請問有冇小朋友學過公文式既媽咪可以分享一下? (Part 2)

十月媽咪

Yau_Cheung,

cut中文只係第一步, 我既plan係會cut埋英文, 最後只淨番數學! 但阿女話佢真係想攞埋年尾個牌至cut, 唉....頭痕!

原帖由 Yau_Cheung 於 09-9-9 15:49 發表
hi 阿十,

如果真係唔夠時間睇書&練樂器, 要cut 一科都無辦法。如果都係太忙，我都會考慮cut 英文。

可以留番少少時間睇書 & 多少少時間練琴!

pkt

十月媽咪
我想問下為何你會將公文數留低呢? 我知有好多人認為公文中英都好好, 反而升上小學會唔學公文數, 因為太多操練, 無得變通.

我好想了解一下你既睇法, 讓我有個參考. 謝謝!

原帖由 十月媽咪 於 09-9-9 15:59 發表
Yau_Cheung,

cut中文只係第一步, 我既plan係會cut埋英文, 最後只淨番數學! 但阿女話佢真係想攞埋年尾個牌至cut, 唉....頭痕!

Yau_Cheung

hi 阿十,

好奇一問如果只夠時間讀一科，點解揀數唔揀 language 呢?  個人認為，數與 language especially 英文同樣重要。

原帖由 十月媽咪 於 09-9-9 15:59 發表
Yau_Cheung,

cut中文只係第一步, 我既plan係會cut埋英文, 最後只淨番數學! 但阿女話佢真係想攞埋年尾個牌至cut, 唉....頭痕!

十月媽咪

pkt & Yau_Cheung,

其實我想三科都cut晒佢的, 但數學....掙扎緊...至於語文...點解我覺得可以cut呢? 中文....我女已經BII喇, 而家每一份, 都係文章, 而每一份既文章, 都唔係佢認知範圍既野, 亦都可以咁講, 根本同佢生活無關...FOR佢唻講, D內容太深, 某校長曾經講過, 一個初小學生, 認字量大概係千五, 但我可以好肯定我女...已經OVER呢個數字, 佢最大既問題, 唔係響認讀方面...佢最大既問題, 係佢真係無興趣講, 無興趣去運用佢學左既野! 而最慘既係...公文中普通話嗰個老師...最近成日話佢讀得唔好, 近呢兩堂直頭話佢讀得差...阿女好挫敗感....阿女話: 老師話我讀得差, 咁我就係差架喇...我肯定係讀得最差嗰個唻架喇! (唉..有少少自暴自棄既感覺)

今晚, 個女同我講: 媽咪...其實老師畀左好多次機會我讀好D, 不過我真係跟唔到CD嗰個速度, CD讀得太快, 但我讀得好慢, 我試左好多次架喇, 不過我真係跟唔到....(其實我都知佢盡左力去讀準每個音, 盡力跟CD既速度去讀, 但升左小學之後, 朝朝五點九起身, 四點三走去上公文, 雙眼都合埋咁滯喇, 仲鬼有心機讀咩, 何況要求佢讀到好似CD咁既效果丫...真係...搵唻搞!), 但奈何, AII打後, CD讀課文既速度係好快既, 跟本我覺得唔係一個五歲幾既小朋友可以跟得足....但老師就當佢好大個咁, 要佢跟到CD咁讀....讀唔到, 就話佢讀得差, 真激 死...所以我諗...既然個女既認字量, 寫字量等已經儲左一定數目, 佢差在無一個人可以鼓勵到佢多講....所以我寧願CUT左公文中, 改為每星期上一D以普通話ORAL為主既堂畀佢上, 希望老師可以引發到佢講普通話既勇氣 & 興趣吧!

實不相瞞, 當初畀佢讀公文中, 都係因為學校教既識字量太少, 我怕佢升到小學, 課文又睇唔掂, 題目又睇唔掂...但開學就快兩星期, 呢兩星期, 所有功課都係佢自己完成, 噚日做晒D功課之後, 仲玩背默中文課文兩篇, 標點符號啱晒, 字啱晒, 一字不漏的將兩篇課文背默番出唻...既然佢都已經可以做到咁咯, 我仲日日要佢做完又做一D OUT OF 佢需要既文章做咩呢? 我寧願佢多D時間睇書, 做下其他練習, 見識下唔同既文章 & 問題好過喇!

