07-08年宏福幼兒園媽咪繼續入o黎傾~(PART 4)~歡迎新朋友加入

hongmimi

rplyan,
d飛滋點呀? 係咪痛到出唔到聲?

ElainAiolia，
唔好勞氣，俾d時間子聰習慣戴眼鏡，初初戴都真係幾唔慣，好似有d野阻住視線咁! 等我地多d讚佢戴眼鏡好靚仔佢就肯架喇~

妳畫班個女仔係咪成日由一個婆婆接送架? 因我係樓下見過幾次一個都係畫班學野既女仔同佢婆婆呀! 妳地覺得生活XX教畫畫有咩問題?妳地而家唔係Miss Lam教咩(大肚果個)? 可唔可以講俾我聽?  

今朝一落，撞完鈞渝一家三口，出黎又撞到妳，好彩撞到唔痛，唔係痛兩次都幾金，哈哈!

hongmimi

天藍，
呵呵呵~估唔到大家對我咁有興趣~~

戴太陽眼鏡個樣係點? 咪無眼睇囉…

斧山道泳池近牛池灣，兒童玩玩設施超正，唯一可惜無家庭室。

pcdogxx，
匡匡早幾日已經有d鼻水，咳時聽到好多痰，擒日朝話好攰唔肯返學，婆婆都話怪怪地，仲鬧鬼佢扮野知我同匡爸放假承機扭計。放學都係呆呆地架，到下午我地話帶去游水佢又好似成個人醒晒咁。點知擒晚半夜三點幾突然坐起身喊，婆婆摸下微微燒，食過退燒藥今朝又好似無事但好攰又唔肯返學，於是終於開學後第一次請病假。睇過醫生話佢d痰走左入個肺，有少少肺炎要食抗生素。到而家d燒都燒下退下，好似樹熊咁撻住婆婆。

唔好意思可能我地聽日唔可以黎生日會，我要睇情況，再通知妳。

626mama，
擒日下午好好陽光，但上水確有d涼，我已經一上水即刻毛巾褸住佢，以為會俾婆婆鬧，點知婆婆話唔關事，話佢前日都已經有d唔妥，婆婆知佢「籠」野，因佢平時無事無幹一定無時停泵泵跳，前日朝一反常態「攤」係度、C下C下咁，都心知不妙 。

[ 本帖最後由 hongmimi 於 08-10-17 12:44 編輯 ]

626mama

domyoji ,

妳買平平地果d斗篷，出年反正都要著。

我睇反學校0的相，成班得一兩個冇著萬聖節衫。
個個有得著，自已冇得著好滲咁嫁。

原帖由 domyoji 於 08-10-17 12:01 PM 發表
HELLO

小女岩岩入讀NI班, 收到通知10月31日萬聖節可以著應節服飾, 想問下你地仔女上年是否大多數都會著, 因為覺得只著一次都好貴, 有無MAMI可以借出或平賣?

PS 細碼女仔

THANKS ...

626mama

hongmimi,

妳真係有人緣，撞完鈞渝一家三口，又撞
到EalinAiolia!

匡匡仲咩生日病呀，痰走左入個肺，有少少肺炎
要食抗生素。燒下退下，希望匡匡快d好反啦。
祝早日康服。明天生日會見到匡匡啦。比匡匡
訓多d，休息多d好得快d嫁。

係呀，通常上水都涼涼地，小朋友係咁，有得玩
有就冇野。

domyoji

都係LOR, 都係要應下節

626mama

EalinAiolia,pcdogxx,

妳地昨天回家，還有沒有幫個公仔剪埋下半場呀。
我今早帶左個公仔頭番公司放左係 木台 低，剛
剛睇都係干左九成，可能 木台 低吹唔到風啦。
九成干都算喇，我幫個公仔梳了兩條辮才放好佢，
怕下次個頭好亂，又要梳餐包。

我今朝幫個公仔眼度痴貼紙，原來...痴唔到，
都唔痴。一痴上去就甩。要想過第二個方法喇。


pcdogxx,

妳昨天係咁話好好玩，好好玩，有冇回家幫個
公仔梳辮仔呀。係就梳多兩次，個公仔頭髮會
越來越短，到時冇得玩梳辮仔嫁喇。


EalinAiolia,

妳昨天剪靜兩舊，有冇剪埋佢呀，唔好比個
公仔嚇親子聰呀。

天藍

hongmimi,

多謝你告知斧山泳池既地點比我o黎
個大鄉理知, 以家天氣開始涼, 下年一
定要同昊藍去玩下水先~
匡匡病左可能游水涷親, 要好好休息, 準
時食藥, 如匡匡明天去唔到鈞渝生日會我
地大家會好失望, 但明白身體要緊, 所以
明天匡匡唔出席亦可體諒, 希望匡匡會早
日康復!

