子女的期望 vs 父母的期望

1998Ruby1998

回覆 greentea000 的帖子

尤其係 Band 1 名校，基本上冇幾多個老師受過特殊教育訓練（可能學校覺得冇需要掛），稍微活躍就當係 ADHD（我係人版），成績差就當佢冇聽書、唔專心冇考慮過可能佢學習能力需要支援。依家睇返，以前好多行為唔好，被學校列為「不良」嘅同學，佢地都有學習問題（例如認字慢、英文拼音拼唔到），但係老師從來冇當佢地需要支援，只係一味向家長投訴，投訴到家長忍唔住要轉校，備左案都唔會有咩改善。
不過顯示大部份老師可能真係一輩子都未見過有 mental disorder 嘅人，我成班去自閉症義工活動，班老師雖然冇講咩，但係睇得出班老師好抗拒同佢地接觸，當正佢地係怪物咁。

少少離題，我試過同老師講可唔可以唔去現身課後班際比賽，我要返屋企睇住阿哥因為佢有腦抽根，試過突然跌落地下砍到個頭流血，個老師竟然話我講大話，話自閉症唔會腦抽根，就算抽根都唔會死人，果一刻我好難受。又試過中一見家長（因為成績同行為同 Band 1 水平有好大差別），阿媽一講到阿哥有自閉症所以好難抽身去全力管教我，班主任即刻話我都一定係自閉症所以先有行為問題，導致成績唔好，要求我見精神科然後話要向學校備案。

greentea000

MrBeast 發表於 17-3-28 08:55
懷孕期間最重要是folic acid，不過何必再諗原因，過左去的改變唔到，只能向前望 ...

所以想盡量有多Ｄ証明係手，搵專業人士幫手又好，Y父母自己教又好，都更有針對性。

MrBeast

greentea000 發表於 17-3-28 09:07
所以想盡量有多Ｄ証明係手，搵專業人士幫手又好，Y父母自己教又好，都更有針對性。 ...

專業人士可offer 到合適的訓練，同埋有些地方subtitle 冇專業人士講解普通人唔會知，最重要是訓練要每天持之以恆地做，好多人以為每星期一兩堂就ok，結果收唔到預期效果

wan_sosin

1998Ruby1998 發表於 17-3-28 08:57
回覆 greentea000 的帖子

尤其係 Band 1 名校，基本上冇幾多個老師受過特殊教育訓練（可能學校覺得冇需要 ...

近這幾年，老師對SEN應該已認識多了些，未至於完全唔知邊種行為是邊樣SEN,但就仍然唔會知應該點樣處理，有時連的輔導老師都會處理錯誤。

不過現在band 1中學都有小量SEN學生，SEN唔一定讀書差，都有些band 1中都識得支援學生需要，都係睇間學校教育方向。

基本很多老師，一讀完書就去教書，根本唔多機會接觸外面社會，其實見識少，只以自己的想法斷事。

wan_sosin

greentea000 發表於 17-3-28 09:07
所以想盡量有多Ｄ証明係手，搵專業人士幫手又好，Y父母自己教又好，都更有針對性。 ...

如果小朋友學習能力弱，是要有特別方法先教得到個小朋友有進步，學校的主流教育方法，對佢哋無乜幫助，慢慢連個小朋友自己都覺得自己蠢，無信心再學習。總覺得現在大多小學，課程程度是為智能起碼在平均水平中間或以上的小朋友而設，非基本能力，有些學校保持偏低水平去教學，其實適合能力稍弱的學生讀，但又會被外間甚至EDB評為差校。點解社會容不下有不同程度的小學，給不同能力學生，當然家長都有責任，總覺得入到勁校個小朋友自然會跟住勁!

