請問有冇小朋友學過公文式既媽咪可以分享一下?

十月媽咪

ansonrubby,
我諗住帶就照帶, 但做到幾多就隨緣, 點都唔會好似上次咁, 咁緊張架喇, 出發前幾日 (即係呢幾日) 會盡量做多少少, 做唔晒既, 響果邊又唔得閒做既, 就返唻至算!

原文章由 Ansonrubby 於 08-5-6 08:39 發表
haha..."數感'這名詞好玄啊！

SumSumBB:
細個d的小朋友可寫慢d ga, 去年老師比阿仔用14mins.做limit,話佢地根本小肌肉未得，(揭頁都比小學生慢la)so不要求他在10mins內！老師會看小朋友情況ga, 好合理！

十月媽咪：
上次我地 ...

素兒

藍田或坑口都得架!
請問有無媽咪知丫
謝!

原文章由 Sherryko9 於 08-5-5 16:51 發表
不如你講吓你係邊區住先,問吓D媽咪近自己屋企的中心好唔好?如果近自己就最好.

十月媽咪

素兒,
我女響調景嶺楊老師度上英文&數學; 響坑口新寶城地下既唐老師度學中文! 楊老師係有商有量的, 亦好肯聽家長意見, 對小朋友好有耐性; 唐老師係北方人, 普通話發音很正統!

原文章由 素兒 於 08-5-6 10:12 發表
藍田或坑口都得架!
請問有無媽咪知丫
謝!

素兒

好感激妳呀
調景嶺我唔係好近呀,我諗可能會去坑口新寶城地下既唐老師聽講座先. 十分多謝妳既reply!

原文章由 十月媽咪 於 08-5-6 10:19 發表
素兒,
我女響調景嶺楊老師度上英文&數學; 響坑口新寶城地下既唐老師度學中文! 楊老師係有商有量的, 亦好肯聽家長意見, 對小朋友好有耐性; 唐老師係北方人, 普通話發音很正統!

...

十月媽咪

素兒,
唔駛客氣!

坑口另外仲有一間響南豐的, 果間好似都好多學生的, 你可以事前去look一look, 同老師簡單傾幾句先 (即係走入去問下野), 然後再決定去邊間上堂都未遲啊! 因為我無試過南豐果間, 所以我唔肯定果間好唔好啊!

原文章由 素兒 於 08-5-6 10:25 發表
好感激妳呀
調景嶺我唔係好近呀,我諗可能會去坑口新寶城地下既唐老師聽講座先. 十分多謝妳既reply!

素兒

十月媽咪

南豐我都有留意,不過睇唔到d咩野,不過我見同層既一位小朋友0係係果度學,成績一般啦,好難撞到佢媽咪,問唔到,所以唔知好唔好,但昨日我去左藍田個感覺唔好,太多人同埋好迫.不過門口既老師好盡責,同小朋友對野(呢度就睇唔到喇,淨係聽到佢話上次點點點,今次要咁咁咁).
另外仲想問下妳小朋友會唔會做得好吃力,對做重複既野反感呀?
謝!

原文章由 十月媽咪 於 08-5-6 10:39 發表
素兒,
唔駛客氣!

坑口另外仲有一間響南豐的, 果間好似都好多學生的, 你可以事前去look一look, 同老師簡單傾幾句先 (即係走入去問下野), 然後再決定去邊間上堂都未遲啊! 因為我無試過南豐果間, 所以我唔肯定果間好唔 ...

十月媽咪

素兒,
我揀唐老師既其中一個原因, 就係因為佢個CENTRE有某D位置, 係可以畀家長裝到入面上課既情況, 咁我早左去接個女, 都可以響門口附近裝下佢專唔專心, 又可以睇下老師點教佢! 但南豐果間就真係乜都睇唔到喇!

藍田你係咪去蔡老師個教室? 如果係既, 佢應該係超勁多學生啦, 佢老經驗呀, 但好多家長都話: 成日都有佢講, 無家長講, 基本上, 家長係要聽佢果套的; 相反, 佢又未必會聽家長既意見, 好似放假果陣, 想攞多少少功課, 佢都唔肯的, 話明一日一份就係一日一份, 唔多唔少我幾討厭呢類老師, 感覺係我要聽晒佢支笛, 無乜自主權!

不過藍田都有兩三間的, 你都可以去睇睇!

基本上阿女兩個CENTRE既老師都盡責, 都係做完功課會同佢地對野, 又會問佢地D字點串, 又會考佢心算等等, 唔係話下下做完D習作就"烹"佢地走架喇!