原帖由 626mama 於 08-10-17 14:09 發表
hongmimi,

妳真係有人緣，撞完鈞渝一家三口，又撞
到EalinAiolia!

匡匡仲咩生日病呀，痰走左入個肺，有少少肺炎
要食抗生素。燒下退下，希望匡匡快d好反啦。
祝早日康服。明天生日會見到匡匡啦。比匡匡
訓多d，休息多d好得快d ...

天藍

All mama,

今早收到"苡樂"媽咪既email通知
"苡樂"同"文浩"佢地兩個家庭都會
去1/11既BBQ,好熱鬧! 昊藍又可
同宏福舊同學仔聚舊, 好開心~

626mama,

我想問文浩以家係咪都係係宏福
讀? 因我無文浩媽咪電話, 係苡樂
媽咪聯絡文浩, 所以八卦問下你知
唔知?

ElainAiolia

domyoji,
其實唔需要買好貴，同埋唔好買套裝衫，因出年小朋友大個o左會唔o岩著，我舊年買o左件南瓜人斗縫連埋帽 (黑色底金色圖案)、重有埋個橙色南瓜人手挽袋，好似 $4X - $6X- 左右 (D mama話係花園街買會平D同多D選擇)，今年再攞番出o黎試著，都o岩身。

你真係唔好唔同佢打扮參加學校呢類應節活動，因為佢o地個心靈好脆弱，雖然佢o地仲係好細，好似乜都唔識，但其實佢o地個心係知，只子過唔識表達出o黎。

626mama

天藍,

歡迎多兩個家庭一齊去BBQ。

文浩K1已經轉校，文浩不在宏福讀書了。
我也沒有文浩媽咪電話，妳試下問苡樂
媽咪聯絡文浩先得喇。

原帖由 天藍 於 08-10-17 03:04 PM 發表
All mama,

今早收到"苡樂"媽咪既email通知
"苡樂"同"文浩"佢地兩個家庭都會
去1/11既BBQ,好熱鬧! 昊藍又可
同宏福舊同學仔聚舊, 好開心~

626mama,

我想問文浩以家係咪都係係宏福
讀? 因我無文浩媽咪電話, 係苡 ...

ElainAiolia

hongmimi,
果個畫班女仔好似成日都係由婆婆 / 嫲嫲帶，佢係搭我o地果邊lift。

畫班果度而家由新o黎o既Miss Wong教，因Miss Lam就o黎放產假。我同天藍都覺得Miss Wong而家教佢o地畫畫，全部都一式一樣 (連顏色都一樣)，以前係比佢o地自己揀顏色，所以以前D畫就算同一主題，但四幅都會唔同顏色，就算D色襯得幾咁核突 ，Miss都會話比佢o地知，等佢o地再揀過。另外，油水彩會由得佢o地自己油，就算子聰果時唔識，油o黎油去都係同一個位，搞到張畫紙起晒粒粒，Miss Tse都係捉住子聰隻手教佢油一、二次，之後都係叫佢自己油番同埋留意子聰有無改善咁。但pcdogxx話鈞渝畫畫時，幅畫仲有D窿窿，佢見到Miss Wong自己用支筆幫鈞渝補埋D窿窿，而唔係教佢，所以我o地諗住反映o下o者。

今朝又真係咁o岩撞到你，你咁晏係o米遲到先 ？

哎喲匡匡病o左 ，呢D天氣真係要小心D，肺炎通常都會有D發燒，希望佢快D好番，又可以周圍跑跳，唔好要人擔心。雖然我o地好想鈞渝個男朋友仔o黎同佢慶祝生日兼同D小朋友見o下面，不過身體要緊，仲有唔舒服就休息o下。

