兆麟聖彼得堂 06 k1入來傾下丫

hviy

今日有便條:10月27日Fri為英語活動日和化裝舞會   

beautymother

我今日買o左一件好簡單的黃色袍，賣果個仲話應該加頂帽，掃把先得，我無買呀，我怕阿女唔鍾意，佢真係好細膽o既，我怕到時返學校見到人地扮鬼扮馬會驚添。我都想買條公主裙，好似好貴o甘，唔係好捨得呢，只穿一次。

celia_ip

beautymother

你可以直接上柏麗廣場25樓, 一出電梯就見到架啦, 應該九點半后上去會好d, 因為唔係日日九點前都有堂, 可以d姐姐未返工, 如果要電話, 我要搵下先, 遲少少再pm俾你....
教英文個哥哥唔係黑人黎架, 所以唔駛驚小朋友唔習慣....    我囝囝成日攬住哥哥, 都不知幾開心..

beautymother

celia_ip
Thanks 呀，得閒我上去問下先。以前阿囡都有返過呀，係免費的。

pancy
螢螢今日無事了吧，應該有返學啦。是否請了2日假呀，我阿囡話昨天螢螢都無返，佢個位無人坐，係唔係真的﹖

june_june

各位媽媽: 請問你地所講公仔造型衫係邊度可以買到呀? tks!

celia_ip

SHRILEY

套巴斯光年衫未買呀, 我聽日會出尖沙咀玩具反斗城買, 好似 $269 ,(其實套衫舊年係迪士尼, 囝囝已經想買, 無記錯好似要成四至五佰蚊, 所以無買到) 如果無size 先再 check 下邊間分店有岩size , "理想teen 地" 都有得賣呀, 價錢好似一樣, 但售貨員話只係返左二,三件 七歲 size,咁唯有出遠d買啦..

我都有諗過叫囝囝著韓國服, 但諗諗下, 驚佢會玩到好dirty, 所以都係算啦..... (套衫係韓國買架, d手工好靚, 為起要港幣$500, 我唔想就咁無左....)

SHRILEY

celia,

thank you報料.  我都係打算行玩具反斗城一轉, 應該點都買到d野啩   

SHRILEY

我想問下隻"兒歌樂" 同隻vcd 係咪有d分別    　平時佢地唱歌仔係咪就係呢本??  但係仲有本唱歌仔書架??  自己搞到自己好亂tim.   

carrie123

hello ,
我囡插班讀 k1 , 我想問吓  : 明天開生日会不用帶書包
咁需唔需要交功課 ??

thanks

hviy

SHRILEY,

"兒歌樂"同學校本書一樣架, 你開俾佢睇,佢會好開心架   


carrie123,

生日會唔使帶書包, 功課星期一至交, 我通常通會呢晚去"威"       

celia_ip

如果諗住去玩具反斗城買helloween 用品的話, 記住上玩具反斗城個網頁, 玩冷知識問題game, 可贏取$30卷, 買滿$200就可以用....

carrie123

thanks hviy

celia_ip

派咗通告, 去西頁旅行喎, 係咪大家都會去呢??!
真係無諗過會去到咁遠添

beautymother

celia_ip
去遠的都無所謂啦，有旅遊吧嘛，又唔使自己搭車，我都會去呀，親子嘛，唔去唔知阿女會唔會唔開心呢。

hviy，luluma....
hviy，兩日都唔見係喔。今朝我報o左家教會，交o左錢啦。你地交o左未呀﹖

SHRILEY

celia,

獅子會幾好玩架, 駿駿1歲時我帶佢去過.  係啦, 有旅遊巴吾怕啦.  第1次學校旅行, 一齊去啦.   e..... 到時我地咪可以相認law       

beautymother,

我都交左$$參加家教會呀. 到時我地又可以一齊幫下手.
  

SHRILEY

想confirm一下10月27日既英語活動日係咪即係hallowen??   但係阿婆婆話問過吾係喎     但係又點解要化妝既??     

hviy

學校有校車去邊都唔怕啦, 蕉坑我大女K1時都係去嗰度, 响車度老師會有遊戲, 話咁快就到...學校亦會有很多活動角俾小朋友自由參與,如快樂傘,呼拉圈..... 亦要求每個學生要完成追蹤遊戲,從而認識好多自然常識, 都ok架        回程就一定全軍覆沒啦               

hviy

SHRILEY,

係化妝, 無主題, 所以扮乜都得, 只不過係d小朋友覺得個個着到咁靚好似開party咁啫    而呢個時間係最多呢d野賣,家長易辦事嘛    所以我個女咪扮ladybird囉    最緊要佢地開心      係喎~~下星期英語活動日要上課架....最好教定佢講自己嘅image,等佢到時可以講吓   

hviy

唔記得提吓大家, 學校所有於上課日舉行的活動,都會計入出席日數內, 包括親子旅行和所有outing, 唔參加會當缺席架

luluma

幣, 唔記得左今日開生日會, 唔使帶書包添, 工人帶左書包同阿女返學, 希望老師見到提佢帶走啦

hviy
10月27日張通告仲未見到呀, 昨晚有張親子旅行通告, 作c咩咁早起身, 阿女平時要10點才起身架…..不過我問佢要好早起身你得唔得, 佢話得, 你係咪好想去旅行呀, 佢話係喎…..

爸爸應該就唔得閒去, 可能得我同阿女去, 等我問吓婆婆有無興趣先.....你地係咪全家都去呀?

吓, 要自已帶野食喎, 咁咪好多野lake囉….    陰功..

依呀, 我都未決定到阿女穿乜野, 不過我問阿女想扮乜野, 原來佢唔知係點玩架, 咁我咪講d不同的名比佢選, 點知佢講左個我無講的扮相..........佢話要扮白兔仔, 唉, 一定係因為佢係白兔組的關係啦.....真係比佢激c.....你話喺邊處有先得架....好高難度呀....

beautymother
係呀, 簡簡單單都得喎, 太貴我都真係唔拾得, 只可穿一次, 即使話有個細女再用, 都係咁話, 到時都唔知是否合細女穿  

我都參加左家教會做會員呀, 可以參加多d活動呀, 今日去交錢, 不過我好大頭蝦, 唔見左張回條, 唯為自己打過一張, 不過都打得似模似樣架....

june-june

造型衫, 我見到jusco有呀, 不過無乜size, 我在中環工作, 發現中環都有得賣, 不過花多眼亂, 有些價錢都幾貴.....

carrie
你好呀, 歡迎你一齊分享呀...