番禺會所華仁小學

happy5

ms99:

你仔仔發燒一定要戒口呀,我曾睇過一些台灣醫生寫嘅中醫書解釋點解發燒唔食得雞.牛.煎炸食物.原因是此等食物會令體溫上升.另外書中有提及有咳不可吃魚,但何解便忘記了.
^.^信則有幫助,不信則無啦,睇你自己和家人點睇啦!!

另外,我估若你無打針,應該會有通告教你如何補打嘅,放心啦!
祝令公子早日康復,阿媽可以早D訓

P.S.聽講西藥與涼茶要隔4小時才可飲噃!     

papadaddy

ms99:
以我所知係要去指定的注射中心打的,而且要自行預約,亞仔返上午,要約下午,但係唔係間間注射中心都開下午的,所以都幾煩

ms99

早晨各位!

多謝各方好友報料。  

happy5： 你嘅資料好正! 我會話俾婆婆知要注意飲食呢?
講開又真係 (收)家嘞，完全暴露咗我係一個唔識照顧屋企嘅所謂現代女性呢。 不過，如果各位唔介意多出手幫忙，我相信我會好快進步的。  有勞各位了。

Papadaddy： 多謝你的資料，我知道今次又攞嚟煩了。  

不過，尋晚真係無得好瞓。少爺半夜4點起身話唔舒服，嘩!又反燒103.5，好彩佢從小食葯無煩惱，但要放退燒葯落pat pat 都要講大條道理先攪掂。少爺醒咗就精神睇卡通，可憐亞媽仲未瞓，一路陪佢傾計，又要揸住個探溫計扮護士。咁就玩咗我一晚。 真係寧願自己病都無咁慘!  

麟媽媽

各位，
大家努力！
我星期六都是陪讀，
晚上同D朋友出左去食私房菜，
真係吊頸都要"抖"下氣！
係灣仔萬利中心的日本私房菜，
唔多掂你地唔好幫襯！


東京mewmew,
你意思是你個仔有個姊姊，
所以是細仔沒了大仔分，是嗎？
我記得姐姐好似讀聖心...？
如果係咁15分係首輛真的沒機會，
因為20分都要抽籤的。
你是否住12網？
如果係第二輪都仲有機會的。

easiness

ms99,

小朋友若果發燒, 通常都係半夜會最高燒, 因為入夜後身體運動少了, 很難降低體溫! 若果你小朋友有咳, 就不要食魚, 因為之前我個仔咳, 中醫都係咁講! 小朋友有燒要飲多o的水, 休息多o的!

ms99

Hello! easiness,

仔仔食咗葯後只想瞓覺，沒有什麼胃口，所以明天不打針，不上體育課了。 亞仔還問我是否不上學?  我卻反問他是否不上電腦課、不上圖書課 及 視藝課呢? 明天的課堂全部都很輕鬆的，故此如果沒有燒都會上學去了。

多謝關心!


你們開始 "每日一篇"嗎?  記得明天開始是 "每日兩篇"呢!

中文一篇 加 英文一篇。

** 做嘜呢兩日咁靜嘅?  去哂邊呀?

happy5

ms99 寫道:
早晨各位!

多謝各方好友報料。  

happy5： 你嘅資料好正! 我會話俾婆婆知要注意飲食呢?
講開又真係 (收)家嘞，完全暴露咗我係一個唔識照顧屋企嘅所謂現代女性呢。 不過，如果各位唔介意多出手幫忙，我相信我會好快進步的。  有勞各位了。

Papadaddy： 多謝你的資料，我知道今次又攞嚟煩了。  

不過，尋晚真係無得好瞓。少爺半夜4點起身話唔舒服，嘩!又反燒103.5，好彩佢從小食葯無煩惱，但要放退燒葯落pat pat 都要講大條道理先攪掂。少爺醒咗就精神睇卡通，可憐亞媽仲未瞓，一路陪佢傾計，又要揸住個探溫計扮護士。咁就玩咗我一晚。 真係寧願自己病都無咁慘!  

ms99:

唔好話收家啦!只不過以前嘅阿媽是全職媽媽,現代人或現代媽媽d生活作息完全唔同,你都沒有時間去學習怎樣做媽媽,實在難怪嘅!!要不要做全職媽媽,我個人認為全在乎你價值觀如何選取而已.當你選擇當在職媽媽的時候,照顧孩子的責任便不得不請他人代勞.這時候,你也不得不放手,睇開小小啦!唔好責怪自己呀!!加油!!!           

easiness

ms99,

唔知係咪假期, 所有人都有節目! 還是大家要早點休息充電, 預備明天忙碌的一天!

ms99

早晨各位：

上咗"每日一篇" 三日，但仔仔嘅分數仲未更新，所以只計了兩日分數，你哋有無咁嘅問題?