至於阿女做習作果陣, 基本上係無抗拒要重複做的, 但之前預到佢覺得好困難果份, 佢就哦過: 做乜又係呢份呀? 呢份好深, 我會做得慢呀! 不過過左果關之後, 而家又順暢番喇!

原文章由 素兒 於 08-5-6 10:54 發表
十月媽咪

南豐我都有留意,不過睇唔到d咩野,不過我見同層既一位小朋友0係係果度學,成績一般啦,好難撞到佢媽咪,問唔到,所以唔知好唔好,但昨日我去左藍田個感覺唔好,太多人同埋好迫.不過門口既老師好盡責,同小朋友對野 ...

Sherryko9

點解你會在兩樹上公文?有無分別呀?十月媽咪你覺得不同中心對小朋友要求是否有分別?

媽咪咁多年來,從沒帶公文上身去旅行,實在無時間做,日間已經精力怠盡,大人小朋友施吓施吓咁!所以去旅行時會暫停做公文,諗會開心D!

有時會幻想囡囡可以完成公文語文的終極篇,但又好似好遠咁!媽咪諗公文數唔會完成整個課程了,因到囡囡中學時未必選理科,公文數係去到大學課程,有A.Maths成份,太多了....對囡囡來說.
反而兩科語文,媽咪幾buy,中文最終篇張有古文,而家D中學邊有呢一飯呢!媽咪以前亦需讀古文,幾好呀!英文又有"莎士脾呀"讀,一樣幾好!囡囡現在讀的故事類形都幾多,所以她幾歡喜看故事,可以一個人靜靜地閱讀成個故事(中英)才做工作紙.

原文章由 十月媽咪 於 08-5-6 10:19 發表
素兒,
我女響調景嶺楊老師度上英文&數學; 響坑口新寶城地下既唐老師度學中文! 楊老師係有商有量的, 亦好肯聽家長意見, 對小朋友好有耐性; 唐老師係北方人, 普通話發音很正統!

...

十月媽咪

Sherryko9,
事緣調景嶺centre係無中文科讀的, 所以唯有去另一個centre, 但因為我囡囡係分開三日去上堂的, 每日只上一科 (我唔想佢一次過上晒三科, 實在太辛苦了), 所以選擇分centre上堂, 我有諗過好唔好轉晒同一centre上呢? 但堂堂都要坐兩個地鐵站至上到堂, 又實在太麻煩了, 所以都係維持原判!

so far兩個centre所讀既野都唔同, 所以對阿女既要求或許有少少分別, 不過分別都唔係太大, 因為本身兩個centre既老師係認識的, 佢地私底下都傾過阿女既進度, 我諗唔多唔少, 佢地會為我地配合配合的了! 加上兩個centre既老師都好關心阿女, 怕佢讀晒三科會辛苦, 所以成日都會問住我, 在家做ws有冇問題, 會唔會太多, 駛唔駛減張數等等...總之兩個centre既老師都同我講, 遇到有乜問題, 就向佢地反應, 佢地會盡量配合, 所以我覺得兩個centre既老師都好好!

我都有諗過索性唔帶公文功課的, 唔帶公文功課去旅行既好處係我地都可以盡情咁玩, 但開心過後, 要重拾心情, 又怕佢需要一段長時間去適應! 我見佢呢輪做減數做得快番好多, 而老師又畀番十張佢做, 佢都只係做十分鐘左右, 相信cut一半, 到時做幾分鐘就做完, 問題應該唔大啩?!  (我望就咁望)

仲有今次個團多數係飲飲食食&觀光, 唔同上次個團日日勁玩, 所以我會照樣帶去做的, 但就視乎情況而做啦, 上次兩科都帶十張去做, 真係嘔血! 今次我會同佢講, 十張都做得咁快, 而家做五張, 我相信你好快會做完的之類...只要我畀d鼓勵&信心佢, 相信佢半粒鐘內應該會搞掂三科的了! (好彩中文只係聽&讀, 唔駛寫, 咪真係點都要停一停佢呀!)

原文章由 Sherryko9 於 08-5-6 11:21 發表
點解你會在兩樹上公文?有無分別呀?十月媽咪你覺得不同中心對小朋友要求是否有分別?

媽咪咁多年來,從沒帶公文上身去旅行,實在無時間做,日間已經精力怠盡,大人小朋友施吓施吓咁!所以去旅行時會暫停做公文, ...

macy03

fyeung,
3a +1 要做1個月, 你咁講... 我仔唔知要幾耐.....
200 張功課, 一般2個月係完成正常既, 希望唔好overtime la

sumsumbb
k1 做到4a好叻仔啦 !!

fyeung

Ansonrubby,

多謝你鼓勵!我個囡囡數感一定係低個種,做+1做左成個月,而且上次接佢,老師話佢比之前個份差左,真係唔知佢點搞.不過囡囡而家又主動左做公文,所以我無"丙"佢

Ansonrubby & 十月媽咪,

我去旅行有帶公文一齊去做,囡囡無抗拒!仲做左先瞓!

