有冇 08-09 入讀 york o既媽咪

Ronniema

Hello loveyoucherrie,

教育小朋友最重要的人, 是爸爸媽媽; 揀九龍塘的幼稚園, 都係想揾D教學質素好些的學校, 打好小朋友的學習基礎, 我是讀教育學院出身, 教左幾年BAND 5中學, 日日見到的問題孩子背後都有一個問題家庭, 感受良多, 我都掙扎左幾年先生仔, 舊年揀學校時, 我都有請教過D舊同事及同學, 她們好多現在都是小學教師, 對各幼稚園有一定了解, 她們不約而同都提到一些揀校要點:

1. 爸媽要了解孩子個性及能力, 如果是細仔, 又未是好懂表達自己, 功課量多要求高的學校可能會有壓力, 如果孩子能力高, 則可考慮這些學校

2. 經濟要負擔得來,

3. 學校老師要提供安全的環境給小朋友

4. 要先了解學校的作風, 教育理念及教學方法是否符合自己要求, 有些很重視活動教學, 有些則強調不會迫學生寫字, 有些則用蒙特梭利教學法, 各有特色, 最重要都是看自己孩子的能力及個性作決定

5. 你希望孩子將讀哪類小學, 傳統的或是國際學校? 這個都要考慮, 這點牽涉到升小學的涵接問題,

即使入了學, 父母都不能將所有教育責任付託給學校, 孩子的品行及學習態度, 父母的教導才是最重要, 同時, 我相信每間學校都有優點及缺點, 怎樣取捨及平衡, 都要由父母做決定, 要留意孩子的表現及與學校保持溝通!希望這些資料及個人意見對你有用啦！　我自己的孩子讀ＹＯＲＫ，　我自然覺得間學校好，　其他言論亦代表左不同家長的看法，　我覺得可以互相參考及分析!

ronniema

原帖由 loveyoucherrie 於 08-10-26 23:25 發表
好多謝各位mummy分享咗o甘詳細嘅感受比我,令我重拾信心,我己決定比我個仔來年入讀,你地知嘛?依到有一個topic叫做(約克課外course)Ｄ人真係講到依間學校好差,但後來我越來越發現D人品行,言談都好有問題,所以我一定唔 ...

pytcay

梓皓媽,

咁嗰個可能唔係梓皓啦, 因為張大相裡面得四個男仔, 包括樂樂在內, 全部都係著便服的, 我仲以為梓皓都係8-9月份生的添...咁嗰個係邊個呢?? 再問下我個仔先...

樂樂媽.

原帖由 ada1211 於 08-10-26 09:09 發表


你好,樂樂媽咪:

我們沒有生日相,是否生日的小朋友才有,不過我問過梓皓,佢話班裡係有個同學叫Stephanie

梓皓媽

ada1211

Hello 各位媽咪:

我擒日同囝囝聽Halloween CD,佢聽得好投入,重跟住入面D歌唱仔唱,好開心,佢聽完之後重問我係咪明天係Halloween(即今日),佢真係好期待Halloween快D到,快D扮鬼,相比起舊年係Nursery叫佢著一件T-shirt應吓節,佢都唔很,唔知係唔大佐一年同學校老師的影響。

學校的興趣班係唔係上星期六開始,你地有無參加,小朋友開心鳴,我就無參加,因為時間夾唔到,而且佢星期六都有參加開D興趣班,都OK所以費是轉。

梓皓媽

Ronniema

我啱啱打電話問左學校喇, 星期四影相, 星期五出去玩, 套衫著兩日, 要帶個空書包及功課, 茶杯袋都要帶, 同小朋友扮鬼扮馬都無問題!

原帖由 hongmimi 於 08-10-24 10:42 發表
請問有無媽咪知道，下星期萬勝節活動，係咪兩日都要”扮野”? 兩日都一樣既”扮相”定兩日唔同? 書包應該唔洗帶，但茶杯袋呢? 唔帶咪無得食茶點??

另外，大家有無留意擒日學校送果隻碟? 囝囝之前好怕 ，擒 ...

