直資 - 李宗德

hviy

有d問題冧唔通,希望各位俾d意見......小女06小一,李宗德是首選,家住屯門71網,踏入9月是各k3媽媽最緊張的非常時期,為子女選校的問題四處張羅,本來旗幟鮮明的我,現在亦被其他親朋的意見,開始有丁點動搖了,其實她們都是很疼愛小女的,對於教育的期望,亦各有不同的看法,問我點解要揀李宗德?因為我認同其教育理念,開心學習及英,普語言能力強.而作為父母的,當然希望能給她一個健康快樂的童年,在現在的经濟能力還可負担起直資的學費,希望她能沐浴於開心的校園生活,快樂而自信地成長,而從香港這地方上為孩子尋找如小說故事中的樂土,談何容易呢?
而身邊的親朋當中,有不少反對聲音認為此校沒有直屬或聯繫中學,而學習模式亦未能與其他Band1中學課程函接,担心小孩子升中時未能適應壓力而產生學習情緒,那時她畢竟己是十來歲的孩子了,所以理應在小學階段開始學習如何面對壓力和與別人競賽,融入現實弱肉强食的社會當中,而71網中亦有不少優質的津小,而又有直屬中學的,為何要放棄她的機會呢?而另外一群卻追捧名私校的,認為由屯門到天水圍上學,倒不如到九龍,至少不需要担心區問題,同學及家長的質素亦有番咁上下喎       
咁多位李宗德家長,相信你們亦嘗試過這15,16的滋味而最後選擇了李宗德,可否說說你們過去的心得,我既然咁想個囡入嚟讀,係唔係應該連自選派位都唔交表,一於來一招破釜沉舟,免日後三心兩意呢?唉....真係好想快d面試同知到結果,唔使冧咁多     

anson~ma

hi hviy,

我的想法完全同你一樣, 連朋友比的意見都一樣. 有直屬或聯繫中學的學校當然吸引, 不過你的小朋友讀書成績要好好, 全級可能要考頭30名內(我估約數), 否則亦不能入到聯繫的中學. 如果讀名校, 仲死. 我好多朋友的仔女都讀名校, 佢地話連補習都要名牌 (约8000一個月), 當然唔會日日補啦, 可能一個星期補兩至三日, 條數都好"甘". 有時唔係想搵名牌補習班, 而係其它補習班未必教到佢地. 所以名校我一早棄權. 我都住屯門, 我已決定如果"李宗德"收我個仔, 我就一定讀. 其次我會報"保良局志豪小學".只要你決定左就唔好再想.

patee

hi hviy,
我都係今年選校,如果李宗德收我個女, 我都一定讀,
因近我屋企,但自行都會交表,其實保圓我都有考慮,
但如果李宗德唔收而保圓收,我都唔想入讀,因路途
都幾遠,唔想佢咁辛苦,其實隨緣,如李宗德唔收,
就睇吓個天啦 .

直屬或聯繫中學有無都唔緊要,我有D朋友仔女讀私校,
中學派得唔好,但叩門英中都收咗,如果學習及英,普語言能力強,已可與其他Band1中學課程函接,亦見過有官校Band1生
上英中未能適應英語授課而成績下滑.所以一切隨緣la.

patee

你都見過個校長,同其他小學校長好唔同,
温文爾雅D氣質似大學多過小學校長.

WW

patee, anson ma,

我囡今年已經入讀李宗德小一了, 想起上年八月, 我已經叫叔仔幫我交申請表到李宗德, 九月幼兒園就派表格給家長填報小一, 我照樣填好交回心儀的官校, 當時我心想, 如果李宗德唔收我囡, 就要睇下我囡o既運氣喇. 九月尾收到李宗德約見o既信, 心情開始緊張喇, 時常同個囡講面試要點要點, 十月初終於都面完試, 過幾日就有結果. 公佈結果當日要自己上網睇, 我七點已經上網, 點知都未見公佈, 又打電話去學校問點解重未有, 心情真係好心急, 後來知道收左我囡, 我真係放下心頭大石.  後來重要到李宗德簽署一張放棄政府派位o既表格, 經學校交到教育署, 一經簽署, 我囡就沒有資格得到政府派位了, 一切落實之後, 成個人都輕鬆晒, 唔駛再擔心個囡唔知會讀邊間學校.

希望我囡往後六年都一樣可以好似係幼兒園咁, 從愉快環境之下學習啦.  

CKC

我兒子過了2星期的小一生涯, 英文老師已同我講他很喜歡出來做戲 (英文故事的角色扮演), 阿仔同我講已做過2個角色, 一日做Tommy, 一日做旁述, 你話丫, 係唔係間間小學都有得俾機會d 小朋友出來表演, 從而訓練小朋友的自信及表達能力, 這對於小孩將來去面對升中面試甚或去見工, 都有正面的幫助.

另有鄰居的小孩讀天天, 上星期已6樣功課, 另一個讀光明, 有4樣功課並於本星期已開始默書, 相對於他們, 小兒每天得一至二樣功課, 10分鐘內做完, 其他時間可以睇課外書, 比起鄰居的小朋友, 小兒真係開心好多喎!

CKC

好記得李宗德的校長講過, "愉快學習" 絕對唔係掛住玩唔去學, 而係好開心地學, 好想去學, 鍾意去學習, 咁既學習方式只會令小朋友學多d , 唔要學得少過人!       