ElainAiolia

626mama,
我尋晚返到屋企已經將成袋o野放埋o左一邊無理，因我未諗到將個頭夾係邊度剪好，所以唔理住。你又好心機吹乾個頭不特止，仲同佢紥辮。原來痴貼紙落對眼度係痴唔實，真係要諗第二個方法至得。

pcdogxx,
係呀，你真係好趁呢個機會練多D紥辮，如果唔係第二時剪短晒，就無得練lu 。

天藍,
好o野 ，又多2個family一齊玩lu。

hongmimi

ElainAiolia/626mama/pcdogxx,
妳地學剪髮果度終於可以落剪喇~ 仲要"做家課"拎埋返屋企搞~

聽妳地講，又可以幾好玩喎~

原帖由 ElainAiolia 於 08-10-17 16:31 發表
626mama,
我尋晚返到屋企已經將成袋o野放埋o左一邊無理，因我未諗到將個頭夾係邊度剪好，所以唔理住。你又好心機吹乾個頭不特止，仲同佢紥辮。原來痴貼紙落對眼度係痴唔實，真係要諗第二個方法至得。

pcdogxx,
係呀，你真係 ...

天藍

626mama,

我剛入yahoo睇新聞見剛post出來,
泰林電器今天下午全線結業, 你有無
係個到訂到電器? 因你快要搬屋, 希
望你無啦!
網址如下, 入去睇下新聞:-

http://hk.news.yahoo.com/article/081017/4/8rq2.html

泰林全線結業
(明報)10月17日 星期五 16:50

有62年歷史的泰林無線電行宣告全線結業，在各區12間店舖已關門。

hongmimi

ElainAiolia，
今朝同完婆婆講電話，要打番學校請假跟著又打俾校車姨姨傾左陣，因佢會幫我攞手冊(逢星期五派)、通告同功課(而家每日都有功課)，公公放學去接校車處拎。所以咪遲左落樓囉! 妳就好啦! 放大假...

咁我諗妳講果女仔就係我見到果個女仔喇!

原來係咁! 乜Miss Lam咁快放產假呢咩? 好似個肚唔係好大左喎! 不過等新老師同小朋友早d適應都好既。新老師Miss Wong又會咁既? 妳地家長望住佢都幫鈞渝補窿窿? 唔望住會唔會幫佢油晒?不過可能佢無咁好經驗，唔知咁樣對小朋友唔好無進步，希望經妳反映，會好d，唔再有問題啦!

話時話，妳地上個禮拜(匡匡生日會果日)上畫班時係咪同過老師講匡匡下晏開生日會? 因為12號我地去上堂，個個見到匡匡都問：你擒日開生日會呀? 嚇到我地一跳心諗點解佢地會知連文文媽咪都知~

626mama

EalinAiolia,

想下想下，妳都可以唔洗係屋企剪埋個頭，
下次準時反學，妳就攞出來剪，剪得黎都
未開始上堂。
我本應有得佢到下星期，不過又怕又D味，
所以掉落 木台 低有得佢干囉。
紥辮仔係費事下個星期又梳來梳去都唔順。

626mama

hongmimi,

唔記得話比妳知添，上次信興張紙，軒爸話電視
唔見意買，所以冇野買，唔該晒。

係呀，學剪髮果度終於可以落剪，不過D人好
衰，師傅一教，佢地就企晒去前便，攪到
我地都睇唔到。仲叫極都唔坐低‧真係想打佢。

626mama

天藍,

我睇到妳個POST 5:30剛剛都聽到收音機講，
泰林電器今天下午全線結業。

放心啦，我咩都未買，得個睇字。

rplyan

All mami,

這個變態醫fay滋方法都唔錯, 我已差不多好返哂啦, 多謝各mami 教路, 現在講野總算正常.  thank you!

domyoji

ElanAiolia

多謝提供意見, 都係要花d心思, 幫佢扮下, 等佢返到學校都開心d

thank you

原帖由 ElainAiolia 於 08-10-17 16:28 發表
domyoji,
其實唔需要買好貴，同埋唔好買套裝衫，因出年小朋友大個o左會唔o岩著，我舊年買o左件南瓜人斗縫連埋帽 (黑色底金色圖案)、重有埋個橙色南瓜人手挽袋，好似 $4X - $6X- 左右 (D mama話係花園街買會平D同多D選擇)，今年 ...