Edvychan

hi ada1211,

係呀,學校個興趣班上星期六開始咗la,我個b報咗小小藝術家同小跳豆,因為我費事係出面搵,所以係學校報唔洗煩,我諗佢鍾意畫畫多d,一放學就同我講lee幅畫係佢畫o架,老師仲送咗好多嘢比佢添 (即係d畫具law同糖糖),至於小跳豆,我問佢有mud嘢玩,佢就答我唔知喎,我問佢有無唱歌仔,佢就話有,有無跳舞舞,佢都話有,咁仲有玩mud呀?唔知喎....

原帖由 ada1211 於 08-10-27 12:09 發表
Hello 各位媽咪:

我擒日同囝囝聽Halloween CD,佢聽得好投入,重跟住入面D歌唱仔唱,好開心,佢聽完之後重問我係咪明天係Halloween(即今日),佢真係好期待Halloween快D到,快D扮鬼,相比起舊年係Nursery叫佢著一件T-shirt ...

[ 本帖最後由 Edvychan 於 08-10-27 18:01 編輯 ]

pytcay

Hi Ronniema,

唔該晒你呀:)

樂樂媽

原帖由 Ronniema 於 08-10-27 16:29 發表
我啱啱打電話問左學校喇, 星期四影相, 星期五出去玩, 套衫著兩日, 要帶個空書包及功課, 茶杯袋都要帶, 同小朋友扮鬼扮馬都無問題!

Edvychan

thanks ronniema.

原帖由 Ronniema 於 08-10-27 16:29 發表
我啱啱打電話問左學校喇, 星期四影相, 星期五出去玩, 套衫著兩日, 要帶個空書包及功課, 茶杯袋都要帶, 同小朋友扮鬼扮馬都無問題!

n1khl

好,同意.

原帖由 loveyoucherrie 於 08-10-27 22:43 發表
Ronniema
好多謝你嘅回應,其實我都非常同意你既講法,本新我都係７間學校分別交了申請表,因為真係十五十六唔知揀邊間好,好怕揀錯,有時又聽依個,又聽嗰個,唉!都唔知點!
但係聽完你嘅分析我都覺得york適合我,不過有少少 ...

Ronniema

Hi Loveyoucherrie,

不用客氣!

對金巴倫幼稚園, 我只略知一二, 我舊公司Financial controller個女响這個幼稚園就讀, 都升到沙田的band 1小學, 但他提過女兒一入小一就要唸所謂"雞精班"補課, 皆因小學課程比較從前幼稚園深及多, 這正我之前提到的函接問題

我對York都好滿意, 阿仔英語會話流利左好多, 佢有時可以用英文講番俾賓賓姐姐聽今日發生左D mug野事, 會用because , then等轉接詞, 外國老師教了的phonics, 佢都會ba ba box咁一路玩一路講, 間中又會改d 英文歌詞自娱, 我覺得york能夠讓小朋友在愉快的環境學習英語!

最近, 每週五都會派回一本英文story book, 讓家長跟孩子一起閱請, 每週三退回給老師, 如果你無時間去圖書館或吾想駛太多錢買課外讀本, 學校這方面可以幫到你!

至於中文方面, 普通話一星期只一堂, 我個仔認中文字無英文咁好, 但我覺得自己都教到, 問題不大

此外, 學校選用的課本, 部份都跟vcd及cd, 方便家長與小朋友一齊温習

紀律方面, 阿仔較入學前懂規矩, 開始肯同朋友仔share玩具玩, 但始終得果3歲人仔, 我無expect學校會令佢即刻變乖乖

學校亦有不同的節日活動及課外活動, 我覺得各方面都可兼顧得到

我個仔好鍾意返學, 佢好喜歡個班主任, 話老師好好人!