至於英文...英文佢做到LEVEL G尾, 實質上係幾多年級既野呢? 我真係唔知....但我只知...佢係做到熟, 而未必真係理解嗰D句式點樣運用 & 唔多清楚響咩情況下運用, 一唻我屋企係全廣東話的, 二唻....我都問自己, 當初畀佢讀公文英, 都係因為學校太淺, 而我TARGET既小學都係傳統學校, 我唔想小學嗰陣, 個個星期串字串到嘔泡....而公文英, 響潛移默化下, 令佢識左好大量既生字, 佢自己打開學校既英文書又好, GS書又好, 佢都認到讀到解到串到...

但同普通話既情況係一樣...EVEN佢做到晒呢D野, 但佢始終講唔到, 一唻無勇氣講; 二唻怕羞唔肯講! 就算講, 一句起, 兩句止....所以....響我要既野已經得到之後, 我就想將學公文英既錢, 轉去學GRAMMER & WRITING + ORAL! 有專科老師解釋畀佢聽嗰D句式幾時運用, 點運用, 相信會好過佢日日麻木咁抄一堆句子吧!

最後係數學, 暫時留數學, 係因為有一種食之無味, 棄之可惜既感覺...而家佢做到除數 & 分數....而我好深信, 佢一但放低呢D數, 到幾年後, 佢響學校再學嗰陣, 會係要重新PICK UP番的, 所以放棄既話, 感覺有點嘥! 或者....將來響佢潛意識入面已經有呢D數既概念, PICKUP起上唻會比別人容易....但我同爹哋都覺得, 響佢仲應付到既情況下, 畀佢KEEP住學, 係一件好事...而最低限度, 雖然話公文數係操練, 係死板, 但因為佢有學埋公文中英, 所以響理解文字題嗰陣, 佢問題不大, 再加上運算快而準, 佢每日做數學既功課係做得最妥當, 亦係最快!

不過最終...可能都會CUT埋公文數的, 但都想佢完成公文既小學課程, 即係LEVEL F先, 仲有兩個LEVEL, 希望捱得到吧!

放心啦, 我知道中英文都係好重要的, 我唔係放棄個女既中英文, 只係我覺得佢有其他需要, 所以轉換下學習既形式吧!

原帖由 pkt 於 09-9-9 17:05 發表
十月媽咪
我想問下為何你會將公文數留低呢? 我知有好多人認為公文中英都好好, 反而升上小學會唔學公文數, 因為太多操練, 無得變通.

我好想了解一下你既睇法, 讓我有個參考. 謝謝!

...

[ 本帖最後由 十月媽咪 於 09-9-9 20:51 編輯 ]

SumSumBB

原帖由 十月媽咪 於 09-9-9 15:59 發表
Yau_Cheung,

cut中文只係第一步, 我既plan係會cut埋英文, 最後只淨番數學! 但阿女話佢真係想攞埋年尾個牌至cut, 唉....頭痕!

一cut就無得攞牌架？咁如果阿囡keep住數，咁中英個牌有無得攞？

十月媽咪

其實我唔SURE仲有無得攞牌架, 不過...配合個女既實際需要, 點都緊要過攞牌啊!

原帖由 SumSumBB 於 09-9-9 21:15 發表


一cut就無得攞牌架？咁如果阿囡keep住數，咁中英個牌有無得攞？

carina246

Hi Yau Cheung,

學cello的話，可以考慮到演藝學院，我上星期問過，九月中有班，仲有位！至於double base....！要在家裏擺放一個來練習，幾阻地方吓喎，而且外面揾老師相信幾難吓！
學violin可能方便啲。

原帖由 Yau_Cheung 於 09-9-7 13:58 發表
hi fyeung,

幫你updated左啦! 不過真係幾慢，有冇電腦叻既 mami 可以想想辦法？

囝囝好鐘意新學校，仲話希望做最乖嗰個令老師最錫佢，上星期有一天老師比左2個sticker 佢，一個係"good boy"，另一個係"golden star"，佢非常開心， ...

carina246

十，

暑假後我都cut哂公民囉，數學做到D50幾，英文亦沒有按centre要求考BII嘅升級試，事實上上小學後真係冇哂時間用，功課加埋親子閱讀(學校要求最少每月平均閱讀約8本書)，總不能叫小朋友由朝讀到晚，惟有作出取捨啦！:cry:

原帖由 十月媽咪 於 09-9-9 20:49 發表
pkt & Yau_Cheung,

其實我想三科都cut晒佢的, 但數學....掙扎緊...至於語文...點解我覺得可以cut呢? 中文....我女已經BII喇, 而家每一份, 都係文章, 而每一份既文章, 都唔係佢認知範圍既野, 亦都可以咁講, 根本同佢 ...

