學琴交流。。

無氣同你講

四隻貓 發表於 12-2-9 12:19
我都係四伙，隔離同樓下都有小朋友彈琴同吹管樂。

我女返上午班但有午睡，平時十時半要訓，但佢近來彈琴就 ...

真係要好好珍惜，因為肯主動練習既人，會懂得對自己有要求，一定比較容易成功，無論係小提琴又好，鋼琴又好，盡力幫佢保持呢份興趣。
好似我仔咁就有曬天時，地利人和都難以成功。

無氣同你講

wootaitai 發表於 12-2-9 12:03
我們一梯4伙，有3伙都有彈／拉。隔離個大姐姐超勤力成日練到11點，有時大家都會拉一樣的歌的！

不過只是廳 ...

都幾好喎，咁其實係一種互相推動既動力。

lovehimhim

各位靚媽，我細個時曾學過一年琴之後放棄，而家為咗陪仔練琴，可以跟吓佢有冇彈錯，啱啱又開始學返，仲好有興趣，日日都練，但我幾廿歲人，手指唔靈活，睇譜又慢，真係唔知會唔會有進步。請問有冇靚媽又或者識人好大個先學琴又可以學到八級？希望有ｄ成功例子幫自己打氣。

bebebe12345

說起來這麼多年還可以,二Piano一Violin,只曾被樓上投訴一次!

lillymarie

我中學時走上天台練 我中學同學學Euphonium，在家一間房裝隔音板。
朋友的孩子學tuba, 在家關哂所有窗練。可能不算太夜，暫時無問題。另一位朋友就教連curtain都拉埋，話隔音好些。

fcbttkw

lillymarie 發表於 12-2-9 14:12
我中學時走上天台練 我中學同學學Euphonium，在家一間房裝隔音板。
朋友的孩子學tuba, 在家關哂所 ...

學嗩吶的更加不用練了

無氣同你講

lovehimhim 發表於 12-2-9 13:29
各位靚媽，我細個時曾學過一年琴之後放棄，而家為咗陪仔練琴，可以跟吓佢有冇彈錯，啱啱又開始學返，仲好有 ...

我教了差不多15年，老實說，真係冇一個成年學生(25)以上係一次過學得成，原因係成年人工作忙生活忙，學琴學到３，４級程度一般已可自行彈奏流行曲之類，已滿足到他們當初學琴的（企）望，去到六級對各類作家深入學習係需要艱苦的練習，也需要一點對音樂的領悟，很多人已經受不了。

但當然，也有很多人只想要８級的名堂，因此可以只學考試歌做COPY CAT狂操已取得及格，但真心話一句，這種８級並沒有真正８級程度的解讀及演繹樂章的能力。

再學上去，還要學作曲，音樂史。。。。。一大堆的東西，才能成為一個真正的音樂家。

marcuscyrus

無氣同你講 發表於 12-2-9 16:32
我教了差不多15年，老實說，真係冇一個成年學生(25)以上係一次過學得成，原因係成年人工作忙生活忙，學琴 ...

咁我好彩d，有幾個成人學生都ok的，勤力程度比小朋友有過之而無不及
當然都有d 貪型學琴的
去年我就有個爸爸級的學生(他女兒先跟我學)，考獲8級distinction，下年佢會考atcl了

like_travel

thanks for professional sharing

無氣同你講

marcuscyrus 發表於 12-2-9 16:49
咁我好彩d，有幾個成人學生都ok的，勤力程度比小朋友有過之而無不及
當然都有d 貪型學琴的
去年我就有個爸 ...

咁你真係幾好彩。不過我冇所謂。學到幾多級對我呢講都係一樣咁教。分別只係聽住佢地堂堂係度磨唔上唔落好辛苦，教左冇練或練唔到，堂堂係上課時練琴，真係聽到我頭都痛埋，有時仲掛住講佢既心事，浪費曬Ｄ時間。

marcuscyrus

無氣同你講 發表於 12-2-9 20:07
咁你真係幾好彩。不過我冇所謂。學到幾多級對我呢講都係一樣咁教。分別只係聽住佢地堂堂係度磨唔上唔落好 ...