十月媽咪,

祝旅行愉快!

原文章由 Ansonrubby 於 08-5-6 08:43 發表
fyeung:
恭喜你囡囡上3A
+2 不容易ga, 遲d +3及以上仲難！加油呀！

非kumon的mami 以為好c 板，但小朋友就真係未必掂，真係"數感"少d都5得！   ...

fyeung

十月媽咪,

你講得好精警!囡囡係藍田蔡老師公文上,因為近!
我初初去聽講座,我比蔡老師嚇親,佢個樣好惡,不過我有好多時見到佢係公文式,佢好關心小朋友,囡囡都唔怕佢.我先覺得好d.

而家囡囡上公文數,都有playgroup成分,好似上星期,囡囡番黎成日同我講勞動節,我問佢邊個教,佢話公文式.又有唱數口訣!

原文章由 十月媽咪 於 08-5-6 11:10 發表
素兒,
我揀唐老師既其中一個原因, 就係因為佢個CENTRE有某D位置, 係可以畀家長裝到入面上課既情況, 咁我早左去接個女, 都可以響門口附近裝下佢專唔專心, 又可以睇下老師點教佢! 但南豐果間就真係乜都睇唔到喇!

藍田 ...

fyeung

macy03,

我個囡囡d數唔係好掂,所以耐d咯!唔使擔心,大家加油!

sumsumbb,

同意,K1做4A,叻叻!我囡囡K1仲係畫線,K2先勁多字寫渣!

原文章由 macy03 於 08-5-6 17:57 發表
fyeung,
3a +1 要做1個月, 你咁講... 我仔唔知要幾耐.....
200 張功課, 一般2個月係完成正常既, 希望唔好overtime la

sumsumbb
k1 做到4a好叻仔啦 !!

SumSumBB

Ansonrubby, fyeung,  macy03, 十月媽咪,

多謝你地鼓勵！

不過佢每日只係做5張紙乍！ops:" />ops:" />ops:" />

[ 本文章最後由 SumSumBB 於 08-5-6 20:43 編輯 ]

SumSumBB

原文章由 十月媽咪 於 08-5-6 09:51 發表
ansonrubby,
我諗住帶就照帶, 但做到幾多就隨緣, 點都唔會好似上次咁, 咁緊張架喇, 出發前幾日 (即係呢幾日) 會盡量做多少少, 做唔晒既, 響果邊又唔得閒做既, 就返唻至算!

...

十月媽咪,

我遲d都會帶個仔去2星期旅行，仲係艱苦自由行，初時有諗過俾佢停1個月學，但又驚佢心散，睇完你的分享，我都係决定帶埋功課去，做得幾多就幾多吧！

[ 本文章最後由 SumSumBB 於 08-5-7 17:55 編輯 ]

SumSumBB

wacha/K1/女/數6A/英ERP7A
sumsumbb/K1/男/數4A100/英ERP7A剛剛開始
lingchuling/K2/男/數3A140/中剛剛開始
小豆媽 / K2 / 女 / 數 3A200
nataliemama/K2/女/ 數2A60
5354/K2/女/ 數A180/ 中2A110/ ERP'2A'110
fyeung/K2/女/數3A20
十月媽咪/ K2/ 女/ 數A90/ EFL "A" 100/ 中5A90
小豆媽 / K2 / 女 / 數 3A200
200012/K3/數A40
wasabb/K3/男/ 數 B120/ EFL'D'110
Anson/K3/ 男/ 數C60/ 中4A/ EFL'D'
200012/P1/男/ 數2A70
Heidi媽/P1/男/ 數E15
wasabb/P3/女/ EFL'F'180
Sherryko9/P3/女/ 數D/ 中DII/ ERP'D1

ninmum

原文章由 SumSumBB 於 08-5-6 20:47 發表
wacha/K1/女/數6A/英ERP7A
sumsumbb/K1/男/數4A100/英ERP7A剛剛開始
lingchuling/K2/男/數3A140/中剛剛開始
小豆媽 / K2 / 女 / 數 3A200
nataliemama/K2/女/ 數2A60
5354/K2/女/ 數A180/ 中2A110/ ERP'2A'110
fyeun ...