greentea000

回覆 wan_sosin 的帖子

ED有份"認識及幫助有特殊教育需要的兒童教師指引"，不過有跟既學校同老師唔多。始終都係果句，育人真係唔係人人可做。

1234ats

主流學校一般都以分數論英雄，學生分數低對家長學生及學校都帶來壓力。最最最重要的是首先排除低分數帶來的心理壓力，特別是設法避免打擊學生自信心。

改善SEN學生能力沒有速成方法，家長或學校需要先了解SEN學生所面對的困難，然後持之以恆作針對性訓練，協助學生進步。

SEN學生有困難成績差很正常，不能按一般同齡學生的標準要求他們達標。應先別計較分數得失，排除所有負面影響，積極面對。多鼓勵他們按自身能力做到最好，發掘學生其他方面才能，建立自信，保持學習興趣。

SEN學生智力未必差，自信很關鍵。缺乏自信與學習興趣，到高中階段神仙難救。

bobbob

greentea000 發表於 17-3-28 07:56
首先唔係咁多老師受過特殊訓練，其次唔係特殊學校，唔罰點平息其他學生同家長？ ...

處罰嘅目的唔係為咗平息其他學生或家長，唔處罰亦唔代表唔處理，只不過用另一種方法，所以揀學校好重要，如果小朋友有些問題就千祈唔好揀間包容度低或太看重成績嘅學校。

bobbob

greentea000 發表於 17-3-28 07:59
所以咪解釋唔到點解成績咁差囉！

你認為成績差一定同智力有關？

little_yolky

greentea000 發表於 17-3-25 10:59
回覆 YanKanMom 的帖子

知足感恩

知足感恩同宗教一D關係都無。知足者貧亦樂係人生哲學, 越南語講"多謝", 發音近似"感恩"。

YanKanMom

little_yolky 發表於 17-3-28 16:25
知足感恩同宗教一D關係都無。知足者貧亦樂係人生哲學, 越南語講"多謝", 發音近似"感恩"。 ...

知足感恩說易行難，因人真的是會貪心的。不說別人說自己，見仔女身體無大礙，又想他們長高些精靈些﹔見個老公無花心，又想他體貼些溫柔啲…

little_yolky

YanKanMom 發表於 17-3-28 16:46
知足感恩說易行難，因人真的是會貪心的。不說別人說自己，見仔女身體無大礙，又想他們長高些精靈些﹔見個老 ...

我天生係好aggressive既人, 但係, C6不斷响我耳邊一有空檔一有機會就好似唐三藏咁哦哦哦哦哦...............(唔知大家有無睇羅家英果套西遊記)我俾佢哦得多, 依家好知足, 亦時時懷住感恩既心, 亦因此, 阿女們有乜失手, 唔會有人鬧。好似阿妹有乜唔對路(因為派卷一定佢早過我知幾多分), 佢一定先下手為強, 好似鬼魂咁响我耳邊哦：你睇吓阿妹幾開心, 真係好難得, 讀得好唔好有乜所謂, 反正可以入聯繫, 依家咁樂天既小朋友好難得架............(以下繼續一千字), 俾佢咁哦完, 真係乜火都熄埋。

YanKanMom

little_yolky 發表於 17-3-28 17:54
我天生係好aggressive既人, 但係, C6不斷响我耳邊一有空檔一有機會就好似唐三藏咁哦哦哦哦哦.............. ...

兩夫妻互相平衡一下很好啊！

October.

little_yolky 發表於 17-3-28 17:54
我天生係好aggressive既人, 但係, C6不斷响我耳邊一有空檔一有機會就好似唐三藏咁哦哦哦哦哦.............. ...

能夠知足常樂，將要求降低d會快樂好多。就講細路學業，如果升小升中，家長唔去追求勁校猛校，肯揀間仔女能力可以讀得好既，甚至程度低d既學校就讀，咁12年中小學每次測考派卷都唔洗食驚風散，甚至會有安慰獎添，12年日子唔少架，一家大細會安樂好多，計條數其實幾抵架。

greentea000

回覆 yovin 的帖子

老豆無估到佢一句玩笑令我茅塞頓開，又可能唔係講笑，佢心裏面真係咁諗。既然我係令阿媽變成咁既因素，排除呢個因素阿媽就會正常返。就好似仔女身邊出現左個壞同學/朋友，家長一般都係唔俾仔女同佢玩，咁就唔會近墨者黑。無幾多家長會教仔女點同壞同學/朋友玩又同時可以唔受壞影響，因為風險太大，寧願避之則吉。

