07-08年宏福幼兒園媽咪繼續入o黎傾~(PART III)~歡迎新朋友加入

ElainAiolia

Dear all mami,
我未知下星期返工o既時間，要你o地就我真係唔好意思呀 ，等我一知道返工o既時間，再話你o地知邊日得呀 。

我又prepare o左D奧運小禮物比你o地D小朋友 ，下次mama聚會我會攞埋出o黎比你o地，大家千祈唔好客氣呀！

pcdogxx,
鈞渝張新相好正呀 ，子聰都忍唔住講o左句：「小鈞渝好靚女呀。 」 (絕無吹水)

有無去到megabox影相呀？

鈞渝咁心急返學唔理你衝o左入去，不過都係好事，總好過佢扭計 。

626mama,
點解你個爐無聲氣o架 ？

pcdogxx / 626mama,
我同天藍已經係畫班度幫你o地留o左位，係星期六 11:30 a.m. – 12:45 p.m.，但因暫時未有位，要等有空缺先再通知你o地，我已留o左軒軒同鈞渝個名及你o地個手電比畫班果度，一有位佢o地會通知你o地，我亦會幫你o地留意o下。

ElainAiolia

hongmimi,
你o地三個走去睇戲居然係入面瞓覺 ，匡匡仲要散場開燈先至醒 ，你o地真係好攰o咼 。

匡匡咁快識到同班同學兼可以一齊搭校車，我諗佢o地好快就好friend。匡匡真係o力仔 ，返學無扭計不特止，仲識報串比你知學校入面D情况 。

carcar418,
你好！

宏福都算OK o架，只不過行政差D。無話幾多歲報名o既，總之佢o地大約9月份開始收報名表，越早報名o米越早可以安排interview，相對o黎計，收讀上午班o既機會率o米高D o羅。而讀Nursery必須足2歲先可以返學，即是話大約1歲左右要開始幫小朋友揾幼兒園la。

天藍

pcdogxx,

鈞渝好叻女咁快就適應學校生活, 仲唔理你咁快走入
學校, 正明鈞渝係學校好開心, 如唔係點會咁快走入
去, 咁你真係可以安心, 因鈞渝咁鍾意返學, 叻女!

hongmimi,

匡匡又係咁叻仔, 無哭落校車仲咁乖仔一個跟一個,
仲識同你講埋學校入面既情況比你知, 真叻仔
匡匡咁叻第時學校發生乜事你都唔使怕唔知, 因你
有個咁醒目同叻既仔仔同你講番!

ElainAiolai,

你真客氣, 成日都買咁多禮物仔比我地既小朋友,
多謝!!! 我今日放假都同咗昊藍就圍行下街, 都買
咗d小禮物比你地, 下次我地活動人齊, 一次過先
比你地, 成日都收你地d禮物, 我都要回下禮~

626mama,

做乜你個焗爐無咗聲氣? 你要唔要我地下次去買
圖型機, 順便同你睇埋焗爐???

原文章由 ElainAiolia 於 08-8-13 21:05 發表
hongmimi,
你o地三個走去睇戲居然係入面瞓覺 ，匡匡仲要散場開燈先至醒 ，你o地真係好攰o咼 。

匡匡咁快識到同班同學兼可以一齊搭校車，我諗佢o地好快就好friend。匡匡真係o力仔:g ...

天藍

carcar418,

宏福無話幾多歲報名, 但入nursery就要足兩歲先可入學,
報名表可上宏福網址download, 你填妥可郵寄or親身交
去, 我記得我個陣學校太約10月左右in。
宏福既老師都好好, 好有愛心同耐性, 但學校係行政上亂小
小, 但尚可接受。

原文章由 carcar418 於 08-8-13 20:23 發表
各位, 你地好呀, 我都住o係青衣架, 準備同囝囝搵幼兒班讀, 請問宏福ok嗎? 請問要幾多岁報名架? 我係新手媽媽黎架~ 請多多指教~