偶然發覺這topic, 原來有一班很用心和努力學習公文的家長及小朋友感到很開心
我的囝囝也是公文的(已學了多年), 學公文確是要有相當毅力才能達到成績, 所以在此鼓勵各位媽咪一定堅持和努力, 因你小朋友所學的將會對他很有用.

yanyan0629

大家好.很久也沒有上bk了.最近因要找小學資料才再上這兒.竟然給我發現了這裡.
先跟大家報到,
小女Jasmine  k2  學了公文中文快要半年 3a85
將軍澳南豐廣場

想請問有沒有家長知道現在還有沒有公文日文學呢? 因看到之前有家長說全港有一間有.

你們所說的藍田蔡老師, 他好像在將軍澳新都城也有分校.他好像真的很出名呢! 我朋友教書,她兒子也有在其他地區學公文的. 她一聽到我女兒在將軍澳學公文,就問我是否在蔡老師那兒學. 但我個人覺得選就近自己家或小朋友學校的會比較方便.

另外,想請問各位公文中文的家長們,你們有沒有借或買那些參考圖書給小朋友看呢?(在學前聽講座時,曾派一張綠色的紙,內有提及不同level所看的參考圖書)但我發現,那些書都是沒有拼音的.
我發現,在香港,真的很難找到繁體字附有普通話拼音的書.因為一般都是繁體字配台灣注音(台灣注音我不會看呢!),簡體字才是配普通話拼音的.所以我現在都是往深圳的書城買簡體字參考圖書給女兒看.

十月媽咪

macy03,
4A既完成時間, 未必係一般既兩個月內呀, 我識既小朋友當中, 大部份都係OVER兩個月的啊, 因為公文老師覺得純熟地快速地準確地寫到1-220係好緊要的, 因為對升上3A之後既功課好有幫助, 所以4A都好折騰的啊!

我就認識過一個升左4A無耐, 就唔LIKE日日寫數字, 媽咪同小朋友, 日日就為左做公文數而吵大鑊, 阿媽就日日鬧個女, 個女就日日同個阿媽搞對抗, 卒之最後搞到阿媽放棄, 小朋友就得逞!

我亦認識一個03年既大女, 佢係非常活潑好動果類小朋友, 佢由7A開始, 到而家4A, 你知唔知佢響4A磨左幾耐? 我上個月見到佢媽咪, 佢媽咪話我知已經磨左七個月, 係足足七個月, 如果今個月都未升, 即係八個月喇! 呢個小朋友, 唔係佢唔識寫1-220, 而係佢每次評估果陣, 佢都超時, 唔能夠響4分鐘之內完成果份評估, 真係好慘, 大人細路都好慘!

原文章由 macy03 於 08-5-6 17:57 發表
fyeung,
3a +1 要做1個月, 你咁講... 我仔唔知要幾耐.....
200 張功課, 一般2個月係完成正常既, 希望唔好overtime la

sumsumbb
k1 做到4a好叻仔啦 !!

十月媽咪

fyeung,
原來你係響蔡老師度上, 我個friend個女, K2開始響佢度上, 今年升三年級了, 因為響蔡老師度磨D LEVEL磨左八個月 (做啱晒, 不過慢), 小朋友無晒心機, 自信心跌到低點, 最後大人同小朋友都放棄!

蔡老師我都相信佢係好關心小朋友的, 佢亦非常非常有經驗, 但坦白講, 佢本身開左兩個CENTRE (寶琳新都城&藍田), 兩個CENTRE都係日日勁多學生的, 我其實好懷疑佢係咪真係顧得掂咁多學生囉! 仲有佢既助教都係好多的, 真係睇到我眼都花埋!

不過聽COMMENT, 蔡老師的確係有佢教公文既一套方法, 亦有Playground成份, 但無奈既係, 好多家長都覺得, 蔡老師本身覺得自己永遠是對的, 佢根本唔會聽家長意見 (我唔知你會唔會都咁覺得, 我都只係聽番唻), 就連響假期想攞多份功課都唔會畀家長, 好多時作為家長, 真係畀佢既堅持激到唔知好嬲定好笑!

不過我地搵centre, 最緊要都係搵到間夾到小朋友既, 當然連家長都夾到既就最好啦! 如果你小朋友響度學得開心既, 咁就已經好好喇!

加油努力呀!

原文章由 fyeung 於 08-5-6 18:51 發表
十月媽咪,

你講得好精警!囡囡係藍田蔡老師公文上,因為近!
我初初去聽講座,我比蔡老師嚇親,佢個樣好惡,不過我有好多時見到佢係公文式,佢好關心小朋友,囡囡都唔怕佢.我先覺得好d.

而家囡囡上公文數,都有play ...