06年9月入讀蘇淅幼稚園K1既家長, 入唻交流下啦!

十月媽咪

joeytcy,
今個星期六, 我佬會帶個女去拎番個回鄉證, 咁就諗住下個星期六日or 再下個星期六日出發, 視乎天氣而定啦, 事關呢輪d天氣, 好飄忽啊! 不過我地都仲頭痛緊, 因為星期六朝去的話, 咁星期六下晝個音樂班就上唔到架喇! 但老師又話呢輪唔會請假, 佢淨係請左12月23日呢個假咋! 所以maybe會改到1223先去呀! 睇下點先啦!  

joeytcy

如果你去的話..到時可唔可以比d相我地睇下呀...因我未去過..都好想知咩料子.......hehe

另cankan 如有相都過d黎睇下啦........

十月媽咪

睇相當然無問題啦, 如果我地去完, 返唻就upload條link畀你睇下我地d相啦!  

十月媽咪

各位,
今日本手冊又有果幾個小評估喇, 嘩...好勁呀...今次份評估入面, 果四項, 老師都係畀紅色呀! 好surprise呀!
上星期五生日會果日, 見到老師, 老師已經同我講, 話阿女進步左好多, 上堂已經可以坐定定, 唔會周圍搞野, 又專心左, 同埋好主動舉手答問題, 又當老師問邊個同學想出唻示範之類果陣, 阿女都會主動舉手話: 王老師, 叫我, 叫我!
估唔到, 今個星期就畀左四個紅色印印佢, 唔怪得阿女日日返唻都話王老師讚佢"很捧"! 我諗老師真係有讚佢的啊!
希望阿女可以keep住呢四個紅色印印啦!  

joeytcy

你個女好叻呀.....繼續努力..........     

十月媽咪

過獎喇, 可能只係老師手鬆咋!     希望佢可以keep住做得到, 做得好啦!    

CanKan

十月媽咪：

你同 anson 去旅行，幫佢同學校請假既時候係咪會照同老師講話去旅行？知唔知尺駛唔駛白紙黑字請假？抑或口講就可以？我12月諗住去旅行，要同亞女請三日假，唔知老師會唔會唔鍾意。

cankan

joeytcy

去邊呀...........overover

十月媽咪

CANKAN,
上次我地只係響阿女生日果日, 請左一日假咁大把咋喎, 果次無白紙黑字通知老師呀, 我果朝直頭連電話都無打番去請假! 事關對上一次, 阿女唔舒服, 我無畀佢返學, 咁我自己打左返學校請假, 老師上完堂, 一個問候電話都無, 所以阿女生日果次, 我就特登唔鬼打電話返學校, 睇下老師會唔會打電話唻問下點解唔返學, 咁中午果陣, 老師打我手提, 當時我地響迪迪仔睇緊SHOW, 睇完至覆佢電話咋!

不過你請三日假, 你都係同老師講聲好, 佢地而家K1, 又無評估又無其他野, 老師應該唔會有問題啩!

話時話, 去邊樹威啫? 請三日假咁少既? 夠唔夠架, 玩多幾日啦!    

joeytcy

hihi
老公岩岩打比我...佢話明晚有獅子座流星雨睇...明日我地去東坪洲...過埋夜...星日回來.......

十月媽咪

嘩...好浪漫啊! 羡慕C人既呢! 咁阿女會唔會做電燈膽呀?  

joeytcy

甘又唔會...遲d我同老公去埃及先慢慢浪漫都未遲...不過唔知今晚阿女會唔會驚呢...個度又無電又無野玩....又黑...依家我個背包都好多野.....今朝d同事一見到我就...嘩..你上山呀.....跟住我就話都可以甘講...hehe

十月媽咪

嘩, 你帶埋阿女去呀? 咁瞓邊呀? 露營????? 租屋???? 拎咁多野, 似擔泥多d啊!    

paltiBB

請問蘇淅幼稚園是的私立學校or 非牟利??     謝

joeytcy

係呀...好鬼重呀..我一個背包...我老公又一個....我地係租屋的...不過如果要沖涼要比錢...如要熱水又要比錢...個度d屋只不過係一d好簡陋石屋炸..咩都無.....e..你地係咪覺得好奇怪點解我依家重可以上網呢......hehe...因為我地無去到呀........唉....我地大約兩點幾到左大學站...行去馬料水碼頭唸住搭為一一班船3:30pm...點知行行下阿女突然肚痛....一路抱住都典來典去....幾個字後都係甘...我地驚佢唔知有咩事.....決定唔去...即刻打的去醫院.......返將軍澳醫院.... ..不過到左醫院過左一陣佢就無野lou..重同醫生笑添...其實係的士到我都有d驚...因為佢一路典來典去那住那住....好彩已經無事....醫生話有時d小朋友條 腸扭住左會痛....
不過我地比租屋d訂金就無左.....係大學打的返來又無左佰幾銀...算啦......佢無事都

CanKan

joeytcy,

東坪洲我以前去過，實在好簡陋，瞓果 d 係木板床，食既係蛋同午餐肉炒米粉，果陣我都有 d 驚，不過都算係一種體驗，今次去唔成，咪下次再去囖。

我下個月諗住同亞女去浮羅交怡，中途會停一日新加坡，總共去四日三夜，其實主要都係想休息下，同埋亞女一齊去，其實都唔知有冇得休息，但我驚若果我留低佢香港，我會好內疚同埋掛住佢，因為有時我地放低佢係麻麻度同d朋友去街，佢都要等埋我地去接佢，捱到頂唔順先瞓覺，亦會打俾我話好掛住我，所以唯有同埋佢一齊去，費事自己後悔。

cankan

joeytcy

cankan

你會唔會住水中高腳屋呀..........我上次去就有住....有蚊架......記住帶蚊怕水.............

十月媽咪

cankan,
原來係去浮羅交怡呀? 咁係咪聖誕假期去呀? 咦...唔係喎, 你諗住同kelly請假, 咁無理由係聖誕假期去喎!

joeytcy,
哎吔, 你去d咁簡陋既地方, 唔好啦, 就算真係要去, 都唔好帶阿女去喇, 就算真係要帶阿女去, 都等佢大d先喇, 呢d咁既地方...去行下就得, 去住喎, 咪搞我, 諗下都瞓唔著呀!    

各位,
我個長隆trip, 凍過水呀, 事關我外家個個都想去, 但d期好難就呀, 阿媽想我改到過年前後至去, 但我佬就想十二月頭去, 而家好頭痕, 仲未搵到解決方案呀!  

joeytcy

十月媽 :

東坪洲暫時唔唸住lou.........

如果長隆個度...你地就到一班人一齊去又係幾好玩ger...唔緊要啦...重有時間度下有無計.............

CanKan

joeytcy,

我唔會住高腳屋唔，不過都多謝你提我拎蚊怕水。

cankan