LILY媽咪

阿女當初做3a做十頁, 又係做到無晒心機, 成日睇住仲有幾多版完成, 喊晒口, 後未老師同她減到5頁, 她即刻有心去學去做去想, 老師講因她唔熟咪無信心, 直到宜家都係5頁, 慢慢做.

原帖由 easonkinki 於 09-9-9 00:49 發表
想問升k2的家長:
我仔仔而家計緊加數,剛開始英文,自從計+2開始,成個月日日做功課都好慢仲成日問我:唔做得唔得/咁多功課要做架/做埋呢頁唔做住得唔得,
聽到我個人都發火,今日終於忍唔住好恨咁片佢,我係咪應該同佢減張 ...

LILY媽咪

分析得好清楚, 文字有一定認識, 轉去oral再進一步都好.

原帖由 十月媽咪 於 09-9-9 20:49 發表
pkt & Yau_Cheung,

其實我想三科都cut晒佢的, 但數學....掙扎緊...至於語文...點解我覺得可以cut呢? 中文....我女已經BII喇, 而家每一份, 都係文章, 而每一份既文章, 都唔係佢認知範圍既野, 亦都可以咁講, 根本同佢 ...

十月媽咪

LILY媽咪,

係呀, 我就係覺得, 文字已經有一定認識, 既然ORAL係弱既, 就係時候轉一轉喇, 再做上去, 都唔會對ORAL有幾大幫助, 畀佢對住D字識讀晒又點呢? 要佢識得講番出唻至得架嘛, RIGHT?! 既然佢普通話 & 英文既ORAL都弱, 咁就要留番D資源去改善呢方面喇! 不過咁...最重要仲係...ORAL係落堂後無手尾跟 (即唔駛做功課), 唯一既手尾係...我地做父母既, 都要響屋企多D同佢講至可以事半功倍!!

原帖由 LILY媽咪 於 09-9-9 22:37 發表
分析得好清楚, 文字有一定認識, 轉去oral再進一步都好.

十月媽咪

carina246,

係呀, 開學之後, 真係好鬼忙...呢兩星期仲要係放一點, 但返到屋企做三科公文, 又要練琴, 全部都係要好花時間&精神既, 根本佢既精神狀態係handle唔到, 勉強捱落去, 大家都辛苦! 下星期開始仲要放三點, 返到屋企四點...如果放學後再直接上公文, 唉....嗰個疲累既狀態, 點可能做到老師既要求吖....仲係算吧!

原帖由 carina246 於 09-9-9 22:17 發表
十，

暑假後我都cut哂公民囉，數學做到D50幾，英文亦沒有按centre要求考BII嘅升級試，事實上上小學後真係冇哂時間用，功課加埋親子閱讀(學校要求最少每月平均閱讀約8本書)，總不能叫小朋友由朝讀到晚，惟有作出取捨啦！:cry:

...

fyeung

Yau_cheung, carina246 & 阿十,

上左小學,同你地架conclusion一樣:忙!!
成日都好似同個鐘比賽咁,要睇住幾時做咩,做咩.我都諗過睇囡囡做得幾耐,而決定cut公文數.我想佢做埋C乘數,不過睇下到時架情況.

學阿十話齋,有時放左學上課外活動,佢真係烏下烏下.而且上公文目的,係要佢快D完成功課,自學自習.so far,佢都係做完左功課等我返屋企check(始終而家d功課唔多),又要有小小時間練琴,又要瞓之前講故仔,又唔可以遲瞓,又怕佢無精神.....大家一齊努力!!

carina246,

多d上黎傾,up-date下你的情況!

原帖由 十月媽咪 於 09-9-10 07:15 發表
carina246,

係呀, 開學之後, 真係好鬼忙...呢兩星期仲要係放一點, 但返到屋企做三科公文, 又要練琴, 全部都係要好花時間&精神既, 根本佢既精神狀態係handle唔到, 勉強捱落去, 大家都辛苦! 下星期開始仲要放三點, 返 ...