天藍

all mama,

有個好消息同你地講, 昊藍成功轉到上午班,
星期一晚收到學校信通知
即每一個早上既返學日, 我都可以送仔仔上
校車, 真開心, 又多咗好多親子時間~~

[ 本文章最後由 天藍 於 08-8-13 22:58 編輯 ]

pcdogxx

各位,
等我報告下鈞渝既返學情況先..   佢呢2日都冇喊呀..   仲話返得好開心, 我問佢玩左咩呀, 佢尋日就話玩左sir滑梯, 玩玩具,  今日就玩左咩蟲蟲, "娟"山窿, 吹bubbles..  好似好好玩咁喎.. 唔怪得佢話好開心啦..   今朝見到門口就衝左入去..  都唔同我拜拜..  前面有個女仔係度喊, 佢都一於好少理..   因為d老師企晒係門口..  佢入左去果刻遮住左.. 我係度周圍搵, 點解明明岩岩行入去, 唔見左人既..  原來走左去岩岩落校車果條隊到, 搭晒膊頭咁行左入去喇,  不過佢返得咁開心又冇喊.. 真係安落晒...

呢兩日我都俾佢帶餅咋..  尋日就餅加啫喱仔..(不過佢話跌左落地冇得食..  哈)  今日就餅加橙, 聽日就火腿芝士三文治+蛋糕仔+蕃茄仔..  哈哈.. 好豐富...  逢星期五就俾果汁佢帶..   佢呢兩日都食晒d茶點..  咁多都食晒. 唔知係咪一齊食開心d呢..

今日鈞渝返黎係咁自言自語講 N1D1, 唔知係咪今日教佢地記自己讀邊班呢..  仲有係咁講 Wiggle wiggle wiggle.. 可能玩蟲蟲果陣教佢地既...   真係犀利, 老師教咁快記得......

尋日朝見到匡匡係校車上面.. 四萬咁口係咁笑.. 我諗佢梗係心情好緊張等落車入學校喇..   佢個樣真係好攪笑...   我都問鈞渝有冇同匡匡玩, 佢都話冇喎...

pcdogxx

ElainAiolia,
你有 schedule 再通知我地啦.. 我地下個星期除左21號多數都得..
真係多謝晒你成日送禮物俾鈞渝...  真係唔好意思添...

哈哈.. 好攪笑..  子聰又會咁講既..   呢張相似返d女仔同醒神少少囉..    尋日我地有去megabox呀..  仲特登叫舅父攞假帶佢報專業相機去影....  點知.....  嗚嗚...  岩岩5樓做show, 好多都俾個台遮住左呀...   所以影左唔係好多咋. 不過果度有個好大既福娃(歡歡)公仔.. 鈞渝就同佢影左好多相囉..

唔該晒你幫我留左位呀...  咁你地係咪都轉左去11:30呢班喇?  

天藍,
我都真係出乎意料佢一d都唔驚同冇喊過..  不過聽佢講返出黎玩咩又真係幾好玩咁喎..    昊藍都好快就黎返學..希望佢都好叻咁適應到新學校啦...  佢咁叻仔一定冇問題既...  

我都話好消息一浪接一浪架啦..  好野.. 昊藍轉到上年校咁d時間好就好多... 你仲可以送佢上校車...   真係very good!!!!

pcdogxx

626mama,

係喎, 入去睇過個爐唔見左.. 應該俾賣左喇..
果d係咁架.. 你唔好旨意佢打電話俾你...   你有野問即管打出黎問就得架喇..

反正唔急..  得閒再入去睇下睇岩先買囉...

原文章由 626mama 於 08-8-13 13:08 發表
pcdogxx,

咁我地暫時約23號啦，妳唔洗刻意唔約人，
如果有街去照約朋友啦，反正都唔急，我個盧冇晒聲氣LU。

hongmimi

ElainAiolia,
你真客氣~ 匡匡成日有禮物收~多謝晒~

天藍，
妳又係~ 多謝晒~ 匡匡有咁多禮物收，會唔會以為自己生日呢?

