比華利幼兒園.

hktt

littleeva,

點解佢地咁鍾意玩水呢?有時姐姐拖地囡囡會玩d污Joe水，玩完重好開心tim，比佢激死!

你描寫得好好笑呀，你會怪我咁講嗎?

hktt

IRON,

你講的聖誕掛飾係咩呀?好似有小許印象，不過可否講吓呢?

IRON

hi littleeva,

對上一次寫手冊我話近期腸病毒好勁, 如果有多個小朋友病就即時通知我地, 我地唔介意仔仔暫時停課(個意思係$$照俾, 不過有乜風吹草動我地都停一停先囉), 仲未見回應.

子軒坐係傲楊左手邊, 今日放學時我見到, 不過佢隔離個女仔唔見左. 何主任話其他小朋友都好讓傲楊, 可能就係咁佢出去俾人蝦都唔識出聲啦.

我諗小朋友個個都鍾意玩水, 仔仔日日都係浴缸玩魚網捉魚魚, 又用杯倒水......唔叫都唔肯停. 何主任都講得岩架, 小朋友頑皮d又如何, 好過死古古傻更更咁丫, 呵.

hi hktt,

學校派張通告話親子活動, 要家長同小朋友一齊整聖誕吊飾嘛, 妳一定無做啦, 呵呵. 我地上星期專登去花墟買材料返黎一齊DIY架. (今星期要交架啦)

hktt

IRON,

我諗起啦 (成日都無記性，唔好怪我呀!) !!!幾時交呀?

littleeva

HKTT

我又點會怪您呀.  我都覺得小朋友特別喜歡玩水. 但真係煩.     所以子軒好喜歡去沙灘.

HKTT & IRON
出年夏天我地一齊去沙灘玩. 我諗小朋友一定好開心. ^O^

IRON 我還已為子軒亂講TIM. 因為之前佢話詩詩坐佢隔離.鐘意詩詩. 而家變左傲楊.
您話子軒隔離個女仔唔見左. 可能有事/病了冇番學.


掛飾未諗TIM.

IRON

hi littleeva,

係呢妳話個嬸嬸幫忙去廁所, 諗落佢有無咁快手/乾淨幫完一個又即刻洗手先幫第二個呢?? (個個都係佢幫手搵雀雀) 哎, 我都係屋企教多d仔仔自己搵先.

好呀一齊去玩, 傲楊見慣子軒實唔會怕生保啦, 只係驚子軒嫌傲楊唔識講野無興趣同佢玩喳.

hi hktt,

今個星期交啦!

littleeva

IRON

係呀.昨天老公都開始教仔仔自己找雀雀出來.

我仔會話爸爸有雀雀.媽咪冇, 姐姐冇. 有時仔仔會叫我比佢睇下. (我都費事彩佢) 有次佢模下姐姐. 個工人面黑了.
我教子軒以後都唔可以咁樣模人. 咁細人仔都咁煩.唉.........

哇 您使唔使咁客氣呀!   我仔都係一個怕羞仔. 見了面可能會失禮晒. 紫晴來我家. 子軒都有哭. 怕陌生LAW>
不過我諗玩玩下, 大大下 會好D.
希望有一天大家可以一齊玩.

hktt

littleeva & iron,

講起去沙灘，今年夏天同囡囡去，一心諗住佢係會所泳池玩得咁開心，去到沙灘實發癲啦，點知一落d沙到哭到死咁制，撞岩星期日無工人用，又唔肯比爸爸抱，為有早d走啦，幾無內呀!希望出年唔會有類似事件發生啦。

IRON

hi littleeva,

好開心呀......今晚問仔仔你隔離個女仔呢, 佢話無(仲做埋手勢), 跟住問佢咁有無子軒呀, 佢竟然識講"子軒"(仲好正音), 我諗佢地真係幾老友. 不如妳問下子軒同傲楊玩d咩講俾我知丫, tks. ^_*

hi hktt,

我仔仔都係樓下泳池游水, 同過佢去沙灘但無落沙玩, 唔知佢會點反應, 但我都以為個個細路都鍾意玩沙tim......

littleeva

我地第一次去沙灘時子軒未識行.  大約 6 個月, 放佢落沙度.佢仲 cat cat 聲笑.好開心.  點知第二年去時.佢已經識行. 佢唔肯玩沙.  覺得dirty.唔鐘意隻腳有沙.  後來見2 個 表姐不停玩.   佢又想玩. 要我地抱住佢玩. 用隻手仔 liu liu 下玩.   玩玩下都係坐在沙灘蓆上玩. 不過對腳仍然要放在沙灘蓆上.  玩玩下又出d出d.  蹲下來玩 . 個PAT 唔肯坐.  後來玩到忘晒型.  去多幾次. 而家成日潑D 沙落表姐度. 玩到唔肯走.  


至於SWIMING 都 OK. 比水泡佢. 和托住佢. 我地住過幾次HOTEL (HK) 和去過 一 次布吉　和　ＭＡＣＡＵ. 我仔勁鐘意住酒店.　SWIMING就要我陪實佢．我ＬＩＫＥ　ＳＷＩＭＩＮＧ　所以要同老公輪流睇仔．　如工人在．　就會叫工人和仔仔沖涼先．　我和老公就可以　ＳＷＩＭＩＮＧ．　如果屋企個ＳＷＩＭＩＮＧ　ＰＯＯＬ　就會叫工人一小時下來接仔仔．


不過不論去海灘　ＯＲ　ＳＷＩＭＩＮＧ　ＰＯＯＬ，　頭頭去的一兩次一定哭．要慢慢論應．通常仔仔見到　２　個表姐．　佢會ＴＲＹ下　ＴＲＹ　下．　跟住就玩都好開心．
　
希望我地有機會一齊去沙灘玩．　

ＩＲＯＮ 我今早問子軒和傲楊玩什麼. 佢話玩電話.  您問下仔仔?