我以前都有呢D學生，近兩三年少左好多
最近收的成人學生，全部工作穩定(唔會忽然打黎話OT上唔到堂)，定時練琴
不過仍然有幾個早年收落冇心向學唔上唔落的

lovehimhim

無氣同你講 發表於 12-2-9 16:32
我教了差不多15年，老實說，真係冇一個成年學生(25)以上係一次過學得成，原因係成年人工作忙生活忙，學琴 ...

其實我唔打算考試，只係希望有日可以有八級程度，我好肯練琴，不過時間真係有限，每晚放工食完飯check完功課就催個仔練，佢練完先到自己，所以最多都係半個鐘，跟住又服侍兩位少爺瞓覺嘞，係weekend就可以練幾個鐘。我對彈流行曲冇乜興趣，但好想彈到classical，睇嚟真係幾有難度，不過我係真心鍾意彈琴，時間許可我都會堅持落去！

lovehimhim

marcuscyrus 發表於 12-2-9 16:49
咁我好彩d，有幾個成人學生都ok的，勤力程度比小朋友有過之而無不及
當然都有d 貪型學琴的
去年我就有個爸 ...

如果我有時間，我都會好勤力的，聽到你果個成功嘅例子，令我又多返少少信心！

marcuscyrus

lovehimhim 發表於 12-2-9 22:48
如果我有時間，我都會好勤力的，聽到你果個成功嘅例子，令我又多返少少信心！ ...

加油!!^_^

小伊

支持妳，加油！

bbdou

各位好，睇左大家的post都有一段時間，今日鼓起勇氣留言。
我仔學緊鋼琴同大提琴，但練琴總是唔積極，求其練完交左功課就算，有時甚至講大話呃我話練左但其實冇練。老師成日話佢唔係做唔到，而係唔用心去做，我道理講過、鬧過、試過督住練過、係公司用電話聽住佢練，亦叫過佢唔鍾意練琴就不如唔好學，無謂浪費大家的時間同精神（包括老師、我同佢自己），但佢又話鍾意學，唔肯放棄。
由於我自己都好喜歡音樂，所以由去年9月尾開始，跟埋佢的鋼琴老師學琴，希望發展自己興趣的同時，可以親身做俾個仔睇認真努力去做係可以做得到，做得好。
爸爸見我學得咁高興，又話要學一樣樂器，千揀萬揀揀左最難學的小提琴，本來我諗住陪佢上堂幫手記下嘢，佢練琴時可以幫下佢，自己偷下師又練下，不過可能爸爸進度實在太慢，老師上堂時失驚無神俾個琴我叫我拉，話我要識拉至知點去幫爸爸，咁我又拉到喎，幾堂下來，老師索性教埋我一份，仲借左個琴俾我返屋企練。
我好努力練琴，差不多日日都練，個仔都見到，但佢練琴都係比較hea，我可以點做至令到佢俾多D心機呢？

lillymarie

回復 bbdou 的帖子

真係好佩服妳的毅力！
我大囝試過因為唔想練琴，幾乎同我反臉。（可能因為佢覺得彈琴辛苦困難，兼且我要求高，怕咗我又怕咗練琴）後來爸爸出聲，話唔練琴就唔交學費，唔學啦！
我地當時係好認真的，畫好個時間表，貼係牆上，練完琴就吸個印仔。
我自己亦改變啦，唔再管佢彈成點，等老師教。
同大囝講明，如果老師投訴佢無練琴，就立即唔學。
呢招對囝囝好有效，因為佢知道我地係講得出做得到的。

另外，為咗幫佢記得要練琴，我地係定咗佢每日放學返到屋企半個鐘後就練琴。多年來都係咁，一話“開工”，佢就去練琴。

bebebe12345

哈哈!媽媽、爸爸都彈得拉得練得.....那就讓你們努力好了。
孩子多大了?老說話,讓他養成每天練琴的習慣、讓他學琴有一點滿足感.....

lillymarie

“老師成日話佢唔係做唔到，而係唔用心去做”

呢句話可圈可點的，我細囝第一位老師話佢姿勢錯係因為佢懶，所以改唔到。第二位老師就話佢唔用腦，所以學過的技巧做唔返出來。第三位老師就話：媽咪唔使担心，咁既年紀唔明白係正常，諗計仔教佢就做到。細囝又真係大大地進步。

我現在聽到上邊那句話，就會停一停，想想究竟是甚麼意思。