返小一ge仔仔囡囡開心嘛???

比比

我都join左english-pal，都係要180一年，點知剛開始又收到學校通知有個free既unitedenglish，真係比學校玩死。早知有個free就唔比錢join個啦！兩個都咁深，囝囝唔明咪無興趣。

唉！開學初頭我都有每日同囝囝係咁易咁溫下果人敎既野，但自從有左默書就無晒時間，默得英文第二日又要默中文，跟住又話小測，小測完又話準備總測，真係讀到日日無停口，本來話默書個個星期都有，唔好咁緊張啦，但默書成績又佔總測40%，咁點能夠唔緊張呢？

點解而家小學生咁忙，呀囝學校重話好著重閱讀課外書，一陣又話要課外活動，我己經開始唔識幫呀囝分配時間.......

homemick

完全認同, 好慘, 我又辛苦囡囡又辛苦, 成日"cry", 問個工人佢點解日日要做功課及寫咁多字, 星期一默英文, 星期三默中文, 11月頭又話測驗, 死未

ydoris

講就話吾好谷,吾好緊張等等.事實上你吾急真係追吾上.我個女病左一天,d野亂晒籠,都吾知去到邊.昨天默中文,明天默英文,都無時間同佢溫.只係對功課,做錯晒,8點跟到10點.又要咩親子標語創作比賽wor~~我同佢作埋算啦.佢都吾識咩叫標語.本英文閱讀成個星期同無時間同佢一齊睇.電視都無開成個月.真係成家人都好似讀緊書咁.真無謂.明天默完書又開始溫考試啦,真係多姿多彩啦..

珠仔

wa, 如果一年班就咁慘，幾時挨到六年班呀，我哋做父母既，到六年班時都未必識教他們，咁到時點呀！如果真係咁，會唔會你個仔或個女唔適合讀ｄ咁”谷”既學校，應該去ｄ輕鬆ｄ既，如ｃｋｙ、培墧等：不妨想清楚一點，好過大家咁痛苦，老實講，咁攪法好傷母子感情，對小朋友來說有百害而無一利，傷左佢地既自信心同埋令佢地成日唔開心，又何必呢？

Hei-Hei

香港東區有無邊 d 小學無咁 "谷" o架??

kitty

我個女舊年都係用www.unitedenglish.com.hk 這個..
真係幾深...

pingubj

如果一年級唔打好個底,跟住讀上去會好辛苦架喎,有時唔怪得我地谷架,有邊個唔想自己仔女成績好,個口話唔緊要,其實個心就好緊張.我仔仔咁多次測驗同黙書都有100分,昨天派左中文測驗得93分,你地實話93分都好高分,我都係咁同我仔仔講,我都讚佢好叻添,但我個心真係有d唔係咁舒服既感覺,唔知點解.唔知你地會唔會係咁.

珠仔

會唔會由他自己去分配時間，好過你幫他分配時間？可能我比較好彩，如果我話清楚個job list比阿仔聽，阿仔就自己去做。雖然做完出來效果未必完全理想（有時好求其，或者有漏野）但係只要將要求降低至佢地既水平，其實都已經不錯。有時比佢地錯下，漏下都要架，等佢從錯誤中學習；不可能１００％地幫，佢地總要靠自己。我成日同阿仔講，媽媽唔可以跟你去測驗考試，個ｄ就好靠你自己去找出自己的錯處。

ydoris

一個6歲人仔,應該有一份童真.童年應該好快樂,但又要現實d,同佢打好個基礎,免得大個搵吾到自己要行的路.係未好茅盾呢.性格係幼年時候培養架,大個真係靠呢個根基做人啦.你吾幫佢,佢會覺得無助無信心...但整體來看,他們都是愉快地上學去..

Hellomummy

好有共嗚....依家d細路讀書真係幾忙....本來我都選了一間輕鬆愉快既幼稚園俾佢, 都係因為buy愉快學習, 而間小學已經唔算谷...而係讀得開心果隻(口碑).....但一開學已經感受到壓力(家長), 更何況個小朋友?

以前上學哈哈哈, 做到小小野已經有老師鼓勵稱讚, 依家上課要唔傾計先為之乖, 別人俾老師鬧阿女都要捱老師既眼神, 俾著平日已經好自覺既小朋友黎講, 真係一種打擊...

佢10月中已經測完驗, tue中默thur英默, 課外活動123456日.....口號標語設計都係考家長, 仲要每日一篇又要鬥名次.....個書包又重, 課外活動果日連埋書包共帶3袋野, 仲要行上2樓,  見到都心痛, 好在尋日阿女話有幾個老師見到佢咁都主動幫佢拎兩袋.....有d安慰.......俾錢佢買小食, 佢話未排到去已經夠鐘, 急又唔識幾時去toilet, 早上去完直至放學先去, 急到賴咁濟, 問佢點解, 佢話可以去既時侯唔急(掛住玩), 急時又唔去得, 又唔敢舉手....

真係大把野要過適應, 初時以為升小迵適應係短時間既事, 原來細心理佢既可以好多野........

仲有你地要留意小朋友既情緒, 唔係淨係喊先有情緒問題, 可能係反叛, 急燥, 變得沉默咁都會.....我初時都以為佢上學好happy, 佢突然對一d野比平時好大反應, 再問落先知佢學校有d野唔開心......佢連自己都察覺唔到, 因為唔識表達.....