我知好多人話個校長好hard sell, 其實, 馮太响orientation用了好多時間介紹york教英語的方法, 提了語境及音標等教學, 其他家長可能覺得佢吾駛講咁多, 但我就好認同呢d重點, 我以前教中文, 好明白學好語文的必須條件! 其實, 校長都係針對家長對學校的素求, 全方位作介紹, 不過未必人人都喜歡聽咁多, 又係果句, 要先了解自己的需要, 收集了各方資料再作分析, 才去揀學校!

ronniema

原帖由 loveyoucherrie 於 08-10-27 22:43 發表
Ronniema
好多謝你嘅回應,其實我都非常同意你既講法,本新我都係７間學校分別交了申請表,因為真係十五十六唔知揀邊間好,好怕揀錯,有時又聽依個,又聽嗰個,唉!都唔知點!
但係聽完你嘅分析我都覺得york適合我,不過有少少 ...

pytcay

Hi Loveyoucherrie,

我姑奶個仔同我大伯個仔都係响金巴倫幼稚園畢業，佢地都幾滿意呢間學校，話啲英文程度都OK，但間學校就真係細左少少。佢地都係因為經濟方面的能力而唔選YORK。姑奶個仔小學派左去聖若瑟英文小學（佢地住黃大仙），大伯個仔就去左喇沙（佢地報九龍塘地址），佢地的評語都係同Ronniema個舊同事一樣，上左小學後辛苦左好多，要跟得好貼。姑奶個仔後來入左精英班，年年考全班5名之內；依家响英國讀中一lu。而大伯個仔就5年班，成績係全班10名之內（由尾數上嚟），所以我覺得始終都係父母投入幾多心機去教個小朋友。

Hi Ronniema/EdvyChan,

我買左套消防員的costume比樂樂，佢話好靚，好鍾意，但死都唔肯著，唔好話衫，戴頂帽都好似送左佢去刑場咁，大叫[唔好呀], [唔好呀]。唉，我都唔知點算，若果到時真係唔肯著，唯有同佢著便服囉...:(

原帖由 Ronniema 於 08-10-28 02:04 發表
Hi Loveyoucherrie,

不用客氣!

對金巴倫幼稚園, 我只略知一二, 我舊公司Financial controller個女响這個幼稚園就讀, 都升到沙田的band 1小學, 但他提過女兒一入小一就要唸所謂"雞精班"補課, 皆因小學課程比較從前 ...

ANC

如果囝囝到時唔肯著，不用强逼小朋友，你可以把衫放在書包，然後寫張紙仔給老師，請老師代勞!到時他見到其他同學都扮得靚靚，應該冇問題，當然不好是太複雜很難穿的服飾!!

pytcay

好建議喎, 多謝晒你呀:D

嗰件消防員衫唔係好複雜, 得件衫同頂帽, 好易著, 係啲設備多啲(例如對講機, 滅火筒等), 我唔會比仔仔帶咁多野返去, 驚整親啲同學仔:)

原帖由 ANC 於 08-10-28 11:36 發表
如果囝囝到時唔肯著，不用强逼小朋友，你可以把衫放在書包，然後寫張紙仔給老師，請老師代勞!到時他見到其他同學都扮得靚靚，應該冇問題，當然不好是太複雜很難穿的服飾!! ...

Ronniema

Hi Edvychan,

我個仔都係星期六返呢兩班喎, 你果日有冇去接放學呀? 我見到有個著白衫的陀B媽咪同老公及工人排隊接放學, 係咪你嚟ka?

ronniema

原帖由 Edvychan 於 08-10-27 17:58 發表
hi ada1211,

係呀,學校個興趣班上星期六開始咗la,我個b報咗小小藝術家同小跳豆,因為我費事係出面搵,所以係學校報唔洗煩,我諗佢鍾意畫畫多d,一放學就同我講lee幅畫係佢畫o架,老師仲送咗好多嘢比佢添 (即係d畫具law同 ...

Ronniema

果然好計! 校務處D姐姐話可以帶道具, 但記得响上面貼名牌

原帖由 pytcay 於 08-10-28 11:58 發表
好建議喎, 多謝晒你呀:D

嗰件消防員衫唔係好複雜, 得件衫同頂帽, 好易著, 係啲設備多啲(例如對講機, 滅火筒等), 我唔會比仔仔帶咁多野返去, 驚整親啲同學仔:)


...