果段時間我又接觸到個概念，「夫妻關係優先於親子關係」，又好似幾有道理。父母要先做左夫妻先有仔女，但一有仔女夫妻關係就被逼退位，全力向親子關係傾斜。自從我返小學，父母就幾乎無曬娛樂，僅有既娛樂係三個人一齊，仲係成績要好又要就學校假期。返學日除左睇新聞同某Ｄ時事節目，其他時間老豆要睇電視都會俾阿媽鬧。老豆每年西方情人節會早兩、三日去花墟買扎無特別包裝既玫瑰花俾阿媽，阿媽就一路話唔好浪費錢一路插起扎花。老豆仲會做押花，好有生活情趣。我越諗越覺得自己多餘，無左我佢地兩個會好開心。

於是，我決定加速排除我呢個不良因素。思前想後，我選擇中二跳級。除左可以早一年走，仲慳2萬蚊。中三要揀科，要保証揀到理科無可能跳級。原校唔俾跳級，搵左六、七間學校都無得跳級。直到開學發現少左位同學，班主任話佢轉左校。有同學話佢跳級去左某校，雖然已經開學我都去碰下運氣。搞左2個月先正式轉到，唔敢同阿媽講，老豆搞好手續，突然有一日阿媽見我校服唔同左先知，好意外阿媽無嘈。

有左呢個新諗法，我覺得阿媽無咁討厭，不過同阿媽既接觸更少左，我盡量隔離左自己。新諗法後黎發展成咁：我同阿媽都無錯，我地只係有唔同既價值觀。對唔同價值觀既他人，例如親戚、朋友、同事，無需要去改變佢地，自己亦唔會被佢地改變，一樣相處到。唯一係父母仔女之間，難免有父母強加價值觀係仔女身上既事發生。所以阿媽歸類入只係唔同價值觀既他人之一，個心就平衡返，自然無要阿媽道歉既需求。

諗通呢點之後，我係積極左好多，包括讀書同搵錢。盡可能我會爭取級15內，補習方面新學生大幅加價。原先有部分精力要用係同阿媽搞對抗之上，精神上比較壓抑，一下子釋放左，感覺天大地大。

另一個決定，考慮到學費同生活費，內地大學吸引左我。考完AL，1個月時間沖刺中華人民共和國普通高等學校聯合招生考試。我一早知係用中文考，買左套內地高中課本，平時有睇下Ｄ中文字眼。自首：唔知中文點表達既題目，我用英文答。我報理工類，志願：復旦大學、交通大學，係唔太凍既情況之下離香港遠Ｄ。差幾分失落復旦，交通取錄。

我成個中學時代既目標就係早日離家。

greentea000

早我一年，一個表姐考到中山大學臨床醫學，最終放棄polyu物理治療。

wan_sosin

greentea000 發表於 17-3-28 12:33
回覆 wan_sosin 的帖子

ED有份"認識及幫助有特殊教育需要的兒童教師指引"，不過有跟既學校同老師唔多。始 ...

我仔不太需要那些支援，他需要的是包容，當他反咗櫈跌落地，老師會問一聲有無受傷，無就請坐番好，已足夠。

October.

greentea000 發表於 17-3-28 23:53
早我一年，一個表姐考到中山大學臨床醫學，最終放棄polyu物理治療。

中山醫學院全國醫學院一哥,以POLYU物理治療分入讀,算抵,不過第時返港要考牌,就唔知易唔易?

好多年前識個老先生,當年都係中山醫學院畢業,去到美國都做到醫生.

little_yolky

October. 發表於 17-3-28 19:36
能夠知足常樂，將要求降低d會快樂好多。就講細路學業，如果升小升中，家長唔去追求勁校猛校，肯揀間仔女能 ...

係架, 程度合適, 大女成日俾驚喜我架, 就算阿細D分都唔會令我食驚風散, 係個過程嘔血D啫。12年喎, 人真係唔敢保證自己係咪真係有呢12年命。