HKTT  我仔依個月成日扮拿住個 咪講野. 多數講 :  各位小朋友坐低低. / 小朋友坐好D / 唔坐好D唔講故事....我諗係模仿老師講野. 點知昨晚佢又講 " 各位小朋友坐低低.坐好D. 黃老師就來. X紫晴唔好走來走去. 走來走去就掉左隻鞋去.  "

哇我問仔仔誰講話要掉左隻鞋. 他話MISS LAU.

都唔知真定假.

hktt

littleeva,

前個月囡囡又係成日拿住個咪，不過就係係度唱歌仔。

子軒所講的我諗真有其事發生，事緣囡囡初換季時著的皮鞋太鬆，以致成日luck鞋，有次重趺倒tim，囡囡額頭重起左粒樓，何主任亦有打比我，即晚已給囡囡買新鞋。

今朝放假接囡囡放學，終於認識倒 iron 啦。佢就好啦，可以成日接囝囝，重要有老公陪tim，幾咁恩愛，羨慕死人啦。

IRON

hi littleeva,

今早我問仔仔有無同子軒玩滑梯佢話有, 我再問子軒有無蝦你佢大大聲話"無"! 哈哈哈. 我同佢講你都唔好蝦子軒同其他小朋友喎, 佢話"知"!

hi hktt,

妳點解上午唔駛返工既?? 妳去"裝"女女又會俾佢見到既, 呵呵. 今日後門有車所以放學要行返前門, 經過其他課室d miss都識仔仔, 仲話傲楊叻叻喎, 唔喊囉喎...... 哎, 死未, 成間幼稚園都識仔仔係喊包精!

hktt

IRON,

咁咪好law唔哭，比d時間佢啦。

不過頭先入學校未到課室已聽到有小朋友哭，到我走都未哭完，但我無問先生係邊個呀。

littleeva

HKTT

原來如此. 我還以為miss lau 咁惡tim. (hehehe)

估唔到子軒冇講錯. 有時都要信下佢. 不過又可以信晒.

子軒識講您囡全名. 連埋個姓.  我平時冇同他講. 可能老師講得多. 班上有 2 個子晴.


唉今朝我換衫時子軒冇 叩門就直接入來. 我未教他要叩門先至好"寧"度門入來. 點知會話唔叩. 我問點解. 佢話叩門子軒隻手會痛. 佢仲做埋手勢比我睇tim. 唉..我真的覺得他開始難教. 佢轉數都幾快, 好易比佢找籍口. 我諗是講大話的先兆.
不是先兆.佢真係有講大話. 昨天買了一大做聖誕掛飾.點知好快比佢整欄了塊發泡膠, 我問他誰整欄, 他話係媽咪.

我要找些兒童教育書睇下先. 佢真係好多 籍口, 咁細個就咁. 幾時得大.


hktt 去接囡放學都唔話比我知. 一齊呀咩.
hi iron
唔好話邊個蝦邊個. 細路仔玩得熟就會有吵架,推撞...等情況.
何況男孩子. 希望他們成為好朋友啦.

另外e 排都係不停諗轉唔轉校. 我見比都幾好. 真係唔知點算. 有排諗到出年.  

hktt

littleeva & iron,

呢排真係煩，囡囡又發燒啦!今日又無返學了，係唔係連你地都睇到煩呢?

hktt

littleeva,

我有時都覺得囡囡越黎越難教，返左學後某程度上係ok，但就學會了很多野，好似野蠻左咁，我諗要學你咁找些兒童教育書睇下先得。

我都係臨時決定請假，所以無叫到你，唔好意思。

littleeva

HKTT    而家天氣唔好. 小朋友是會易病d.  

唔好覺得煩啦.  好快好番嫁啦.  加油加油呀

hktt

littleeva,

好多謝你的鼓勵。

IRON

hi littleeva & hktt,

仔仔尋日放學後又有鼻水啦, 跟住訓醒午教又發燒兼鼻水+咳; 唉, 真係醫藥費泊得住學費, 個個月都要見醫生幾雲, 今日都無返學, 好彩醫生話今次好小事, 食左藥今日真係好左八成, 星期一應該ok卦, 係咪真係有d小朋友病都返學既呢?? 成日俾人傳染都唔係辦法喎.

尋晚仔仔第一次唱歌仔......佢賴左尿係廳, 我同佢係浴缸洗完pat pat抱佢出廳時, 佢一路唱"打pat pat呀打pat pat......"(因為每次我都會打佢pat以示警戒) 真係唔知俾佢笑死定激死, 嘿.

hktt, 我都好煩, 哎.

littleeva, 妳都交左留位費啦, 仲有成年俾妳諗, 呵.

IRON

hi littleeva & hktt,

今日我地去學校, 仔仔以為又要返學無晒表情, 一話走即刻同miss bye bye, 轉身就閃, 呵呵. 我借左本"獨生子女不麻煩", 讀完之後先同妳地分享, 係呢妳地又借左d咩書呀?? 走時我見門口張台放滿晒小朋友整既聖誕掛飾, 好多都好有創意架.