Edvychan

hi ronniema,

我果日係有去接佢放學呀,不過淨係同老公,無帶工人,而且我係著紅色衫o架,本來安排咗佢搭校車o架,不過果日咁啱我朝早要去沙田做檢查,返嚟果時順路去接埋佢law,你都有去接放學呀?唔知邊個係你呢?不過佢地d興趣班都好多人上,我見放學學校門口都泊咗十幾架校車,同接放學都好多人,我老公問同平時返學有mud分別呀?

原帖由 Ronniema 於 08-10-28 15:47 發表
Hi Edvychan,

我個仔都係星期六返呢兩班喎, 你果日有冇去接放學呀? 我見到有個著白衫的陀B媽咪同老公及工人排隊接放學, 係咪你嚟ka?

ronniema

Edvychan

我最後買咗套BATMAN衫比佢,因為d排佢放學返嚟成日話同隔離個同學仔玩batman,大家扮batman出拳,佢話係食完茶點玩一陣,好細力,唔會痛o架喎,所以我諗住佢實鍾意,買番嚟佢有試穿,不過lee套衫比較複雜,有個頭套連披肩,佢都肯試戴比我地影相,不過我諗果日唔會比佢成日戴住,因為都幾焗,可能學你放係書包,等老師同佢戴嚟影吓相算lu

原帖由 pytcay 於 08-10-28 11:04 發表
Hi Loveyoucherrie,

我姑奶個仔同我大伯個仔都係响金巴倫幼稚園畢業，佢地都幾滿意呢間學校，話啲英文程度都OK，但間學校就真係細左少少。佢地都係因為經濟方面的能力而唔選YORK。姑奶個仔小學派左去聖若瑟英文小學（佢地住 ...

[ 本帖最後由 Edvychan 於 08-10-28 17:37 編輯 ]

Ronniema

Hi Loveyoucherrie,

課外活動剛剛上週六開始, 我報左音樂小跳豆及美術班, 費用每堂$100, 每科上7堂左右, 我之前未報過類似的班, 未能太早comment, 我本來計劃等阿仔返兩個月學, 確認情況穏定, 才開始報興趣班, 咁啱學校又有offer, 咪照報囉, 加上有機會同d同學一齊上, 我希望可以加強阿仔d社交技巧! 我都格過價, 我住荃灣區, 大部份d班都要$120左右一堂, 咁學校呢d班又吾算貴囉!

以我所知, 劍橋英語是指學校幫小朋友報的英語能力評估考試, 吾係話學校有開劍橋英語班, 據校長講, 這個試的cert 是方便日後大家報小學時用, k1一般較輕鬆, 但k2則會加強各項訓練, 以備報小學用! 我相信學校的課程都會針對個試教英文的! 11月中有家長會, 我都會詳細問下呢d資料, 但如果你想快點知, 可以打去校務處問, 電話: 2336 1119

ronniema

原帖由 loveyoucherrie 於 08-10-28 17:28 發表
pytcay ,Ronniema
聽完你地o甘講我真係唔洗考慮金巴倫啦,真係一分錢一分貨,我明嘅!york收得你o甘貴,更有佢可取的地方,係呢,Ronniema我都同意你講法馮太响orientation用了好多時間介紹york教英語的方法, 我覺得幾好 ...

Ronniema

OIC, 我果日就係企响那位白衫陀B媽咪後面, 我諗過好吾好試下叫你個名, 好彩無咋, 吾係真係"瘀死"喇 我有同工人去接阿仔, 佢小跳豆是D班, 我去RM 106接佢放學, 我著深藍色衫, 當時咁多人應該吾記得ka 喇! 希望下次你再去可以相認啦ha ha!

ronniema

原帖由 Edvychan 於 08-10-28 17:28 發表
hi ronniema,

我果日係有去接佢放學呀,不過淨係同老公,無帶工人,而且我係著紅色衫o架,本來安排咗佢搭校車o架,不過果日咁啱我朝早要去沙田做檢查,返嚟果時順路去接埋佢law,你都有去接放學呀?唔知邊個係你呢?不過佢地 ...