ST. ROSE LIMA K1 2006

ytlo

曉嵐媽咪,盈媽媽,
你地囡囡就好啦, 我囡囡都唔知冇記性定係唔明, 返黎都冇講要帶野返學. 唔知點算.

盈媽媽 寫道:
曉嵐媽咪,

妳說得極對, 我們就在這過程當中,好似做紙鳶咁,真係今日做咗,盈盈話星期五派回.

曉嵐都好叻, 什麼都主動跟妳講,我隻豬仔係要妳問先講.  

      

懿琳媽媽

all,

懿琳佢昨晚話老師叫佢帶廁紙筒 & 將認字書裡面把"刀"填上紅色wor? 是嗎?

atbaby

懿琳媽媽,
彤彤讀信班,佢把刀填藍色wor...佢今日無提要帶野,不過之前佢識同我講,教佢"口個"個田老師搭左飛機去好遠既地方讀書,佢有d掛住佢呀....
另外,彤彤本來6月先happy birthday,不過呢個月份生日既人數少,所以郭老師requested我今個月邦彤彤預備禮物比小朋友,要搵30對手套or 30條頸巾,因為今年天氣暖,好多有手套賣既地方都吾夠數,頸巾就更加難買,行足兩晚,今晚終於比我買到啦,腳仔都軟埋,吾知校車嬸嬸肯吾肯邦手帶返學校呢?

小嵐

懿琳媽媽 & all,

曉嵐昨晚都有話我知老師叫佢哋儲多d廁紙筒帶返學。

今日佢又話我知要帶益力多樽做手工...仲話一定要飲完洗乾淨咗先好帶返去喎, 佢講得好肯定,應該冇錯。

曉嵐冇叫我填色...不過佢話老師蓋咗已授嗰d可以填,未就唔可以。

懿琳媽媽

atbaby,

吓!咁早就預備禮物喇!
咦!唔知仁班生日個啲小朋友是否一樣要預備手套/頸巾呢?老師有冇話啲gift要幾多錢之內?我記得老師講過total约$300.嘩!$300要買30條頸巾,好似有啲難道wor!!!!

懿琳媽媽

小嵐,

對丫!懿琳都係話要帶益力多樽做手工,同曉嵐所講一樣,要飲完洗乾淨咗先好帶返去喎.

好奇怪,懿琳昨晚食飯時忽然間話想飲益力多.我同佢講:[屋企冇wor!不如明天先買俾妳飲丫!]佢好唔開心,想喊想喊.我問佢點解想飲?佢冇答我,只係不斷話要去買益力多,最終叫hubby回家時買返來.佢一見到排益力多就超級開心,馬上飲咗一枝.跟住先話俾我知要帶益力多樽返學校.
平時懿琳佢絕不會扭我地買野的,今次唔知點解會咁?

atbaby

懿琳媽媽.

係呀,total 30份既價錢要大概$300. 不過真係有難度,我今次都over budget左,不過買到都偷笑啦,因為天氣未涼,好多地方有都吾夠數呀....
你想吾想睇下份禮物呢? ---->click here都不枉我行到c下c下,我希望d小朋友鐘意啦,我兩n都鐘意麵包超人多d呀.........      因為好大袋,今朝都係決定打的送呀囡返學,早左到,係門口企左15分鐘,彤彤入到學校好乖,自己跟住條綠地毡(因為今日落雨)行去洗手,又由另一條綠地毡彈下彈下咁行返去放低書包,跟住去洗手間,上課室前仲係咁同我地揮手潻呀......     

懿琳媽媽

atbaby,

我諗啲小朋友實會好鐘意的,因為我自己都想要....     

咦!睇o黎啲小朋友真係好有紀律wor!!!!    等我今晚又去問下懿琳學校有冇綠地毡先.

另!我諗校車嬸嬸會邦手帶禮物返學校的.不過唔緊要喇!見到彤彤返學情況應該會好開心.right????

atbaby

係呀,真係好開心架,彤彤仲見到佢同班個同學仔,可惜無帶相機,唯有用手機係門口影下相.....

AprilKY

彤彤媽咪，Yi Lam 媽咪：

D 手套好靚呀!今朝翠瑩爸爸送佢入門口，我係出面等，否則一定見到你。下次呀!