好嘢~ 恭喜妳地呀~ 昊藍係得既，轉到上午班簡直perfect呀~


pcdogxx,
鈞渝真係叻左好多，舊時妳話佢唔多講學校d野，而家新學校開籠雀咁~ 返學又開心~ 妳放心晒啦~ 匡匡都係咁講，玩sir滑梯、玩具、大蟲蟲、吹bubbles，一模一樣….哈哈~ 我地第日可以夾口供，第日邊個係學校曳曳都知道晒，嘻~

嘩~ 妳d茶點咁豐富，唔怪得鈞渝咁開胃啦~ 匡匡婆婆求其俾幾塊餅咋~ 聽妳咁講都好噃~逢星期五就俾果汁佢帶~ 一於咁話~

鈞渝講 N1D1呀? 可能真係老師教佢地記自己讀邊班喎~
嘻嘻~ 匡匡都話見到鈞渝個媽咪呀~

626mama,
妳公司忙完未呀~

carcar418

ElainAiolai, 天藍, 唔該哂你地既意見呀~ 見你地d小朋友o係宏福讀得咁開心, 我都放心比小b去讀喇, 但佢而家其實仲好細啫, 得半岁人仔~ 之前聽人講要好早就報名, 所以就上黎攞下料 =) 咁我等小b一岁半先去報名囉~

唔該哂呀 ^^

pcdogxx

Hongmimi,
我都覺得佢返左學多左野講..   不過佢唔識答我有冇人喊囉..
原來佢都冇講漏俾我聽佢玩咩...  哈哈..   真係好..  同班可以互相通風報訊...   

我唔想佢因為冇join學校茶點而覺得冇咁多野食嘛.. 所以咪準備好d等佢唔會怨我話我唔join 囉..   今日我仲用埋個曲奇模吸件三文治出黎..   pooh pooh頭好靚架..    下次整多幾件叫鈞渝請埋匡匡食先...  嘻...

hongmimi

pcdogxx,
可能鈞渝掛住玩，開心得濟，無留意有無人喊呢~ 匡匡講學校既野只講一次咋~ 有時婆婆問過我又問、或者我問完爹地返黎又問，佢唔答架~ 會大叫：唔知!! 激唔激C~

匡匡話食完茶點要自己收拾好，擒日隔離位個男同學撞跌左佢個盒，將裡面食唔晒既餅餅跌左落地，匡匡就"叉住條腰"好嬲，老師走過黎叫個男同學下次要小心。

雖然我之前都買定左d餅餅，但睇黎我都要教下公公婆婆落力d去安排，費時匡匡喊悶，怪我唔join茶點。

匡匡擒日返黎有d鼻水、個人好攰咁，又唔肯食野，婆婆帶左去睇醫生話有dd傷風，公公即刻話：嘩!返兩日就"奶"野~

天藍

Pcdogxx,

鈞渝d茶點美食好豐富, 聽你形容我都流
晒口水。
鈞渝返學開心咪好囉! 唔使心掛掛佢地會
唔適應, 開心到唔理有同學仔哭係好事,
起碼唔會受人影響, 聽到鈞渝返學返得
咁開心, 我都好開心~

hongmimi,

匡匡咁老積同學仔整跌佢d餅仔, 起條
腰, 好搞笑, 同匡匡真係好叻仔, 講咁多學
校d野比你聽, 不過, 就好有性格只講一
次, 真有個性。
匡匡返兩日學有鼻水同好, 可能作病,
會唔會上落校車一冷一熱涷親, 記得坐校
車比番件衫匡匡著, 保重身體。

原文章由 hongmimi 於 08-8-14 13:43 發表
pcdogxx,
可能鈞渝掛住玩，開心得濟，無留意有無人喊呢~ 匡匡講學校既野只講一次咋~ 有時婆婆問過我又問、或者我問完爹地返黎又問，佢唔答架~ 會大叫：唔知!! 激唔激C~

匡匡話食完茶點要自己收拾好，擒日隔離位個男同學撞跌左 ...