Hellomummy

agree! 今時今日, 話唔緊張由佢自由發展, 總覺有d自欺欺人, 唔同我地果代, 天生天養, 因為個個都係咁.....時代唔同, 依家唔幫佢, 將來辛苦的都是他們自己!

ydoris 寫道:
一個6歲人仔,應該有一份童真.童年應該好快樂,但又要現實d,同佢打好個基礎,免得大個搵吾到自己要行的路.係未好茅盾呢.性格係幼年時候培養架,大個真係靠呢個根基做人啦.你吾幫佢,佢會覺得無助無信心...但整體來看,他們都是愉快地上學去..

Hellomummy

我尋日成功瘦身-------不過係幫我阿女個書包....

我抄番一個好耐無用既書包磅黎磅佢個書包, 不得了, 淨係書包都2磅半, 筆袋1磅, 書本功課不在話下....

於是, 我找來了一個普通背囊, 重0.5磅, 又將筆袋d唔等駛既野抽出, 省了0.5磅, 將膠餐具代替佢飯商送既金屬餐具連盒, 保鮮袋代替食物盒, 膠水樽代替水壺, 好了, 再磅, 只剩下7磅, 她今早背上時話輕鬆好多.....

我阿仔個dr kong書包仲誇張, 3磅半, 淨係換左個書包已經省了3磅.....瘦身後仲輕過阿妹的書包, 得6.5磅  

大小不梁

唉....e+d小朋友真係好甘架.....我阿仔都問過我....點解日日都要溫習溫習再溫習~~~~   

sandycat

請問什麼是cky?? thanks

珠仔 寫道:
wa, 如果一年班就咁慘，幾時挨到六年班呀，我哋做父母既，到六年班時都未必識教他們，咁到時點呀！如果真係咁，會唔會你個仔或個女唔適合讀ｄ咁”谷”既學校，應該去ｄ輕鬆ｄ既，如ｃｋｙ、培墧等：不妨想清楚一點，好過大家咁痛苦，老實講，咁攪法好傷母子感情，對小朋友來說有百害而無一利，傷左佢地既自信心同埋令佢地成日唔開心，又何必呢？

sandycat

我都幾同意你的想法。

ydoris 寫道:
一個6歲人仔,應該有一份童真.童年應該好快樂,但又要現實d,同佢打好個基礎,免得大個搵吾到自己要行的路.係未好茅盾呢.性格係幼年時候培養架,大個真係靠呢個根基做人啦.你吾幫佢,佢會覺得無助無信心...但整體來看,他們都是愉快地上學去..

sandycat

雖然我唔鐘意死谷，唔知係咪不其然受學校及週邊(同學)影響，自己很自然都會有你的感覺。

pingubj 寫道:
如果一年級唔打好個底,跟住讀上去會好辛苦架喎,有時唔怪得我地谷架,有邊個唔想自己仔女成績好,個口話唔緊要,其實個心就好緊張.我仔仔咁多次測驗同黙書都有100分,昨天派左中文測驗得93分,你地實話93分都好高分,我都係咁同我仔仔講,我都讚佢好叻添,但我個心真係有d唔係咁舒服既感覺,唔知點解.唔知你地會唔會係咁.

YYYO

我個仔仔都係好唔適應小一,因為佢間小學好嚴,要小朋友好聽話,開學第四日就寫手冊話佢不守秩序,第二個星期就收到訓導主任電話話佢行為有問題,是否過度活躍症,佢不能控制自己情緒,推倒同學,打同學,後來發現轉堂時大部分小朋友在課室跑,叫和打架,我向學校反影,她們才安排人手,我知道仔仔在學校行為問題是因為情緒,今日看完沙田智能評估中心護士,初步認為不是過度活躍症.

大小不梁

阿仔今日放假呀,因為琴日去完旅行....今日我都比阿仔抖左一日,唔駛佢溫豬呀,佢都不知幾歡~~~我仲同佢去左行街tim~~~連自己都可以relax埋~~~   

珠仔

Sandycat,

CKY 是蔡繼友。

珠仔

有架，我都試過兩次100分後，變成90分，有唔開心但都不敢表露出來，費事比阿仔無謂既壓力，仲事前call定老公唔好鬧阿仔，我叫左阿仔下次一定要努力d。其實我覺得處理阿仔d問題，同在office處理下屬問題是一致的；既然係同一條船，就應該寄予信任和支持，阿仔自己咁細都有自尊，我相信他應該知道怎樣做！可能你地會覺得我好傻或者戇居，咁就睇你對阿仔有幾了解。如果我發現阿仔做功課唔認真，寫字無心機，咁我就會鬧佢，因為這不是正確的學習態度。

pingubj 寫道:
如果一年級唔打好個底,跟住讀上去會好辛苦架喎,有時唔怪得我地谷架,有邊個唔想自己仔女成績好,個口話唔緊要,其實個心就好緊張.我仔仔咁多次測驗同黙書都有100分,昨天派左中文測驗得93分,你地實話93分都好高分,我都係咁同我仔仔講,我都讚佢好叻添,但我個心真係有d唔係咁舒服既感覺,唔知點解.唔知你地會唔會係咁.