朝朝見到佢哋排下隊洗下手，真係好開心架。我個女係慢三拍既，每朝都用好多時間先完成排隊，洗手同埋去厠所這三個程序，有時要成 9:10 先開始上課室，所以有時會比老師話佢遲到。

Cherry 冇話要帶 Yakult，佢只係話要帶蘋果，星期四用，周老師都有比通告。至於厠紙筒，佢星期一話要帶，跟住昨晚又話唔駛帶啦。 唯有信佢啦。

Cherry 媽咪

atbaby

cherry 媽咪,
希望運動會個日見到你呀!
上星期六賣旗好玩嗎? Cherry合吾合作呀?

szesze.betty

各位媽咪
好開心有呢個topic呀!大家都可以交流下小朋友學校的情況.
之前皓童都有同我講要帶膠袋(又係臨出門口返學個刻先講),起初話裝風箏,之後又話要黎整風箏.我好信佢講的野,但有時都會有d出入.
我都有問佢鍾意依家學校d老師或是以前的老師,佢都話鍾意周和曾老師多d,又話返學好開心.所以我都好放心,決定細囡都會讀埋呢間,唔使煩.

幼仁班:
懿琳媽媽------懿琳 (Phoebe) - Apr 2003
AprilKY-------瑩瑩 (Cherry) - Jan 2003
小嵐----------嵐嵐 (Rainbow) - Jun 2003
karenama-----曉晴 (Karena) - Oct 2003
盈媽媽---------盈盈 - Oct 2003
rudy----------oi wun(Dia)-March 2003
szeszebetty---皓童(Carrie) - Dec 2003

幼信班
anitawong21------漪錡-July 2003
atbaby-------------彤彤 - Jun 2003
yingkwanmami----影蕎 - Oct 2003
Clever_BB---------Bernice

幼愛班
RainbowGirl - 津津 Rachel - Sept. 2003
miss_sandy - Zoe - Oct 2003

幼望班
sharonman----- 雅然(Nicole) -Feb 2003
unchu ---------- 雅文 - may 2003
Adrianne ------- 穎思 - july 2003

幼誠班
chityumama------- 瑋芝 - Oct 2003 --- Donald
kawaiiwan--------- 嘉怡 - 2003 --- Donald
koeydadamama--- 梓霖 - 2003 --- Donald

盈媽媽

szesze.betty,

Welcome !! 坐童童右手邊的男相女生就係我個女.  

Cherry & Yilam mani,
盈盈冇話要帶 Yakult & 厠紙筒，又要我去問洗唔洗帶野先講.

怪唔知盈盈佢今日放學回家立即填顏色去"刀" & "果", 原來其他 小朋友已做咗,但填什麼顏色是她自己決定.

盈媽媽

atbaby,

係呀,$300budget真係幾難. 好彩我上次嗰d好easy, 反而d 數量唔夠,要去幾間買! 我都鐘意麵包超人多d呀.

AprilKY

彤彤媽咪：

賣旗個日 OK 呀，Cherry 好合作呀，每個旗貼都係佢親手取及'邦'人貼的。我地賣咗三大張咁大把，下年會再努力架。

Yeah!  運動會見!!!

Cherry 媽咪

atbaby

Cherry 好叻女呀,其實賣旗都幾好,可以train到佢地對陌生人無咁怕醜.   
盈媽媽,我諗大部份人都鐘意麵包超人多d,包括我自己同兩個囡囡都係,可惜呢款得番9對,其餘o個21對都係cinnamoro黎架...   

szesze.betty

盈媽媽
原來成日係相見到的那個小妹妹就係盈盈!
我昨日都有問童童使唔使帶Yakult,佢一時又話要一時又話唔使,今早再問佢話帶"廁紙樽",真係攪笑.
昨晚溫書時我順便問下佢把"刀"使唔使填色,佢起初話要,之後我再問:"老師話使唔使呀?"佢又話唔使,真係比佢激死,都唔知佢上堂係咪成日發夢.

盈媽媽

各位,

十二月份通告很長,很多活動啊!
聖誕聯歡會,我負責做芝士腸仔菠蘿,好彩都好易唧! 妳哋負責做咩.

童童媽咪,
盈盈話2樣都要星期一帶回校.

懿琳媽媽

盈媽媽,

負責做芝士腸仔菠蘿--------me too ar.  

盈媽媽

懿琳媽,

咁妳咪可以幫我做埋      講吓笑咋 !