626mama

HONGMIMI,

多謝妳的馬豆糕粒食普。

匡匡同鈞渝反學喇，個暑假真係過得怏，
見佢地識應得咁好，果然係大個仔。
10-15分鐘到學校又真係幾怏喎。
咁快識得新朋友仔，仲差唔多大，
匡匡唔同鈞渝玩住，鐘意同男仔玩LU。
匡匡記得睇住個女朋友仔呀。

妳地三個入去睇戲睇"多啦A夢"中段就訓，
妳/你地行動都好一至喎。呵呵...匡匡要
買票入場真係唔低喇。我地百老X都唔洗買票。

我公司d野差唔多忙完，今個月好多數唔岩，
對到我眼花花頭暈暈。

626mama

EalinAiolia,

唔該晒妳幫我問劃班，軒爸知道話緊我，叫我唔好比軒軒
去學野住，真係煩，我睇有位時再同佢講下先。
都唔知有乜問題。

圖型機私約會，我除了星期五，日日都得閒。
妳知幾時得至講比我地知啦，慢慢都唔遲。

多謝，我要幫軒軒多謝定妳先，近排基本上有"奧運"我公仔同標誌，佢地都會好鐘意。真係多謝晒。

626mama

天藍,

唔該晒妳介紹我間速遞公司。

個焗爐都唔急，唔貫都冇所為，呵呵...我妹妹都買左，我近排都忙緊D自已野，都未得閒攪住。

真係好消息，開學可以轉到上午班，可以有親子上學時間，我都想，想...下好喇。

626mama

PCDOGXX,

鈞渝張新相好醒晨，梳兩條瓣仔好得意。

睇黎鈞渝真係好鐘意新學校喎，真係好。
妳為鈞渝準備的茶點真係好吸引，
妳想幫鈞渝增肫呀。

個焗爐慢慢都唔遲，有時閒再慢慢睇。
痴住ee個來用住先。
hehe...我細妹睇妳個blog話妳整d野食好得呀。佢想問妳要曲奇食普??!!佢個新爐都未開齋。

天藍

Oh~My God!
我地個topic去到咁後, 等我推番上去先!
之前登入BK入咗好多次都入唔到好煩呀!
夠竟BK整野要整到幾時??? 好煩~

天藍

all mama,

昊藍星期二開學, 我這星期開始放假, 係屋企會
比較少時間上來, 如你地31號最後決定係邊到
等同時間有更改, 麻煩打電話通知我, 真係唔該
晒, 同麻煩晒!
昊藍後日就開學心情真係好緊張, 好始自己返新
工咁, 希望適應期會順順利利啦!
星期三個日出街多謝晒你地D禮物, 昊藍好鍾意呀!
你地買咗D圖型機有無即刻返屋企玩呀???  
仲有想問下31號個日我地有幾多人去"白石俱樂部"???
bk轉咗D野我真係唔係好識睇, 成日舊既係前面,
整到怪怪地我都唔知點整, 好煩...唉.....

原帖由 626mama 於 08-8-14 17:27 發表
天藍,

唔該晒妳介紹我間速遞公司。

個焗爐都唔急，唔貫都冇所為，呵呵...我妹妹都買左，我近排都忙緊D自已野，都未得閒攪住。

真係好消息，開學可以轉到上午班，可以有親子上學時間，我都想，想...下好喇。 ...

626mama

天藍,

妳原來今個星期放假同昊藍一齊準備開學，放心，有咩改變我會通知妳。

我都係入來好多次，次次都唔係去左邊，又唔係最前，又去唔到最後，有時仲入唔到來，BK都唔知幾時完全整好佢。

原帖由 天藍 於 08-8-25 12:09 AM 發表
all mama,

昊藍星期二開學, 我這星期開始放假, 係屋企會
比較少時間上來, 如你地31號最後決定係邊到
等同時間有更改, 麻煩打電話通知我, 真係唔該
晒, 同麻煩晒!
昊藍後日就開學心情真係好緊張, 好始自己返新
工咁, ...