Charlotte_Hung

Hi Hviy,

我個囝囝今年在李宗德讀小一，回想舊年替他選校時，也跟你一樣不知如何決擇，最後我替他報了三間直資及一間私學，選校方面以愉快學習、活躍思維及鞏固兩文三語為原則；至於自選官津校，雖無心水學校但都有交表。

我個人認為李宗德能夠做到令小朋友喜歡學習及上學、愛思考、善表達、鞏固兩文三語的基礎，雖然李宗德並不是出名的"名校"，但我相信絕對是一間好學校。

hviy

anson-ma, patee, WW, CKC,

好多謝你地嘅寶貴意見,在我而言,並非"直資=好學校",所以就算保圓咁近我屋企,我都無考慮,因為佢暫時給我的感覺只有"亂",同埋己開始罰學生了,雖然我唔担心我個囡會被罰,因為佢都算乖和聽話,我就唔鐘意d老師 ,我覺得所有小朋友都係受軟唔受硬嘅,只要俾多d愛心同時間去同佢地溝通點都好過罰,而徵罰的反效果係阻礙小朋友的發展空間.
雖然仲未收到interveiw信,唯有叠埋心水等啦....

jumama

Hi

如果話担心因小學無壓力而升中後未必承受得起壓力, 我個人覺得既然日後有咁多壓力同難題, 就等囝囝囡囡開心地過呢個小學階段, 升中後, 同佢哋一齊面對&比更多支持。

至於一條龍呀, 聯繫等, 教署的嘢經常改, 唔知將來會點, 無謂諗咁多, 越諗越悶。

BrianMami

CKC 寫道:
今日派了一日一篇英語閱讀計劃, 對學業成績有幫助嗎? 我本來認為幼童經常要使用電腦非常反感, 但又有些無奈, 我最唔願見我的小孩跟電腦做朋友, 哎, 無奈又寫了支票給他明日交!

肯做既有幫助, 電腦有聲, 生動d, 應該重有中文每日一篇.

BrianMami

CKC 寫道:
你話丫, 係唔係間間小學都有得俾機會d 小朋友出來表演, 從而訓練小朋友的自信及表達能力, 這對於小孩將來去面對升中面試甚或去見工, 都有正面的幫助.

深有同感, 舊年做商場 project, 阿仔返黎話做左presentation, 叫佢係我面前做多一次, (係全程用煲冬瓜), 睇到我眼定定~~~ 我見到我個仔好似係10多20年後係office present緊  product 咁, (好定,好成熟,)個心好激動,  佢話唔知點解一出到去好似上左身咁, 講到唔停口. 所以講語文係要浸既, 學習環境好緊要. 如果係普通學校根本唔會有咁既效果,  我地係學習點去學野即"終身自學能力", 由學習開始~吸收~再用番出黎, 有壓力ka, 識去用腦, 訓練自信及表達能力,唔會做"高分低能".

星期5有冇家長會返去聽"管樂團"表演?? 順便睇埋花燈設計.

winma

Hi hviy,
請問保圓的老師點罰學生呀？Ｄ老師是否無經驗教小一？

hviy 寫道:
anson-ma, patee, WW, CKC,

好多謝你地嘅寶貴意見,在我而言,並非"直資=好學校",所以就算保圓咁近我屋企,我都無考慮,因為佢暫時給我的感覺只有"亂",同埋己開始罰學生了,雖然我唔担心我個囡會被罰,因為佢都算乖和聽話,我就唔鐘意d老師 ,我覺得所有小朋友都係受軟唔受硬嘅,只要俾多d愛心同時間去同佢地溝通點都好過罰,而徵罰的反效果係阻礙小朋友的發展空間.
雖然仲未收到interveiw信,唯有叠埋心水等啦....

winma

我都係覺得保圓Ｄ老師態度嘛嘛，簡介會後想問下老師問題，Ｄ老師又話時間有限唔願answer questions   學校咁新比家長問清楚對自己收生都有利啦，所以我都唔喜歡這間直資，情願去遠Ｄ。希望入到李宗德啦！

winma

Hi Charlotte_Hung 及各位李宗德家長,
你們滿意該校師資嗎？可否分享一下！
Thanks

Charlotte_Hung 寫道:
Hi Hviy,

我個囝囝今年在李宗德讀小一，回想舊年替他選校時，也跟你一樣不知如何決擇，最後我替他報了三間直資及一間私學，選校方面以愉快學習、活躍思維及鞏固兩文三語為原則；至於自選官津校，雖無心水學校但都有交表。

我個人認為李宗德能夠做到令小朋友喜歡學習及上學、愛思考、善表達、鞏固兩文三語的基礎，雖然李宗德並不是出名的"名校"，但我相信絕對是一間好學校。

  

WW

Charlotte, CKC,

妳地囝囝讀邊班呀?

-joejoelam

BrianMami,
星期五我都去呀!

Charlotte_Hung

WW,

我個囝囝讀1Ａ班。

Kennis115

我個女今年升小學, 而我對李宗德都有興趣, 但聽講唔收單親學生, 請問是否有此事? 我都會試下.
而對於保圓我都唔係咁鍾意, 因為我上星期六去參觀學校環境時, 個校工帶我去校長室問題時, 校長坐在室內, 而我站在門外同校長對話, 我覺得佢無嘜禮貌

hviy

win ma,

三個小一生在音樂課傾偈=罰企    =保良局教學法-嚴!!!!