十月媽咪

fyeung,

唉...噚日太攰, 份公文英做唔切, 我原先打算索性今日唔交一份的, 但阿女話叫我校個鬧鐘校早d, 佢今朝早d起身做!

如是者, 今朝鬧鐘都未響, 佢已經起身自動波刷牙洗臉痾wee wee, 搞掂晒就自己做埋份公文英, 邊做邊等我煮好個早餐....做完仲施施然食早餐, 施施然拎PE衫褲入房換!

我覺得....上左小學之後, 公文FOR佢唻講, 已經唔係樂趣, 而係壓力, 佢唔係唔想一放學就做晒D公文, 但著實佢真係無咁既精神去做....而佢今朝咁生性既表現, 更加令我下定決心要CUT左佢....等佢安心瞓到鬧鐘響至起身, 唔好瞓覺都記掛住有D野未完成, 好可憐!

原帖由 fyeung 於 09-9-10 07:45 發表
Yau_cheung, carina246 & 阿十,

上左小學,同你地架conclusion一樣:忙!!
成日都好似同個鐘比賽咁,要睇住幾時做咩,做咩.我都諗過睇囡囡做得幾耐,而決定cut公文數.我想佢做埋C乘數,不過睇下到時架情況.

學阿十話齋,有 ...

Yau_Cheung

hi carina246,

唔該曬!!

原帖由 carina246 於 09-9-9 22:09 發表
Hi Yau Cheung,

學cello的話，可以考慮到演藝學院，我上星期問過，九月中有班，仲有位！至於double base....！要在家裏擺放一個來練習，幾阻地方吓喎，而且外面揾老師相信幾難吓！
學violin可能方便啲。

...

Yau_Cheung

hi 阿十,

睇完曬你囡囡既情況, 我都非常認同你既選擇。 你囡囡會去邊度學oral & 寫作呢?  因為我都想比囝囝上寫作班。

原帖由 十月媽咪 於 09-9-9 20:49 發表
pkt & Yau_Cheung,

其實我想三科都cut晒佢的, 但數學....掙扎緊...至於語文...點解我覺得可以cut呢? 中文....我女已經BII喇, 而家每一份, 都係文章, 而每一份既文章, 都唔係佢認知範圍既野, 亦都可以咁講, 根本同佢 ...

Yau_Cheung

阿十,

雖然有媽咪唔贊成比小朋友睇電視，但我覺得適量既英文&普通話卡通片(電視/電影)對小朋友既語言發展都好有幫助架!

原帖由 十月媽咪 於 09-9-10 07:12 發表
LILY媽咪,

係呀, 我就係覺得, 文字已經有一定認識, 既然ORAL係弱既, 就係時候轉一轉喇, 再做上去, 都唔會對ORAL有幾大幫助, 畀佢對住D字識讀晒又點呢? 要佢識得講番出唻至得架嘛, RIGHT?! 既然佢普通話 & 英文既ORA ...

Yau_Cheung

唔好再勉強啦, 學習應該係樂趣, 大家都希望小朋友終身學習, 唔好嚇怕佢。

原帖由 十月媽咪 於 09-9-10 08:10 發表
fyeung,

唉...噚日太攰, 份公文英做唔切, 我原先打算索性今日唔交一份的, 但阿女話叫我校個鬧鐘校早d, 佢今朝早d起身做!

如是者, 今朝鬧鐘都未響, 佢已經起身自動波刷牙洗臉痾wee wee, 搞掂晒就自己做埋份公文英,  ...

carina246

Yau_Cheung,

You are welcome!:D

fyeung & 十,

仔仔今個星期已上full-time了，每朝6點起床，下午近4點才回到家，9點幾上床睡覺，減去下午茶、吃飯及沖涼等時間，最多剩下3個小時左右，每天已安排了一項活動，其余時間(如有)都希望是小朋友過得開心的，時間原來真是不够用！:cry:

pkt

十月媽咪
可能你囡囡係公文中英超越太多學年, 以致佢係唔可以再係呢個課程上前進. 按佢需要轉學其他係好正常. 最重要係知小朋友既強/弱項而幫佢.

另外睇完大家既經驗之談, 可能係幼稚園階段學公文係黃金期, 我個人都好怕面對小朋友小學生活.