兆麟聖彼得堂 06 k1入來傾下丫

SHRILEY

咁多位mama. 你地好嗎      

我尋日病左, 冇番工.  終於都可以帶駿駿番學, 睇下佢地做早操.  真係好得意   

入到課室佢地就自己拎d工課出來, 跟住就玩玩具, 我係窗門裝裝下, 點知比駿駿見到, 佢叫我走呀, 佢話要番學啦, 你走啦.    真係比佢激c.

尋日都收到來說普通話, 係咪大家都收到啦??

SHRILEY

celia,

你仔仔都學好多野喎.  我之前都有同駿駿番過"天才兒童"既summer course, 又番過music farm 既非洲鼓, 畫畫班.  不過番左學之後就冇u.  

beautymother

shirley
收到"來說普通話" 啦，昨天已經攞o左返屋企啦。不過未有時間比佢聽。

非女

今日收到張通告,第七屆家長教師會係咪東東呀？

catnapper

係啦, 做了會員又如何呢?

非女 寫道:
今日收到張通告,第七屆家長教師會係咪東東呀？

celia_ip

beautymother  &   SHRILEY,

我囝囝係天才兒童返左都差不多二年, 由最初親子班, 之后到 MI 多元智能班, 最初因為平日係屋企只係得佢一個小朋友玩, 諗住俾佢有多D機會同小朋友接觸,所以先報讀, 但后尾發覺, 佢比較鐘意同D賓賓(帶小朋友黎o個d姐姐)玩多d ,俾佢激死......     但o個度d導師同姐姐都好錫佢, 所以咪諗住再俾囝囝返去學英文囉, 係由鬼仔哥哥教架, 逢星期六, 都幾好...  

celia_ip

catnapper,

舊年 x'mas party, 我見家長教師會會員, 係會有多d禮物....  
不過 $30, 我都係參加左先算.......

你地會唔會參加o個個"英文故事"班呀??!  

beautymother

celia_ip
我都想比阿女學下英文呀，可否比的詳細的資料我。

家長教師會會員，唉哎，我仲簽返唔參加添，都唔知要做的乜呢，呵，要問下hivy了。

hviy
真羨慕你呀，可以日日送完阿女返學再去食早餐，我日日返公司食麵包o即。

luluma

hviy

原來有得換, 咁都好d, 等我睇清楚先

萬勝節化妝會, 小朋友係咪要穿定d衫返學校, 定係回到學校才穿上呢, 玩遊戲時會唔會好論盡架.?? 會係回返學時間進行, 還是在周六或日進行架???   問題媽媽又黎la     

celia, beauty, catnapper etc...

我都已參加做家教會會員, 雖然唔知內容係點, 相信做左會員, 會多點有關小朋友在校的資訊都唔定.....

爸媽學說英文故事, 我都參加左, 要抽籤, 都唔一定有份, 希望抽到我啦....好想阿女有一日, 突然見到我在學校講故事, 我想佢一定會好開心啫.....       

我發覺我對剛要內的肉容越來越唔明, 教材工作紙係乜野呢, 好似唔見有得做, 定係做左我都唔知呢......

好野, 今個星期又係生日會, 又有阿女好喜歡食的生日蛋糕啦   

雖然上個月生日會相片中, 找唔到阿女, 但我都將會部download左, 可以比佢睇吓, (係咪好無聊呀)

hviy

beautymother,

唔好咁講啦~~我嘅早餐都係食麵包咋    食得太多我會好肥架   今朝好多謝你囡囡送個咁甜嘅fly kiss俾我,仲buy 1get 1 free 添       

你今朝咪見到文老師掟番張回條同cash俾我嘅~~咪家長教師會囉    我以前一向都係放入通告袋俾班主任攪掂,點知e+要自己交校務處   

家教會有好多由家長和老師一齊攪嘅親子活動,有旅行,有義工,有一年重試過攪環保fashion show比賽      活動係由"委員"商議和策劃,呢$30係作活動小禮物的經費用途,如果唔入會就無得玩佢地嘅活動,而"會員"亦可參與協助活動義工    都唔使唉哎~嘅,如果e+唔參加,响X'mas嘉年華都會即場招募嘅.

luluma,

今日應該派校服啦,囡囡係咪搭校車??如果要換碼,聽日寫張字條話俾班主任知,問佢點安排啦~~

e+好想快d到十一月,會有觀課和親子旅行       

hviy

萬勝節化妝會, 小朋友係要穿定d衫返學,唔洗着校服,要帶書包,日期仲未知幾時架....