另外，今朝去英文每日一篇就話 10月10日先開始，登門不入，你哋咪一樣呢?

happy5 ：你在職嗎?  多謝你安慰我呀!  不過自問都幾渣架，由細到亞仔出世都係同亞媽住，習慣咗全套服務，所以初初有個家時唔習慣，寧願抱埋個仔番亞媽到做寄居蟹，總之唔係好想面對屋企啲家頭細務。 實在返工開心過係屋企，係咪有啲唔妥呢? 但我都慢慢改善梗，但依然攪唔掂廚務呢瓣，難攪!

嚟梗下星期就第一次測驗，完全唔知點溫好?! 有無實際建議，可以從何入手呢?     (譚校長唱：苦惱...加苦...惱)

ms99

早晨! easiness,

無論陰天，晴天，能夠上嚟同你哋talk吓就係我嘅快樂天!

每論小事，大事，係度talk得嘅都係我哋嘅家事!

各位好姊妹：多啲上嚟傾吓計嘞!

easiness

各位早晨呀!


ms99,

你小朋友好o的未呀? 我咪同你一樣, 對係攪唔掂屋企既野, 尤其是煮飯, 不過點都好, 為左小朋友我地一切努力呀! 另外英文每日一篇是否照之前既資料登入, 因為登入後唔見有其他文章, 衹有中文, 唔見有show英文每日一篇由10月10日才開始?

麟媽媽

早晨呀！

各位剛過了的假期開心嗎？
琴日一早8點正亞仔便要踢波，
我竟然唔知醒！
最終遲左三、四個字。
我坐係馬場波地裡面，拎住把遮…
真係辛苦到吖...熱到出晒油吖！！
本來諗住佢練波我去教堂，
點知遲晒到……
習訓完跟住球會係過對面海鬥波的，
個仔好想好想去，但最終我都唔比….
佢好失望呀！但有咩辦法喎？！
黃昏又要去佢堂妹個生日party，
如果去埋比賽先返歸，
邊有時間溫吓書呢？
我到而家都仲記得佢個失落樣….
有時我都好兩難….

easiness

請問有無家長知道今日小一打o個混合針係打o係手臂or pat pat度呀?

easiness

今日咁靜既, 你地去晒邊呀?

麟媽媽

我仔舊年打了，是打在手臂的。
呢支針唔會有大反應如發燒咁，
但針口位都會腫腫紅紅，
我仔說都痛了幾日的。

easiness 寫道:
請問有無家長知道今日小一打o個混合針係打o係手臂or pat pat度呀?

easiness

麟媽媽,

昨天我同阿仔講, 今天返學要打針, 佢話唔打, 唔知到佢打, 佢會唔會O咸?

請問小朋友幾時會換牙?

麟媽媽

easiness,

我個仔好遲先換牙。
佢有D同學甩左6、7隻，
我仔只甩了下面2隻。
仲要係生左一大半但舊牙仲穩如泰山，
要去牙醫度脫左佢。

ms99

Hello! easiness:

多謝關心仔仔，今日起身仲有小小燒，但精神唔錯，佢又想返學，唯有搏吓啦。都驚佢俾老師打回頭架。

仔仔話成班同學仔一齊去小食部隔離個房仔打針，有小朋友打針後喊，佢就睇住人哋喊都有啲驚。 而個數學科老師好好人，話知班小朋友打針後要休息，所以無數學功課。

麟媽媽： 你都非常偉大啊! 晨咁早去陪太子踢波。我都試過上年暑假參加咗個足球班，個個星期日八點去到個場，亞媽同亞爸就坐係場邊呆等兩粒鐘，因為仔太細，唔學得其他家長咁放低個仔就去食早餐。我哋兩老除咗邊拍蟻仔，烏(鷹)，仲要金精火眼睇住亞仔周場走，間中仲要服侍飲茶灌水，同招呼佢啲新相識波友仔。除咗做亞四，做媽媽最慘就係要迫住同陽光玩遊戲，一個暑假後，當堂老咗十幾年。所以亞仔今年話encore參加足球班，當然No way啦。

麟媽媽：佩服! 佩服! 你係咪跑馬地聖瑪加利堂區架? 對的話，我有機會與你相認了。

我今朝上英文的每日一篇時，只有一句"系統將於10月10日開始"，你們運作成功嗎?

麟媽媽

ms99,

係吖！
之前去開11:10am，
平日咁早起，星期日都想訓多DD喇！
亞仔踢波之後改去9:40am，
你去幾點？

wlk168win

[quote]
麟媽媽 寫道:
我仔舊年打了，是打在手臂的。
呢支針唔會有大反應如發燒咁，
但針口位都會腫腫紅紅，
我仔說都痛了幾日的。


可試試用退熱貼,貼在針口位,看看有否幫助