謝您報料. 最需今晚約了人食飯. 真係好想去.

我仔之前都有講. 他們合作做了 大 樹. 我已為佢講假.

GraceMami

penpen,

喺呀, 我都見到相機裡有盈盈張相, Grace話佢見到你同盈盈, 佢幫盈盈影了相, 佢仲記得盈盈喺幼勇班.  不過, 佢話淨喺見到李老師, 唔見嚴老師.

你都PM個email address比我啦, 等我遲....D send 比你, 真喺要遲D, 因為架相機唔知點解上傳唔到D相去部電腦, 我要出外做了光碟才可send給你.

GraceMami

喺呢, 呢個星期日早上 (9:30 - 13:30), 恆生智多kid 喺沙田體院辦嘉年華會, 我收到了入埸劵, 但那日要去家長班BBQ, 你們有興趣嗎?
如果有興趣, PM個地址給我, 等我寄給你, 無謂浪費了.
but sorry that I only have one set (for 2 adult and 1 child)

朱古力

昨晚放工揍囝囝一齊去美術展，只見到林主任和何老師，囝囝都認得自己做過既美勞，我和囝囝都好努力搵張相，後尾終於搵到仲影左好多相，但用膠樽砌成既”未來人”就搵唔到囝囝個膠樽，林主任送左個2005年既月曆比囝囝（到場的每一位都會送），我地都在紀念冊上簽名．
初初到場時，林主任和另一個老師圍住塱生問你係未讀禮賢呢？你叫咩名呀？囝囝好怕醜即刻躲在我身後，我叫佢講自己個名佢先敢講．
到八點鐘我見老師，主任和一班工作人員好忙碌的收拾所有美勞，我和囝囝同林主任拜拜就回家了．

penpen

kitty&mimmy,
我第一日已經去咗睇喇~

bosze,朱古力, littleeva,
大家都係同學仔,唔洗咁客氣啦~  
朱古力, 我都有取年曆呀! 不過嚴老師果日都講遲d都會派架! 我同妹豬都有搵番有佢個名既膠樽同埋相, 都有影相呀! 妹豬都搵到浩然張相, 但係搵唔到塱生張相呀!:cry:

GraceMami,
係呀! 果日Grace見到盈盈, 婆婆話影相, 跟住佢自己話要搬盈盈影架~   但係果日我10:30去到淨係見到嚴老師, 嚴老師話李老師已經走咗喎! 我諗Grace果日見到嚴老師靚咗好多搞錯咗掛~  
張相你搞掂先send俾我啦~ 我都要遲些少~
我之前傻下傻下咁send咗妹豬同佢同班同學上次去旅行張相俾你!  

littleeva

真係好sin mo  您地可以去美藝展 . 我仔仔真係好想去. 很可惜今年帶唔到佢去.  :-|  :-|  :-|

我而家都好開心. 當有人問我仔仔鐘唔鐘意返學. 他多是話鐘意. 我問他這幾天有冇掛住d 老師. 他都話有.

有晚他還和我講 : 老師話 有d 老佰佰 沒有床訓嫁. 訓繆紙,訓地下. 如果我地有多一張被 比他們就好好啦. 如果有多張床比他們訓就更加好. ......

您地知嗎 我聽了很感動. 這些說話我唔知是那一位老師教. 但是仔仔竟然放在心中.  我好感動. 也多謝學校的教導. 這些就係我一直想灌輸比仔仔的 "愛心"

真係好想有多d $$$ 咁可以有機會讀禮小.  但是 學費太貴了.  around 2600- 2800 再加 車費 1000  成  4千咁上下.(預左加價 )   兩位小朋友就 8k .....唉........

anyway  相信神必定為我們選擇最好的.

   

KiuKiu媽媽

littleeva,
范老師好得小朋友歡心架, 您有無系旅行遇過, D小朋友見到范老師就好似見到阿媽咁擁哂過去抱住佢架, 我個女都無試過咁對我呀, 我講佢幼班個時!! 可能幼班的小朋友雖然老師的呵護尤其系剛入學時, 所以范老師就好用心咁對佢地, 我個囡幼班時都話最鐘意佢架, 我個囡都系問題學生, 反而依家接觸小左就無這個情況了!!

好耐無入來這里打招呼, 你們好嗎? 想信大家依家又會忙聖誕攪咩活動了?

我都有去美藝展, 我同我老公食飯時系中環坐船去尖沙咀, 好方便, 所以lunch去, 留左成個半鐘先走, 慢慢睇, 小朋友的作品好正呀, 我個囡都有畫作, 好開心, 您地有無見到高班的愛心機械人, 真系做得好好, 手會陏, 會發聲同會發光架...好勁呀!!

小學部的作品都好正, 我最鐘意系水墨畫同寫字, 估唔到系咁細的小朋友寫!!不過好似好少人去睇, 可能系食飯時間, 唔知放工時間會否多人?

明天的温情洋溢在禮賢有無參加呀, 我叫左奶奶去, 佢話唔使我陪喎, 咁我唔參加了, 頭先個女同我講話用毛巾包左粒糖到時送比公公婆婆喎, 佢地重綵排好歌舞表演, 佢話隔離班有個朋友仔扮馬利亞同耶穌, 佢地就表演歌舞, 佢地好認真綵排架, 好似去年綜合表演咁, 高班的小朋友真系超水準呀!!

GraceMami

咦, 除了littleeva因復大便便沒去美藝展外, 只有我一個沒去過, 不過, 聽你們說的也想像到當時情形了


Penpen,

可能公公婆婆那天一早便帶Grace到文化中心, 所以見到李老師吧, 她還跟李老師合照呢.

對了, 我收到你寄來的電郵, 但為什麼會是盈盈在旅行那天跟同學仔影的相來的?       

shermanbb

KiuKiu媽媽,
    hi,你好呀,你話今日温情洋溢在禮賢係mud''活動黎架?係唔係只係高班要表演架?係唔係20號

KiuKiu媽媽

kitty&mimmy ,

好似系高班先有喎, 我都唔記得左, 不過我奶奶頭先同我講, 話系咁講耶穌喎 (佢唔系教徒), 不過都好開心, 睇到孫表演有版有眼, 重有禮物收, 佢重著得好行, 紅色褸, 好搶眼呀!!

今年的綜合表演系選小朋友的, 所以我個囡都未必會份了, 而20故事fun fun我無被邀請呀, 唔知系咩型式, 不過小朋友知道有故事聽都會好開心!! 記得可以著便服返學, 我個囡即刻話要著裙呀, 貪靚到死!!

朱古力

bosze, penpen,
今日囝囝派左通告返黎,我係1月10日參觀囝囝上課呀,你地又係幾時呢?

penpen

朱古力,
me 2, 到時我哋終於可以傾下偈喇~~