故事爸媽我都有參加   

beautymother

hviy
聽你講得o甘好，我都去參加家教會先，不過我簽了回條唔參加啦，一會打電話問下學校可不可以更改先。我就係想多的親子活動呀。

hviy

beautymother,

不如你都join埋故事爸媽 la    學識咗可以响學校表演比同學仔睇,舊年我無join,但學期尾因有位mami唔得閑,知到我啱啱又無野做,臨時拉伕捉我去學速成班,阿女都唔知我有份做,到佢見到我有份表演.....嘩~~佢真係high到痺      以前故事爸媽係學校社工攪,要weekday office hour學,所以想join都唔得,今年學校自己攪英文板响6-8pm,時間己經好正架啦~~

SHRILEY

hello all mama,

我都參加左"故事爸媽" & 家教會.  hviy, 你吾講都吾知係咩來, 我估都係做下function 既義工, 所以都係參加左先   

我都好期待來緊既萬聖節.  我記得上年有好多女仔, 個個都好似公主咁靚....而男仔啦, 就好似冇乜特別.

celia,
你套巴斯光年買左未呀??  我記得以前上個一個網係有得訂d卡通人物衫架, 不過係overseas, 我家陣先訂已經太遲.  你有冇好推介呀??

SHRILEY

celia_ip 寫道:
beautymother  &   SHRILEY,

但o個度d導師同姐姐都好錫佢, 所以咪諗住再俾囝囝返去學英文囉, 係由鬼仔哥哥教架, 逢星期六, 都幾好...  

係咪都係MI班呀??  我之前summer就係上MI班.  不過駿駿d英文咋到C, 之前係oscar番國際班N1, 都吾係學到太多英文, 成日都係似舊飯咁, 加上佢超吾like個黑蚊蚊阿差miss,  真係冇附   

hviy

我諗今年都可能會有好多公主架, 女仔hit item嘛    男仔就好多蜘蛛俠,超人,Banman,超人特工隊....我响花園街見到有件唔知係乜野俠仲有埋d海棉muzzle添    好攪笑        巴斯光年係咪要去D shop至有呢   

萬聖節嗰日雖然唔可以join佢地嘅party,如果可以送佢地返學,可以睇吓其他小朋友嘅image都好得意架    我每年都會同佢影相架   

luluma

有無小朋友扒迪士尼卡通人物架....我見到有件米妮裙, 好得意呀....不過要成百元, 係咪好貴呀.....

短袖會唔會涼視呢...?????

又想南瓜, 越睇得多, 越心多呀

hviy

如果條裙d料靚平時去街都著得番,就唔貴,有好多cheep bom bom 都要$4~50 着一日      米妮裙如果怕凍可以着件黑色長袖T-shirt嘛, 我都有諗過呢個問題,所以今年同阿女買Ladybird,貪佢可以打黑T底, 舊年大女扮花仙着條吊帶裙,又唔肯着外套,俾佢激c :evil:  :evil:

luluma

你個建議都唔錯, 但如果平日穿就實在太出眾la, 真係心大心細呀.....

仲有d一穿就掂的衫, 好似南瓜衫咁, 剪裁像一個圓圓大南瓜, 底部同頭部都有個大loan, 比頭同腳穿過, 好方便...

甲蟲衫, 又係好似個縠咁, 背部都係有對翼, 好得意
呢d價錢平d, 60元, 不過只可穿一次

但咁比起成過百元一次, 應該抵好多.....

hviy

阿女嗰條係裙嚟架......不過都係着一次